蕃茄仔

營業中

休息中

我一隻都係一個蕃茄控，基本上食啲咩有蕃茄揀嘅話我都會揀呢一個湯底，所以呢間蕃茄仔真係啱晒我，啱啱佢嘅湯底超級濃郁🤩🤩🤩🤩一定係用咗唔少嘅蕃茄去打成茸，仲有少少creamy嘅感覺，酸酸地超級開胃呀👍🏽🥰😍//仲有就係佢嘅牛肩胛，望落去好似好薄咁，識落口感味道佢係非常之濃牛味，而且一啲都唔難咬，好彩份量都好多塊！😍以我今次就配左刀削麵，麵質都好有咬口，成個麵overall都真係呀蕃茄控嘅天堂

是日lunch12:00去食，真係幾多人，不我我真係一個番茄控，所以點都要試下，等左20分鐘位呢度自助點餐嘅，所以一定要有位先du到個qr code點餐，得一個鐘lunch黎講已經唔係幾夠時間，一入到去就即點啦，之後見到隔離枱果張單order時間係20分鐘前都心知不妙，要等20分鐘先出到餐。我等左30分鐘之後就問下個餐得未啦，因為真係夠鐘喇，點知佢答我，“正常架. 呢啲時間係咁” ，果刻真係好嬲，最後35分鐘先黎第一個餐講返嘢食，見食評講好濃郁所以諗等下都抵，但係大家講嘅濃郁應該只係個湯係一patpat打溶咗嘅texture，而唔係個茄味濃郁，佢嘅番茄味係冇乜，我覺得佢可能係溝左南瓜打溶，所以係甜味大過茄味，番茄湯唔合格不過佢啲肉就真係整得好好味喇，我個豬扒係又滑又淋，而友人個牛展都係又淋又入味，啲肉真係要比個like佢

我在九龍灣食，我問服務員是否要在手機點餐才能用饍，服務員答是之後就沒有進一步的問顧客有否需要幫助，如果有年長客人沒有智能手機可能就吃不到貴公司出品，及後我點了一 分豚三宝， 但是當食品到我面前 服務員才說少了一樣 食材 但已補回奇份量 我不明白為什麼少了一樣食材 都不用向客說明 應否換過第二種食物 我覺得好有問題希望貴公司能夠檢討一下

今日食咗個炭烤風味雞扒加自選蕃茄濃湯再加左$8將刀削麵轉左烏冬，個蕃茄湯底喺OK嘅，但係呢冇傳說中咁好味，成$76蚊重要晤包野飲，都几貴，上次食過一次刀削麵就麻麻哋，今次個烏冬就可以接受

蕃茄仔九龍灣常悅道21號EASTMARK1樓7號舖自家製蕃茄濃湯炭烤風味雞扒配稻庭烏冬 $65 (7/10)番茄湯底鮮甜稠身，唔會過酸或者過甜，同時間不難係入面睇到蕃茄蓉，係足料既象徵，烏冬煙煙韌韌，但個人認為刀削麵同呢個湯底夾啲～ 雞扒方面煎得幾香脆，特別嫩，入口有炭燒味，美足不中係調味唔太重，比較清淡😢之前食過銅鑼灣店就覺得幾好食，簡直係蕃茄愛好者的福音！

呢度嘅蕃茄湯超濃郁，好似係蕃茄薯仔湯嘅濃縮版咁樣🤣，好容易做到掛湯嘅效果今次叫咗個雞扒餐我們會有埋甜品同埋小食揀添，雞扒外皮煎得香脆。另外叫咗一個牛魔王鮮茄濃湯，牛肉都OK好食。

知道在銅鑼灣有一間人氣番茄湯麵專門店【番茄仔】憑著招牌番茄湯底打響名堂。最近終於在小編公司附近開了分店，剛好可以去品嚐。門口招牌【Red Object】名字令小編想起……xx object. 【Red Object】室內環境善用每寸空間，因此比旁邊的食店熱鬧又親密。 坐底沒有Menu 顧客掃QR code自助落單，幸好在門口等位時拍下這個貼在牆上的Menu。傳統Menu 其實都有它的存在價值，特別是圖文並茂的Menu，可以增加菜式吸引力。【Red Object】菜單簡單，主要分為蕃茄濃湯及麻香拌麵系列。配料有美國牛、澳洲牛、加拿大豬、鰻魚，選用的配料上質，因此定價比粉麵店高。最平是$68的雞扒麵，最貴是$128 的牛魔王。另外門口有個四点半後限定推介……竟然$126。雖然定價略高，但午飯時間都是大排長龍，証明有它的優勢。第一次來【Red Object】當然要試番茄場，配料小編揀了有手指公的秘製豬扒……等左一陣終於呈上【秘製豬扒番茄湯刀削麵$68】表面放了青葱及乾葱去提升味道外，賣相都有提升……到似碗日式拉麵豬扒表面煎香了賣相吸引，豬扒已經切開方便客人進食。這個豬扒有些脂肪，肉質不會死實

