蕃滿門 (已結業)

早幾年成日喺大埔出沒，一直無機會試蕃滿門（次次都排長龍，lahris又趕住返office），如今放假，有機會去大埔食lunch，一定要食到蕃滿門當日落住微雨，這間小店依然坐滿人，門外企住二三十人，好彩lahris唔趕時間可以等，大概20分鐘，終於可以入座，嗯，記得要講，地下有少少跣，小心地滑說是最紅，一點都無誇張，這蕃茄湯的足料程度拍得住中上環的勝香園，有蕃茄蓉，有蕃茄味，lahris選了微辣（仲頂得順），下次可以挑戰小辣，其實份量都幾大碗，我地兩個女仔講咗好多次「食極都仲有嘅?」除卻蕃茄夠晒多，炒蛋先係重點，炒蛋入口即溶，又滑又香，值得一試! 今次我地一行三人都沒有選常餐，而是選了大menu，大約四十幾蚊的款式，所以可以揀煎雞扒、豬手及吉列豬扒（咁岩三款都配上不同的醬）煎雞扒香口，肉幼嫩，而且夠味，唔使點醬都好okay再來的是，豬手，好香好吃，坐隔離枱的男人都話好吃，仲話次次都一定要食豬手最後就係吉列豬扒，炸粉唔會好多，豬扒太大塊，我又食唔晒啦!最後要介紹的是泡沫檸檬茶，店員說，這杯檸檬荼並不是用切片檸檬沖的，而是用檸檬水沖的，咁就唔會出現檸檬浸得太耐而過苦澀的情況啦

有枱唔入人，特登造成門口十幾人等位假象，扮受歡迎。企喺門口等完位，佢叫我上樓上，一入門口 又臭又污糟，上到去大把位，夾硬塞我地兩個人入去張大枱既正中間，迫迫夾夾咁。仲要好似你唔坐要黑你面咁。食物安全同衛生情況惡劣既食店。不值得幫襯。大家去食既話坐樓上，你食既野就要先經過條後又黑又污糟既後巷然後再入你口。

招牌蕃茄滑蛋炒縲絲粉配炒什菌 識揀一定揀可以索湯既粉啦xd 今次揀左縲絲粉 夾埋湯食無得彈 大大碗蕃茄湯不時仲有茄肉同茄膏 堅係落足料嫁 不愧係標榜無味精 濃郁鮮甜 食完一啲都唔口乾😜😜😜佢既牛乳炒滑蛋好正 又香又滑 菇菌有炒香過 放落湯到索曬汁正 第2次黎食終於成功挑戰曬成碗 一啖湯都冇剩😂 對我呢個蕃茄迷嚟講真係好正呀😆😆😆

與兩位友人來吃下午茶餐是我首次光顧這家店呢我點了花枝丸招牌蕃茄雞蛋濃湯螺絲粉友人則分別點了煎雞扒&炸雞扒點了香芋味一口粒粒包share來吃個人認為蕃茄湯底不算太香濃,,淡了點不過友人每次必點的炸雞扒,,,浸湯吃的味道確實不錯~~!!味道鹹香~~~~一口粒粒包的香芋醬不多較為乾身呢!!而且香芋味不夠濃幸好友人分了點炸雞扒我吃,,挽回一點失色的分數~~!!

又是出外晚餐的日子，因男友於太和工作，所以選擇了就腳的蕃滿門。這間小店向來受歡迎，即使平日的晚飯時間，亦常要等3,5,7張枱，今天雖是星期六，我們六時多來到，時間尚早，可即時入座，真好!一個月總有兩,三日在蕃滿門吃晚飯，點菜已是駕輕就熟，今次不想吃紅肉，又不想吃雞，所以選了蕃茄螺絲粉配香炸魚柳($45)。男友則點了我以往的摰愛-香酥雞扒作配菜。蕃茄螺絲粉依舊出色，湯底非常足料，以蕃茄肉打成，要加上洋蔥，洋蔥的甜中和了蕃茄的酸，兩者配合得天衣無縫。炒蛋是跟湯粉的，不用另外點，滑嫩的炒蛋又為這餐加一分!旁邊就是香炸魚柳，份量比我想像中少，因常吃的雞扒、豬扒和豬手份量都多得像怕你吃不飽，但老實說，這個份量也絕對可以收貨啦，大食如我都飽得肚子大了一圈呢。魚柳的質素一如其他炸物好吃，炸粉厚度適中，非常香脆，魚肉仍保持一定的滑嫩，正評! 男友的雞扒亦是一貫的高水準。 

