萬麗咖啡室 (裝修中)

同一個朋友黎依間食high tea·見唔太貴又好方便係正灣仔就黎一試·我覺得依間既鹹食係出色d·蝦餅脆卜卜炸得岩岩好·個凍食三文魚撈埋d醬都好滋味·另外個scone都好好食·好鬆化岩岩好·不過個macaroon同朱古力都太甜太甜·搞到好流·食唔落其他添·整體黎講·唔會失望·但都唔會再特別黎

在公司附近，近近地來個lunch buffet，同事的信用卡又有折。食物選擇方面有很多，海鮮有生蠔，大蝦，長腳蟹，青口，各類日式魚生，壽司，中式粉麵飯，湯，家常菜，西式意粉，湯等，還有一些街頭小吃如雞蛋仔，蛋撻，薄餅，薄餅還可自行加上不同配料點綴，我吃了兩份呢！甜品方面有各式蛋糕，各式精緻甜品杯有jelly, mousse, 布丁，tiramisu, 還有bread pudding😋另有多款新鮮水果，再加個五青汁，第一次飲，但感覺很苦😣

同老公和老友相聚，選了這裡食自助餐。食物款式不算多，但質素平均來說是好食。拖羅是新鮮，入口即溶，雖然有些會有筋，失色。生蠔不算很大隻，但供應源源不絕。長腳蟹好食，不過我朋友就話唔夠新鮮。青口普通，不過這裡有多款醬汁，泰式醬很好食，要試。原本好想食蒸龍蝦，但原來現在是芝士焗龍蝦，好食的，芝士好香，食左2件一半，即食左1隻，好抵。海南雞飯食，牛扒都好食，個牛7成熟，肉質嫩，係好味。要試。其他熟食普通，可以不食。甜品，因為我唔鍾意食甜品，所以只食了哈根大師雪糕。我老公鍾意食甜品之人，佢話種類算多，質素平均也ok，值得試。這裡很好的是原來橙汁，啤酒任飲。不過，極度失望是這裡的服務。初期質素也很好，有酒店的質素，可惜…………我們傾到10點，即打烊時間，但2130起，開始少冷氣，不收碟，我們拿了食物但無人收碟，好輪盡……最討厭係……竟然出現蚊芝……係我地桌面飛下飛下……這級數的酒店，竟然出然蚊芝呀～敗筆。下次食唔食，食物質素來說，會食，但會停一停，諗一諗……咁的服務同環境……唉…失望。

龍蝦好味，吞拿魚腩好味，帶子亦很好，長腳蟹亦很新鮮，生蠔很細無肉食完一轉已無再攞，燒牛肉都不錯，湯類都不錯，其他的都很好，服務員熱情有禮👍價錢亦唔算貴，食完填表做埋會員仲有coupon 送

本來來食返薈景 點知海景係一樓咁邊便 咁就海景啦。不過要食「海景」就要上去上邊。海景係無海景架。比較兩間，食物種類上面間係多d, 甜品多d m,有中菜，有印度菜。但下面間就無。不過講食物質素，個人感覺呢間好。簡單講龍蝦 鮮甜 熱食係好食 有兜鉗係拎完龍蝦果個位下面。好好食 係辣醬炒。蟹鉗 好鮮甜多肉藍貝 ok生蠔 er...未你好肥味 不過都好過好多鯹鯹臭臭 佢係鮮味既宗湯好好飲 我女人連啪3宗牛肉... 當日有d鯹 但都ok甜品 d cake唔多 但好食 有水準生啤任飲

去到餐廳人很多，食物選擇唔多，但人太多，好似街市咁，去到呢啲酒店，冇諗過會咁樣想食生蠔既我，去到生蠔位發現冇人排隊，心中已經感覺有伏，原來啲生蠔係開定既，一行過去就派比你，食落完全冇味。唔怪得冇人排隊。唯一多人排隊既係焗龍蝦，除非你好鍾意食龍蝦。如果唔係排一次就夠，但係當日排整都好多人，好似好好食，但食落味道又係一試無仿。熱食又係了無新意，行完一個圈都唔知有咩好食，味道只可以話不過不失。沙律區數量又一樣，所謂既貴精不貴多做法。甜品就算係比較好既一環。其次係有免費飲品供應，包啤酒，喜歡飲啤酒既會覺得唔錯。對我而言，食物質素一般，數量一般。

