葫同日式燒肉 (禧利街) (已結業)

在中上環打滾多年既經驗話我知一間餐廳喺lunch time黃金時段重有位係必定有原因既！是日因為趕時間，咁啱行過諗住燒肉都係D簡單野「唔信邪」應該冇事啦，點知就再一次中伏！餐廳非常細，一共3張各座6人、每邊3位既餐枱，即使加埋bar枱既櫈都只係得廿幾個座位。不過最特別之處係6個人既餐枱只係得一個燒爐，試問如果有兩枱客面對面咁坐的話唔通要share個爐咩？所以當日坐喺我地對面既幾位就算幾想食燒肉都好，一見到果個已經煙霧瀰漫既環境都迫於無奈退而求其次，是但食個set lunch就算！主角燒肉方面，坦白講比已經跌到「no expectation」既低點更失望。燒肉方面除左肉質好麻麻之外，味道更加食得出只係求其隨便醃過下就算，比燒烤場既凍肉之流重要差！除左食物質素之外，服務態度亦都認真麻麻。白飯、麵豉湯等等通通要三催四請先送黎都算，好多時問佢野都「十問九唔應」，有時就淨係掛住幫其他人燒肉，全程一樣野都無幫我地燒過，連開爐都係我地自己搞掂，「大細超」到咁有冇搞錯！坦白講，$100左右一位既價錢唔算好貴，但咁唔代表就可以隨隨便便，得過且過就算！駛錢換黎一肚氣，真係貼錢買難受！

2015年最後一日, 雖然都要係上班中度過.. 但點都要食餐好, 為呢一年畫上圓滿o既句號 (:早一日已經打左黎訂位, 中午1:15即刻訂到 ~平時雖然成日經過呢間日式燒肉店都聞到陣陣肉香但因為燈光昏暗, 又要上幾級樓梯先睇得清楚店入面既情況感覺好神秘, 所以一直唔夠膽入黎... 哈哈! 入面裝修簡約得黎充滿時尚感, 同平時去開食日燒o既感覺好唔同..除左燒肉, 亦有供應一般既日式定食~拉麵, 冷麵同烏冬共有四款... 飯亦有四款不過入得黎都係想試燒肉~~所有燒肉套餐都跟湯, 沙律, 野菜同白飯一碗~ 哈哈..點解會強調白飯係一碗, 因為個人黎講覺得碗飯唔太大, 稍為大食o既人, 或者男孩子可能會唔夠食呢 ~呢度用既係似蚊香形狀o既燒爐(同伊呂波一樣~!) 好處係火力會均勻d~ 唔會將火力淨係集中係中間落左單之後都等左一陣先有人招呼我地... 因為落單後店員要時間執返相應既食材出黎~再將食材進行調味, 到將食物捧上枱時已經準備好幫客人燒肉喇!!^^點解知道得咁清楚? 除左因為店面小小之外, 仲因為佢地有個半開放式既廚房, 店員既一舉一動我地都睇得好清楚..睇佢地幫食物調味都覺得係一種享

Came here the place I wanted to go is fully booked.As we have to sit with strangers across from the table who are using the grill for yakiniku, we decided to get the set meals.The salad that goes with the set was fresh and refreshing with lettuce, tomato and the sesame sauce which is the same as most Jap restaurant.  The unagi don I had was just standard, rice portion is alright but the fish doesn't taste too good.  It has a fishy smell to it and all mush like it's not fresh.  There is no drink

近期屋企附近開咗兩間新嘅燒烤店, 上次已食咗屋企對面Y字頭個間, 所以今次黎試埋呢間~我地3個人, 個侍應建議$1000呢個2人餐, 個餐都包括咗好多野~1) 蕃茄沙律: 好大兜, 新鮮爽口~2) 蟹膏帶子刺身: 好新鮮好味~3) 香蔥牛舌, 牛胸脊, 牛肋條, 魷魚: ok4) 和牛: 比較遜色, 食咗都唔知有和牛, d牛唔夠Y字頭個間咁impressive, 但我都明一分錢一分貨~5) 豬, 鷄, 鷄腎: 普通~6) 冷麵: 個冷麵反而有意外驚喜, 配埋d烤/炒過嘅芝麻粒好好味~7) 另外除咗叫咗可樂, 我地都叫咗個巨鋒提子, 入面有d粒粒, 又係意想不到幾好飲, 所以影低佢睇下出面有無得買~賣單連野飲around $1250; 雖然佢d牛級數唔夠附近Y字頭個間, 但咁嘅價錢水凖都ok抵食, 個set幾多野食如果得兩個人食會好full~

我好飽但唔開心!今晚試左上環一間新開BBQ店，肉質低劣，配汁完全唔夾，叫蒜味牛肋條，竟然係一大堆蒜泥喺肉上，太勁蒜味，完全唔好食! 豬頸肉薄到喊，又乾又瘦，都無豬頸肉應有口感! 盬葱牛脷薄燒，無味道，淨係得葱味，羊架完全無調味，肉質又麻麻，基本上所有肉類全部都又亁又薄! 兩人食左六佰幾但無樣野好食! 見到個老细喺隔離枱計數處理帳單，真係想走去同佢講: 你有無食過一間日式BBQ係難食過自己呢間？你知唔知咩叫好味o既BBQ?!