有一晚要係屋企趕住做project，連落街食飯都冇時間，於是就諗住買個外賣返屋企一邊食一邊做，最後我決定叫一間係屋企附近叫蕃滿門既餐廳。於是一個人就叫左個餃子雙拼(雞軟骨+泡菜)配蕃茄湯飯。($40)將外賣拎到返屋企之後，發現餐廳都幾細心，將湯同飯分開裝，以免啲飯會"林"得好快，同埋仲附送炒蛋添😋湯撈飯以前就食得多，但蕃茄湯撈飯真係第一次食。食落感覺到味精唔重，加上有啲酸酸地開下胃，本來冇咩胃口，但食食下都食晒成個飯~如果鐘意食蕃茄既話，呢個湯飯一定更加岩你口味，因為佢地唔係得呢蕃茄碎係湯入面，而係兩大粒完整既蕃茄但係相比之下佢地既餃子就有啲遜色。餃子皮一個太"林"一個就太硬入面既料都係一般但整體黎講，呢間餐廳不論味道、價錢、質素都幾高下次一定會再光顧

約左朋友係大埔食飯，就當然由佢呢個地膽帶我見識下大埔有咩好野食啦！佢就話呢間蕃滿門唔錯，主打蕃茄既粉面，聽落都幾得意，就去試下啦。我地6點到去到，唔洗點等位就上左樓上，二樓樓底都比較矮，見到兩個staff都要特登烏低身咁避開d橫樑，見到都覺得辛苦。咁我就叫左個原味既花枝丸炒雜菌螺絲粉，一黎我就試佢個蛋，好滑，試埋佢既湯底，果然唔錯，試得出係用新鮮蕃茄煮出黎，味道鮮甜，食螺絲粉個陣加少少湯食仲好味我試埋朋友少辣既湯底，其實個味道都出乎意料咁夾，但係個人就唔太喜歡。整體好味，下次經過會再試既！

依間餐廳起大埔都算出名，每一次經過都大排長龍，今日襯星期日放假就嚟試下係咪真係咁好食，點知結論係不外如事今日叫左個最辣既巴辣蕃茄公仔面配脆豬手，加多個鴛鴦焗飯首先個巴辣蕃茄公仔面配脆豬手，豬手炸得太乾，好鞋口，唔太好食。嗰碗蕃茄公仔面就一般，已經叫最辣既巴辣，但係辣度都唔係咁夠另外叫多個鴛鴦焗飯，餐牌係寫鴛鴦係牛腩配豬排，點知上到嚟係變左牛肚，問番嗰啲服務生佢地重話無錯，要叫個經理過嚟先知道落錯左料，真係有冇離譜啲。個焗飯既味道都係平平，芝士落得又唔夠真係唔會有下次

上星期放學之後，大約七點幾，兩個同學知我鍾意食蕃茄，帶左我去大埔蕃滿門食。我地大埔墟站出去之後，行左一段幾長既路程，地點確實唔算方便。去到蕃滿門，門口都幾多人等緊位，所以都等左大約10-15分鐘。餐廳入面暗暗地，幾有情調，環境都好整潔，又幾安靜，令人感覺好舒適，好適合朋友一路食一路傾偈。黎到蕃滿門，一定要食的係蕃茄湯的粉麵，有好多粉麵可以配搭，例如意粉、長通粉，甚至有飯，而我今次就揀左螺絲粉。另外，蕃茄湯就有得揀辣唔辣，我揀左小辣。蕃茄湯果然好濃好有味，不過建議叫左辣既話，記得食之前可以撈一撈先，以免D辣味沉哂喺底，食到最後就會有D太辣！個蛋都幾滑幾好味，整體黎講唔錯！叫蕃茄湯螺絲粉之外，仲可以配一D小食，我今次就揀左酥炸雞扒！雞扒既皮好脆好香，唔算太肥太油，好味道！而且雞肉都幾嫩，好易咬。雞扒仲附送一個醬汁，酸酸甜甜，點雞扒黎食又有另一番味道。食雞扒同螺絲粉大約需要四十幾蚊，價錢對我黎講都算合理，而且整體黎講都幾好味，絕對值得一試!

今日個friend帶我食藩滿門，第一次食，唔知好唔好食。入到餐廳個格局同擺設都很西式，仲以為係d平民餐廳無咁講究，所以第一印象就覺得番滿門原來是“高級野”。之後睇餐牌，見到好似車仔麵咁有得揀不同麵類，餸，同小吃，而且每一碗除左有番茄外仲額外免費送蛋，所以即使沒餸就咁食都已經很有味。望落價錢又唔貴。坐了一段時間先有得食，上菜速度尚可。我沒食過整碗都係番茄的麵，所以我的第一口就勺左d湯尼飲試下，給我的感覺是d番茄味很濃郁，中間又夾著d甜味，d番茄香濃到由口腔谷到上去鼻哥洞再噴返出尼，嗰下感覺很難忘，非常特別。我每次都用匙羹勺d螺螄粉，再故意浸很多番茄汁，然後一塊兒送入口中，咁樣食真係好正！食哂成碗麵已經很飽，望落個碗原來不知不覺飲左好多番茄汁，今餐真係好滿足。我覺得番茄呢家野真係因人而異唔係個個都接受到，但係如果你走入番滿門，出尼之後可能從此對番茄有另一番睇法。因此很！