同朋友生日， 見佢有75折咁抵就去try try啦。 入到去 環境幾好， service又nice, 即刻去行下睇下有咩食啦。 點知行一行， 下。。。 完ga la ? 算啦，心諗貴精不貴多，冷盤生蠔細到好似粒蝦米咁，d蟹腳又柴。 去排刺身， 得拖羅好少少 但所有只限每次2件。諗住排多幾次， 排唔夠5次， 佢話賣曬， 咁大間酒店用埋d咁老土既招， 雪榚又係咁， 肉酸到呢。D熟食又係一樣款少難食。 成晚係得龍蝦一樣野係貴得黎又定時攞出黎refill. 酒店自助餐做到咁，仲要收咁既價， 食d 2xx放題都冇咁嬲。

生蠔細隻，偏咸魚生新鮮，但無帶子，拖羅是限時供應，某些帶根，不合格今次是芝士焗龍蝦，偏細，不是隻隻有糕烤牛肉十分美味烤燒肉十分推介，皮爽肉滑，不咸甜品正常美味但煙三文魚切為一舊舊，好鞋用信用卡優惠之下，價錢合理，但正價偏費

龍蝦每次比半隻，仲要係焗+大半釀左唔知乜野。生蠔就好似手指尾咁細，熱盤選擇不多，味道較咸。可取的是甜品還不錯，叻沙的味道對板。總結，伏味濃，性價比不高，氣氛嘈吵。

睇openrice萬麗酒店自助餐做優惠，有八折coupon，未試過呢間但係見食評都話有新鮮蒸活龍蝦供應，所以訂左平日晚飯試下。因為主要最有興趣其實系龍蝦，所以訂位同食嗰日都有問餐廳有無活龍蝦提供，得到既答案都系有既。自助餐呢晚6點就可以開始入座，不限時，呢樣其實幾好，因為宜家自助餐多數分兩輪，好少可以比你食足4個鐘裡面環境不錯，不過食物選擇偏少，一眼可以望曬甘樣熱食有燒牛肉，馬來牛肉，馬來烤魚，海南雞，喇沙等等冷盤海鮮有生蠔，長腳蟹，青口，熟蝦同埋三文魚，拖羅，甜蝦刺身等等由於目標系蒸活龍蝦，所以一開始就已經四圍搵但搵唔到，只系有個牌寫住系"焗龍蝦"一問之下原來今日無蒸龍蝦提供，只有芝士焗“龍蝦”，呢個時候心裡已經有啲失望，芝士焗多數代表食材無甘新鮮，不過既然“聲稱”都係龍蝦甘就攞啦呢道芝士焗“龍蝦“上面鋪左厚厚一層類似芝士醬，但之後發現呢個醬并不簡單食第一隻焗“龍蝦“ 個陣已經覺得有啲奇怪，因為啲“龍蝦“肉系個殼度已經系散既，平時龍蝦尾舊肉咪要用叉扯出黎既，呢件“龍蝦”啲肉系自己可以甩出黎既放入口一食，心裡面立即講粗口，點解系蘑菇粒黎既，莫非我黎左素食餐廳? 不過我心想，堂堂一間酒店

沒有所宣傳的辣椒蟹，詢問㕑司後，才知道不是所說的九月份天天供應。食品質素很一般，餐廳好像不想客人吃貴價食品，說準備不及. 生 - 遲遲未能供應，而且質素很差，龍蝦 - 使客人排長龍等候，每次限半隻，且質素普通，長蟹腳 - 每次只擺放十多隻。食品種類也很有限，燒牛排及豬腩仔算是全晚最好味的食品了。甜品種類算多，但無論中式甜品或所宣傳的東南亞甜品，質素也很令人失望。 總括說，餐廳欠缺誠意，宣傳取巧，令人失望，沒有再光顧的藉口了。

