薄荷葉泰國菜

營業中

休息中

泰國嘢來來去去都係嗰啲，今日行過見到依間類似bar嘅嘢，近睇先知原來食泰國嘢。同朋友做白老鼠入去試吓。佢裝修其實真係似bar，但係都算有啲泰式嘅design，店舖走暗黑風夜晚應該幾好氣氛。我哋今次七點到嚟到，仲未feel到好好氣氛。Menu同普通泰國嘢差唔多，餐廳推介燒蠔，就叫左試下。蠔算係幾大隻，先食味，再加泰式辣汁，令啲鮮味更加豐富。如果蠔煮得生d相信會更加好寫。或者個人偏好生蠔。馬拉盞通菜幾重香料味，辣度適中，不過通菜始終唔係季節可能冇咁新鮮。青咖哩調得啱香港人口味， 偏甜，重椰奶，唔太辣，點薄餅食一流。最後金邊粉幾彈牙，惟稍加穫氣味道可能更佳。總結環境chill氣氛好，店員服務態度也好。可一試同朋友happy hour下。

經朋友邀請今晚去咗元朗食泰國菜， 真係冇諗過 在外邊望入去本來是一間酒吧，原來裏面卻是一個泰式裝修食泰國菜的地方其實佢裝修都好泰式， 又根本就係一間酒吧餐牌內的泰國菜無論是相片或者是 食物嘅樣子 都好吸引隨意點樣幾款到泰國餐廳必吃的食品個蝦膏炒飯賣相其實真係一流，簿蛋片鋪上飯面上高用竹籤插著幾隻蝦，還有塊類似魚乾在飯側。 服務員說這些是附魔鬼魚乾口感一流， 另外食飯時要好像吃撈起一樣撈亂啲飯同餸呀，果然味道卻不同隨著餐廳內播放我那些年的英文歌，再加上享受一個極度美麗好味的晚餐，簡直是人生一大享受！

住元朗區既我，實在跟唔上步伐，因為元朗既美食地圖成日變。同老友好耐冇見，我想食泰國野，佢推介左呢間mint 比我一睇門面，我冇諗過泰菜都可以好似bar 咁應該話，佢唔似傳統泰菜既金光舖面，差d 揾唔到佢老友仲未到，咁我就睇下餐牌先啦冇耐就有d 泰式青瓜仔小食食下咁，酸酸地，好似喬頭咁幾好食餐牌有d魔鬼魚呀炸蠔鴨咁，都好多元化，仲要係FARM ON TABLE職員都有同我地推介本諗住叫個蘇梅鴨試下，不過佢話兩個人一定食唔晒，咁無謂浪費啦最後我地叫左幾樣野試下:泰式生蝦、炸蠔、椰子雞湯同生菜包生蝦配個sauce 食，酸酸辣辣，有d似小食青瓜，好開胃，蝦肉爽得黎帶鮮甜椰子雞湯雖然我地係叫細POT, 但一煲我諗都有6,7碗，香料味幾重，但成個感覺唔會好濃好鹹，冬陰公湯走辣版咁我至愛係個炸蠔，脆口又juicy, 店員教我地界開一半再加d 汁，但我覺得就咁食已經好正如果多多兩隻份量就更好食泰國菜我必叫生菜包，因為菜式睇落好似好簡單，但d肉肥瘦都好影響口感，味道ok 既，可惜生菜唔太夠，就咁食肉粒就鹹左少少mint比我既感覺係新式泰菜，一班朋友想吹水飲下啤都係一個唔錯選擇

今天跟朋友又來到元朗覓食，選了薄荷葉泰國菜。一行到門口以為自己去了酒吧！如果不看招牌真的不知自己到了目的地！整間餐廳的裝潢設計都比較像bar & restaurant ，一點都沒有傳統泰國菜的影子。因為我倆都不太餓的關係，今晚只點了三道菜和一杯啤酒，但後來發現每道菜的分量都不少，到最後差點吃不下撐得要死！甜柚鮮蝦沙律擺盤很不錯，而且鮮蝦很大隻。蝦的鮮甜配上涼涼的沙律和甜柚作為頭盤富有泰國風情而且十分開胃！泰式炒金邊粉到每一間泰國餐廳都必點pad thai。先不談味道，但這餐廳的炒金邊粉只看外表就已有八九分！碟上有在香港餐廳少見的沙糖，我就喜歡加點到粉上，甜甜的很美味。招牌火焰燒雞菜名已經說得很清楚，這道菜是餐廳招牌，當然要試一試！燒雞一來到，店員會在客人面前把雞淋上玫瑰露再點火。一道菜滿足三個願望！視覺，嗅覺和味覺都得到享受。看過火焰後，店員會把雞拿到一旁切開，方便食用。雖然個人不太喜歡玫瑰的味道，但無可否認玫瑰露真的能把整隻雞的香味再提升一個層次。可惜的是當食到最後數件時，玫瑰露會浸過雞件，酒味會變得有點濃，小朋友就未必食到喇！最後點了Mac's啤酒，香港愈來愈多地方引入手工啤酒，對

