蕃滿門 (已結業)

為了慶祝暑假的開始，當然要到蕃滿門食一頓蕃茄餐賀一賀！ 晚餐的蕃滿門像往常一樣多人…排了十多張桌子，等了半個多小時… 雖然想試焗飯，但禁不住蕃茄湯的引誘，還是叫了煎雞扒螺絲粉，朋友叫了金錢肚意粉，再加上士多啤梨奶昔香藍莓奶昔，因為第二杯半價… 奶昔首先到…士多啤梨甜甜的…不錯，但冰實在多得誇張，所以不久後便太淡，二十多塊錢但份量少得驚人的奶昔… 期待已久的主菜，雞扒份量不少，煎得香香，蕃茄湯內的蛋滑溜溜最美中不足是刀子是鬆鬆的，實在不好使用…切得手攰 金錢肚原來藏在湯中，辣辣的，但本小姐不喜歡食物混在一起的味道另外建議選擇可用匙用餐的螺絲粉，長通粉等，因為可以連湯一起食！最後2人137元結賬，晚餐這價錢吃這質素，夫復何求？

蕃滿門好食得黎，價錢又真係幾合理。2人餐，每人98，有飯有粉有小食有甜品老實講，我同我朋友都算食到下野，都食唔晒建議女仔可以3個share佢地既招牌野 當然好味第2道上了，就是這粒粒包幾好食，不過佢唔應該咁早上食完都飽左7成 個豬扒飯其實好好味，豬扒好軟，但因為太飽 食唔到我鍾意呢個!! 佢蕃茄味得黎又辣辣地好惹味!!!最後，係呢個木糠布甸麻麻地，個cream太實，而且杯野唔夠凍不過食咁多樣，先得一樣差啲啲又可以接受既

難得兄妹聚，雖然只係大埔，但梗係要搵下好嘢食，所以就去大埔中嘅名店「蕃滿門」。嚟得蕃滿門，緊係要食下特式蕃茄滑蛋濃湯餐，有唔同主菜可揀，要蕃茄滑蛋濃湯可麵可粉，選擇眾多，而且可以揀辣唔辣。香酥雞扒 $42 ，味道好夠，除咗腌料外都有幾香雞味，炸得香酥可口，唔會有太多炸粉，正！脆皮咸豬手 $42 ，好多朋友推薦嘅主菜，豬手焗得皮脆金黃色，皮脂肪大部份已經被焗走咗，剩低既外皮口感香脆煙韌，而入面反而啖啖肉，意外好食！蕃茄湯長意粉嘛，炒蛋滑嫩，湯底有濃鬱蕃茄香，而且無味精感覺，保持一貫高水準。

好耐前食過一次蕃滿門，一直好懷念，無奈住得遠唔會山長水遠去食。今日終於有時間去食了，下午茶時間好多人等位，朋友到先，己拎左飛，我到左之後再等一陣。落雨天係蕃滿門門外等位，興致甚濃。等左陣就入得。（左上）朋友的，下面再詳講。（左下）我的，下午茶SET A，雞肉無以前煎得咁香，但蛋比以更好味，好滑，湯底濃郁，我飲左好多，之後又唔覺口渴，好正！（右）朋友特飲，聽講幾好飲。呢個就係頭先（左上）朋友的，好似係叫雜錦咩咩咩？對比我個TEA SET，超大碗，勁量！朋友分左一些長通粉、半個貢丸、香菇、蟹柳、牛腩、豆卜比我。不過佢到最後都係食唔哂。長通粉：有質感！比我個螺絲粉好味！下次我都食長通粉！半個貢丸：人唔鍾意貢丸，因為覺得好似食緊一團粉咁，但佢幾個幾香唔粉，ＯＫ！香菇：幾軟。蟹柳、豆卜：無特別牛腩：牛腩面的牛腩，同呢個湯不是好夾。總括來講，瑕不掩瑜，依然想再食。如果有多點水準一樣的分店就好。

適逢農曆新年，到林村許願樹一遊，之前便到大埔吃午飯。很多大埔有名氣有歷史的餐廳還在新年休假沒有做生意，於是到這間比較新的餐廳一試。本來是沒有太大的期望，但是也十分喜歡那個茄味和辣味互相融合，不搶對方風頭又各居重位的湯底。螺絲粉也不錯。唯有是燒豬腳有點失望，味道是很野味，但如果你是希望在野味的脆豬皮以外也希望有點肉吃的話，便可能有點失望。焗豬也不錯，但感覺上豬扒比較薄比較乾，始終還是焗豬一哥大快活的豬扒比較多汁鬆軟。整體上十分欣賞這舖的誠意，努力！

