影片
更多
2020-03-18
1387 瀏覽
香港人好鐘意聽到人話食素就話人地係食齋，其實齋同素係唔一樣架。齋係有宗教成份，食物唔可以含五辛。要食齋去返啲寺呀觀路就最適合，雲泉仙館既齋好食，但地點唔就腳，今次就貪方便去左粉嶺火車站隔離既蓬瀛仙館。平時白飯同粥都係自己裝，但因為疫情關係，就變左職員分好比客人，如果要添就同職員講聲。靜靜雞話你知，我地係為左個粥黎既。唔知點解食齋既地方煮既粥特別好食，煮得夠綿，仲有陣腐竹味咁。除左白粥，食齋必食既一定要數炸春卷！一碟春卷有成8條，成碟上有啲heavy，好彩有得雙拼，我地就揀左素乳豬，實行齋口唔齋心。春卷炸得恰到好處，唔會太油膩，好正。素乳豬都係啲麵筋之類既製品，un un地幾有咬口。食完啲煎炸野就食個清淡啲既炒三絲啦，話就話三絲，但其實係有N咁多種蔬菜，乜野顏色都有，營養夠哂均衡。其實仲有好多野想試，佢地啲碟頭好大，兩個人食唔到太多，咁又有藉口下次再黎喇！
平時白飯同粥都係自己裝，但因為疫情關係，就變左職員分好比客人，如果要添就同職員講聲。靜靜雞話你知，我地係為左個粥黎既。唔知點解食齋既地方煮既粥特別好食，煮得夠綿，仲有陣腐竹味咁。
除左白粥，食齋必食既一定要數炸春卷！一碟春卷有成8條，成碟上有啲heavy，好彩有得雙拼，我地就揀左素乳豬，實行齋口唔齋心。春卷炸得恰到好處，唔會太油膩，好正。素乳豬都係啲麵筋之類既製品，un un地幾有咬口。
食完啲煎炸野就食個清淡啲既炒三絲啦，話就話三絲，但其實係有N咁多種蔬菜，乜野顏色都有，營養夠哂均衡。
其實仲有好多野想試，佢地啲碟頭好大，兩個人食唔到太多，咁又有藉口下次再黎喇！
張貼
