薄荷葉泰國菜

營業中

休息中

元朗不嬲都有好多泰國餐廳，間間都好有特色，依間叫做薄荷葉嘅餐廳我經常經過都會見到好多人坐喺度食野，今次同朋友食飯就諗住嚟試吓啲嘢食。其實自己不嬲都好鍾意食泰國食物所以好都好期待。首先我同朋友每人都叫咗一個椰青，唔知有冇人同我一樣都覺得食泰國嘢一定要飲椰青先有感覺，呢度嘅椰青夠凍同埋好清甜非常開胃。首先我哋叫咗一款青咖喱雞配薄餅，呢度嘅咖喱真係非常之好食唔會太辣而且有啲香嘅椰汁味，同埋佢個薄餅真係好正，好香脆配埋咖喱簡直就係絕配。跟住我哋仲叫咗串燒，分別係雞肉同埋牛肉，兩款串燒嘅味道都做得好好而且好juicy小食方面就叫咗一款蝦餅，蝦餅嘅份量非常之多，我同朋友兩個人食完都覺得好飽。而且味道都唔錯，不過就真係有啲熱氣。最後我哋仲加咗一個金邊粉，味道非常之好而且酸酸地嘅感覺令我覺得好開胃，份量亦都非常之多，最後食到兩個人超級飽。

泰國餐廳黎講，呢間係我既至愛因為我已經唔係第1次黎食我鍾意佢入面有特色吧枱，有好多特色啤酒/雞尾酒環境熱鬧得黎又唔會嘈，同時有泰國MV陪你食飯一入黎，佢就比左呢個免費前菜我地食，酸酸辣辣，勁開胃，我唔太食得辣都好鍾意啤酒都有咁多花神我次次都試佢呢個不過唔同味今次試青瓜味好過癮，啤得黎有青瓜既清新味正我地2個人叫左個細冬陰公，好足料，分到5，6碗，蝦都有5，6隻主菜黎喇，青咖哩雞好好味，唔辣架，勁好送飯，極力推介呢個外表好有心思，用蛋網包住泰式炒金邊粉4個角都有唔同既材料，可以比你自己選擇撈d咩，撈幾多，好細心我覺得同泰國既唔同，明顯係自家心思多好多，好岩香港人口味呢到仲有魔鬼魚食我仲未食過，下次一定要叫多d人黎食試下佢

前幾日約左班fd食呢間泰菜😋之前行過見到呢間野夜晚主要都係做bar service，成日full場，今次就特登約早小小去試下果到d食物~黎個柚子沙律先，醬汁比較特別，小小甘甜同微酸，加上大量芽菜口感非常好~泰式焗豬仔肶，焗得香脆又唔會太dry，記得叫杯beer一啖肉一啖酒~串燒，有雞豬牛，用杯上菜既presentation效果都唔錯，仲可以keep到個溫度，味道都相當唔錯~炒通菜，基本上每次食泰國野都必叫，呢到火喉夠勁，炒出黎既野都有鑊氣，如果再辣小小就好~泰式烏頭，成條魚咁上，冇花冇假，仲好細心咁開一刀刀等魚肉飛起，方便起肉~得夾埋鋪係面既薑絲同辣椒蓉一齊食，再點下個汁，絕對一流，食食下就冇曬~6點鐘黎到店外都坐左唔小客~店內裝修都幾靚~

第2次黎幫襯 雖然地方有小小遠 不過都好易搵店舖係一個比較靜既地方 裝潢有小小似酒吧 唔似一般泰國菜餐廳有戶外同室內區簡 店內燈光 比較暗 好有情調店舖有特別推介 好多野食簡 諗左好耐先簡到order左個自家制炸蝦餅 特式菠蘿飯 菠蘿特飲同泰式炒茄子自家制炸蝦餅  上次食過太好食 今次都要order蝦餅好大舊同炸得好好食 夠曬熱 同脆 食左幾舊都幾飽特式菠蘿飯好大筒飯 仲有好多料  多到食唔曬 唔會得面個層有 底都有 每一啖飯都有其他料係到清清地炒得幾好食 泰式炒茄子去親食泰國菜多數都叫馬拉盞炒菜食今次決定要試下其他其他方法煮既茄子食得多 泰式真係第一次食炒得好琳好入味 用左泰戒調味料去整唔係普通既味道 好特別 個人幾鍾意食其實食完個蝦餅已經好飽...多D人黎食會好D 可以試更多野仲有SET叫 不過都係多人食會好D野飲都好多選擇 因為佢都算半間酒吧咁 有其他酒類提供上次叫左個特色蝦醤炒飯 本身打算就咁食 員工好好 走過黎教我地點樣食同教我地撈埋原來係要整碎條魚再撈飯食 咁樣食係最好味的炒飯都係好多料 份量都好多會再黎幫襯