平時經開元朗圖書館，都會見到附近有好多餐廳， 成日都想試下，咁啱見到有間泰國野， 裝修又幾ok (有outdoor 枱，仲有暖爐) 就入去試下。 兩個人叫左4樣野， 分別係：梅子炸豬手 - 個梅子醬覆蓋係個豬手皮外面， 味道酸酸甜甜， 令到食豬手嘅時候感覺冇咁油膩。 而個豬手肉就算炸過都唔會乾身， 肉汁仲可以保持到。椰青 - 好清甜，而且係冇苦澀味。 好怕有時飲椰青會有澀味。班蘭咖哩牛肉 - 比一般咖哩香， 而且有小小甜味， 對唔食得辣嘅我黎講非常合適。 而且牛肉一啲都唔韌， 又冇筋，唔會話咬唔到要吐返出黎。 薄餅 - 有咖哩就緊係要配薄餅一齊食啦，個薄餅厚道適中，最重要係上枱時仲係熱辣辣， 其實只要夠熱同唔太油嘅薄餅，就已經會好好食架啦. 不過都要盡快食，唔係凍左嘅話會變硬。呢間泰國餐廳， 無論裝修，服務同黎食物都有質數。 如果第時再想食泰國野， 都會再諗起呢間。

今次book左4個人食晚餐叫左梅子炸豬手,呢隻豬手份量十足但味道一般同太多肥肉食唔到,生菜包,菠蘿炒飯,泰式炒茄子,但我覺得最好味無個豬頸肉沙律雖說今餐無咩特別但眼見好多人叫米紙卷,下次都會再次光顧最重要今次個女侍應個服務好好,會識得講笑,反而其餘二個男侍應就企左係度

今日唔係太肚餓所以搵間精緻D 嘅泰國菜食,點知呢間都大件夾抵死... 又係捧住個肚走。點解我會話佢精緻呢... 因為呢間喺元朗嘅薄荷葉 外表好似酒吧咁, 出面開左火爐,入面黑媽媽好浪漫咖😏諗住叫D輕盈的, 生菜包 -份量唔算多, 剛剛好的食曬菜同肉, 肉碎唔算辣偏甜,但有種香草味 , 好香, 喺口入面徘徊咖!但又唔識講喺咩味道。椒鹽魔鬼魚好脆口,多肉, 連骨都可以食得埋, 配泰式綠色個汁 好正! 不過要快啲食, 好快就淋。雜菜粉絲煲, 菜就得西蘭花椰菜花同粟米芯,但味道有驚喜喎, 加左咖哩味做個底, D 粉絲索曬味,好惹味!反而呢個係飽肚之選, 因為有粉絲。飲品都算多選擇, 好多款啤酒,但我唔好酒唯有叫梳打水啦。 呢個 飲落好舒服非常解喝, 特別解到泰國野嗰種辣感覺。椰青本身就冇特別, 新鮮同埋有陣陣椰子香味, 又係一個解喝不二之選。

聖誕節過左冇約耐，除夕又 將至，係一大班friend約會既好時間。元朗薄荷葉位置近元朗劇院，行過來一分鐘路程，好方便。餐廳設有露天座位，帶埋狗狗來都無問題。咖哩係泰國菜必嗌菜式之一，今次食黃咖哩，一啲都唔辣，可選擇配豬/牛/雞。由於今餐都點左牛，試下食雞啦！雞肉夠嫩，配洋蔥食好香甜，青椒亦係健康之選，加埋飯/薄餅食，味道一流。炸蠔好值得讚賞，蠔炸得適中，即炸既口感脆卜卜，熱辣辣。每件蠔底下都配一塊生菜，包起一齊食，一冷一熱入口，一爽一脆，好正！每隻蠔都鮮美多汁，包你食到意猶未盡。最後叫左份和牛，不過製作需時，想食好野就要耐心等候。和牛最好即煎即食，如果放涼左，脂肪會凝固，會影響口感。 和牛油脂滲入口中，每啖都食倒油脂同牛肉既交集，濃味得來唔膩。椰青味道清甜，仲可以刮埋椰肉食。

