薄荷葉泰國菜

營業中

休息中

星期五收工約朋友睇show兼食野，想近元朗劇院，就去左薄荷葉。我地預一個鐘食野之後入場睇show, 呢度就在劇院對面，好彩等一陣就有位。門面是開放式的，外面露天，都坐到好多人。點飲品先，我要飲凍椰青！$40個都ok, 最緊要凍！外面咁熱飲椰青消暑最啱！味道好清甜，而且都幾大個。朋友飲泰啤$25,細支的，唔好飲醉入場睇show, 消暑解渴就得。佢話味道算淡的，酒精含量4.5%, 易入口，女士飲都唔怕醉。泰式蝦餅$68,是我至愛，因為我鍾意食香口野，炸得好脆夠乾身，裡面蝦餅爽口，但蝦味淡d, 要點埋泰式辣醬食好味d。呢碟泰式辣醬好有用，之後食燒雞都要點醬。泰式鳳爪沙律$78,都幾大碟，朋友一個人食晒，話好好味，因為夠酸夠辣，比其他泰式食肆味道再濃d, 啱鍾意食酸辣的人，夠入味喎，見佢成碟食晒應該好好味，我就留返個胃食多d蝦餅。朋友話一定要點這碟辣椒膏炒椰苗$88,本來都驚有辣，但原來唔辣的，反而椰苗超嫩超鮮甜！好有驚喜呢！好香蔴油味，又有d粉絲同辣椒絲炒，味道好香口又有椰苗甜味，超正！火焰燒雞$148,是燒春雞，主菜點都試下特式野。原來係燒好了的雞在你面前點個小火，好快就熄滅，我覺得可以在

原來在元朗劇院對面有間泰國菜，睇show前入去食飽飽，Happy Friday的享受！餐廳差不多全場坐滿，不過我哋兩個人都好快有位，餐廳有小部份座位在戶外，像露天茶座，裏面雖然座位不多，但因為門面開揚，所以無壓迫感，好多人喺度happy hour飲番杯。餐牌種類好多，有泰式烤魚嘅二人套餐，不過我哋陣間要入場睇show, 唔敢食咁複雜嘅嘢，怕唔夠時間，食簡單啲，叫啲小食加隻燒雞，快快手食完入場。一坐低，先送來一小碟醒胃酸菜，每枱都有一碟的，$10，好好味！用泰式酸辣醬醃製的，醃得入味，我喜歡酸辣並重的味道！我叫咗一支泰式啤酒$25, 味道都幾易入口，女士啱飲，麥味淡淡的，冇平時飲開嘉士伯、生力呢啲咁濃，夠凍， 消暑、去油膩，食嘢啱曬。冰凍椰青$40,超好飲！因為雪得好夠凍，飲落去椰青嘅清甜同埋清新感覺，令人好舒服，職員冇介紹錯呢，必飲！而且大大個椰青，越飲越涼快，食完餐飯都未飲完。酸辣鳳爪沙律$78,我最愛的泰式小食！味道真係夠酸夠辣！大讚！因為好多香港的泰國餐廳食物都會減淡辣味，就返香港人口味；其實鳳爪醃得夠酸而只得微辣，就會失去香味，得個酸字，要有小至中辣才會香口，而酸味會平衡辣味，

被約食飯, 姊妹心血來潮說她想試試剛發現的薄荷葉, 原因是什麼我沒多問, 只要不用我選就可以了!看了看餐牌, 發現很多款特色菜都很吸引, 因有選擇困難症, 所以只選了一個椰青, 其餘都拜託姊妹啦~坐下沒多久, 就送上了3款醬汁和一個前菜-醃青瓜, 醃青瓜頗辣而且有點腍, 不過不失!什錦小食(小) ($99)剛好是二人份量的! 有兩串雞肉串, 4件炸春卷, 2件蝦餅, 2件香茅蝦餅, 4塊蝦片~雞肉串沒有燒得過火, 既滑又有肉汁! 香茅蝦餅很特別, 香茅味濃又不會掩蓋蝦餅味另外值得一讚的是蝦片還是脆的, 一點也不腍~斑蘭咖哩牛 ($98) & 薄餅 ($48)朋友說覺得斑蘭咖哩很特別, 同時見到隣桌的薄餅很吸引, 所以就一同點了~斑蘭咖哩真的不錯, 對於愛斑蘭味的我簡直是完美, 從沒想過斑蘭除了做甜點外, 更可MIX咖哩而且牛肉份量極多, 雖然牛肉不算很高質, 但味道跟肉質不錯! 下次可試試其他肉~薄餅真的很美, 四片薄餅中間有一株薰衣草 而薄餅還是熱辣辣, 又不會太油, 配咖哩一流!咸魚炒芥蘭 ($68)雖沒太特別, 但芥蘭份量不少呢~椒鹽魔鬼魚 (當天: $168) 由於我倆都未試過