住同返工都喺市區既我深深感受到連銷食店既霸權，不斷加價不特止，菜單種類小、出品馬虎，總之食飽你就算，"好悶呀"，對於d食得出有passion既食肆，不得不寫篇食評推介一番。未夠7點黎到唔駛等位，不過2次黎都坐左上閣樓，環境係比較擠迫，但係坐低已俾個menu吸引住，食物飲品都好多選擇，唔係太公主應會接受到 。我今次encore, 都係叫左咸豬手螺絲粉。聖誕節嘛，係要食d啹啹下既食物開心d. 老公話，"好肥呀"  ，佢真係唔識野，豬手皮焗得小小脆，外表金黃色的，入面啖啖肉，最重要皮裏面既脂肪大部份已經被燃燒，剩低既口感香軟煙韌，充滿骨膠原，絕對唔油膩。至於蕃茄湯底嘛，有洋蔥同埋蛋花，我覺得螺絲粉先可以索到湯，一啖吞下，份外滿足。有個小發現，今次無飲特色飲品，叫左凍朱古力，我無expect佢會有cream喺面，賣相已經有別一般茶記，飲一啖，果然有料到，我敢講可以比娓Godiva 果杯，隨住d cream慢慢溶，味道更加香濃細滑。另外order既鴛鴦炬飯，屬於正常出品，新鮮熱辣，亦不妨一試，咖哩牛腩都幾淋，豬扒同牛腩既份量比飯還要多。其實次次都好想試佢既甜品，好似窩夫、甜麵包粒，價錢都30

難得去大埔試下呢間男朋友推介既tomato club,,踏完單車已經十分餓～好彩等左十分鐘左右就入得(因為好凍)!! 其實平時好怕食蕃茄;$ 但男朋友話好甜好好味唔會酸,,所以就試左佢個招牌蕃茄滑蛋螺絲粉要雞軟骨餃子,,男朋友就要特色蕃茄滑蛋飯跟煎雞排～仲叫左一口包包 香芋味! 香芋包包烘到鬆脆 好好味好香甜:3 整體係好味 又唔貴^_^

一個星期前已經叫定男朋友今日陪我試呢間蕃滿門,因為自己好中意食蕃茄,同時見openrice既排行都唔錯,就試下啦下午茶時段去到,要等四張台,大概十分鐘到,都幾快之後入去食就好興奮,我地兩個都係要特式蕃茄滑蛋濃湯粉,一個要炸雞,一個要豬扒。個蕃茄湯粉好濃好香,因為我食得辣,就叫左小辣,但我都覺得應該唔辣or微辣會好少少,唔會搶左蕃茄味。我地都認為雞係好食個豬,不過豬都唔錯既,男朋友就認為雞既炸粉有d多,我就覺得都OK既。兩份都好大份 我地差唔多食剩一半..有D浪費咁..不過真係食得太飽食唔落應該會再食架啦,因為真係咁既價錢黎講唔錯

下午茶三十多元跟餐飲蕃茄湯底 螺絲粉 雞軟骨餃子 +粟米雞軟骨餃子皮煎得脆 雞軟骨爽粟米唔覺如推介般夾蕃茄味 一般湯底好夠蕃味 唔會水汪汪另外一碗配肥牛肥牛唔肥 煎得夠香 好味跟餐叫杯熱奶茶喜出望外的有茶味好飲味道好好價錢優惠但一入餐廳有d up 味奶茶的杯的茶漬也太誇張吧要改善依d細節啊

朋友有事來大埔，當然要盡地主陪佢食飯，但大埔好嘢食實在太多，一時之間都好難揀到食邊樣，見朋友平時都幾鐘意食蕃茄嘅嘢食，所以就決定帶佢嚟食「蕃滿門」。雖然長居大埔，不過「蕃滿門」我都只係第二次嚟（上次仲要係病到無咁感覺），所以都唔太知有咩好推薦，不過以蕃茄做主打，點都整翻過蕃茄湯麵先！招牌蕃茄滑蛋濃湯意粉 配 雞軟骨棒餃子 $34朋友叫嘅，估唔到係日式長身包餃子，仲要另上，值得一讚，不過味道一般。招牌蕃茄滑蛋濃湯螺絲粉 配 花枝丸、金菇 $34另一位朋友叫嘅，唔要預設嘅餸都可以可自行選擇1款速食配料，多過一款就加錢，etc。招牌蕃茄滑蛋濃湯螺絲粉 配 香煎雞扒 $34我點嘅，雞扒味道唔錯，不過我以為會另上，點知無。不過滑蛋堅好食，蕃茄濃湯比其他同樣以蕃茄湯做主打嘅鋪頭水準高好多。另外，蕃茄濃湯除咗原味，仲可以加唔同LV嘅辣，自問幾食得辣，不過佢個微辣真係預想以上，落到喉嚨個下嚇咗一跳！飲品方面都全部加錢轉特飲朱古力原本只係以為一般茶餐廳貨色，點知上面仲有Cream！驚喜！菠蘿梳打唔記得咗咩酵乳

