薄荷葉泰國菜

營業中

休息中

元朗南一帶真係變咗好多，呢間歷史悠久既mint都唔同咗，今日就呢度呢度試吓晚餐。裝修方面比之前更加靚，亦可以選擇喺入邊坐又或者出面就可以比一啲食煙嘅人坐。環境方面，亦都非常舒服同埋有情調，有一啲泰國特色既燈。前菜係甜酸青瓜，非常之好食！辣得來又甜又酸，食晒成碟覺得非常開胃！鮮蝦柚子沙律材料新鮮，而且酸味合當，啖啖都又甜又酸，口感一流，推介！餐廳入面用既香草都係自己種架！真係加分。特色菠蘿炒飯味道岩岩好，唔咸而又食到食物既原味！第一次食到唔濃味又冇乜油既菠蘿炒飯，真係抵讚🤤串燒$88有六串，可以雞牛豬每種兩串，燒得入味，香草同串燒好夾！牛肉又唔un真係難得。依個都相當推介！沙嗲汁正喲🤤🤤🤤咸檸七一杯，賣相靚，味道好，無得輸。兩個人食左$380，唔算貴但真係好好食，得閒真係會再食

食物質素不錯👍外型像酒吧，去的時以為自己行錯路🤣咖哩味道適中，略嫌豬肉比較多筋，有點難咬！生蝦新鮮，又大又好味！加薄餅更加好吃！椰青比正常大，可以堅持到一餐的份量！服務員態度不錯，但可以是新人，落錯2次單！座位用木椅，坐得耐會不舒服！

呢排我真係愛上左泰國菜，好想食咖哩，呢間酒吧形式既泰國菜都幾有氣氛吧。餐牌都好有酒吧特色，好肚餓，快D睇下食咩先。首先我地叫左呢個甜柚鮮蝦沙律，好大隻蝦蝦呢，下面既菜絲沙律，配埋粒粒鮮柚，好香甜，口感好清新。沙嗲串燒好特別，裝左係隻杯度，仲有小茴香伴碟。侍應仲好細心，提我地用呢棵小茴香放係串肉上面，再點沙嗲醬食。食落個感覺多左個層次，味道因為呢小小茴香提升左，小茴香個味有小小豆苗菜既感覺，香香地既青草味，一點都唔濃烈，同時減低左肉類既膩口感，好好味啊！青咖哩牛肉好足料，D牛肉食極都有，辣度適中，有椰香味，同埋我好鍾意食泰國茄子配青咖哩。最讚係呢個薄餅，熱呼呼，咬落口軟綿綿，好香餅酥味，又唔會好油膩，點解會甘好食呢……

路過見到呢間restaurant and bar好chill咁 有户外座又有室內座🧚‍♂️不過今日咁熱 我一個男人梗係坐室內啦🧞‍♂️🧞‍♂️🧞‍♂️ 嘆冷氣食個飯又一餐！🧞‍♂️🧞‍♂️一坐低佢就比左碟酸辣青瓜仔我 原來係前菜黎！正正常常咁幾開胃既🧞‍♂️快快手打算叫左個咖哩雞 加個薄餅嘆下先！但原來咖哩佢都好正宗咁 有三款揀 green curry / yellow curry / 班蘭 curry🧝‍♂️ 反正都一樣價$98 我就要個平時無食過既班蘭 curry啦🧝‍♂️ 香氣十足 🧚‍♂️🧚‍♂️🧚‍♂️有重d忌廉椰奶既味道 相對唔辣既 不過食落班蘭葉味道唔係好重 應該係取其香氣為主！都幾特別！🧞‍♂️無係第二間泰國餐廳見過！！🧞‍♂️🧞‍♂️ 雞肉嘅份量好多 煮完咖喱都仲好滑！！🧚‍♂️ 加埋少少薯仔紅黃椒特別好味！一定要食哂個椒！好甜🧚‍♂️🧚‍♂️🧚‍♂️雖然過咗happy hour 但係見佢啲啤酒都好多款 幾抵飲！好多隔離枱都飲緊 特大杯hoegaarden/ Corona都係$70/$58一pint！ 不過食完curry 都係想飲椰青多啲🧝‍♂️ 所以無試到啤酒🍻 不過個椰青都算大個！清番curry既濃味好

