薄荷葉泰國菜

營業中

休息中

元朗有幾間泰國菜都好出名，今次去左近圖書館嘅薄荷葉。一去到已經好有驚喜，餐廳裝飾好有東南亞風，又似酒吧，感覺好舒適，非常適合傾心事我同朋友點左甜柚鮮蝦沙律、班蘭咖哩配雞、薄餅同什錦小食。沙律酸酸甜甜，非常開胃。之後嘅班蘭咖哩更令人喜出望外，我同朋友都唔太食得辣，但個咖哩唔辣仲要好好味，本來我地只係點左薄餅送咖哩，結果忍唔住要叫多碗飯食咖哩最後嘅什錦小食亦無令人失望，有好多款食物，包括炸魚餅、炸蝦餅、春卷、蝦片、沙嗲串燒，全部炸野都好香口，令人食到停唔到口。而沙嗲汁亦好正宗，似足我係泰國食到個種總括來黎，呢間餐廳環境令人放鬆，食物唔錯，擺碟好靚，味道正宗，可以一試