薄荷葉泰國菜

營業中

休息中

朋友話今日好想食泰國菜，腦裡浮現出一個好有泰國風情嘅餐廳～薄荷葉泰國菜前菜青瓜～爽脆、酸酸甜甜味道適中。燒豬脾仔（$128）應該係烤焗過，肉質嫩滑，裏上泰式辣醬，好惹味。廚師特色蝦醤炒飯（$108）可以用藝術品嚟形容既特色炒飯！有少少唔捨得食，但原來係要自己動手破壞佢，先要將上面魔鬼魚干整碎，再撈埋碟邊既配料一齊食。飯炒得幾香蝦醬味，撈埋配料增加左口感，幾特別，值得一試！馬拉盞炒通菜（$68）馬拉盞嘅咸香同通菜永遠最夾！少少辣爽脆惹味！Hoegaarden Rosee （$70）紅桑梅味夠凍夠大杯！

我認為薄荷葉在元朗區是數一數二好食的泰國餐廳，又有酒吧可飲酒，叫左媽咪來食晚餐，佢第一次來見餐廳燈光同氣氛都唔錯, 又能坐得舒服，見佢有幾滿意的表情，於是大家坐下點食物。泰式燒豬脾仔，外面同內裡都熱身加點泰式香辣甜酸醬食呢。泰式炸春卷，內肉咸外生菜塊包，令成為香口的味覺。肉碎生菜飽，有少辣豬肉洋蔥碎，可包生菜，以及香烤的泰式薄餅，都可用來夾肉碎食。泰國啤酒，飲出啤酒的酒氣味，再食每款菜式時，食均是美食盡興中都不能缺少的加添飲料。

山長水遠去到元朗食飯，除左想遠離下鬧市，仲想浪漫情調氣氛下，享受二人世界。平時食親都係西餐慶祝，今次一於轉轉口味，泰餐也可以很浪漫。先來個餐前小食，炸蝦球以杯上菜，感覺好似幾特別，配上幾款不同嘅醬汁，令到味道更鮮甜。主食當然要試下呢個廚師特色蝦醬炒飯。上菜時覺得好新奇，好似一件藝術咁。上面是魚肝，接著是蛋絲，炒飯是蝦醬的味道。店員介紹了最佳食法：將所有野拌埋再食。由於魚乾偏咸，所以拌飯就能帶出味道。另一份主食就是酸炸豬手。有甜酸醬在上，份量非常大，如果兩個人食應該會食唔晒。而肉質鮮嫩，配上醬汁有酸甜的味道，加上炸過的脆口，令到口感豐富。

去元朗先發覺好多好嘢食，你朋友話想食泰國菜，我就上OpenRice搵，發個元朗最出名嘅一間泰國菜叫薄荷葉，而且好近我哋，所以就膽粗粗過咗去！餐廳嘅氛圍較似高級酒吧，天花板裝上富有特色嘅吊燈，去過泰國嘅女朋友都話餐廳充滿泰式氣氛。值得一讚嘅係佢哋餐牌嘅設計，十足一本雜誌，食物選擇也頗多，餐廳有佢哋嘅signature drinks。一坐低餐廳就會送上一小碟飯前小菜，小小辣，令人胃囗大開。首先上菜嘅係馬拉盞炒通菜，味道唔會過鹹，幾香辣。菜也非常新鮮，份量好足夠。之後上菜嘅係泰式燒牛仔骨，亦都係最最最好味嘅一道菜式。坦白講上菜嘅時候我覺得平平無奇，但食牛仔骨第一口令我非常驚訝。唔算太油膩之餘完全冇煎到好老，鎖住晒肉汁。餐廳提供嘅牛仔骨係冇骨，食落非常方便。另外牛仔骨下方係大量嘅沙律菜，可以平衡返牛仔骨少少既油膩感。最後一道菜色就係泰式檸檬魚。菜式嘅配色好靚，魚真係好大條。職員好細心提醒我哋魚有啲骨，並建議我哋將生菜、辣椒仔同魚夾埋一齊食，非常惹味，魚嘅肉質亦非常滑嫩，超抵食！我哋仲叫咗杯signature drink，粉紅色嘅顏色飲品令女朋友難以抗拒，加上酒精濃度比較低，而且好大杯，女仔可以