• 生蝦爽口新鮮同清理得乾淨！！！• 大蝦柚子沙律，成碟野既配搭由視覺到味覺都感受到好清新！！！柚子同個汁相遇時味道既甜又酸，好開胃！！！• 冬蔭公湯，用小瓦煲黎盛載，所以保溫度一流，飲湯最緊要湯夠熱！！！• 燒蠔，每隻蠔都好肥脹卜卜，伴燒既調味配料好野味同有提鮮效果！！！真係食到停唔到口！！！馬拉盞炒芥蘭，好有獲氣好入味！！！• 檸檬魚，店員話夏天既天氣悶悶熱熱食檸檬魚就岩曬！！！果然個汁酸酸微微，又帶點辣好醒胃，而魚肉結實飽滿，沾上汁食，正！！！• 咖喱炒軟殼蟹，咖喱汁好香好野味！！！軟殼蟹相對一般平日的較大隻，有肉有口感！！！• 食咖喱配依個煎餅一流，比咖喱配白飯更有特色，味道更豐富，比想像中無咁油，徒手拎黎食！！！• 本自日本既黑啤• 依隻黑啤入口無咁苦澀！！！

住九龍既我，以往食泰菜都係喺九龍城，黎元朗食都係第一次，呢間係朋友平日食開既，我諗水準應該唔差🧐價錢幾合理，菜式就同其他泰國餐廳相約，應有盡有。送既前菜：涼拌青瓜，無乜特別。甜柚鮮蝦沙律，賣相ok, 西柚既甘澀尚算清新，蝦都幾大隻結實，兩個人share 都ok, 但如果一家幾口就一定唔夠食啦，整體黎講中規中矩。泰式燒豬脾仔，略嫌燒得肉質偏柴，無乜肉汁亦帶點嚡口，但調味唔錯既，少少辣令到佢更惹味。馬拉盞炒通菜，都幾濃味，份量幾大碟下，可惜菜質稍老。餐廳係半露天設計，頗有bar既感覺，我黎個晚稍微天氣焗促左啲，如果涼番小小吹住微風咁食，應該會別有一番滋味～聽朋友講生菜包個啲都唔錯，擇日再試

真的不枉由九龍山長水遠過元朗就係為左食依間薄荷葉！！！企係門外已經聽到音樂好有氣氛...昔逢世界盃，好多客人好熱鬧！！！當晚好爆場店員安排坐平日比包場用多既上層我地坐，發現依到好完善，無論地下同上層都各自有間洗手間，重好靚係裝修過走歐式風格既設計！！！環境氣氛都好滿意，食物方便都好好味，不過可以當晚人太多，食物上得有d慢！！！“馬拉盞炒通菜：炒得好香好野味“食泰國菜最鐘意食明爐魚，魚湯酸酸地好開胃，條魚啖啖肉，一啖熱湯一啖魚，真係超好味，重有d雜菌，好豐富，又抵食！！！“生菜包：微辣，生菜洗得乾淨好脆好嫩，豬肉唔太肥唔太廋岩岩好，好多肉汁包住生菜食，正！！！“咖喱炒大蝦：總共有兩隻，開左邊有四件，都幾大隻，蝦頭好多膏，炒得好入味！！！

今次去到劇院果邊搵食，搵到呢間泰國菜，初頭係門面睇落以為係一間bar黎，點知原來裏面有做泰國菜。睇menu果陣老闆娘好nice咁介紹，於是就入左座試下水bar果邊好多裝飾，都幾泰國feel落左單野食未到，就黎左呢個開胃前菜食住先，d青瓜爽口又辣辣地首先黎左碟菜先，登登登登：馬拉盞炒椰苗！馬拉盞炒通菜出面就食得多，椰苗真係第一次食食落又幾好食，好脆，又夠嫩之後黎左串燒，雞牛豬各2串，係串燒隔離有株菜，老闆娘介紹話株菜叫“小回香”，配埋d黃咖哩，食落有一陣陣似薄荷既味，幾特别之後黎左份黃咖哩軟殼蟹，好大隻又多肉，入面又好多汁，冇得輸食完幾碟小菜就輪到主菜：蝦醬炒飯。老闆娘好好人，上菜之後教我地點攪勻d配料再食。最頂果塊魔鬼魚乾同10點鐘果d芒果絲真係碟飯既重點最尾叫左杯青檸梳打，好飲