平時經過見人山人海難得今日時間尚早於是去試試點了一個2人餐 蕃茄濃湯螺絲粉： 如果無螺絲粉，當係餐湯的話感覺會更好。（因為下面仲有飯） 雞中翼： 蕃茄味唔算太濃， 味道普通 龍脷柳炒飯： 要等15分鐘。味道都ok 一口粒麵包： 好“滯”， 一碟約8件麵包粒， 配香芋漿/朱古力漿/云尼拿漿 木槺布甸： 好多cream 飲品： 凍檸茶。佢杯凍0T並唔係有檸檬比人篤， 似係糖漿沖出黎。茶味都好重。總結 - 其實可以唔使要麵包粒啦， 因為都有甜品。味道就普通， 唔難食但無驚喜。

因為有些事情要去大埔，所以就請住大埔的朋友帶路^^下班入到大埔已經下午茶時間~ 看到下午茶餐有這店的「招牌菜」~當然是二話不說決定是這個吧 番茄滑蛋濃湯是不變的~ 可自行選擇1款配料~選多過一款就加錢那樣囉。 朋友叫了「花枝丸」和「金菇」 另一位朋友好像是點了雞的 >_< (不太記得)不過有印象他是點了小辣 (有分不同的辣度也可以選擇不辣)我覺得想試下這裡的番茄湯的原汁原味XD 所以是選不辣的。然後是選「雞軟骨棒餃子」<~這個很普通！不過番茄湯味道確實很濃～滑蛋也滑滑的很讚喔~下午茶餐包咖啡或茶~ 也有+$轉配特飲。我轉配的那杯是朱古力。本以為是很普著通通的朱古力吧~誰知上面竟然有Cream！  

我記得早幾年，老媽曾問過我，婚後想住哪區？我二話不說：「大埔。」我一直認為大埔是個好地方。我雖不是土生土長大埔人，但於七歲從九龍灣搬到大埔後，我便常不要臉的自認是大埔人。大埔空氣好，走道寬，從沒煩囂感覺。走在街上，不自覺放慢步調。我更愛騎着單車沿河邊直到海濱。一望無際，是別區難有的奢侈。而吃，我更愛大埔新舊融和。講傳統，慶幸這土地還沒被妖邪之氣入侵，這裏沒有開之不盡的拉麵店，只有跟三十年前沒兩樣的欽記和蔡濶記；講新派，像潮州冷，蜆勁村，金滬川，無不傳承美食精髓，讓食客心滿意足。而蕃滿門，是家我不太懂的食店，也許，是我太老了。不經不覺，蕃滿門也開了兩三年。蕃滿門的前身，是家舊式士多。對，就是那種連名字也說不出來，但一想，腦海就記起在那街角，把包包薯片夾起吊在門口的士多。也許別人不記得，也不會留意，但無聊的我卻記住了那家士多奇怪名字，勤發孺。而我更不時戲稱為，勤發奮。時代是要進步，759早把零食士多概念大革新。舊日，早離我們而去。蕃滿門初開業就吃過一次，覺得以蕃茄為主打，是個好點子。起碼，中環勝香園是個先驅。而我，不知是不是遺傳了老爸的口味，對酸咪咪的食物不帶甚麼好感，中環勝香園是一例，加

太和區我太常出沒了上次食過蕃滿門今日約左朋友食tea急不及代再食一次同樣叫左個蕃茄湯飯配芝士同花芝丸花芝丸不太彈牙爽口有點失望 其他照舊出色叫左兩個小食下午茶燒秋刀魚兩條都好大條 燒得好靚不過唔知點解會偏咸 少少啦炸雞鎚 炸粉偏厚 但炸粉中加入左七味粉類東西所以有味 也不俗飲品始終差d所謂即磨咖啡都好淡

第一次去係四年前 唔記得乜味這次係第二次去下午茶餐三十蚊一餸的蕃茄湯粉跟飲品叫左個牛肉蕃茄湯長通粉牛肉係肥牛佢有煎過先 所以香口 有誠意有個炒蛋跟埋 唔算好特出 不過都幾滑 份量唔算少 長通粉配蕃茄湯好夾味個湯其實有d牛尾湯咁唔係完全蕃茄的感覺我唔好太酸所以我buy另外叫左個焗飯係豬扒焗疆飯都好好味 但食唔到飯有疆味四十四蚊 冇蕃茄湯粉咁抵水吧就麻麻泡沫檸茶似係沖劑做的不過主菜好味飲品不是重點