約咗朋友喺元朗食飯， 由朋友介紹來到呢間外表像酒吧而室內是吃泰國菜的餐廳。 餐廳內不算太大， 幸也許擺上數張桌子。 餐廳內部裝修設計盡是泰式風味， 充滿泰式及酒吧的氣氛。我們點了幾杯梳打 ，以及我的至愛 ……泰式肉碎生菜包、 串燒沙嗲 、同埋馬拉盞炒通菜。泰式肉碎生菜包 ，是有點辣的肉碎配合非常新鮮的生菜， 咬落生菜加肉碎是脆脆的， 非常新鮮好味。串燒沙嗲上枱時，是直放在碟上非常之別緻。 至於泰菜 必選的馬拉盞炒通菜， 炒得非常出色， 食落非常惹味 ，帶點微辣！其實今次很多謝朋友帶我來這間餐廳 ，或許應該說是酒吧去品嚐泰國菜 。這裏是一間裝修別緻、華麗充滿泰國氣氛。下次我一定帶埋， 另外一些朋友到來 ，把酒談歡，吃我們鍾意的泰國菜。

串燒雞較細串， 牛肉一般冬陰公酸辣適中， 係唔錯木瓜沙律味道不夠， 而且唔辣應該最辣的青咖喱，一點都不辣泰國菜食得多， 依間算唔夠野味， 味道唔多夠， 服務亦唔多夠， 趕客， 明明好多位， 都要人走，問先話限坐90分鐘， 訂位同坐底前都唔講聲， 又或者叫我地坐出面都好呀！ 仲諗住直落坐下飲下酒， 唔駛啦！見人食晒野就叫人走！！！

有一晚和太太前往位於元朗教育路附近的泰式食店 - 薄荷葉泰國菜，品嚐泰式餐的風格。當晚叫了多款泰式野食，如泰式炸蠔，炸成外脆是熱辣香味果種口感，店員教我們要中間切開蠔肉再倒入甜酸醬汁同食，真係能帶出蠔的口感兼肉質爽加甜。清邁蕉葉錫紙燒烤魚，成條魚上餐桌，見到買相好正，魚肉質嫩滑無論是清食或加上香濃汁芡都食得出廚師的手藝，食得便更想食。然還叫左成隻大椰青，見到椰青時便很想即刻飲因少飲大隻的椰青水，有飲落甜味潤喉十足的清新椰青水，再食少少椰青肉，幾有咬口感。

今日到咗元朗大會堂看完表演後在後面轉彎不到兩分鐘見到間酒吧。打望清楚啲其實是泰式餐廳同朋友一齊入去試過究竟。餐廳設計似酒吧，酒吧得黎又係餐廳，很奇怪的感覺。經侍應介紹了該餐廳的特色菜我點了 ，泰式炒金邊粉同埋紫米卷，聽侍應講他的老闆自己種菜的全部都是有機菜生菜、菜心！ 而厨師方面他們都是泰藉過咗陣 ，嘢食開始送到臺上，嘩！好靚泰式炒金邊粉有支竹籤插咗一隻蝦插在金邊粉上，而金邊粉上是有一片薄薄的煎蛋在上邊幾靚喎！ 可以講話講一件藝術品觀看。 熱紙米卷使用薄薄的皮包著蟹柳 另外幾件事包著虾， 伴埋醋汁食簡直一流在泰式設計的餐廳內進食，伴隨著大銀幕播放的英文mtv歌，感覺良好， 就這樣歡聚了三個多小時，好好的享受朋友之間的共同話題。散席後，我們已約定下次再嚟呢度飲酒談歡！

新年前後，團年、開年飯全部都係中式餐飲，有點悶。今日轉下口味食泰菜，上次經過覺得外觀唔錯，好有泰國風情。冬蔭公湯（細）兩個人份量剛好，配料都幾多，酸辣度好地道，唔太辣啱我。👍甜柚鮮蝦沙律$88大蝦新鮮爽脆，柚子肉多汁，酸酸甜甜好醒胃！豬仔脾$128豬仔脾肉質嫩滑，保留肉汁。外層係酸酸甜甜醤汁，師傅用錫紙包住一端，用手揸住食又係另一種風味。廚師特色蝦醬炒飯$108藝術品一樣既炒飯上檯，將伴係飯邊既配料攪拌均勻，飯粒炒到幾乾身，淡淡蝦醬香味，整個飯色、香、味俱全！

近元朗圖書館對開 一帶，都有好多有水準嘅食肆 ，上星期同埋一班舊同學去元朗搵野食， 見到呢家泰國菜館，感覺都幾好feel！室外位置仲有暖爐，真係幾體貼!我們點了海鮮冬陰功湯， 肉碎生菜包，仲有招牌火焰燒雞，同埋我朋友推介嘅椒鹽魔鬼魚！海鮮冬陰功湯湯底不算太辛辣，易入口， 海鮮足料，正！招牌火焰雞 賣相十分吸引！椒鹽魔鬼魚果然無令我哋大家失望， 表皮燒得脆脆之餘，仲好入味！ 魚肉好爽口及充滿魚的油脂， 確實一試難忘！

Was looking for a place to take my mom out for dinner in Yuen long and a friend recommended this place to me. It is a little bit far out and a bit of a walk from the mtr station but luckily it was pretty chill outside so the walk was pretty blissful. The place serves pretty authentic Thai food. The manager explained that they grow their own mint leaves as well, hence the name. Because it was just the two of us we only ordered a fish and lamb shank, both of which was excellent. The manager patien