我本身好鍾意食泰國菜，加上世界盃時候，梗係想搵啲有得睇波又可以食泰菜嘅地方啦! 竟然比我搵到一間好有氣氛嘅泰國餐廳。 裏面有部投影機可以睇到電視， 即使坐出面都可以睇得好清楚。環境比較開揚，有種好舒服和relax嘅感覺。牆上嘅圖畫比較精緻吸引，燈籠也好有泰式風情。另一個角落設有一個小酒吧， 如果唔食飯，淨係想飲酒，呢到都係一個唔錯嘅選擇小食係有機青瓜， 酸酸甜甜帶點微辣，非常開胃。前菜叫了木瓜沙律， 木瓜切成一絲絲， 當中也夾雜了少許花生和帶點微辣， 非常惹味! 用椰子殼裝起來幾有特色另外叫了蝦餅， 蝦餅彈牙爽口，送到枱上還是熱辣辣的主菜叫了豬頸肉炒金邊粉， 豬頸肉份量比較多， 切成薄薄一小片， 而幼幼嘅金邊粉食落去口感好滑。 表面用蛋整成一個蛋膜， 還放了少量蔥作裝飾，非常漂亮。額外叫了一個班蘭咖哩雞， 味道好特別，咖哩味好香好滑，當中既班蘭味好強， 同咖哩非常夾， 再配搭埋薄餅簡直係一流薄薄嘅薄餅即叫即整， 唔油之餘還帶脆口的。

平日整天工作 當然要輕鬆下已食過這餐廳幾次這間泰國菜餐廳燈光柔和慵懶氣氛可讓人放鬆心情絕對適合與朋友飲酒放鬆與家人聚餐傾訴暢談的好地方今次2人點了3款小食酸辣鳳爪沙律沙嗲黃咖喱魔鬼魚先來個小食酸辣鳳爪沙律$78泰式酸辣鳳爪絕對是泰國著名的小吃香港天氣潮濕酸辣開胃菜式絕對受大家喜愛微辣愈吃愈上癮無骨鳳爪最方便 不用吐骨 入味爽口黃咖喱魔鬼魚$198加薄餅$48魔鬼魚配搭濃味不辣的黃咖喱味道絕對香濃惹味！魚鰭外皮卜卜脆 但並不是肉質鮮嫩的口感卻有連骨食 脆口的感覺黃咖哩有洋蔥、青椒、紅椒等配料配上薄餅進食 絕對是泰式風味味道不錯！沙嗲$88有豬肉、牛肉及雞肉各2串肉都先以醬汁醃過再烤的先點上沙嗲醬再配上少許小茴香調料去除臭氣重新添香一齊進食 感覺清新可口個人最為喜歡牛串燒牛肉嫩滑有肉汁 牛味濃郁惹味推介！青檸梳打$32椰青$40

近排泰國菜已經成為我晚餐其中一個最喜歡嘅菜式，因為夏天實在太熱，有時候食番啲酸酸甜甜又辣嘅嘢都會令到個人舒服一點。木瓜沙律：當中我叫咗小辣,因為唔接受到太辣，爽脆的木瓜絲加上青檸汁，非常開胃。炸蝦餅:食得出係用新鮮嘅蝦打出嚟，香脆可口，連埋甜酸汁一齊食非常絕配。豬頸肉炒金邊粉:非常大碟,豬頸肉吾會好鞋身，燒過外脆內嫩 ，金邊粉炒得好有鑊氣。班蘭葉咖哩雞配上薄餅:濃郁咖哩汁加上雞都非常大件，連同新鮮製作的薄餅一齊食。日本麥啤:好清夠凍, 這種天氣飲一啖都係一個好享受。

星期五放工，好想chill下，於是去咗元朗，揾咗間泰國菜試試... 去到有啲驚喜原來係有酒吧嘅餐廳！佢嘅裝潢好有feel~有啲好靚嘅燈，有壁畫，有大象… 好有泰國night bar嘅感覺，令到返咗個星期工嘅我 頓時覺得好relax~ 佢仲有音樂同free wifi hahha！啲waitress同waiter都好nice！起初我哋諗住諗下咖哩加薄餅再叫個炒飯… 點知有個waitress好主動咁幫我哋諗點樣可以食多啲唔同嘅嘢食suggest我哋叫少一樣主食，加下沙律或者小食會適合啲~ 結果我哋叫咗個柚子沙律，班蘭咖哩 同埋一個細嘅泰式拼盤 個斑蘭咖哩 班蘭味好香 椰汁味好重~仲要唔辣嘅 啱曬我同朋友一齊食 因為我哋都唔食辣既xd 然後點薄餅好好味 好味道到我同朋友忍唔住叫咗一碗白飯去配咖哩汁 嗰拼盤又有啲驚喜 炸魚餅好好味好彈牙… 士多啤梨泰式特飲味道一般~ 以呢個價錢嚟計 算一般不過環境就的確係唔錯嘅！