我知呢間店開左好耐架喇由我未生女女佢已經開架喇但因為佢唔起眼我成日Skip左佢.今日泰引起.一定要食泰國野.屋企附近.揀左佢..入到去.氣氛好好..裝修好特別.坐左冇耐.後面成排都坐左一家人..好一個家庭聚會聚腳點..我仲見到有Vip房架😍😍😍加上佢仲有好大杯啤酒😍😍😍好正.但我未飲得...我同老公女女叫左個飯個菜一個小食..已經好飽飽...飯揀左特色蝦醬炒飯佢揀左魔鬼魚燒乾佢.食時自己整碎.同啲飯撈埋.好有口感.初初以為佢插住果個係裝飾.其實唔係.係自家種既金不換..旁邊仲放左青瓜絲.芒果絲.辣椒.肉.撈起一齊.個飯真係好好味菜就蒜蓉炒雜菜佢係用新鮮菜.唔係菜頭菜尾架...小食.當然係串燒喇..六串.太多了吧串燒上面有插住草.佢教拔出黎放埋肉一齊食.又幾好味仲叫左個青檸梳打特飲..點解可以做到咁梳打呢...我對泰國野要求係好高架但佢合格😍😍😍佢地對小朋友好歡迎.仲請女女食星星餅😂😂

元朗有幾間泰國菜都好出名，今次去左近圖書館嘅薄荷葉。一去到已經好有驚喜，餐廳裝飾好有東南亞風，又似酒吧，感覺好舒適，非常適合傾心事我同朋友點左甜柚鮮蝦沙律、班蘭咖哩配雞、薄餅同什錦小食。沙律酸酸甜甜，非常開胃。之後嘅班蘭咖哩更令人喜出望外，我同朋友都唔太食得辣，但個咖哩唔辣仲要好好味，本來我地只係點左薄餅送咖哩，結果忍唔住要叫多碗飯食咖哩最後嘅什錦小食亦無令人失望，有好多款食物，包括炸魚餅、炸蝦餅、春卷、蝦片、沙嗲串燒，全部炸野都好香口，令人食到停唔到口。而沙嗲汁亦好正宗，似足我係泰國食到個種總括來黎，呢間餐廳環境令人放鬆，食物唔錯，擺碟好靚，味道正宗，可以一試

弟婦今天新公司上班，我和弟弟今晚替她小小的慶祝，去了元朗吃泰國菜，希望她接下來順順利利，適應新工作。薄荷葉泰國菜可謂元朗數一數二的泰國菜，不過我們都未曾嚐過，正如弟婦新的開始，今晚我們亦選擇初嚐。我們一下單完畢，店員馬上為我們送上餐前小食酸青瓜，蘿蔔一碟。酸青瓜，蘿蔔簡單的用醋醃漬，吃起來樸實自然，酸微微之餘也開胃非常。先來椰汁雞湯，椰汁雞湯喝起來酸酸辣辣，淡淡的椰香瀰漫整個嘴裡，好喝得一口接一口，而且香茅，金不換等香料提味，令椰汁雞湯別具風味，喝到最後不會膩。雞肉紮實帶彈性 ，尤其湯頭的酸香更使雞肉滋味十足。咖哩方面，弟弟與弟婦都偏愛青咖哩豬肉。青咖哩綜合各種香料，椰汁燉煮，再加入豬肉，有機茄子跟蕃茄烹調。豬肉鮮嫩入味，青咖哩椰汁味濃厚，微甜不辣，頗合大家脾胃，不論是拌飯還是沾薄餅吃堪稱一絕，令人念念不忘。店員溫馨建議熱呼呼的薄餅把它手撕成一小塊，然後再沾點青咖哩吃。薄餅看起來脆脆的，但是撕起來蠻酥軟的，薄餅單吃已很好吃，當然沾上咖哩吃亦很對味。弟弟和弟婦在泰國都沒吃到泰式炒金邊粉，要在這裡吃一碟彌補小小的遺憾。漂亮的雞蛋網包覆著香噴噴的金邊粉，金邊粉炒得爽口不軟爛，然後擠上青檸汁，

