蕃茄仔

營業中

休息中

人氣長龍店蕃茄仔開到嚟九龍灣，同銅鑼灣店一樣咁多人幫襯，但九龍灣呢間分店位於商場入面，有冷氣等位都等得舒服啲。店舖面積唔算大位置唔多，lunch time如果唔想等太耐記住要預早到喇。餐牌上全部都係蕃茄湯底，餸菜選擇都幾多，雞牛豬都有，仲有鴨同鰻魚可以揀。另外可以加配菜，配菜以蔬菜為主。落單後大概十分鐘有得食，估唔到都幾大碗，成碗都充滿蕃茄蓉。蕃茄湯以鮮茄製成，所以係橙色而唔係紅色。由於係鮮茄而唔係茄膏嘅關係，味道比較單一但就好清新，而且唔會酸。炭烤風味雞扒大大塊而且肉質嫰滑，最欣賞塊雞皮夠脆刀削麵係闊身扁麵，口感煙韌，麵彎彎地所以非常掛湯 另外加咗媽媽手工雲吞，原來係芫茜豬肉餡，鍾意食芫茜嘅我覺得好好味總括嚟講鮮茄湯好味，雞扒同麵嘅份量都多，以同區午餐嚟講雖然有少少貴，但食物質素的確高難怪要等位都咁多人幫襯。

📍 蕃茄仔 Red Object🚶🏻‍♂️ 九龍灣常悅道21號EASTMARK1樓7號舖介紹返間好食嘅黃店先 今次去咗九龍灣分店 環境幾舒服 重點‼️間餐廳係播mirror playlist🤣 食飯都食得開心啲😚👅 豚三寶刀削麵 ($85) - 7.5/10🌟我個人好鍾意食刀削麵 煙煙韌韌咁 呢到嘅刀削麵都唔錯 不過因為唔索湯 麵同湯底好似各有各咁 至於主角蕃茄湯底真係好真材實料 仲有啲蕃茄蓉 食落真係好濃郁😚 配料都好豐富 有豬手、豬扒同豚肉片 我就最鍾意佢個豚肉片啦 好香好好味😋👅 牛魔王(雙拼) 刀削麵 ($88) - 7/10🌟呢份就係牛肩胛配牛腩 配料比較少 各兩件 相比起豚三寶我就覺得比較普通 冇乜驚喜 正正常常～整體我自己覺得冇傳聞中咁好食😂 不過不失🤙🏻必食指數👅💦💦：7/10 (下次有機會試下拌麵先🤪)#黃店 💛

番茄仔秘制豬扒刀削麵特級安格斯牛肩胛葛絲價錢💲: $65/ $75+6好味程度😋: 2/5服務🍴: 3.5/5環境🗾: 2.7/5性價比🥢: 3/5回頭率😚: 2/5-好小會咁快出，但佢真係太令我難忘，我要即刻分享🤫 蕃茄仔我一路都好高期望，由佢係cwb話要排到而家開埋九龍灣分店，我都好想去食。終於去左九龍灣個間試下，點知😣 未講食物質素，座位已經好狹窄，想攤開小小隻手食都好難。。。仲有好熱，一路食一路有汗，明明我未食都冇汗😩-統一講下個湯先。係好杰，好似醬咁既。顏色偏橙而唔係紅。飲落我唔覺得係飲緊番茄湯🍅，因為完全冇茄味。一啲酸甜都唔覺😰 有啲似係BB食個啲蔬菜醬溝小小水咁😥 又唔係難食，只不過一啲都唔蕃茄。同埋落炸蒜個人覺得唔太夾☹️-❌秘制豬扒刀削麵。刀削麵口感幾好，粗得來有咬口，但唔好expect佢會掛到湯🤔 豬扒偏薄又乾，食落都硬。。。-🆗特級安格斯牛肩胛葛絲。葛絲QQ既，幾煙韌😆 但佢真係好爽湯，會令到成個湯更似醬。同埋我懷疑佢葛絲冇隔乾水就放落湯到。因為呢碗個湯係更淡，同寡🥴 唯一覺得好食的係牛肩胛，牛味濃郁，口感軟滑，係片高質的牛😬-整體真係好驚嚇，唔知係佢質素唔穩定，定