見天氣涼涼地又開始肚餓，決定同朋友去元朗圓書館對開既薄荷葉泰國菜一試！個日係平日星期三，6點半入座個陣已經坐左幾台人，絕無冷場！而且適逢世界盃，身兼酒吧嘅薄荷葉泰國菜亦設有一個大電視屏幕比客人睇波，極之貼心。我地2個人都嗌左好多野食！炸蝦餅、馬拉盞通菜、串燒、炒金邊粉同青咖喱配薄餅。率先登場嘅係有佢自家製嘅泰式配料， 有佢哋自己種嘅青瓜同蘿蔔，食起上嚟酸酸甜甜極之開胃串燒上菜嘅時候好特別，用上飲酒嘅杯黎裝住六串串燒同埋金不換，啱晒我哋用黎打卡用啦。配埋佢自家制既沙嗲醬而且佢有人會好細心咁樣走來同你介紹食法最令人滿意既就係佢既青咖哩雞，我好中意去泰國旅行同工作，都算食過唔少咖哩。而呢啲既咖哩好岩我口味！有好濃既椰漿味入面亦都有清新既茄子。初頭我地以為佢無配主食，但原來有配上4塊印度薄餅，加埋濃濃既青咖哩汁真係令人回味無窮。而我朋友最中意既就係佢既炒金邊粉，酸得黎唔會入唔到口，炒得濕身但都好有咬口，仲有佢上面既一層炸蛋皮都令到成個菜色好有層次添

首先 店鋪員工同老闆既工作態度欠佳 一開始我地叫左個啊姐落單 落野飲果時我啊媽話杯青檸梳打走甜 咁啲甜都係最後先倒啲糖水落去炸嘛 個啊姐一副不爽臉咁話：廚房未必做到架喎 之後我地搵左個經理同佢講 果時已經發現佢醉醉地 仲見到佢係咁同人飲酒 特別係同隔離枱果班人 個經理同老闆都係咁同佢地飲 一睇就知係熟客 過多陣仲見到個經理多次醉到坐左係側邊 行路時連直線都行唔到 其次 食物既製作速度好緩慢 我地一家人8:05叫好曬野食 但8:35都只係黎左兩杯野飲 之後催左單 五分鐘後黎左沙律同時菜 做隔離枱就一碟一碟咁黎 明顯係因為佢地係熟客 所以就小圈子地叫廚房煮左比佢地先 最後我地一家都無等到個蝦餅就走左 埋單時雖然個經理無計錢之外仲打左個八五折 但呢間野我地以後都唔會黎囉！佢地只係適合招呼番自己既熟客！！

今日經開元朗呢頭，就順便約個元朗嘅朋友仔食飯。是因我們都比較喜愛食泰國菜，佢就帶咗我去一間有特色嘅泰國餐廳。間餐廳一半系out door, 一半系室內，個格局有啲酒吧feel。前菜小食＄10 ,服務員同我講啲青瓜係有機嘅。啲青瓜加埋紅蘿蔔，你到有啲酸酸辣辣仲有少少甜甜地，都幾開胃！雜錦小食＄88細是因我們得兩個人食，所以叫咗個細嘅！原來細粉都好够食，入邊有沙嗲串，蝦餅，魚餅，春卷，蝦片。當中我比較欣賞嘅係角春卷同蝦片，好味班蘭咖喱雞＄98。啲咖喱香味十足，有少少忌廉味加椰奶嘅味道。又唔係好難，食落啲斑蘭葉味道唔算太重，有少少香味。啲雞肉都好有咖喱味，加埋啲紅椒青椒，好正沙嗲串＄88 ,呢度一共有六串，包括豬牛雞各兩串。啲串燒用個杯來装住，幾有特色。串燒本身燒得好香，加埋啲沙嗲醬，好味！馬拉盞炒通菜＄68。啲菜好新鮮，有少少辣椒係入邊，味道好好。麒麟水蜜桃味啤酒＄70。水果味嘅啤酒，感覺就是不一樣！