游完水见先六点半，打算趁早去食番茄……虽然系大埔翻左几个月工，无论几时路过都好多人……叫左个二人套餐番茄浓汤：果然吾错，好浓，不过食得出系番茄酱味。秋刀鱼：都算肥美，两条size 都几大……唯独系想建议下切柠檬果阵将中间白色条梗切买，甘挤柠檬汁果阵就吾会的汁周围飞。番茄芝士姜蓉猪扒：大份，猪扒几嫩又多汁，芝士份量足够，不过最大问题系，的番茄酱太咸……吃完成晚丧饮水一口面包：几香不过希望都可以做成脆的既口感总既黎讲性价比都吾错

酷愛蕃茄既我不得不讚大埔蕃滿門 蕃茄湯好濃蕃茄味 冇陣用罐頭茄膏茄汁 既假蕃茄味 仲有d辣味正 個豬手整得皮都ok d肉都唔太乾 果一口多士有驚喜位 十幾蚊諗住試下香芋味 個包好(翠) 香芋味好香。朱古力應該都唔差 等位就耐左小小 但食好野唔更要

男生幫女生做事，現世代把這件像是駭人聽聞，可歌可泣的行為定義為做兵。K小姐無事不登三寶殿，相識多年已為人師表，還是一個訊息傳過來，讓我去幫她搬東西回家，兵糧是蕃滿門的一餐晚餐。閒來無事，便免為其難的幫她一次，做一下司機。來到大埔美新里，食肆林立的她令不同的香味徘徊在空氣中，路人如鯽般滑流而過，新埔舊店，混雜在一起形成了這裏喧嚷不休的氣氛，而其中最醒目的一家店面應該就是蕃滿門。大埔的這家本店經歷過無數風風雨雨，十多年還屹立不倒，便足以見其實力雄厚，門前一個大襟章便吸納了無數的目光，落地玻璃外牆，六時多已經開始人潮湧湧，和一位在這做了多年的侍應姨姨閒談兩句，便帶我們入座。店面不大，桌與桌間的空間不多，但也不會給人侷促的感覺，裝潢簡約開明，旁邊對對小情侶也吃得滿面笑容，真的十分懷念還是中學生的時代，那種不懂回首只向前衝的牛脾氣，被現實消磨得無影無踪。就算沒什麼空間，對他們來說，何嘗不足呢?人大了，要求越多，只會越不快樂。問一下那位待應姨姨，有什麼好推介，結果她所說的全都叫上了反正是K小姐的錢包就不用和她客氣吼吼，大埔人K小姐還懂得飯和湯分開上，這樣飯便不會過淋，而加2塊錢就能加粟米，非常超值

行過咁岩唔使等位咪上去試吓, 2樓樓底好低, D台放到密麻麻, 但係得一個侍應, 所以D野食等到凍晒先傳到上台。講返味道, 叫左炸魚滑蛋原味蕃茄湯螺絲粉。炸魚分3塊細細塊唔係一塊過的魚扒, 炸粉好厚, 不過仲好脆, D汁甜甜地幾好味。蕃茄湯底冇味凍冰冰, 得幾粒蕃茄唔夠味, 螺絲粉浸到漲晒冇咬口。蛋係浸響湯度, 係幾滑不過冇味。飲品冇叫到, 見到隔離台個杯超幼, D冰超過半杯, 應該飲2啖會飲晒一杯。 

難得放假但要回母校一趟，前往母校先順道到大埔覓食！說起大埔，其實有很多深獲好評的街坊餐廳，之前已經聽聞過蕃滿門的大名，最近得知原來開了兩間分店，希望蕃滿門不會因擴充而使食物質素下降。我和baka預先在google map search過，發覺原來從太和站走過去是最近的，我們大約走了十至十五分鐘到達蕃滿門。去到時門外掛著休息的牌，但baka醒目地發現裡面有客人，應該是店員忘了調轉掛牌吧？於是我們進店裡詢問店員有沒有座位，店員示意我們到外面等，他給了我們票號，我們在店外大約等了十分鐘左右。我們被安排到靠牆的座位，環境擠迫，小店大約可容納30-40人左右吧？整間店的色調以紅色和綠色為主，設計簡潔，以蕃茄為主打的形象鮮明。也不忘提醒各位食客吃蕃茄的益處，還記得我以前也不常吃蕃茄，但不知從那裡聽說吃蕃茄可以美白後便開始多吃蕃茄了，果然女士都是愛美吧ＸＤ店員迅速遞上餐單，即使餐牌的顏色都是用上蕃茄的代表色：紅色。點餐後我們不忘觀察店裡環境，然後再看看桌上的餐具，提供的湯匙十分大！應該是為了之後吃蕃茄蓉湯底而用的，我也不禁為這可愛特別的餐具拍照留念。我們共點了兩客主菜和一客小食，首先送到的是主菜之一