為左預備我黎緊既旅行, 慳妹我專登去左元朗圖書館搵旅遊書! 一行出圖書館, 發現有間好有feel既酒吧, 再行近d睇, 原來係泰國餐廳黎!!!眼見人又多, 餐牌又幾吸引同唔算太貴, 就同朋友揀左依間The Mint做晚餐啦!我地兩件大食怪點左好多野食呢~除左咸菜炒芥蘭冇咩特別之外, 其他每一樣野都有令我深刻之處!首先講下小食拼盤啦~蝦片脆卜卜不在話下, 愈簡單就愈難整既串燒雞都比平時食到既滑另外兩舊蝦餅都好好味, 有件仲好香香矛味, 我鐘意之後就有斑蘭青咖哩牛, 斑蘭青咖哩第一次食, 唔錯bo每一口都有啖啖既斑蘭香又唔會搶左青咖哩味~ 值得一讚係牛既份量真係幾多, 諗住搵舊墊底既薯仔都冇Then, 有特別既魔鬼魚食, 之前未食過呢~~~感覺有d似左口魚, 炸到脆卜卜, 岩哂小朋友口味既我! 一條都唔算太貴, 我地揀左細條都只係$168, 平時食條烏頭都起碼要$120, 而家$168有條魔鬼魚, 真係幾抵最後大食怪一號點左個椰青, 大食怪二號就點左杯啤, 超滿足呢

咁啱同係元朗體育館打完波，決定去附近搵好野食一落黎就見到對面有間成間酒吧咁嘅餐廳，望真啲個菜單原來有得食埋泰國菜？ 好!就決定試試佢我地叫左個二人套餐等緊野食黎果陣首先黎左一碟泰式酸辣有機青瓜個汁酸酸辣辣好開胃，用黎做前菜一流青瓜爽口第一道菜係柚子鮮蝦沙律，蝦係熟蝦，份量略少，但新鮮香甜，配埋大量柚子同生菜好清新得黎醒胃第二道菜係泰式炒有機茄子茄子炒得入味軟腍，加上適量辣味同其他配料如洋蔥，九層塔同辣椒豐富左口感第三道菜係香辣檸檬烤魚烏頭煮得啱啱好，魚肉唔會過老，配上辣汁，檸檬同埋配菜所有野一啖擺入口好滿足，鮮酸辣並存最後一道係泰式燒豬仔脾燒得唔會過老，豬肉容易咬離骨，入味加埋泰式辣醬好快就清晒四條🤘🤘總括黎講菜式有特色得黎新鮮，份量夠，值得再試!

今日路經元朗忽然想食泰國嘢但又唔想出到九龍城，聽朋友介紹推介呢間薄荷葉。去到門口發現有泰式酒吧味道，燈光及裝飾的配搭，甚有氣氛，決定坐低試試！坐低一陣侍應就拿出頭盤有機開胃菜，仲好熱情咁介紹大部份食物都會選用有機蔬菜，泰國香料都係由自己農田種植，健康又環保！泰國菜必定會點馬拉盞炒椰菜苗，一試果然惹味，椰菜苗新鮮鮮甜，配合馬拉盞炒絕對美味可口！再加上大蝦柚子沙律，酸甜爽口！胃口大開！店內侍應極力推介我們點選泰式烤魚，特製醬汁完全提升到魚嘅鮮味，魚肉極之香滑，可能因為用荷葉包住保持到魚肉鮮甜嘅味道同唔會乾身！除了特製醬汁，另外可以點蒜蓉金不換醬料，酸甜口味又是不錯的選擇！另外泰式金邊粉亦是呢到招牌菜，旁邊配上其他香料可自由配搭甜酸苦辣任君選擇！薄荷葉泰國菜食物色香味俱全，環境氣氛也不錯，對泰國菜有一定的要求薄荷葉必定可以滿足到你！