用恒生信用卡有半價優惠，而且好似不限人數，單頭都有，唔一定要雙數人數，仲要星期一至日都有，所以拿拿臨打電話去book位頂層係甜點有太陽形狀，唔記得係乜😅粉紅色rosemary士多啤梨水泡圈，成嚿都濕濕地，好難食，好似麵包浸左水撈返上嚟咁。焦糖貝殼蛋糕，正常。魚形棉花糖脆朱古力，朱古力味有，夾埋棉花糖都冇死甜，抵讚。芝士餅，果然係酒店名物，不解釋。柑桔味朱古力幾特別，外層係62%黑朱古力，入面係柑桔焦糖軟心。鹹點有鴨肝芭菲，做到似mousse，食落唔油膩，配上楓糖杏仁燕麥片。椒鹽魷魚，配上清新的青檸及大蒜蛋黃醬，中和椒鹽魷魚可能因為凍左而產生的油膩感。三文魚他他多士，正常。另外仲有原味及朱古力味scones配cream及橙味同士多啤梨味果Jam，scone食落原味好食d，可能朱古力味淡d，不過凍左，但唔乾硬。呢個係差不多食完個tea set先上比你，擺得好靚，係Movenpick雪糕，而且好似係獨家薄荷朱古力口味，底層係蛋白泡沫，貝殼係白朱古力，綠色一點點係青檸薄荷啫喱。

中午自助餐：三文魚🍣很肥美！整體冷盤海鮮也新鮮好美味，燒肉夠爽脆金香，牛肉就一般好難咬！炆牛尾係幾好嘅很入味，有炆羊腿片切得好薄好香好濃滑不溜，水果蛋糕甜品雪糕都係好好味上等嘅！所以今天沒失望很滿意！其他忘記影相了

為慶祝8月之星生日，公司特意安排自助餐。我們一行共13人。在訂位時詢問是否有蛋糕可訂，酒店方面還特意送上生日蛋糕及生日名牌。酒店安排了一張長枱給我們坐，環境舒適。席間有汽水及橙汁無限添飲，最後，每人還有1杯餐飲。冷盤有蝦、長腳蟹及蠔。位於中間位置，有一個類似麵店的煮野區，我選了喇沙湯底，而材料可選帶子、雞肉、魚腐、蛋、菜及麵。甜品方面，有雪糕，各式蛋糕等。最後，我們同事用信用卡支付享有折扣優惠，詳情請向酒店職員了解。

在過去的夏天如沒時間離港，但又想起星馬美食的話，可來到萬麗咖啡室體驗新加坡及馬來西亞美食之旅。一系列吸引的星馬特色美饌包括星洲辣蟹、參巴醬烤魔鬼魚及海南雞飯等，定能讓您過一過星馬美食的癮。 在夏天無限添飲的啤酒汽水完全是加分位，就算是紅白酒每位加$100已是無限添飲。 坐好後第一時間找海鮮檔看一看，海鮮角落放了即開生蠔、翡翠螺、鱈場蟹腳及鮮甜大蝦，相信這些海鮮都是不少人前來的目標之一。 海鮮角落旁邊是賣相不錯的日式飯卷、蕎麥麵和壽司。 再過一點就是鮮味刺身的凍櫃，這裡供應的是可持續發展既拖羅、有機三文魚、厚肉帶子及生蝦。 當中的拖羅可說是油脂滿瀉，所以也為了它走多了一兩轉。 說到海鮮不能不提這裡的蒸焗龍蝦，這出品非常受歡迎因龍蝦都是即席蒸焗出爐，來到不吃的話真的對不起自己。 冷盤跟沙律區的供應也不少，各式cold cut、沙律跟dressing、麵包和芝士拼盤等已放好等待著大家來挑選。 吃過一輪去找找主題的星馬風味菜式，新加坡「國菜」以蕃茄、香料、辣椒及辣椒乾等材料做成秘製醬汁的星洲辣蟹當然在席，還有以辣椒為基礎並加入蝦膏、乾蔥及蒜頭等而成的參巴醬烤魔鬼魚，另外也有軟腍入味的巴