今晚約左女朋友我去元朗泰國菜話食飯💁‍♀️💁‍♀️ 我梗係唔嫌遠入去啦☺️ 間泰國菜近元朗劇院 唔近西鐵站架 轉輕鐵黎會舒服好多！(男朋友教路🙆‍♂️)餐廳食物既選擇都幾多 salad 湯 seafood drinks每項都唔少野揀！！ 當中我地食左出色既有蒜香大🦐同老闆(應該係🤣）特別推介比我地既魷魚！！講左魷魚先！事源係我地見openrice有人食烤魷魚好似幾靚！落單又唔見menu有🤔我地就問下侍應有無烤魷魚啦 可惜侍應話而家無做lu 老闆就走埋黎傾兩句 介紹話而家有新既釀魷魚 問我地有無興趣試下💁‍♂️ 原來個既釀魷魚係暖既！！ 魷魚一食落超新鮮 唔會老/un 入面既肉碎腍得黎又有d爽口 因為仲加左d粉絲芹菜 增加口感 另外上面配左泰式酸辣醬 勁惹味💁‍♀️💁‍♀️💁‍♀️💁‍♀️💁‍♀️ 老闆快d加落menu度啦🙆‍♀️蒜香大🦐係用左勁多炸蒜去炸既 有兩隻大🦐 切開一半去炸 炸完肉質仲好爽口 一定要連埋蒜一齊食😋😋 不過分量我覺得少左d 唔夠喉🙆‍♂️另外椰青都好清！入面既椰肉好薄肉！可以食埋！💁‍♀️ 多謝老闆既特別推介😋😋😋 女朋友我好鐘意食哦💁‍♀️☺️

諗住同朋友試下呢間野，因為睇佢門口都唔錯，幾有氣氛。一入到去坐底左，就叫野食，我地4個人，total叫左7樣野，等左40分鐘都未有野食，最後先同我地講廚房卡機食紙，好快黎。我地叫左生菜包飯，蠔，明爐魚，炒金邊粉，同炒飯，仲有個烤雞。最後等左成一個幾鐘先黎左5樣野，仲要味道非常一般。最後因爲等得太耐，而叫佢地取消左個炒金邊粉同炒飯。埋單後發現原來開頭放係枱到的小盤要收$10，但真係好唔值，得幾粒青瓜，同無人同我地講要收錢，以為送。最後4個人埋單食左5樣野，食完好似無食過野咁，總數:$744，真係覺得呢間餐廳非常唔掂。

早前和妹妹閑聊時提起吃過元朗薄荷葉，我們異口同聲盛讚食物高質，魔鬼魚、燒羊架和特色蝦醬炒飯尤其出色，回味無窮。聽說餐廳在元朗屹立了很長一段日子，主要做街坊生意，透過食客和網上口碑相傳，也有不少市區人慕名而來。而我也是因為網上食評介紹其蝦醬炒飯而特地前去品嚐。那天和男友在平日晚上來到餐廳，這裏有露天座位，佈局其實更像酒吧。附近環境很幽靜，不時也有行人帶著狗仔散步，非常悠閒。除了炒飯之外，也點了生蝦和羊架。餐廳上菜上得非常快，而且所有菜式幾乎同一時間送到。生蝦刺身起得非常薄身，蝦身晶瑩透澈，味道鮮甜爽口，吃得出來非常新鮮，配著具有獨特香葉芳香和酸酸辣辣的泰式風味醬料來吃，生蝦味道更有層次。生蝦是我到泰國餐廳幾乎必點的菜式，它與日式魚生點芥末吃，有點雷同，但其中風味又各自各精彩。泰式燒羊架也做得非常不錯。羊架燒得很香，肉質軟滑。羊架屬於非常難處理得好的一道食材，處理不當很容易吃起來過硬而失去口感，而且祛騷味更是最考廚師手勢的關卡。這個羊架的巧妙，又或者說是它的精髓，應該就是它的醬料-獨特的香菜味或剛好的酸辣味完全地祛掉羊架任何腥騷味，甚至是提升了羊的味道，非常精彩，絕對推薦！當然不能不提這道