鐘意食蕃茄既朋友，一定要試下蕃茄仔既蕃茄湯。個湯既濃厚程度，我會話暫時未有其他餐廳比佢做得更好🥰湯底好濃好杰，好似用左好多新鮮蕃茄打出黎既醬汁咁。無咩味精味，而且好重蕃茄味，係會食完個麵都想飲晒d 湯。麵既份量相對係偏少，但個湯太正既關係。一定會忍唔住想飲埋佢，咁就會超級飽😆炭燒雞扒真係有炭燒既香味，而且個皮係燒到脆口，非常好味。雖然一碗麵唔包野飲要$68 確實係唔平。但以佢個湯實在太高質素加埋個雞扒，真係物有所值👍👍

👧🏻😋👅🍽✨蕃茄仔 Red Object（九龍灣常悅道）-💛手機QR code落單本應方便左, 但冇貨又唔update system改左我兩次單😢💛11:30準時黎到但仲準備中, 真係要唱返句「準時到試下唔好急; 好肚餓不妨試下等一等」😂💛本身有諗過放棄但竟然見有人排隊咁就一定要試啦, 點知有少少失望, 下次未必會再黎-🍅🐄🍜 鮮茄濃湯-牛魔皇 (牛肩胛, 和牛展) $90✨啲肉幾好食但份量偏少, 各兩舊, 所以都唔平☁️鮮茄濃湯好唔濃🥲 唔重蕃茄味, 但好彩都唔係好重調味, 唔會鹹到腎虧✨刀削麵都OK, 比較幼身果款, 掛汁都唔錯 (如果個湯正既話😂)-🦆🍝 輕煎三味鴨拌麵 $88✨勁好味😍三味醬好香麻味, 估唔到係蕃茄仔係拌麵先驚喜😂✨鴨肉都好鮮嫩, 不過有少少骨, 要小心D食-🧀🥓🥖 加配 安文達芝士煙肉麵包條 +$20✨唔錯, 好香芝士味, 但略嫌煙肉有點唔夠鹹香✨點落個蕃茄湯好似唔多夾, 仲會整到好林XD 所以就咁食就唔錯-加配 特製激辣肉醬 +$18☁️說好的激辣呢😂 我唔食得辣都完全食到☁️見佢個醬咁貴一定好正, 點知譚仔炸醬都抵食過佢, 佢比較乾身.. 不過重點都係唔辣-🥤S

-📍蕃茄仔📍身為蕃茄湯底愛好者嘅我，一早已經聽過蕃茄仔嘅大名🤣聽講銅鑼灣店成日大排長龍，知道之前喺九龍灣開咗新分店，咁啱經過終於可以食到蕃茄仔🍅🍅湯底係好濃郁嘅蕃茄湯，食到好多蕃茄蓉！仲食到有啲香草味🤔湯嘅份量非常足夠，好大碗！🤣而且茄湯比較濃稠，啲麵可以掛到湯🤤本身麵底有上海麵同刀削麵，不過都可以加錢轉葛絲、烏冬同米制通粉！今次食咗特級安格斯牛肩胛（$75）牛肩胛都幾有牛味，厚薄適中有幾塊，麵底轉左稻庭烏冬一樣咁正🕺🏻🕺🏻仲加媽媽手工雲吞😂冇記錯係有啲芫荽喺裏面。另外，仲食咗炭烤風味雞扒（$65）上海麵都可以掛到湯，雞扒肉質非常滑嫩，個皮燒得幾香帶點脆口，大大塊切開有5塊左右～蕃茄仔仲有好多唔同嘅麵款選擇，鍾意蕃茄嘅人一定唔可以錯過！！🍅🍅🍅

🍅蕃茄係又平又健康既蔬菜好多時家常小菜都見到佢既踪影而我最喜歡娘親煮既蕃茄炒蛋❤️世界級美食 絕對係可以自己食晒成碟蕃茄當中有種成份叫茄紅素女既可以美顏抗氧化男既仲可以預防前列腺肥大😏當然啦～要食真蕃茄先至能夠完全攝取到黎緊正正就係一篇真蕃茄湯底既分享喇🙌🏻🟥⬛️炭烤風味雞扒+刀削麵 $68 ⬛️🟥大大碗熱焫焫！湯頭呈淺紅色🥰呢隻色正正就係用真蕃茄熬製既顏色😭！！少少杰身有啲茄蓉，係真既蕃茄打出黎既質地😭味道一定比出邊「蕃茄湯」清淡，但多左份清新鮮甜味，咁真材實料我都唔覺意飲左幾啖😳我懷疑因為個湯比較杰身，即使食到最後一撮麵都依然會有少少煙出，keep warm效果好似寧舍好🤔讚完個湯就要讚下雞扒😚炭燒燒到雞皮夠香脆，不過我一向唔食雞皮，所以丟晒🤭雞扒唔算太厚，細心位係切件上！最讚係縱使燒完塊雞扒都唔會令成碗麵油膩左！！而且雞扒肉質嫩滑細緻幾juicy！無雪味只有好味😚讚完雞扒就要彈下個刀削麵😛不過唔關店家事，刀削麵一向都係煙韌帶點硬及粗糙厚實，呢個都唔例外，驟眼睇麵量唔多，實際食落肚都好襟飽，下次再食一定會揀上海麵🙌🏻

