影片
港鐵灣仔站 A5 出口
繼續閱讀
電話號碼
28028888
開飯介紹
位於閣樓的萬麗咖啡室備有二百二十個座位，供應環球美饌及具本地特性的美食，包括中、西、日及東南亞風味的佳餚，盡顯各地風味。萬麗咖啡室精心為客人重新設計飲食概念，豐盛的早、午、晚自助餐，並設有自選菜譜，滿足賓客的不同需要。
繼續閱讀
特色
適合大夥人
慶祝紀念日
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
有關獎賞計劃
相關文章
舊年就到訪過「萬麗咖啡室」，睇番啲食評，原來剛好一年前嘅事，當時就為通番關嚟食餐好嘅。今次見到餐廳由依家到4月尾做緊西班牙主題自助餐，西班牙一向都頗有特色，加上又做緊啲優惠，所以，同老友嚟嘆番吓。眨吓眼又一年，個環境當然無乜點變啦，柔和燈光加寬敞空間，依然予人感覺舒適，所以，整體感覺幾舒服。而食物區都喺二字左右排開，集中晌一個範圍，唔使左兜右轉，亦都比較方便。上文都講，今次自助餐以「西班牙」為主題，四周嘅牆上都貼有唔少西班牙嘅裝飾，而菜式方面就有唔少西班牙特色菜。星期一至四晚計，成人收$808，星期五至日及公眾假期成人收$848，另收10%服務費，晌官網網上商店預訂有75折優惠。如果想再食平啲，可以考慮自助午餐，同樣供應西班牙主題自助餐。冷盤先講講冷盤同沙律，就晌食物區嘅頭位，選擇夠多喎，唔喺一般嘅凍切肉腸、莎樂美腸。有好多款都喺主題菜式，包括西班牙蕃茄凍湯、數款西班牙醃肉腸、一款牛奶芝士及一款羊奶芝士、西班牙沙甸魚、醋漬鯷魚、西班牙蕃茄麵包、煙三文魚，仲有啲橄欖呀、酸瓜……等配料。Joselito西班牙火腿而一入門口就見到有侍肉師傅即場將西班牙火腿切片（限星期五、六先即場為客人切片），薄薄一片，仲要砌到好靚仔。唔講真喺唔知，原來「Joselito」呢個西班牙品牌已有150年歷史，單喺呢點，啲火腿理應已夠晒質素啦。沙律沙律吧陣容夠晒鼎盛呀，4款沙律菜、大大少少近20款配料，如鮮蝦、煙肉碎、露筍仔，配以4款自家調製醬汁，唔鍾意嘅，可以簡簡單單淋啲油醋，但我就鍾情蜜糖芥末汁同牛油果醬。此外，仲有款預製好沙律，包括意粉沙律、煙鴨胸沙律、蕃茄水牛芝士沙律、烤和牛沙律、海鮮沙律，喺唔想煩嘅懶人之選。將最心水、最精選嘅沙律同冷盤放埋一齊，造就小弟呢碟超豐富頭盤，樣樣都有啲，夠晒多元化，色彩又夠繽紛，睇見都已經好醒神。幾款主題西班牙食材，果然有質素，尤其啲火腿，唔好見大片白色「肥膏」，出奇地無乜油膩感，反而有陣陣脂香，鹹鹹哋嘅味道，正呀喂！幾款預製好嘅沙律亦都好食，食完胃納大開。海鮮食自助餐最回本嘅一定喺啲冰鎮海鮮啦，今次所見，就有法國麵包蟹、澳洲青口、長蟹腳、翡翠螺同凍海蝦，佐以幾款醬汁，如雞尾汁、辣芫荽汁、紅酒醋同蜜糖蕃茄汁，都幾特別。就目測所見，呢啲回本嘢好搶手，但成晚都見補貨甚快，完全無間斷供應。刺身、壽司、卷物就晌近門口，凍海鮮傍，小弟平常比較少晌自助餐度食壽司，因為自助餐所提供嘅一般都喺啲大路貨色，但偶爾見到質素高嘅都會試試。今次就見啲帆立貝同八爪魚好靚，仲有一款炙燒和牛壽司好有興趣。冰鎮海鮮又喺樣樣試啲，拎滿一大碟，再加埋刺身嘅帆立貝同八爪魚，做成一份海鮮拼盤咁。