元朗有唔少正宗的泰國菜，而我的首選必定係薄荷葉泰國菜。位近元朗圖書館附近，有戶外露天座位及室內可以選擇～～驟眼睇好似露天酒吧感覺好Chill～～我地揀左室內坐，有調酒及啤酒區，岩曬同一班朋友黎飲返杯～～先送黎小菜手拍青瓜，酸酸甜甜好滋味～柚子甜蝦沙律柚子清新多汁，連埋其他新鮮配菜夾著大蝦一齊食，十分開胃！招牌火焰燒雞先黎原隻燒雞，侍應在客人面前先加上酒用火燒熱，製造火焰以吸引客人眼球，等一陣再拎入廚房切件上枱～～令人期待～～泰式燒雞外皮夠薄又燒得香口焦脆，內裏肉質keep到鮮嫩，記得點埋泰式酸辣醬，完全把燒雞的惹味帶曬出來～～必點！泰式炒金邊粉一上枱賣相已經好靚仔，不止擺盤加分，配料亦可以因個人喜好自己加減～～順帶一提呢度d香料全部餐廳自家農田種植的，果然夠曬新鮮，可以見到餐廳烹調菜式甚具心思！加上青擰汁調味，再把配料搞勻就可以～～惹味泰式金邊粉就完成了！新鮮椰青食泰菜必點，夠曬透心涼！

元朗有好多野食，朋友今晚話想食泰國菜，知道附近有間氣氛好好ge餐廳，所以就帶佢地一齊去試下一去到店員都好有禮貌咁用泰文同我地打招呼！環境同座位都幾舒服，餐廳既食物都有好多款可以選擇，我地一開始即刻叫左知生蝦！因為我地都好鍾意食，生蝦肉好彈牙，加埋佢配既醬汁，真係開胃得黎好野味，因為佢兩款醬汁都係辣辣地！然後我地叫左份甜柚鮮蝦沙律，酸酸甜甜，好開胃，好有泰國風味，而且佢隻蝦都好大隻！食主食前我地飲左椰汁雞湯，椰汁既味道好濃郁，而且雞肉都好大件跟住叫左一份越式紙米卷，蔬菜好爽口，而且佢包既係蟹柳，同蔬菜都真係幾搭朋友好鍾意食簿餅，所以叫左一份再加埋班蘭咖喱豬肉，咖喱味道好香好濃，然後撕一塊薄餅點醬汁！都真係幾好味啵！另外我地重叫左份泰式炒茄子，因為用泰式香料炒，就算係茄子都好野味最後我地重係唔夠就叫多隻蘇梅鴨！真係好香好香，侍應再幫我地切開，咬入口啖啖都係肉，皮都好香口！

今晚同朋友係元朗做完運動，就諗食咩喇，又唔想走太遠，知道附近有間食泰國菜，就諗都唔諗直接去喇，因為我地幾個都好鐘意食泰菜。餐廳氣氛好好！一去到店員都好熱情咁介紹我地有咩推介。咁我地一開始就叫份生蝦！食泰菜真係必食生蝦好大隻，同埋有兩個醬汁可以點，不過都幾辣但好野味食得辣先好點醬然後我地都有叫到份甜柚鮮蝦沙律有好大隻蝦，沙律醬汁酸酸甜甜味道岩岩好我地叫左份椰汁雞湯，好香，椰汁味道好濃，而且雞都好大件我地叫左份越式紙米卷，味道好新鮮！因為第一次食紙米卷係包蟹柳！好清爽我自己如果見到有簿餅一定會叫！因為好鍾意食！然後我揀左班蘭咖喱豬肉咖喱好香濃簿餅點咖喱真係一絕另外我地叫左份泰式炒茄子，因為都係用泰國香料去炒，好野味最後最驚喜係呢隻 蘇梅鴨店員之後幫我地拎去砌番一件件勁香口，最後我地都唔用刀叉，直接用手去拎黎食真係好香，好有肉汁，好回味

