蓬瀛仙館齋廚

營業中

休息中

蓬瀛仙館的齋菜，2021年1月我已經享用了4次，每次來都得到侍應的熱情招待，座位舒適，即使疫情期間，衞生情況和疫情措施也做得相當好。食物種類多，分單點和套餐。食物至愛荔卷雙拼和羅漢豆腐飯。價錢合宜，有1次我外賣回家再用西式煮法 ，簡直一流，新鮮fresh2021年1月開放時間由11：00至下午4：00 ，大家如果行完流水響，還完神也可以來品嘗一下

‼️❤️ 記得CLICK我PROFILE關注我呀 ❤️‼️.🥬 齋菜 HKD 225 @ 🌟 蓬瀛仙館 Fung Ying Seen Koon 齋廚《👽食神大媽愛食素》.😇 達摩祖師佛誕 🙏.適逢達摩祖師佛誕，去蓬瀛仙館食齋。三人套餐盛惠 HKD 225，菜式係預設不能隨意更改，自助形式筆飯或者粥，大圓台所以會有其他客人搭台。味道不錯，份量足夠。希望大家都會抽時間偶然食素。.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂..📍 粉嶺百和路66號☎️ +(852)2669-3033.

其實好少去齋舖食齋，因為覺得好油，啲食物又差不多味，蓬瀛仙館係少數我覺得無呢個問題嘅。是日同一班同事出黎食下齋，餐牌有好多套餐揀，但我地有個相當嘴刁嘅同事，覺得套餐太平凡而決定散點，叫夠八款好意頭。餸未到就梗係要食粥先，呢度個粥真係超正，有果皮香，又綿又滑，真係明火白粥，不是粥舖啲撞水粥，太好味，未有餸都食左三碗。齋滷味呢個好平凡，無乜特別話好唔好味，酸酸地咁樣。脆皮炸春卷十分香脆，入面一絲絲蔬菜好好味。香煎腐皮卷腐皮有咬口，入面的蔬菜好juicy。酥炸荔芋卷呢樣十分好食！炸得香脆又唔油，咬落一啖啖芋頭，好綿，同芋頭魚異曲同工，但呢個一口一件更方便食。豉椒生根同事話想食生根，問店員有咩推介就點左呢款，豉椒幾惹味，生根吸哂啲汁好味。羅漢會上素雜菇同馬碲好好味，蠔油汁夠入味。百合黃耳花枝炒蜜豆呢味淡淡地，白色一塊塊個啲係素花枝，食落爽口好得意。雪菜三絲炆米最後仲有碟炒米粉，同羅漢上素啲料差不多，多了雪菜，鹹鹹地炒得幾好味噃。好飽好飽，樣樣都好味，碟豉也算大，抵食！

香港人好鐘意聽到人話食素就話人地係食齋，其實齋同素係唔一樣架。齋係有宗教成份，食物唔可以含五辛。要食齋去返啲寺呀觀路就最適合，雲泉仙館既齋好食，但地點唔就腳，今次就貪方便去左粉嶺火車站隔離既蓬瀛仙館。平時白飯同粥都係自己裝，但因為疫情關係，就變左職員分好比客人，如果要添就同職員講聲。靜靜雞話你知，我地係為左個粥黎既。唔知點解食齋既地方煮既粥特別好食，煮得夠綿，仲有陣腐竹味咁。除左白粥，食齋必食既一定要數炸春卷！一碟春卷有成8條，成碟上有啲heavy，好彩有得雙拼，我地就揀左素乳豬，實行齋口唔齋心。春卷炸得恰到好處，唔會太油膩，好正。素乳豬都係啲麵筋之類既製品，un un地幾有咬口。食完啲煎炸野就食個清淡啲既炒三絲啦，話就話三絲，但其實係有N咁多種蔬菜，乜野顏色都有，營養夠哂均衡。其實仲有好多野想試，佢地啲碟頭好大，兩個人食唔到太多，咁又有藉口下次再黎喇！

