蕃茄仔

營業中

休息中

今日黑雨但係都要返工🙈🙈🙈, 所以今日在九龍灣食lunch 已經冇人頭湧湧嘅情況出現了，今日試吓食依間蕃茄仔，我同同事兩個人包場咁😅😅😅, 叫咗個芝士牛脷刀削麵, 另外叫咗一個牛肩蕃茄湯飯用蕃茄做湯底一定易入口⋯⋯除非整得好難食啦，食完之後都覺得唔錯，好易入口，另外上菜出得快，好啱九龍灣返工食lunch 快上快落嘅感覺.牛舌得兩片但厚切嘅，但係都唔差；另外嗰個牛肩胛啲肉都幾腍，不過份量唔算好多…價錢方面都唔算好平，我同事$80我$90，但九龍灣食晏價錢係差唔多，除非食兩餸飯嘅啫…

同朋友喺九龍灣睇完戲，嚟到蕃茄仔食飯，點咗蕃茄仔嘅自家鮮製蕃茄濃湯刀削麵，味道真心正！湯底濃稠，滿滿蕃茄酸甜香，無重味精感，飲落好順口。刀削麵煙靭掛湯，咬口一流。配料叫咗煙燻芝士雞柳，煎得微焦，外脆內嫩，芝士味濃郁，邪惡又好食。我地仲點咗秘製豬扒，肉質鬆軟，調味惹味，配蕃茄湯好夾。必食忌廉蟹餅一客有三件，外層炸得金黃酥脆，內裡 creamy，雖然蟹肉感唔太明顯，但整體味道香濃，當小食好正。蕃茄湯同配料都好出色👍🏻

最近在餐廳嘗試了番茄仔的炭香脆嫩雞扒，並選擇將配搭改為稻庭烏冬，實在是個明智的選擇。這道菜的雞扒外表金黃酥脆，咬下去的瞬間，肉質鮮嫩多汁，炭香味四溢，令人垂涎欲滴。番茄味濃郁的醬汁完美地襯托了雞扒的風味。這種獨特的搭配，讓人感受到意想不到的美好。當我將雞扒與稻庭烏冬一同享用時，口感的層次感更加分明。稻庭烏冬的滑順與雞扒的香脆形成了絕妙的對比，讓每一口都充滿驚喜。雖然需要額外加$8，但這個價格絕對值得。稻庭烏冬的彈性和吸附醬汁的能力，使得整道菜更加完美。每一口都能感受到番茄的清新與雞肉的醇厚，讓人忍不住想多吃幾口，強烈推薦大家來試試！

絶對係冒名而來，主要試佢出名的🍅番茄湯麵和忌廉蟹餅。炭燒雞扒湯麵🐔$70：湯底係🍅番茄，應該儕把番茄打爛，所以稠身，容易掛在麵上，味道剛好，不會太酸或太甜，不知不覺間便把番茄汁吃完😋，正👍。份量適中。雞扒皮真的有點炭燒香味。忌廉蟹餅🦀$30：3件一碟，外脆內軟，creamy饀，但完全無蟹味，亦吾覺有蟹肉，3件中僅有1件，裡面有1條紅色肉絲，猜假蟹柳吧😅。價格吾算貴，但個人覺得可試可吾試。不用加一，自己用QR下單，有🍋檸檬味的水，自己倒，任飲🤣。衹接受現金支付。星期六中午來，所以吾多人，不用排隊。

喜歡蕃茄湯的筆者，早早已bookmark了這間「蕃茄仔」。趁著今天約了好朋友到九龍灣看電影，便乘機提議到這裡吃lunch。蕃茄濃湯是餐廳自家製。湯頭質地濃稠，入口充滿蕃茄的酸甜香味，而且沒有太大味精感，忍不住邊吃邊飲。麵底選了刀削麵，帶少許煙韌口感，也非常掛湯。配餸方面，2碗分別配了煙燻芝士雞柳、秘製豬扒。雞柳煎香至微焦，外層脆身，加上煙燻芝士，邪惡又香口。而秘製豬扒同樣惹味，肉質更是非常鬆軟。忌廉蟹餅有3件。外層炸至香脆，入口crispy。內餡則是creamy口感，忌廉味都幾香濃。不過蟹肉可能已混合在內，不太吃到有蟹肉絲的感覺。