諗起四月就嚟同男朋友去旅行，我就心癢癢想自己一個試吓附近嘅泰國菜。元朗最出名最有歷史嘅泰國菜館當然係雖然元朗嘅泰國菜館越來越多，但係我唯獨鍾情於已經開業超過10年嘅「薄荷葉泰國菜」。溫馨提示大家如果嚟食記得早啲嚟呀，唔好好似我今次咁，心血來潮自己一個等半個小時先入得去。話俾人聽呢個係泰國菜館人哋都唔信，因為外表更加似係一間高級而且休閑嘅酒吧，比起我以前食過嘅咁多間泰國菜館來講，呢度氣氛更輕鬆，連座位都比較寬敞。黎到梗係試吓泰國嘅生招牌菜「泰式生蝦刺身」， 睇桌上每一隻蝦就可以睇得出師傅的細心和對食材的嚴格要求，拍得住我以前喺泰國食開的高級餐廳，蝦肉份量大小一樣，酸辣得黎唔會蓋住生蝦本身嘅清甜跟住仲有炸蝦球 🦐，配上特製酸甜醬，簡直係人間美味。配上個高杯，這道菜兼備美味亦顯得很優雅。

去泰國旅行，除咗街邊串燒粉麵，食甜品多過正餐，返到香港同朋友先醒起蠢咗，於是約埋其他朋友食泰菜派泰國手信遷就全職媽媽入元朗搵食，揀埋佢屋苑附近餐廳開餐，唔怕食到一半就俾老公招魂餐廳一半露天一半室內座位，雖然唔係太凍，不過露天雅座都係留返吸煙人士享用室內播住泰文快歌，燈光婚暗，唔飲啤酒叫返個椰青（$40）都可以清熱氣！肉碎生菜包（$88）唔會太多肥肉，調味比較輕手，如果可以酸多啲同辣多少少就仲正想食生蝦盛惠$198，侍應話用新鮮海蝦有6-8隻，但師奶仔朋友就覺得貴咗少少，最後選擇唔係度度都有得食既椒鹽魔鬼魚（時價，是日$238），炸得酥脆又唔油，連幼骨都可以食埋，雪白肉質似較嫩滑既雞肉，唔點醬汁都已經好惹味馬拉盞炒椰苗（$88）椰苗唔新鮮個心會苦澀，話晒自設農場呢度就冇呢個問題，椰菜吸收馬拉盞香辣味又唔會煮得太淋冬蔭公（$88）大蝦新鮮，蝦羔溶入湯內，酸酸辣辣夠晒醒神近期多咗係酒吧開餐，食物拍得住餐廳，裡裡外外都座滿客人，位置都比較濟迫，或者冇限時都係一個賣點

今日試左元朗新派泰菜店-mint餐牌有啤酒既set,(啤酒+推介食物) 可以同朋友吹吹水，飲下酒，因為佢格局都係bar&restaurant, 所以我覺得比一般泰菜多左呢d 選擇店員介紹我地試下生蝦刺身，另外叫左泰式炸蠔，椰子雞湯，生菜包佢有教我地生蝦刺上淋少少汁，帶d辣味，仲顯得蝦肉鮮甜，作為一個頭盤係唔錯既idea。椰子雞湯份量算多，裡面既湯料都好足，雞肉當然唔少得，仲有d香料如檸葉同香茅等，可以帶起成個湯既香濃感覺。泰式炸蠔，粉漿夠薄又有肉汁生菜包比起上面既就較為遜色，肉碎帶d 咸，份量都多但唔夠生菜去包住，如果可以平衡返兩者就好啦

聽聞依間薄荷葉有泰式小酒吧之稱，今日就特登同朋友黎依度試下！🤤7點鐘黎到，可能因為係平日，所以冇咩客人，假日應該會好熱鬧。叫咗泰式燒蠔、泰式炒金邊粉、青咖哩雞、薄餅、馬拉盞炒通菜。侍應上菜個陣會介紹下碟菜嘅食法，又好有禮貌。燒蠔燒得唔錯，仲鎖住緊啲汁，不過會有少少辣。👍金邊粉上面插住一串蝦，整得幾靚，又可以因應自己嘅口味撈多啲定少啲辣或者糖，唔會太咸，食得出唔係同出面一樣狂加魚露。🤩🤩🤩青咖哩雞夠濃郁，加上好鬆軟嘅薄餅，別有一番風味，不過一定一定一定要趁熱食先夠脆，如果雞肉入味啲就更加好。🤤炒通菜好有馬拉盞味，一試就知落足重料。可惜我地唔飲酒，所以冇品嚐到佢嘅特色。