今日突然心血來潮好想食泰菜，經朋友介紹之下就嚟佐依間位於元朗嘅薄荷葉泰國茶餐廳。😃😃外面望入去個感覺好似一間泰國式嘅酒吧，有露天座位同室內😎😎室內配上有泰國特色嘅吊燈同擺設，成個感覺令人真係好似身處係泰國咁😎😎餐牌上有傳統嘅泰菜亦都有唔少加入新元素嘅菜式，最後都係決定食返比較傳統嘅泰菜。首先係生茶肉碎包（豬肉）😍😍份量好足，碎肉多汁炒到好香，翠綠色嘅生菜夠新鮮，味道岩岩好唔會太咸，肉碎當中有少許嘅辣椒又辣又惹味越食越辣🤤🤤生菜包住滿滿嘅香肉碎食落真係好滿足！😉😉再嚟食泰國菜又點少得叫咖喱呢❤❤咖哩椰汁味好重，唔辣偏甜嘅咖哩，最出色係個薄餅👍🏻👍🏻外皮脆口食落仲好軟熟，沾佐咖喱嘅薄餅，特別好味，絕對係一絕嘅搭配😆😆從來未食過咁出色嘅薄餅！最後就係本店招牌菜之—豬仔脾，賣相一流有好多沙律菜墊底😄😄唔會話剩係得肉，外面燒到有少少脆但肉又唔會變得好硬身，再加埋啲甜酸汁係面味道更上一層樓😋😋而且食落仲有陣特別嘅香料味，正😯😯最方便係豬仔脾用錫紙包住，可以就咁攞住嚟食，認真體貼，抵讚👍🏻👍🏻伴碟嘅沙律菜亦都好新鮮，店員話原來依到大部份嘅菜同埋香料都係老闆娘自己係流浮山種嘅，全部都係有機菜，難怪咁新

剛剛在元朗新體育館打完波，天寒地凍我們就過了對面的薄荷葉泰國菜用餐。我們一坐下，他們就放上前菜是酸辣青瓜。 勁夠酸辣，令打完波的我十分醒神。本來我哋係要酸辣鳳爪沙律,但係落完單後三心兩意的我們,看到餐牌的另一頁mint special order有個酸子炸豬手好想試試,所以馬上舉手改柯打。細冬陰功湯, 兩隻中蝦切開一半，如果四人的話，足夠每人一碗。我們祇有兩人，所以每人飲了兩碗。斑蘭雞咖喱,有斑蘭的清香,佢係上面有些椰奶,所以不會太辣。雞切到一粒粒，好容易入口，方便薄餅包起一齊食，薄餅有四塊, 可以加上薄荷葉,增加層次感。新食法的炸🐷手,外面有一層有很薄的炸漿,好鬆化。這樣的煮法比一般炸豬手更容易切開,保留🐷肉的鮮嫩。酸子醬應該是泰式特別的醬料吧,味道跟🐷手很配合。旁邊有炸珍珠菜，可以連埋豬手一起吃。還有紅醬，青醬，兩款辣椒應該是不同，同樣地酸酸地和辣椒勁辣。青醬比紅醬酸度更高，我較喜歡。冬天天氣寒冷,原本也想坐在外面，他們有暖爐，但是怕食物很快涼掉，所以還是坐在室內，食物還是要趁熱食。滿分為10分(1分最低，10分最高)食物：8環境：8衛生：8服務：8.5價錢: 8舒適度：8總分：8