每年年頭都會去呢道食齋唔係宗教問題 係細細個就已經有既習慣只係今年既狀況 一齊食既人就愈黎愈少肺炎橫行 其實都避開左農曆年頭 最旺既正月坐到入去 唔影食客啦但就冇左以往搭枱既情況店員都盡量將食客隔開啲枱黎坐其實我已經係兩點幾入座 但疏落既枱都有幾十個客因為以往都好多人一齊黎都係叫個多人套餐再散叫今次係我第一次做落單既傻下傻下就叫左個2人餐。。。一百六十蚊本身想加碟齋 但話已經賣哂 (｡ ́︿ ̀｡)咁唔緊要啦 其實兩個人三個餸係絕對食唔哂咁一坐低 就有人過黎問我地食唔食粥原來今年因為疫情關係 今年既粥唔係自取形式 係佢比裝埋比你按人數 個量會增加我見鄰桌係一煲粥咁放上枱不過呢道個白粥真係我食過最好味既白粥食頭兩啖可能覺得同一般食既分別唔大但食多兩啖就發現好香果皮味 可以自己加鹽我冇加但覺得已經夠鹹睇落都係綿同啲米已經係爆開哂 係正既而飯就自己裝既飯因應各人口味 有人中意硬啲軟啲爛啲我只可以話呢道既飯唔好食對我黎講太黏。。。春卷都係好食既 入面蘿蔔好足料出面又唔係油淋淋咬落好脆 但二人餐有成八舊有啲誇張始終炸物食得多覺得好熱氣併埋一齊既係酥卷 老實說我唔知咩黎應該係豆類製品 唔係熱既 但都唔

機緣巧合，緣分際遇嘅拉攏知啊，可以同一大班人喺呢度仔仔一同共聚一個快閃嘅時光。逢迎仙館位於粉嶺，地鐵站出口。數分鐘就可以行到去個喇。不過介紹之前點都要提醒大家呢度係食，食素菜，係冇肉食嘅呢度。基本上喺呢啲地方全部都會係有宗教背景或者係宗教嘅味道。大家留意返個背後特色。避免因為啲問題所以，尷尬或者誤會就唔好喇。一路上所有職員都好好人會教你想去嘅地方，你有問題佢哋都會答答你。去到素菜館嘅時候基本上都好多人。呢個地方有個好得意嘅特色就係白飯同粥係無限添食，正所謂，多送一湯，白飯白粥都係任你裝。所以如果餸菜方面覺得唔夠嘅話你都可以喺呢度食返飽。飲品係需要自費另外買。而佢哋嘅食品多數會係一個套餐形式，去提供俾大家。份量方面見仁見智但我自己就覺得，份量都比較大份。同埋係好傳統嘅齋菜。機本上，除上菜外咩都係自助。[]訂餐每席 $1380[]素鮑片扒生菜[]竹笙鮮菇扒西蘭花[]黃耳八寶湯[]西檸香酥球[]腰果西芹素蝦仁[]紅袍拼春卷[]素X0醬候耳頭[]五柳素葫蘆[]清粥、白飯

位置距離火車站好近，好容易去，環境清雅舒適 不過要坐膠櫈。小弟已幫襯過無數次，最出名固之然係白粥，有好香的白果味，質地稀杰度適中，白粥任添。菜式選擇非常多，可推介幾款給各位……脆皮乳豬香口夠脆 、豉油皇炒面絕對有意外驚喜、 香煎腐皮卷（亦可以拼春卷）、 清炒菜心炒得好好、 芋頭魚外面嘅脆漿好薄，炸得香脆，個汁酸甜度適中，屬開胃菜、最後推介 金菇切扒豆苗，好香麻油味，夠鮮。 不過 有一位阿姐態度非常飄忽， 時好時壞，觸摸唔到，睇你好唔好彩遇到佢。🤣

午餐時間來到菜館，每年都會約埋同事一齊來食一兩次。點左素鴨，春捲，芋頭魚🐟，呢度粥任裝。鴨和魚好似真既一樣，賣相唔錯，味道呢，鴨幾香，芋頭夠粉。春捲皮脆，裡面的菜料夠唔乾。粥要自己出去裝，自己加鹽。整體黎講，唔錯的素食。

清明節前，拜祭後順道在這吃齋菜，真的好運氣，羅蘭姐就坐在隔鄰，她真的十分親切，有些食客都跟她招呼，羅蘭姐笑容滿面，平易近人。在這裡用餐都要搭枱，由侍應安排座位，這天不算太多人，點菜後，齋菜飛快送到。紫蘿生根，紫薑不是四季都有，所以特別點了，紫薑切得非常細薄，醃得不錯，初吃不覺得辣，吃下幾片，辣味就出來。紫薑配著麵根、菠蘿和三色椒煮，酸酸甜甜，非常開胃。炸的菜式有很多選擇，而且有搭配，一碟可嚐到兩款，很好的餐單設計。點了這個茘卷拼煎腐皮卷，茘卷和腐皮卷做得十分鬆脆香口，而且不算油膩；最靚是有三種醬可供選擇，醋、甜酸醬和豆板醬。這裡的白粥做得超好，白粥用了腐竹、白果和果皮來煮，粥底是綿、香、滑，齋菜中一絕！

