蕃茄仔

營業中

休息中

我發現原來身邊有好多朋友係蕃茄🍅控。如果你都係既，就記得Save低呢個post啦！因為銅鑼灣長期人龍店「蕃茄仔」，喺九龍灣開左新分店啦🥳。叫得蕃茄仔，佢既蕃茄湯當然非常特別！佢地番茄湯會用上 30 斤番茄，再用豬骨、蔬菜🥬一齊熬製。佢地更會將番茄打成蕃茄蓉，令口感更濃郁，質感好厚身。以麵條方面，店員就建議配刀削麵，因為刀削麵表面唔均一，更能掛湯🙂！呢個「特級牛魔王」入面有牛肩胛、和牛𦟌、和牛肉丸同牛骨髓😲！牛肩胛食落夠軟腍，牛𦟌肉味香濃，而牛骨髓富有油分同骨膠原，食落惹味又補身👍🏻！其實佢每一碗麵嘅份量都幾大，所以一定夠哂飽😎。湯底因為用咗好多新鮮蕃茄，所以食落去好鮮甜，大家鐘意食蕃茄嘅一定去試吓！

之前喺銅鑼灣食過蕃茄仔，估唔到而家喺九龍灣開咗分店，實在太好了！呢間主打係蕃茄湯，每日新鮮熬製濃湯，湯入面有粒粒嘅蕃茄蓉，鍾意蕃茄嘅人都會鍾意呢個湯底，因為蕃茄味好濃，今日去都仲係叫試業中，但係都已經唔少人，我喺餐牌發現有一個叫做特級牛魔王，之前喺銅鑼灣冇呢個餐，一於試吓呢個特級牛魔王。特級牛魔王入面有牛骨髓、和牛肉丸、和牛展、牛肩胛，一上菜見到一個超大嘅牛骨係碗入面而且滿滿嘅骨髓，因為太大嚿所以要用手食，牛展都好香唔會幾韌，肉丸好重牛味但唔算好實，刀削麵厚身可以掛到好多蕃茄汁，整體來說都不錯， $128一碗可以試一次，因為都唔算平

蕃茄仔位於九龍灣黃店集中地 EASTMARK，舖頭左邊係木衛二，右邊係齊柏林，三雄鼎立，企喺門口，已經覺得無比興奮😸。顧名思義，呢度最出名嘅係蕃茄湯底，叫咗碗特級安格斯牛肩胛刀削麵，一上枱，見到湯底好杰，已經覺得有啲料到；呷一口湯，滿口蕃茄蓉，味道偏濃偏酸，完全係我喜歡嘅味道。湯入面有蔥花，羅勒葉，炸乾蔥同炸蒜粒，夾埋牛味好濃嘅肩胛肉一齊食，口感同味道都非常豐富。至於所揀嘅刀削麵好厚好闊身，口感煙韌，一啖湯配一口麵，味道剛好👍。食哂成碗麵，連湯都飲埋，好飽，好滿足🥰。

-作為九龍灣嘅打工仔，見到大渣哥樓上開左間新嘅黃店梗係要試下🍅慢火無骨豬手粒 蕃茄濃湯上海麵 $75
首先佢個豬手絕對唔係無骨，好大嚿骨，豬手大約有4嚿，茄湯濃到我覺得似茄醬多啲，偏酸，唔太啱我口味，上海麵就偏向痴埋一嚿，吸湯🍅特級安格斯牛肩胛 蕃茄濃湯刀削麵 $75啲牛片有肉汁，幾好食，啲茄湯太濃，浸完落啲湯會比蕃茄味蓋過，刀削麵我個人幾鍾意，但建議嚟到叫返上海麵會比較試到茄湯味#sorriso_港島 #sorriso銅鑼灣 #sorriso_九龍 #sorriso_九龍灣-📍 蕃茄仔九龍灣常悅道21號Eastmark 1樓07號舖銅鑼灣希雲街5號地舖🕑Mon to Sun 11:30～21:15-

有冇人好似我咁勁鍾意食蕃茄㗎？我平日冇食菜嗰日，都會買蕃茄仔嚟食！所以九龍灣返工人士知道開左蕃茄專門店，一定唔會錯過！佢餐牌選擇唔算多，我揀咗我最愛嘅牛- 牛魔王雙併配刀削麵！蕃茄湯底非常「杰」，絕絕對不負眾望，直情想飲埋個湯先走，但其實價錢有少少貴，午餐都要差唔多要$100😮‍💨雖然係蕃茄粉絲，我都唔捨得個個星期食啦！提提大家佢哋而家只係試業中，餐廳樓面唔係非常順暢，大家可以等多陣先過去食啊！