最後補記已是一個月的泰菜食記；話說該晚參加「主愛臨香江」佈道大會前，見到最近大球場的「香港地」人山人海，便退出來在這間昔日很喜歡的 Mint 薄荷葉泰國菜來頓速食晚餐。 當晚以填肚為主，味道都是其次了，我們唯一要求是食物不可以辣（咖哩例外），但炒麵及炒飯隱約都有不輕的黑椒味，兩兄妹都不太受的了.... 唯有點一碗白飯給他們充饑。 其實全晚最好吃是薄餅，還有很多的咖哩、炒飯，不想浪費只有打包帶走。帶著兩兄妹吃泰菜就是有種不便，所以說曼谷這美食之地還是兩個人去好！ 除了每週三的遊記分享，暫定明／後天會加推一篇曼谷遊記。繼續留意吧～

今日難得可以約翻一班中學同學出黎，就元朗人，於是幾個入去呢間薄荷葉食下泰國菜。其實我自己好鐘意食辣，泰國菜正合意，仲要約埋大家一齊食餐勁既！次次都叫雜錦小食，有炸魚餅，炸春捲，炸蝦餅，沙嗲串燒雞肉同豬肉，香口開胃吹水小食叫左個泰式燒魷魚，不過細份左一點，魷魚揸滿燒肉醬再淋泰式醬汁，魷魚本身有酸甜香辣的醬汁，絕對開胃叫個廚師特色蝦醬炒飯，蝦醬味好濃好惹味，少少辣好鬼惹味開胃，加個薄荷葉青檸梳，更有泰feel愉快的泰餐聚會，朋友未影先食，原全餓鬼上身咁。下次唔凍就坐出面先

Mint呢間Bar餐廳環境唔錯，第一次來食晚餐，燈光氛暗，有歌聽之餘仲有大螢幕睇埋mv，充滿節日氣氛。臨近除夕，同家人來最好不過。先吃份和牛，期待已久，上桌一刻見到塊扒既光澤同埋油脂分佈，已經知道一定係靚扒。大吃一口，油香四溢，牛味濃郁，好滿足。黃咖哩雞份量唔算多，但味道唔錯。甜度適中，完全唔辣，青椒多，雞肉嫩滑。多汁，好適合配飯或者薄餅。炸蠔一碟四隻，如果人多，可以加碼。蠔可以選擇燒或炸，價錢一樣，但炸的話，更香更脆，蠔件件都好大隻，新鮮豐盈，配埋生菜捲住食，份外清新。青檸梳打同椰青最啱襯泰國菜，食得飽滯的話，飲一口就開胃晒！

到元朗探朋友，之後男友想食泰菜，就在附近找到一間環境很有氣氛的，餐廳空間不大，坐位算是舒適唔太迫，室外還有數張枱而滿坐了。冬陰公湯（$88）食泰國菜，必叫冬陰公湯尤其這麼凍的天氣，賣相不是很精緻反而是特色簡單，湯飲起來味道異常豐富，蝦的鮮味非常搶鏡，而南薑、香茅、檸檬葉、辣椒等不同配料亦各司其職，一個大融和後無比和諧，不會過酸、過辣。平衡才是精采之處。味道不錯。馬拉盞炒通菜（$68)通菜份量相當多，通菜相當青綠爽脆與馬拉盞少辣香濃口感匹配，泰式炒菜十分惹味 廚師特色蝦醬炒飯($108)很精緻，蝦醬炒飯口感豐富鮮香，每一顆米粒都充溢著濃郁的香味，魔鬼魚乾硬但味道很，蝦肉富有彈性，炒飯食不停口柚子蜜($20)冬天來一杯暖暖的柚子蜜太窩心，甜甜的味道。

收咗工突然想食泰式野，就搵齊朋友一齊去食，等埋佢收工先入去，餐廳頗有情調，暗暗地適合情侶黎，我下次先搵另一半一齊黎。食泰式野又點少得馬拉盞炒通菜，味道豐富夠晒野味，少少辣炒起上黎熱拱拱，非常開胃，加上通菜又當造夠新鮮，所以食起上黎好醒胃。仲有叫左泰式燒豬頸肉，豬頸肉切到好薄，質感薄令口感更佳，豬頸肉燒到少少燶令味道更佳，脂肪更是燃燒走晒，剩餘少量脂肪令食落更加滑呀。最後叫埋度招牌火焰燒雞，燒雞經過燒熟後，用鐵支撐住隻雞，淋左玫瑰酒之後，即時點埋火，火焰既玫瑰酒味入晒雞肉裏面，令皮膚更加脆口之外，玫瑰酒味就更加香，雞肉食落夠晒滑，仲有雞汁繼續喺裏面，所以非常特別，果然係招牌菜。