位於上環禧利街，原址為一間電器舖的舖位，在 12月份，開了一間日式燒肉店 <葫同日式燒肉>！ 起初！我對這間日式燒肉店興趣不大！  況且，以燒牛肉為主！似乎不太適合我的口味！直至，早前經過店子，有位女店員走出來掛上餐牌，看到餐牌供應拉麵、定食...，由 $59 起，她推介日式燒肉午餐，不用一百元便有交易！反正價錢相差無幾，我覺得燒肉午餐比拉麵更值得一嚐！ 當時，星期六大約 2:00 入座，原先，我走入店內，隨意找個位坐！ 店員見我一個人，卻建議我坐吧枱！隨即，有位女店員給我一個掛鉤，方便掛起袋子，令我欣賞貼心的服務！值得一讚！ 可是，坐在隔離的一對情侶，為爭論晚餐去哪兒？而相當吵耳！  完全破壞了我的雅興！ 店內型格的裝潢，如非沒有招牌，令人完全意想不到這是一間燒肉店！  設有吧枱及 4人或 6人枱，以迎合不同的食客！在桌上，已放有餐具、燒肉夾、豉油碟、紙巾盒、調味料；當我落單後，女店員為我添上青檸汁及燒烤汁！ 青檸汁充滿天然檸檬酸，相當清新醒胃！ 燒烤汁則是微酸略帶甜味！  兩者口味各有特色！椒鹽霜降松阪豬、牛油去骨雞腿肉 $89 (設加一服務費

本人好鐘意周圍搜野食，不過寫食評，真係第一次。點解？！因為真心感受到店主的心思。先說食物，每一樣食材都精挑細選，新鮮製作。要推介的是鹽燒豬腸，外脆內軟的口感，平時不吃豬腸的我都十分喜歡😋還有招牌蝦羔帶子，朋友說餐先餐后也要叫一份浪下囗，真係冇錯！creamy 既蝦羔加上鮮甜的帶子，不禁合上眼細心品嚐。除了食物外，老闆也會主動跟客人的談天及燒食物，聽他細說燒每一種食物時的注意技巧，食用的方法，便知道他放下了不少功夫去研究。真的十分欣賞。一定會再來。btw ，因為太專心去食，所以冇映相。😓😆😂

响上環工作都三年多，差唔間間食肆都試過，開始有啲悶. 好彩新餐廳陸續登場，身為呢區嘅飲食男，又點可以唔爭櫈仔霸頭位，試新野寫開飯呢. 不過，爭還爭，慢工出細貨，寫都要寫得有營養啲，如果唔係得啲字冇圖片，就好似啲野草咁，躝哂成幅牆，但係色彩欠奉.响禧利街最近開咗間日式燒肉店，本店响灣仔，上環分店新開，午市人流未算多. 燒肉店除咗主打燒肉，午市都有定食套餐，不過黎得搵佢就梗係燒一燒啦. 燒肉套餐最平$89，有豚肉同牛油雞肉，好牛嘅就要加廿蚊. 室內裝修摩登，雖然唔似燒肉店，但感覺舒適. 先奉上一客生菜沙律清新一下.最先黎係牛脷，上面有蔥花，牛脷唔過肥，味道不錯. 味增汁亦見誠意.老闆親自燒俾我地食，非常自在. 就此時，發覺燒肉店內並冇抽風機，但係店內一點都唔油煙，點解呢? 原來個抽煙機响個爐度，爐邊嘅氣孔有強力抽風，所有油煙以近距離抽走，客人食完唔會成隻燒雞咁香離開，間舖又唔會俾一碌碌嘅抽風筒影響視野，高明!接落黎係燒豚肉，爽脆，似豬頸肉，唔肥，點一點桌上嘅青檸汁，更加鮮味.到牛油雞肉，正! 燒好嘅雞肉，蘸上牛油，牛油帶蒜香，惹味十分. 燒雞翼味道也不過不失. 最後到燒牛肉，肉味足，唔韌，