呢間成日都好多人，12:15到已經要等最近終於食到一次，點咗牛𦟌刀削面湯底係打爛哂嘅蕃茄，好creamy，近似西湯嘅質感，同坊間其他主打蕃茄湯面嘅舖唔同，會係你想飲埋嘅湯底面質正常牛𦟌超腍，但同行朋友叫和牛好食啲，牛味濃好多呢間一定會encore

近排成日見人推介蕃茄仔，見到張相嘅蕃茄湯超濃郁，口水都流埋🤤知道佢係九龍灣開左新店，咀近當然要去試試佢🤭平日lunch time時間去當然要排隊，一拎飛都要等14張檯😣 要食嘅朋友都係揀非繁忙時間食🤣夏日炎炎排左咁耐隊，當然要叫嘢飲解一解渴，見店內有唔少人都係隔離飲品店買嘢飲過黎飲，不過唔清楚蕃茄仔比唔比，我地就叫左佢地嘅冷泡茶飲，佢地嘅冷泡茶係香港製造，加分～ 而且飲得出有淡淡嘅花香味同果味，夠晒清新，岩晒食完濃郁蕃茄湯麵後飲🥰🍑白桃烏龍（冷泡） $18🌺桂花烏龍（冷泡）$18🐮牛魔王（雙拼：牛腱、牛肩）刀削麵 $88🐷豚三寶(豚肉片、豬手、豬扒）刀削麵 $85豚三寶同牛魔王係餐牌上面推介之一🌟豚三寶分別有豚肉片、豬手同豬扒🐖牛魔王（雙拼）分別有牛腱同牛肩🐄豚肉同牛肉特別燒過，有一陣炭燒味，特別香🤤 豬手雖然燜得好淋，但仲有好多毛，扣左啲分😞 食嘅時候大家要小心～蕃茄湯超濃郁，唔會太酸，味道岩岩好，食嘅時候連埋麵一羮羮咁食埋，正🤣 不過個日揀左刀削麵，感覺唔夠入味，可能揀多人食嘅葛絲會比較吸味，會同蕃茄湯更加夾😎

本身就好鍾意食蕃茄湯麵，之前Red Object得銅鑼灣店，知佢開左入九龍灣黃店集中地Eastmark當然要去試下(食完記得幫襯埋旁邊嘅良心茶飲，遲啲會介紹)。餐廳位於商廈區，但星期六日一樣人頭湧湧，我地入座無耐已經有人龍，小店採用開放式廚房，煮食空間乾淨企理。🍽特級安格斯牛肩胛 ($75)🍽炭烤風味雞扒 ($65)🍽秘製豬扒($65)顧名思義，呢度只賣自家鮮茄濃湯麵，menu非常簡單，選擇喜歡嘅餸同麵底就可以。由於湯底一樣，而我地三碗麵都揀左刀削麵就一齊寫啦，免費嘅麵底仲有上海麵，亦可加錢轉稻庭烏冬同葛絲，刀削麵粗幼不一，煙韌掛湯。牛肩胛質感軟腍無渣，雞扒皮薄肉滑，豬扒調味唔錯但韌左啲。茄湯相當稠身，食到蕃茄蓉，感覺有落薯仔同蔬菜熬煮所以好鮮甜同有粉粉地嘅口感，難怪一度食一度見到有人飲晒啲湯。餐牌：

今日同朋友訓醒決定去一試「蕃茄仔」，但由於撞正放飯時間，所以好多人排隊，等左大約20 分鐘，要等齊人先入得。入到去一坐底，店員比左張MENU 我地，我地以為要在紙上畫底食咩，於是自己搵左支筆寫落張紙到。❗️❗️但大定記得唔好，因為係口頭落單，張紙唔寫得。感到萬分抱歉🙏🏻🙏🏻🙏🏻🙏🏻🙏🏻蕃茄湯底好濃郁，配有好多炸乾蔥，豐富湯底的味道，湯底帶少少碎左的蕃茄，唔會太酸亦唔會太甜，味道剛剛好。1.牛魔王（雙拼）刀削麵 $88雙拼指牛肩胛配牛腩 ，牛肉夠軟夠冧，仲好有牛味 且牛肩胛煎得好香，好味道。2.豚三寶刀削麵$85豚三寶包括豬扒、豬手和豚肉片。試左朋友的豬扒和豚肉片，好喜歡佢燒過的味道，有一種煙燻和炭燒的感覺，而且好軟好冧，有肉汁。3.白桃烏龍（冷泡） $18天然香甜，不苦不澀，帶點清新的白桃味，唔錯。4.桂花烏龍（冷泡）$18