很多年沒有踏足蓬瀛仙館了, 今年卻來了兩次。由於有親友要舉辦法事, 我同一位家人也出席幫忙。整個儀式歷時五個鐘, 接近黄昏時我地有機會享用齋宴。印象中, 我是第一次來這餐廳, 有一點像職員餐廳, 但它是對外開放為善信提供齋菜的。我們甫坐下, 齋菜已陸續上枱了!這個芋頭魚, 入面是芋頭蓉, 外面是脆漿, 炸得脆脆的, 新鮮又好吃。炒金針菇下面是西蘭花。西蘭花是用冬菇水浸熟的, 啖啖充滿冬菇香味。炒雜菇下面是娃娃菜, 這個也好吃。這個炒蝦球不得了, 無論是外型還是吃下去的質感, 真的像極了蝦仁。脆皮齋春卷也是炸得香口好味。這個香橙骨其實係腐皮之類的菜式, 味道不錯但口感一般。羅漢齋不錯唯菜心偏老食落有渣。八寶齋湯落左各種豆類, 非常清甜。白飯及白粥是任裝的, 我們也是吃多少裝多少, 不會浪費了。整體來說, 這個齋宴不錯, 但如非有法事, 我不會山長水遠入來吃一頓齋的。畢竟市區有不少素菜館, 甚至有素食自助餐, 也非常有質素的。

因為朋友介紹下去試下，叫左個5人餐，我會用「發惡夢」來形容，5個菜都是凍的，似是已經煮好一段時間，有人叫就拿出來。3個菜式都只是菇和菜，只是調味料不一樣，完全沒有誠意，沒有想過食家感受的地方。叫埋個芋頭魚，是凍的，唔怪得星期日都無人去，真的不明白為何要做到咁樣，唔識煮飯的人都一定煮得好過佢，個套餐$480，提供的食物一蚊都不值得。1點半的時候還在吃的時候，員工把冷氣關掉，什麼都沒有說，想我地快快離開？32度高溫去關冷氣到底是什麼玩法。免費請我食都一定唔會再去食，差到極點。

今日食過，叫咗個六人餐。頂！未食過噤難食嘅齋菜 (以仙館、寺廟計)，堅係「是故空中無色  無受想行識  無眼耳鼻舌身意  無色聲香味髑法」。 奉勸各位嚟求神算喇，唔好諗住食埋飯先走，講真自己喺屋企烚菜仲好食 N 倍。

一向都很少吃素菜或齋菜，但今次是朋友極力推薦，所以便陪她一起去吃。其實這𥚃都很易去，只要乘坐東鐵，在粉嶺站下車，就有一個出口直接抵達。我們一行三人點了一個三人餐，價錢 $210, 不用加一，除開每人都是七十元。三人套餐$210 -羅漢會上素多種什菇、生根、菜芯、粟米芯，味道不錯，清清地，幾好味。-杏鮑菇扒時蔬一條條的菇，不知道是不是杏鮑菇，下面是娃娃菜，同樣都是清清淡淡。-菠蘿生根球菠蘿生根球個樣做到很似菠蘿咕嚕肉，但味道較酸，醋味很濃。-春卷拼酥卷春卷和酥卷都很脆，饀料味道都不錯。-清粥、白飯白粥和白飯是自助式的，可以自行取用，白飯白粥任裝。

蓬瀛仙館的齋,可以話平宜兼扺食, 見有套餐， 豐儉由人。 齋菜比出面的 齋舖沒那麼 肥膩， 而且好食， 有一個唔好處就係要搭枱， 其實有好多檯，不過員工希望大家集中用膳， 方便清理。 粥同埋飯都飲食， 食完仲可以喺園來行下， 輕鬆嘅一天。

今日跟家人去蓬瀛仙館拜神，拜完神順便去裡面的齋菜館吃一頓齋菜，今次點的是二位套餐，有鼓辣素田螺、羅漢會上素、春卷併酥卷和兩碗飯。值得加許的是全部齋菜都即叫即煮，而非一早預先煮好，再拿給客人。從味道上來評價，可能吃得大魚大肉多，對齋菜的味道沒有什麼大感覺，反而餸菜用上了大量油煮製，我會以油膩來形容。但是，畢竟要令簡單的齋菜添上較佳的賣相，多下兩滴油是無可口非，不是天天都吃的情況下，還可接受吧。鼓辣素田螺羅漢會上素春卷併酥卷