九龍灣戰士- 濃茄湯麵真係好茄🍅🎈牛魔王 上海麵$88 🌝🌝🌝🌝🌚🎈秘製豬扒 刀削麵 $65 🌝🌝🌝🌗🌚銅鑼灣嘅人氣鋪最近係九龍灣開咗新分店🥰見到濃濃嘅蕃茄湯底想食好耐了🤤🍅🍅🍅牛魔王🐂係雙拼，裡面有牛肩胛同牛展🤩牛肩胛似用火燒過咁😚好香🔥牛展亦都炆得好淋✨最緊要係蕃茄湯底真係好似飲緊西餐嗰啲蕃茄濃湯咁🍅好濃郁 飲落係用好多蕃茄打出黎😆好杰身💥調味唔會太鹹 夾埋上海麵食掛曬湯好正💯秘製豬扒本身調味就唔太重，較清淡🐽肉質就正常發揮☺️但勝在煎得夠香😳 👷🏻‍♂頭盔情侶👷🏻‍♀️就覺得刀削麵冇上海麵咁掛湯🤣p.s.兩個麵上菜速度好唔一致😣差唔多食完大半個麵先上另一個🤭用餐感受差左少少🥲

💛蕃茄仔💛🍅🍅🍅🍅🍅🍅🍅🍅🍅自家鮮茄濃湯秘製豬扒上海麵$65自家鮮茄濃湯三味鴨上海麵$82🍅🍅🍅🍅🍅🍅🍅🍅🍅鍾意蕃茄一定唔好走寶湯底十分之出色真係用蕃茄打出黎個湯杰撻撻，同埋好多蕃茄肉我飲晒成碗湯都唔會口乾😮‍💨豬扒無得輸三味鴨係煎煙鴨胸🥲同想像有啲出入🥲不過總括嚟講都係正嘅🤟🏽🚶🏽‍♀️🚶🏼🚶🏽‍♂️🚶🏽‍♀️🚶🏼🚶🏽‍♂️🚶🏽‍♀️🚶🏼🚶🏽‍♂️

喜歡吃蕃茄 常常聽到銅鑼灣的蕃茄仔 一直想試原來九龍灣都有分店 然後即刻去食下午時間不用特別等位 很快就可以入座(相信lunch time應該多人) 牛魔王 配 刀削麵牛魔王是指澳洲和牛與安格斯牛肩胛，果然兩樣都不令人失望，牛夠淋又重肉味，牛肩胛有咬口又薄切。蕃茄湯底是重點! 不要以為是拉麵/米線的煲湯蕃茄湯，實際是超濃的蕃茄溶 (類似沾麵食法) ，叫刀削麵可以讓蕃茄溶掛在麵上，一起進食。 玫瑰烏龍茶入口清新，無糖的茶味重，飲完有輕輕的玫瑰香味，微甘好飲。

試新店 ... 又是那些桌面有QR Code點餐的餐廳，至憎！幸好它有紙menu，我也有翻看網頁內的menu，不甚齊全，價錢跟紙menu也不盡相同，“裝嚟把鬼”！幸好侍應哥哥可能知道自己個menu有問題，早已準備給我下單，怎知我未開口，他已跟我說這是last order！唉！ 頭頭碰著黑！只一碗“濃湯蕃茄秘製豬扒麵”已68塊，有點貴！兩個死窮鬼，本不是那麼肚餓，點了一個面及兩個“小吃”便算 ... 怎知碗口大，裝不了多少，那兩“小食”竟然也放在碗中，不是另上的，於是變了一碗更貴、98元的麵。麵當然是先唊一口湯，嗯，好味、清新、醒胃，湯底應放了不少如西湯四寶的蔬菜，如洋蔥、蕃茄、西芹及薯仔，夠厚夠味，豬扒夠嫩夠入味，煎得不錯，那三片萵荀，12元正，四元一塊，你怎看？那野生雜菌，味道也不錯，夠香，沒噏味，但18元才一小撮，這裏是一般小白領上班的地方，消費力真的那麼強嗎！