#wetdodo_九龍灣 #wetdodo_銅鑼灣💛本身得銅鑼灣先有既番茄仔🍅第二間分店落址九龍灣East Mark商場仔即係大渣哥上面果個商場～想講呢到都算黃店聚集🤪不過呢到啲位會比較迫啲～食完想傾下計可能要轉轉場🤫—————————————————————💛特級安格斯牛肩胛番茄濃湯上海麵 $75😋：8.5/10想講番茄湯真係超級濃～濃得黎調味都啱啱好🤩不論叫咩麵都會掛滿湯汁上海麵夠幼身 啲湯又濃 成個撈麵咁正🥰好似西式濃湯咁 直接用原材料打溶！仲有啲碎粒可以撈埋落麵到食仲增添左口感😚牛肩胛真係好香濃既牛味見到佢地係新鮮即煎呢個部位既牛肉質夠瘦唔會覺得肥膩～就咁食落份量會覺得麵唔算話好多但飲晒啲湯真係好飽好滿足💓💛炭烤風味雞扒番茄濃湯上海麵 $65😋：7.5/10番茄湯麵同牛果款係一樣～雞扒皮都煎得幾香脆不過雞肉本身調味唔太重比較清淡～肉質都係正常雞扒應有 冇雪味的～重口味人士建議揀番牛🥸💛桂花龍井 +$12無糖茶黎～都幾香茶味💛汽水 +$8想講佢張menu有少少陰濕😂雖然佢印錯左為左支持環保照用都無可厚非但天真既我仲以為包汽水🤣—————————————————————🍅👦🏻🍅👦🏻

蕃茄仔📍九龍灣💛Red Object呢間餐廳有留意開黃店都知佢黃到發金。強制要用安心出行或者寫紙仔之後，蕃茄仔曾經停咗晚市堂食。而家開返晚市大家真係要大大力懲罰。炭烤風味雞扒上海麵 $65晚市來講呢個價錢真係算好抵，份量都好足夠。雞扒燒得好香口，雞肉部份亦都好嫩滑，上面黑色嘅汁鹹鹹地好香口，同蕃茄湯好襯。蕃茄湯非常稠身，有滿滿嘅蕃茄蓉，但係味道就唔算非常香濃，作為一個非蕃茄控人士我就覺得啱啱好。總括嚟講，成碗面味道中上價錢親民份量飽肚，喺附近返工嘅打工仔不妨lunch time去一去～P.S. 九龍灣店少人過銅鑼灣店好多（一樣咁好食）

一直都好想試蕃茄仔 今日lunch終於有時間食啦 蕃茄湯底真係好濃郁 好味👍🏻炭烤風味雞排刀削麵💛雞排煎得幾好 同埋佢剪開一條條咁上 食客食得好方便不得不讚係個湯底真係好濃郁 同埋佢係好杰身 應該用左好多新鮮蕃茄整 個蕃茄味道好出 唔會好假另外 個刀削麵都好食 好彈牙 每啖刀削麵都掛有蕃茄濃湯 好味👍🏻秘製豬扒刀削麵💛同事就叫左豬扒見到佢話秘製 本身期望會好好食 但食落就一般 冇特別同埋豬扒有少少鞋口雖然個份量唔算好多 但個蕃茄湯底好足料 所以食完都好飽

嚟到九龍灣，搵下係九龍灣做嘢嘅朋友食飯先。Eastmark都幾多鋪頭，人頭湧湧。呢間係新開，都想試好耐。座位唔多，12點半多啲去到都已經唔少人等緊啦。如果想食，要早小小去，至少都派一個代表去。呢度只收現金，要留意番。上菜速度有小小慢，但仍可接受。有辣亦有唔辣，都幾多選擇。跟餐係無飲品送，一律另加。麻辣惹味拌麵，秘製豬扒，65元。豬扒係juicy，係香口。剛上枱以為拌麵無嘢，撈埋係勁香口，小小辣唔會太浮誇，配料撈埋仲要粗麵，都掛得到。朋友同我一樣嘅食評，我哋同樣鍾意。