每一款都有其獨特嘅鮮甜味，麵包蟹好多膏喎，蟹腳鹹鮮味十足，蝦肉同螺肉又爽，啲帆立貝果然喺刺身級，又大件，柔嫩鮮甜，真喺「鮮」入為主。老友原來都幾鍾意刺身、壽司，趁佢拎時我就搭單，再食啲帆立貝同八爪魚，但重點喺想試件炙燒和牛壽司，的確好正，壽司飯捏得緊致卻唔死實，燒和牛既有肉味，又帶點油香，正呀喂！湯品呢度嘅湯品喺亮點，因為佢哋有提供是日燉湯，名稱就無講，但湯內睇得出有好多料，加上上次飲過確喺正，今回就當然翻兜。此外，仲有1中1西嘅「例湯」，前者寫住龍蝦菜湯，其實似喺加咗龍蝦肉嘅碗仔翅咁，後者就喺南瓜忌廉湯。覇氣咁一次過試咗3款湯，包括西班牙蕃茄凍湯、南瓜忌廉湯同燉湯，可謂各有賣點。凍湯好少飲，入口清爽感極強；個南瓜忌廉湯亦都打得好滑溜，滿滿南瓜香味，等至於個燉湯，絕對喺高質量出品，飲落非常之清潤，味道醇和，可以講喺飲得出真材實料無欺場。即煮粉麵晌自助餐嘅即煮粉麵、即煮意大利麵……等等，都一律少試，因為太易飽肚，不過，偶有例外，就好似今晚咁，供應嘅喺馬來喇沙，仲要配半隻龍蝦，夠晒豪氣，又合晒小弟心水，就算易飽肚都想試試，好彩老友都鍾意，嗌一客兩個人「些牙」。個喇沙湯底入口真喺唔失禮，比一啲主打賣東南亞菜嘅餐廳所出品唔差得遠，香味四溢，而麵底可以揀油麵或米粉，識食當然梗喺揀摻摻啦，至於隻龍蝦啲蝦肉好爽口，充滿鮮甜味，加上成嚿蝦肉好易起出嚟，啖啖肉，食得超爽；此外仲有啲豆卜、芽菜同雞蛋作為配料，製作絕對唔馬虎。咖喱、熱盤、烤肉另一個「長區」就喺擺放多種熱食嘅食物區，晌呢度有好多精彩美食，先講重點，就喺多款西班牙主題熱盤，包括最大亮點嘅西班牙乳豬、西班牙海鮮炒飯，以及西班牙香菇炸丸子、西班牙薯仔蛋餅、西班牙欖油蒜香蝦、香烤西班牙腸、香烤豬肉串，淨喺呢幾樣已好精彩，仲有新鮮蒸焗波士頓龍蝦。以其餘嘅 熱盤，一口氣介紹埋先，計有印度咖喱雞肉、印度皇飯、鑊炒和牛粒、烤爐魚、炒蜆、咕嚕肉、煙肉芝士焗蠔、紅燒鮑魚、烤牛肋排、焗薯、炒野菜、龍蝦茶碗蒸、海南雞、蒸大鱔……等等，都喺睇相寫返出嚟，可能都有遺漏，總之，可以講喺種類繁多。講真， 邊可能試得曬所有嘢， 所以去到呢個大類都喺重點出擊，揀3、5、7款心水嘢嚟試。雖然喺咁，都砌咗成大碟「主菜」，蒸龍蝦當然喺以回本心態拎嚟食，不過，啲龍蝦好食就值得再回味；而西班牙乳豬非常之脆口，肉質好爽，香菇丸子咬落唔油膩，外脆內軟，味道幾特別，蒜香蝦充滿香蒜味，自然惹味十足，西班牙炒飯都做得有水準，至於其他嘅熱盤，就都樣樣拎少少嚟試下。慢煮牛柳晌熱盤類嘅篤篤最尾，仲有一個即做慢煮牛柳嘅檔口，點解要特別分開嚟講呢，因為，師傅會直頭好似啲高級餐廳咁做成一道主菜咁，墊上甘筍蓉再配烤青椒，賣相非常精緻。的而且確，牛柳入口肉質細緻嫩滑，肉味不俗，而墊底嘅甘筍容 亦都打得柔滑非常，清甜好食。生果、甜品食得幾飽都好，點都要留返10%空間進擊甜品嘅，呢度嘅甜品都好有亮點，擺到琳琅滿目，尤其今次更加咗數款西班牙主題甜品：西班牙油條、香橙米布甸、聖地牙哥杏仁蛋糕、巴斯克芝士蛋糕，此外，其他款式如朱古力紅莓慕絲蛋糕、天使蛋糕、香桃批、焦糖牛油蛋糕、桂花啫喱、意大利芝士餅、紅棗雪耳糖水、曲奇、蝴蝶酥、朱古力噴泉、糖果……等等，絕對滿足到所有甜魔嘅喜好。