呢間餐廳嘅座位安排真係非常之特別，餐廳有好多座位，但都會編埋你同去多人既枱一齊坐，製造到熱鬧嘅氣氛，真係特別。特色蝦醬炒飯睇相都知非常之特別，職員特別介紹食法，首先要拎起串蝦，然後用手搾碎塊脆片，無錯，係徒手搾碎，旁邊既職員會好鼓勵你跟住佢既指示做，仲企定定喺你隔離睇實你整，再撈埋其他配料一齊食，不同配料加埋一齊，口感非常豐富，味道就見仁見智，不俗個馬拉盞通菜味道非常之特別，同一般泰國菜好唔同，帶一點點好特別嘅味道，通菜都算新鮮，整體還可以。蒜蓉大蝦全碟有兩大隻大蝦，蝦好大隻丶好有肉地，都算彈牙，而且蒜蓉炸得好脆，好香，配上海鮮，味道一流無論侍應服務質素或食物，都非常之有驚喜，好特別既一次晚餐體驗

是日晚餐同3個朋友一行4人入咗元朗食，一向都知元朗多好野食，但到真係食咩都幾花多眼亂。去完元朗體育館廁所，見到對面有間好開揚既bar餐廳，原來係食泰國菜，又有得露天飲下酒又有埋泰國菜食，都真係幾唔錯，就入咗去喇。甜柚鮮蝦沙律：d柚係真係好甜喎，一上到枱發現都幾大份，都好抵食下，四個人一人都試到半碟，唔錯。蝦係鮮蝦，好大隻多肉，可以一嘗！越式紙米卷：呢隻紙米卷係偏清甜，入面唔係包肉而係包蟹柳，大大條蟹柳加埋佢d沙律醬，其實都幾夾，菜都係包得好飽滿，如果鍾意健康既菜，呢碟野真係好岩。斑蘭咖喱（豬）配薄餅：呢味係餐應介紹我地食既，對於唔食得辣既我，斑蘭咖喱真係好選擇。佢味道唔辣，係好濃既榔奶味同埋咖喱香料。豬肉係半肥瘦，煙煙unun，加埋薄餅食真係好好味，薄餅烤得好香，texture係似手抓餅，所以食落好酥香！炒有機茄子：呢個係餐廳今日既special，老闆話佢地每日都會推出d時令食材，而今日既有機茄子係佢地自己塊田度種，所以好新鮮，食落真係好鮮甜，生生地辣辣地，真係唔錯呢。蘇梅鴨：呢個真係好驚喜，隻鴨好大隻多肉，佢應該係炆完先再拎去炸，所以鴨肉好入味，佢下面仲有d新解菠蘿鋪底，好juicy

已經數不清是第幾次試這一間泰菜了，它在元朗比較入的位置，但環境舒服，所以一再光顧！難得有餐廳會提供投影機的節目觀看，還要是泰國的音樂短片和廣告，就像置身於地道餐廳。我們點了一份小的冬陰公湯，青咖喱雞加飯，還有Pad Thai! 冬陰公湯的賣相很吸引，其實這間餐廳其一賣點就是這樣，每碟都令人唾𨒂欲滴！冬陰公湯有四隻蝦，甜辣適中，正！至於青咖喱雞，我們選擇了配飯，雖然不是新鮮雞(因為店鋪可以提供兩款雞，新鮮與否自己選擇，當然價錢也相差$50左右)，但青咖喱汁有驚喜！還有Pad Thai，它是泰式炒金邊粉，看圖已經贏了不少泰國餐廳，碟邊有配料自己加減，可以一戰！最後一定要提到是飲品！款式多不在話下，有不少味道是出面酒吧都欠奉呢！光是一番搾啤酒已經有10款味道！好！吸！引！呀！