係九龍灣返工，同同事下午去商場覓食，上次網上外賣平台叫過一次外賣，今次係堂食，感覺都係堂食好食好多，不過人流真係多，都等左陣位~~芝士雞柳上海麵由於我係芝士控，所以我特別對於「芝士」兩字有情義結，今次叫左呢個芝士係有輕輕燒焦的熱熔感，都充滿了整個雞柳上，份量亦不錯~~芝士牛舌上海麵招牌所以叫，牛舌大大三塊厚切的，都鮮嫩易咬，但是偏咸了！因為成間店都係主打食蕃茄湯底，所以基本上全場的湯底都係一樣，都係稠身的，唔會好酸好甜，所以成件事好健康的感覺，我撈幾下麵基本上D湯都索晒，就可以光盤左一碗麵！

出街食得多，自然會想揀啲睇落健康啲嘅食物，番茄湯真係幾唔錯選擇，一個湯就好似食左好多菜咁，九龍灣哩棟大廈係德福隔離，lunch時間好多打工仔呀，不過都快有位炭烤風味雞扒雞扒個皮燒得幾脆，雞肉正常唔鞋，小油脂但唔算膩，個番茄湯真係幾好飲，係可以好似日本食拉麵咁飲晒成碗湯嘅程度，番茄味好濃，睇到都覺用好多個番茄打出嚟，保持到有番茄蓉口感，幾開胃同感覺幾健康，刀削麵幾幾彈牙，唔會煮到過腍，有啲咬口不過價錢黎講有啲小貴，不過係好食嘅，都會再回訪

作為蕃茄愛好者，一早已經聽過蕃茄仔，但一直都未去食過，啱啱個星期六終於有機會去食，lunch時間都未full，可能因為假日而果頭又大部分係寫字樓。叫左個原味蕃茄湯配雞扒刀削麵，個湯底質地介乎蕃茄蓉同湯之間，味道係淡淡嘅新鮮蕃茄味，唔會好酸，亦唔會太濃味，係好食又好健康嘅感覺，我幾乎係清哂成個湯。加埋個雞扒都非常嫩滑，味道都係啱啱好，正啊。朋友仔仲加左枝茶走，包裝幾得意，不過味道就比較普通，無乜特點，價錢都相對貴，下次就未必會加點啦。整體非常不錯，有機會再經過都會想再食。

📍 Red Object 🍅位置係一堆商業大廈附近所以星期日去食係好靜冇咩人落單係掃QR code必試蕃茄濃湯底（原味）亦都可以加辣，不過要加錢麵食方面有得選擇上海麵同刀削麵個人比較鍾意上海麵覺得會比較索湯🤤而麵量唔少🤤今次叫豬軟骨加上海麵呢個組合 $80豬軟骨調味有點太鹹但略嫌煮得唔夠淋身不過呢個只係配角主角係個蕃茄湯底🍅唔會太鹹，係可以飲得既湯底湯底係好杰身，將好多個蕃茄打成蓉既感覺蕃茄控必試湯底 有得揀走蔥或者走乾蔥但個人認為加左呢啲配料個湯仲好飲🤤

為左夜晚要去食自助餐，中午就去咗呢間蕃茄仔食麵，同個friend都好鍾意食蕃茄，特級牛魔王，未點之前都唔知原來個分量咁大，有牛骨髓、牛肉片、牛𦟌、牛舌，食咗好大支牛骨髓都覺得自己好補，個湯底好蕃茄好多蕃茄蓉，好濃郁，同埋食完之後唔會覺得口渴，面底啦我就揀咗烏冬㗎，唔會吸晒啲汁囉，夾一啖烏冬掛晒汁好滿足，一路食都尾都仲會有湯，叫一個set會包埋嘢飲小食同埋個甜品，其實個價錢都OK嘅，比較真材實料。