朋友收工去附近新開個間店食去到店鋪人入面都差唔多坐滿曬人等左一陣就入座唔知係唔係新開既關係好多食物都賣曬最後我同朋友就叫左個蕃茄炭燒雞扒上海麵同可樂幾十蚊碗份量又多，醬汁又多，雞扒燒得夠脆口玫瑰茶飲落齒夾流香似係茶葉沖個種唔係糖醬茶食物係唔錯既，而且食完都唔會即刻催人走可以比人坐多陣先離場不過上菜時間等左好耐我碗麵等左十五分鐘之後我食左四分一朋友個碗先送到上來可能新店人手唔夠如果上菜更快就更好我冇影到相不過鐘意食蕃茄既人真係值得一試

味道與眾不同嘅蕃茄湯底，食落去係淡淡的茄蓉，自然口感好唔一樣，有啲舖頭嘅蕃茄湯底簡直係水LL，淨係睇個湯底已經見到好多心機。個人認為佢嘅蕃茄湯底係調校得比較淡口，但係好處就係可以飲…飲咗半碗都唔覺得鹹，鍾意健康嘅朋友應該都啱～跟住就係試咗佢塊豬扒同埋雞扒，外面好香脆，入面仲有汁。重點係佢嘅醃料再加上大火煎嘅效果將雞肉嘅油脂味迫出嚟，好香。老闆，可以把湯碗拿回家嗎？口味比較淡嘅嘢食的確係比較容易食完又再食…適合返工人士。

銅鑼灣總店長期都大排長龍，難得佢o係九龍東開分店，唔洗過海就可以食到人氣美食店，唔係唔試下話？！平日既lunch時間12點幾黎到可以直入唔洗等，但過多一陣已經全場爆滿要攞飛啦佢都幾主力做外賣單，所以坐低之後，堂食都要大概等3-4個字先有得食幾經掙扎之後叫o左個秘製豬扒刀削麵(+$12味噌蛋花湯底)朋友要o左特級安格斯牛肩胛 (+$6葛絲)，本來佢叫埋特製激辣肉醬，但店員話未有，我估可能係岩岩開舖無幾耐未返貨豬扒有醃同煎過..幾入味，刀削麵就太淋啦，同我想像中既正宗山西刀削麵有D出入如果你係重口味既朋友，真係好值得加$12要味噌蛋花湯底因為佢比普通果個蕃茄湯底再咸D同濃D，普通蕃茄湯底就味道偏酸D安格斯牛肩胛都有煎過，雖然薄薄一片，但好有牛味而且葛絲(我覺得=粗版既粉絲)真係同蕃茄湯底好襯，索哂D汁，好好味阿！個MENU其實寫得唔太清晰，初頭我o地以為佢所有麵都要另外加錢跟住問佢先知上海麵同刀削麵都唔洗加但其實都偏貴同埋佢唔算太大碗，就算女仔食完都唔會話好飽另外發現佢個價錢比銅鑼灣總店貴少少，但係見佢唔洗等位就算啦…

一如既往嘅好食，蕃茄湯相當濃厚，湯入面嘅蕃茄蓉和啖啖蕃茄香，配以葱及炸蒜令人欲罷不能。麵質不俗，與湯底配合度高，不過稍嫌不夠彈牙，略為偏腍。牛肩胛牛味突岀。相同價錢黎講應該算係非常岀色。同行嗌左豬扒蕃茄麵，同樣正！不過我個人鐘意牛多啲。銅鑼灣店一直相當有人氣，就算閒日都常見人龍。新店更大更舒適，終於不用為一口濃濃的蕃茄湯而受排隊之苦。新店都有新搞作，例如可以加蛋花等配料，不過今次未有試，下次再會時就試下佢啲新野！

九龍灣居民有福啦🤩！銅鑼灣長期人龍店蕃茄仔已經進駐九龍灣啦🥳，之前食過已經質素好高，新店水準依然穩定，最開心位置喺商場入面之後等位唔使咁熱😂！新店除咗人氣蕃茄湯外，都新推出冷麵💫！⤑🔸炭燒風味雞扒 $65🔸特級安格斯牛肩胛 $75⤑蕃茄湯依舊冇得輸，湯底超濃稠仲食到茄蓉，每條麵條都嗦曬汁，掛湯力好強😙！除咗飲到大量蕃茄嘅濃郁🍅仲飲到蔬菜嘅鮮甜，真係好正💓！⤑牛肩胛肉味幾香夠軟腍，雞扒真係勁大塊同個碗一樣咁長😲，外皮煎得無敵脆！麵底可以選擇【上海麵、刀削麵、葛絲+$6、稻庭烏冬+8、米制通粉拌櫻花蝦+$10 】，幾推薦刀削麵，較有嚼勁唔會煮得太軟，葛絲幾特別口感幾似薯粉較煙韌！⤑唔熟路信錯google大神兜咗成個圈🌚，其實簡單嚟講係戲院隔離有條橋行落去就到個商場，直上一樓就係🥲！