呢日去元朗yoho果邊做野，就順便揾元朗朋友食飯，朋友帶路去圖書館果頭揾食，眾多餐廳裡面我地揀左泰國餐，全因餐廳格局好有酒吧feel，岩哂我地傾計~前菜 $10爽脆既醃青瓜同紅蘿蔔，味道酸酸辣辣，好開胃~甜柚鮮蝦沙律 $88係食泰國野必食之一，甜柚除左甜柚，仲有沙律菜，洋蔥，紅蘿蔔絲等等，全部清新爽口野，配埋特製醬汁，酸酸甜甜，味道唔錯啊~什錦小食$128(大)食泰國野另一必食之選就係小食拼盤啦，呢度有分大細兩個size，我地三人，店員推介大份，上到枱我地都嘩一聲，份量好多呢，包括有沙嗲，蝦餅，魚餅，春卷，蝦片~當中我最喜歡蝦片，脆卜卜好香蝦味，魚餅都唔錯~廚師特色蝦醬炒飯 $108外觀夠哂特別，以蛋網包住炒飯，上面插住炸咸魚同鮮蝦~店員教我地將個炸咸魚整碎，同炒飯撈埋一齊食，飯粒炒得夠乾身唔油膩，咸咸香香好惹味~馬拉盞炒芥蘭 $68芥蘭本身香甜爽脆，加埋馬拉盞去炒，帶一點辣，香口又惹味~咸檸七 $30最後叫埋飲品，清下味蕾，梳打夠氣，味道濃，都幾大杯，解喝~

今個週末入元朗探朋友，由於係無飯家庭，所以我們就出外晚饍，由我選題佢帶路，我揀咗泰菜，佢就帶我哋去佢屋企附近嘅薄荷葉到步時我仲意為係間酒吧，位置易找就在圖書館對面餐廳燈光分暗，感覺就似置身巴提雅酒吧餐廳餐前小食，簡單嘅醃青瓜除左酸同爽口，仲有種香辣嘅味道，感覺不錯。青檸梳打，味道清新氣多，甜度比例好，十分解渴甜柚鮮蝦沙律，同心目中所想有出入，可能醬汁唔夠，其他爽口配菜比起甜柚多，有種被搶風頭嘅感覺黃咖哩雞，呢個唔錯，椰汁濃郁而膩，份量也多，職員一直提意我點一份薄餅配食，但實在太飽，不想浪費，唯有下次再試馬拉盞炒芥蘭，相當惹味咸香帶微辣，很下飯而朋友推介這間餐廳就是為了呢度特色蝦醬炒飯，賣相已經滿分，上菜時員工也細心講解，先將香草同蝦串抽出，再將類似咸魚脆片弄碎，與飯拌勻再食，有得睇有得玩有得食，鍋氣十足

每年我地3個都會慶祝生日🎂今年都吾例外，3月份是其中一位好友生日，而佢今年就想食泰國菜，見尼間元朗就大家就腳又未食過又幾出名所以揀左佢另一位好友預約左，我地落訂個甜品來為壽星增添驚喜終於到左今晚去到發現原來是地鋪中開放式店有室外同室內既座位，燈光偏暗有點酒吧既感覺...我地預約左晚上7點左右，人流不算多。我地坐係室內與室外之隔陣陣涼風吹過坐下睇menu先來了個前菜《涼拌青瓜》夠入味小小辣 不錯我地每人點左個《泰式特飲》$30壽星點左杯士多啤梨特飲，味就吾太似士多啤梨，不過就好香好似平時乳酪飲品既香料味甜甜地，其實不錯的我地就點左兩杯番石榴特飲好正有果肉真係石榴香特飲都幾大杯尼個係細size既《冬蔭公湯》$88味就夠，不算太辣又吾會太酸，不過就太少料3-4人份量左右尼個木桶就係《特色菠蘿🍍飯》$98上面有肉鬆同好多菠蘿粒同大蝦等甜甜地個飯好開胃，個飯超多，夠4-5人食，我地3個都食吾晒原本想試馬拉盞炒椰苗，諗住試下未食過點知賣晒最後轉左《馬拉盞炒通菜》$88味夠但好普通既一碟炒菜，吾夠惹味蝦味不太重同無咩辣最後滿心期待既《火🔥焰燒雞》$148 初頭有位職員話點左火俾我地影下相先，點知另一

今日食晚餐就去咗朋友介紹嘅冰室食。叫咗份海南雞飯同叻沙摻摻特餐😋叻沙摻摻套餐包咗碗叻沙麵、櫻花蝦炒蛋、奶油牛角酥。叻沙摻摻係點解？摻摻係指米粉加油麵底，正宗叻沙嘅麵底係包有依兩款麵。麵嘅麵質軟硬適中，但叻沙味唔夠濃 。櫻花蝦炒蛋有啲炒過龍，蛋有少少老，但都幾多櫻花蝦，咬落去鹹香鹹香，好香口。奶油牛角酥係最好食的，牛角酥微暖，一層煉奶牛油醬，咬落去好滿足，唔覺肥膩😋海南雞飯普普通通，有跟油飯，無骨雞😭😭好在雞件肉質都算嫩滑，但有啲細舊同唔夠油香。