「主食」構造就是：蕃茄濃湯、肉、麵。肉的選擇不少，見到門口招牌寫了本月精選，加上喜歡煙燻的味道，於是看到是煙燻芝士雞柳瞬間決定就是她了。麵的選擇有好幾樣。排隊時看著大家捧著貌似日式的大拉麵碗以為會是拉麵或烏冬底，但誰知道是中式麵。而且是最會掛湯的上海麵和刀削麵，現在想起其實是非常適合呢。湯底濃郁，啖啖茄肉。而且吃下去只是溫溫/微熱的感覺（有別於一般吃湯粉麵燙熱燙熱的），但慢慢會越吃越溫暖，是味覺與心靈的雙重療癒呢。現在是盛夏或許會吃得一身汗，但冬天來吃一定是超正！至於肉，有一點點失望。煙燻芝士第一下聞起來/吃下去是有點淡淡的煙燻香味，但很快就消散了。雞柳則沒甚麼味道，唯以份量搭救。另，麵的配料有各種蔥蒜，不喜歡的人要記得走青走金蒜啦（但我覺得這些也很重要！）。下次再來試別的麵，而且看到好像有餃子。期待！

終於等到蕃茄仔開到嚟九龍灣，當然要去試下啦，12點前嚟到即係入座唔洗等位，正👍簡單介紹返，蕃茄仔成間都係食蕃茄麵，只係唔同配料 自家鮮茄濃湯🍅碳烤風味雞扒($65)全店都係賣蕃茄濃湯，當然需要一定質素啦。蕃茄濃湯有別於其他蕃茄湯底，係「傑撻撻」嘅蕃茄蓉，味道真係剛好口，怕酸嘅我都覺得冇問題。然後連平平無奇嘅雞扒都不得了，有碳烤嘅香味，雞又滑，一個字「正」我揀左上海麵，麵質偏林，索哂蕃茄湯🥰 色香味俱全，又係良心小店，抵佢排長龍👍

𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎今日中午𝟣𝟤:𝟣𝟧 去食，前面已經有五六台等緊。等左大約𝟤𝟢分鐘入得。枱與枱之間都有間板，仲印左大大個蕃茄仔𝓁𝑜𝑔𝑜。🌟 秘製豬扒蕃茄濃湯刀削麵 （$𝟨𝟪)未食之前仲驚𝒹湯得好少，好彩一上菜見到湯都算多，仲要勁濃郁！濃稠嘅程度有啲似平時撈麵嘅醬汁😍 仲要鋪滿炸蒜頭🧄🥰豬扒切成一條條先上碟，可能冇另上既關係賣相唔太吸引。不過味道幾好，唔會太瘦，幾有咬口，調味唔錯，但又唔會搶左肉既鮮味。😚𝒹湯撈埋炸蒜真係好！正！湯頭勁濃，食到茄醬味🥫同時都見到𝒹打成蓉既蕃茄🍅平時好驚食蕃茄湯食到好假既茄膏味，但呢個湯有種好𝓅𝓊𝓇𝑒 既感覺，微微既蕃茄酸，冇落太多調味。𝒹面幾有咬口，非常掛湯，但略嫌比較碎，夾既時候好易彈起整到𝒹汁😌但整體黎講真係好滿意呀🤤🤤🤤成碟湯比我飲晒🌟慢火澳洲和牛展蕃茄濃湯刀削麵 （$𝟪𝟢)呢個個牛展唔會太林，味道都幾好🙂📍蕃茄仔 𝗥𝗲𝗱 𝗼𝗯𝗷𝗲𝗰𝘁九龍灣常悅道21號𝘌𝘢𝘴𝘵𝘮𝘢𝘳𝘬 1樓07號舖

成日聽人地講蕃茄仔，今日終於嚟左九龍灣間分店試。我同我frd分別叫左牛肉同埋雞扒，都係要左刀削麵，再加多左支白桃烏龍。蕃茄湯係好「潔」個隻，唔係我中意個type🙈不過牛肉係幾濃味，而且都好大塊，雞扒就普普通通。刀削麵就幾煙韌，都幾好食！