蕃茄仔

營業中

休息中

蕃茄仔位於九龍灣黃店集中地 EASTMARK，舖頭左邊係木衛二，右邊係齊柏林，三雄鼎立，企喺門口，已經覺得無比興奮😸。顧名思義，呢度最出名嘅係蕃茄湯底，叫咗碗特級安格斯牛肩胛刀削麵，一上枱，見到湯底好杰，已經覺得有啲料到；呷一口湯，滿口蕃茄蓉，味道偏濃偏酸，完全係我喜歡嘅味道。湯入面有蔥花，羅勒葉，炸乾蔥同炸蒜粒，夾埋牛味好濃嘅肩胛肉一齊食，口感同味道都非常豐富。至於所揀嘅刀削麵好厚好闊身，口感煙韌，一啖湯配一口麵，味道剛好👍。食哂成碗麵，連湯都飲埋，好飽，好滿足🥰。