挑戰甜品時段就一口氣揀咗9款，砌成一大碟甜品大拼盤，老友睇見都覺得我瘋狂，唔喺講笑，小弟堅喺食得晒。好難逐一評價，但整體而言絕對無令人失望，滿足晒嗜甜嘅心癮。而個人最推薦就喺巴斯克芝士蛋糕、朱古力紅莓慕絲蛋糕、天使蛋糕、香桃批、意大利芝士餅，真心正呀！XTC Gelato、即做迷你窩夫XTC呢個品牌嘅雪糕比較少接觸，進擊完個「甜品拼盤」，真喺差唔多到頂，但點都貪心哋想試埋個窩夫拼雪糕，再搭啲生果。窩夫雖然攤涼咗，但新鮮製作關係，仲好脆口，仲喺綠茶口味添。雪糕就揀咗芒果雪葩、港式奶茶同開心果，個人覺得奶味無咁重，但3款嘅本身味道都好突出。飲品自助餐本身已包一杯果汁或汽水，然而，晌肉品自助區，就放置兩大部咖啡機，有多款意式咖啡供選擇，另一邊就放有檸檬片、鮮牛奶、數款茶包供自由取用。此外，另加$188 就可以無限暢飲果汁、汽水、精選啤酒、氣泡酒及紅白酒。由頭食到尾，食吓傾吓，抖吓又再食吓，今日狀態唔錯，夠持久力，所以，真喺食咗唔少嘢，可謂大滿足。順帶一提，呢度啲招呼幾好，侍應有禮，服務殷勤，收碗碟都好快手，補充食物又足。
繼續閱讀
踏入暑假，酒店buffet優惠一浪接一浪，最近就發掘到香港萬麗海景酒店萬麗咖啡室Cafe Renaissance，由即日起至8月31 日推出最新主題「南洋小島自助餐」，於官網預訂有75折優惠價。餐廳環境寬敞，自助晚餐成人75折後連加一每位$686.8，晚上6:30pm – 9:30pm供應，可以不追不趕地食足3小時。香港人吃buffet 最在意就是要吃到回本，全晚冰鎮海鮮源源不絕地供應，refill 速度亦夠快。海鮮款式包括麵包蟹、龍蝦鉗、蟹腳、凍蝦和翡翠螺。熱辣辣的新鮮蒸加拿大龍蝦亦是酒店buffet少見，同樣可以無限量任吃，最原始簡單的做法原汁原味，反而更能突顯出食材本身的鮮味，不會蒸得過了火候。新主題buffet擷取南洋香料馥郁香濃的色彩元素，以東南亞地道特色佳餚迎接盛夏的熱浪。龍蝦喇沙即叫即煮，搭配豆卜、芽菜、雞蛋等配料，濃稠湯底滲出陣陣椰香和微微辣勁，黃麵質地爽彈帶咬口，掛湯力更強。蕉葉參巴燒魔鬼魚亦是坊間罕有的菜式，將塗滿香料的原條魔鬼魚鰭以蕉葉包裹，並慢烤至金黃入味，魚肉嫩滑帶嚼勁。胡椒蝦將辛香氣息逼入蝦肉中，肉質保持鮮嫩爽彈。新加坡辣椒蟹混合參巴醬及番茄汁，快炒至入味，辣度恰到好處。還有炸饅頭和Roti烤餅沾醬佐吃，完美吸附甜辣鮮香的醬汁精華。肉骨茶雖名為「茶」，卻並沒有茶葉或茶的成分，是一道用豬骨配合不同藥材及香料熬成的骨湯，蒸氣騰騰，芳香濃郁，猶如喝下一碗補身湯品，祛濕補氣。燒牛肋骨大約為七成熟，表面帶炭火焦香，中心仍保持嫩紅色，保留豐滿肉汁。香茅脆皮乳豬外皮泛著光澤，燒得脆卜卜，肥瘦勻稱，肉質幼嫩。龍蝦茶碗蒸蛋猶如豆腐花般彷彿吹彈而破，加入龍蝦肉使鮮味再度昇華。其他熱盤包括瑪莎曼牛肉咖哩、泰式香料烤豬頰配辣椒醬，越南風味檸檬辣椒牛肋排、蝦醬魷魚炒通菜、烤鴨胸、蒸比目魚、燒鴨、炸蝦球、魚頭咖喱、馬來蔬菜咖喱、班蘭飯、蝦片、炒粿條、烤蘆筍、焗薯、蘑菇忌廉湯、粟米龍蝦湯羹等等。