蕃茄仔紅色誘惑沒法擋🤤🤤套餐的亮點無疑是牛肩胛和和牛𦟌，這些部位因其絕妙的肉質紋理和豐富的風味而聞名。肉質的新鮮與否是品鑑此道料理的關鍵，適度的油脂分布使得這些切片在麻辣蕃茄湯底悄然煮熟後風味獨特，既保持了肉原有的鮮嫩，又吸附湯底的辛香。麻辣蕃茄湯底小辣的選擇，對於喜歡辣而又怕辛辣過頭的人來說，提供了一個絕妙的平衡點。湯底的蕃茄清甜解膩，麻辣的溫和刺激則為味蕾帶來振奮。特別讓人印象深刻的是厚切的牛舌、牛骨髓以及讚岐烏冬的搭配。厚切牛舌的嚼勁，多汁而不失口感堅實；而當牛骨髓在舌尖融化時，它那濃郁的鮮味與烏冬面的Q彈口感形成了奇妙的對比。雜香果菊花茶（凍）是一款清新的選擇。凍的狀態能夠提供一個為舌尖降溫的機會，尤其是在品嚐麵食之後。茶中微妙的果香與菊花香氣能夠有效地淨化口氣，並帶來一種舒緩的感覺。忌廉蟹肉薯餅，凸顯了菜單的多樣性。兩件薯餅外酥內軟，忌廉與蟹肉的結合呈現出奶油的濃厚和蟹肉的細膩，充分滿足了口感與味覺的豐富度。豆腐和秋葵本地鮮豆腐質地柔軟且能吸飽湯汁，使其成為了小寶石。而秋葵則以光滑而微脆的口感，進一步豐富了整體的食用體驗。65度有機溫泉蛋被視為日式料理的瑰寶，此處擺盤精美，蛋

近排想食啲酸酸甜甜嘅嘢，經過EASTMARK，啲嘢食睇落都幾豐富，一於就試下先！對比起德福，EASTMARK真係少好多人啊所以去到都唔使等位~今次叫咗兩個麵配一款小食~賣相睇落都幾靚，同埋都大大份特級牛魔王 $128一上枱就忍唔住「嘩」一聲！呢碗牛魔王有 牛肩胛、牛展、牛舌、同牛骨髓~ 大大條牛骨髓插喺麵入面，睇到都覺得好震撼 牛肩胛同牛展食落正正常常，不太特別。牛舌雖然係厚切，但煮得夠淋，入口即融，牛香味都重。牛骨髓一食落口滿滿牛油香味，抵讚不過由於太多牛，同埋好重油香味，食食下都有啲膩，配返枝茶飲會好啲~炭香脆嫩雞扒 $70(+$6 轉葛絲)雞扒個外皮燒得幾香口，但肉質唔算滑，味道偏鹹。本身我幾期待個葛絲會吸晒啲蕃茄味，但可能個湯係似蕃茄蓉質地，就唔係好吸湯，加上個湯比較濃稠，加埋葛絲似撈麵多過湯麵。如果鍾意食蕃茄嘅人，應該會好鍾意個湯底，因為食落無咩其他調味料嘅味，感覺充滿濃濃嘅新鮮蕃茄。忌廉蟹肉薯餅(2件)咬落好脆口，入面啲忌廉蟹肉都幾豐富，好食嘅個麵嘅份量好大，加上個湯好濃稠，所以更加飽肚。呢個價錢嚟講都高CP嘅鍾意蕃茄嘅話可以一試