每次經過依間餐廳就覺得環境同氣氛應該都好舒服我最鍾意就係一啲半開放嘅餐廳感覺與大自然親近啲今日終於嚟幫襯😘望出去就係寬闊嘅公園餐廳嘅音樂都非常柔和放咗工來嘆下真係好relax👍🏻👍🏻👍🏻勁鍾意餐廳係泰國菜結合酒吧好多特色嘅啤酒價錢非常合理最吸引我係依度大部份嘅香料同沙律菜係親自種植，所以感覺餐廳真係好用心同埋注重食材👍🏻👍🏻👍🏻☝🏻☝🏻☝🏻甜柚鮮蝦沙律甜柚真係大大粒😍😍😍好juicy，配合埋唔同嘅蔬菜真係非常開胃☝🏻☝🏻☝🏻泰式燒牛仔骨依個要極力推薦👍🏻👍🏻👍🏻一路食,一路都話好好味牛仔骨煮到七至八成熟好多肉汁同埋香料醃得好鮮甜同埋要加分係有好新鮮嘅沙律菜伴碟😍所以感覺食完都唔會好滯我下次一定會再食過😋😋😋☝🏻☝🏻☝🏻黃咖哩雞配薄餅有新鮮嘅茴香伴碟可以隨時加入咖喱雞薄餅整得好好味👍🏻👍🏻👍🏻總括：一定會再嚟幫襯（招呼亦好周到！）

今日收工後好肚餓於是就喺放工的附近搵下野食，之前成日見到呢間Bar都好想入去試下佢地d泰國菜，今次的起心肝入來試下，入到去，可能太早無乜人，隨便就揀位坐，服務員態度好好咁推介咗有咩好野俾我地之後，我地就叫左一份生蝦刺身，生蝦刺身從來都係食泰國野gei首選，都果然無失望，好食，又夠辣。泰式燒羊架，羊架好大塊，配上泰式秘制醬汁，食落去有驚喜，好正！不過，原來最有驚喜gei其實係特色蝦醬炒飯，除了外型夠獨特，還有塊大大的魔鬼魚干做襯托，用手將佢大大力咁撕開，再同蝦醬炒飯一齊食，個感覺真係好有驚喜，而且炒飯炒得非常好食！令我倆非常回味！還點了椰青和泰啤！這間推薦啊！

今日同朋友黎到元朗區交收，諗住係到食埋野，走到元朗戲院，見到而間餐廳感覺幾特別，所以就入去試下。本身以為係酒吧食西餐，點知原來係泰國菜，真係估唔到。職員推介我地試炸生蠔，我地就叫左，職員會教你點樣食，有３種食法的，Ｄ蠔好生鮮，炸得好脆，妙！豬頸肉炒麵，係用金邊去包住個炒麵，唔同街邊食果D普通貨，炒麵Ｄ材料好多，豬頸肉數量都唔小，好大份，絕對會胞，正！重叫左個咖哩牛肉薄餅，咖哩椰汁味道好重，唔算太辣嘅咖哩，牛肉都好正，個薄餅好出色，外皮脆口好軟熟，點咖喱既薄餅，特別好味，絕對係最佳搭配！餐廳重有個啤酒飲，我地重叫左泰啤黎試下！總括職員服務好好，佢地會教你Ｄ食法，但係環境音樂有Ｄ大聲。

果日咁岩渣車入元朗，泊左架車之後咁岩就見到呢間餐廳。第一眼望落去好似D 清吧但原來係泰國餐廳黎XD。外觀裝修得好靚又有室內地方又有露天，入邊中間仲有個投影機播D MV，環境氣氛一流，岩曬比同班FD一齊坐低食野飲野吹水聽歌。前菜個酸青瓜好開胃，有埋泰式辣汁仲正，叫左兩枝泰啤都易入口。 叫左個炸蠔，金邊粉，豬頸肉炒面同埋牛肉咖喱薄餅。 炸蠔隻隻都好大隻好新鮮，加埋佢地特製汁再用生菜包起黎食果種味道前所未有。金邊粉同豬頸肉炒面都好有獲氣，金邊粉酸溜溜食到超開胃，呢個時候再配埋支泰啤真係一知文字：正。 牛肉咖喱薄餅，將牛肉咖喱倒入薄餅到再包起佢，之後再放入口，你會感覺好似爆漿瀨尿牛丸咁爆出黎，咖喱又唔會整到太重口味，呢間野食同環境都唔錯，下次會再帶其他朋友黎gathering。