Red Object 都食過幾次, 主打番茄蓉湯底既各款面食. 今次呢間起九龍灣, 樓面吾算大, 所有位加埋大概20個左右 (如果無記錯 LOL), 平日去吾洗排隊直接入我地兩個人一人叫左一個面, 份量其實都正常, 女仔一定夠, 男仔如果叫多肉嘅餐都應該夠🍅🍜🐔炭香脆嫩雞排 (刀削麵) $70 + 秋葵 $12塊雞排既雞皮煎得幾好, 少少焦香同脆脆地. 雞肉用既系雞上脾, 嫩滑吾柴, 唯一可以彈既就系調味差少少, 大部分調味都起曬塊雞皮度刀削麵正正常常最掂系個番茄湯, 吾系譚仔溝出黎果種, 系真系成個番茄打成蓉果隻，啖啖都系番茄肉🍅🍲🐮特級牛魔王 $128 叫左個最貴既面, 因為見乜都有得試湯底一樣就吾多講牛肩胛煎得幾香, 大塊得黎吾韌, 調味就正常偏淡牛展黎黎去去都差吾多, 吾煮過火都基本都吾會吾好味, 呢塊幾淋牛舌好厚切, 不過吾記得一塊定兩塊, 煮得岩岩好, 咬落吾散少煙韌, 調味都系偏淡牛骨髓勁香, 我覺得同個番茄湯咁配又幾搭, 食一條都吾會覺得膩, 加上吾系周圍有得食, 呢個推薦

#20240308 💛📍 蕃茄仔 @redobjects 九龍灣常悅道21號EASTMARK1樓7號舖 🍽️銅鑼灣希雲街5號地舖新蒲崗太子道東638號Mikiki LG樓LG7A號舖➖➖➖➖➖➖➖➖➖➖➖➖➖➖➖➖➖#牛魔王 $90#葛絲 +$6💭 有兩款牛既配搭，呢隻有#牛肩胛 同#和牛𦟌 ，如果另一款貴啲既仲會有埋#厚切牛舌 同#牛骨髓 ，啲牛肉片煎香左，牛味十分之香🐮不過面食就好少選擇，得上海麵同刀削麵唔使加錢，平時常見既米線或者烏冬果啲連加錢都無得食🙈試左葛絲，口感似薯粉，但瘋狂索湯，搞到啲粉食極都仲有，啲湯就無晒😥.#豚三寶 $92#米製通粉櫻花蝦 +$10💭 有#豬扒 、#豬軟骨 同#豚肉片 ，豬扒好鬆化，軟骨重膠質，豬肉片同牛肉片一樣煎香過，都係高質既肉🐽兩碗湯底都一樣，好杰身好似飲緊蕃茄忌廉湯咁，係咁飲又唔會話好口渴🍅同米通好夾，但說好的櫻花蝦唔知去晒邊😫.#九龍灣美食 #九龍灣黃店 #🐷在九龍灣 #銅鑼灣美食 #銅鑼灣黃店 #🐷在銅鑼灣 #新蒲崗美食 #新蒲崗黃店 #🐷在新蒲崗 #🐷_食

今日星期日五點幾去到人流唔多，一入到去就有位坐。首先真係要讚一讚佢個湯底真係做得幾出色，聽講個湯底係用30斤新鮮番茄熬煮，而唔係味精湯，所以一飲落口就感覺到啖啖番茄果種濃郁，成碗湯飲曬都唔會覺得口乾。炭烤風味雞排刀削麵 $68 刀削麵偏向厚身同硬，雞扒🐔味道亦都算正常發揮，雞皮燒得幾脆口，但略嫌雞肉有啲啲薄身，滿足感不大。秘製猪排上海麵 $68豬扒相對較於雞扒出色，肉質十分厚身，食落彈牙嫩口，加上上海麵本身幼身，比較掛汁，兩樣野一齊食落肚口感十分豐富，個人會鍾意呢款多啲！下次會再嗌！😍媽媽手工餃（三粒）+$20正常普通韭菜餃子味道，但餃子皮比較厚，食落飽肚感十足！嫩肉雞胸（三塊）+$18雞胸肉十分薄身，食落去肉質意外地嫩，煎得十分香口，就咁單食都唔會覺得寡！👍🏻👍🏻桂花龍井（凍）+$12正常無糖茶，冇加冰，杯size比較細，性價比不高