魚生刺身即叫即切，款式包括帶子、三文魚、吞拿魚、油甘魚及八爪魚等。壽司亦有七款。冷盤同樣貫徹其東南亞主題，包括辣青瓜蟹肉沙律、新加坡風味綠豆粉皮沙律、青芒果魷魚沙律泰式酸辣鳳爪、免治肉碎粉絲、時令水果豬肉沙律等等，別有一番異國風味。煙三文魚脂肪條紋清楚利落，魚肉鮮嫩而有彈性。芝士拼盤有三款：古岡左拉藍芝士、愛蒙塔爾硬芝士和布里芝士，凍肉亦有西班牙風乾香腸、莎樂美腸和巴馬火腿，加上海量沙律款式，可隨個人喜好自行混搭。另有五款馬來西亞辣椒醬，大大刺激夏季不振的食慾。甜品區一大特色可算是賣相精緻的原個蛋糕，這晚就有菲律賓腰果蛋糕、斑蘭椰糖蛋糕、巴斯克芝士蛋糕、芒果蛋糕、馬來西亞布丁、杏桃撻、熱情果蛋糕、提拉米蘇、椰子果凍、泰式奶茶奶凍、紅豆布丁、果汁啫喱、曲奇餅、朱古力噴泉、即製窩夫、生果等等...海量款式同時滿足視覺、味覺享受。彩虹千層糕色彩繽紛悅目，口感軟糯煙韌。菲律賓腰果蛋糕以牛油忌廉與腰果碎層層相間，呈現出堅果原香。泰式奶茶奶凍入口軟滑水嫩，具有茶葉香及煉乳的甜。提拉米蘇做法正宗，咖啡香氣濃烈，質感細緻濕潤，入口即化。任食XTC Gelato亦是一大賣點，總共有七款雪糕口味：榴槤、芒果椰子、泰式奶茶、清薑、雲尼拿、朱古力和士多啤梨。還有小朋友最喜歡的Candy Corner，可愛夢幻的佈置喚發童心。每位包括一杯果汁或汽水，另有自助咖啡機、檸檬、茶包無限量供應，可以隨時自斟自飲。
繼續閱讀
用餐日期：2024/04/22可用餐時段：12:00-14:30，2小時30分鐘用餐費用(每人）：$293餐廳環境：環境整潔乾淨 冷氣足 檯與檯之間闊落 坐得舒服服務：服務員服務態度好 收碟及時 食物及時refill 但大多數食物名牌都只有英文 對不懂英文的本地客人造成不便 是服務扣分之處沙律吧：有約4款沙律菜 22款配料 5款西班牙式小食 6款已調好味的沙律 8款醬汁 3款火腿片 1款煙三文魚片 沙律菜沙律小食和配料新鮮選擇多味道好 煙三文魚味道好但有點偏咸 如有黑醋醬/柚子醋更好 推薦 芝士：有3款芝士 包括自助餐中較少見的Manchego羊奶芝士 Manchego羊奶芝士是西班牙最著名的芝士 有堅果香味質感堅硬帶乾且脆 推薦冰鎮海鮮：有5款(麵包蟹 蝦 翡翠螺 青口)沒試不作評論刺身/壽司：有5款刺身(三文魚 吞拿魚 油金魚 八爪魚 鮑魚片）6款壽司 試了3款刺身 油甘魚最新鮮肥美味道非常好 吞拿魚鮑片也新鮮味道好 推薦麵包：有3款麵包 試了1款 味道正常 如有提供麵包烤烘機加熱更好 湯品：有1款中式青紅蘿蔔豬骨湯+1款西式南瓜蟹肉湯+1款番茄凍湯 試了南瓜蟹肉湯+番茄凍湯 番茄凍湯偏酸味道一般 南瓜蟹肉湯夠濃阿滑有真蟹肉在內 不咸味道非常好 推薦熱食：有約13款熱食+7款烤物(烤牛肉+烤羊髀+烤雞+烤蝦+烤腸+烤豬肉串+烤肉丸子)+1款點心+3款印式 試了烤牛肉+烤羊髀+蒸魚+咖喱羊肉+幾款菜 牛肉烤得香口肉質嫩滑味道很好但有點偏肥 燒羊髀有羊味熟到剛好肉質嫩滑味道好 蒸魚和蔬菜都味道不錯 如有提供羊架+烤牛肉少肥些更好 推薦慢煮牛柳檔：這慢煮牛柳擺盤不錯 碟底有橙黃色的醬汁 醬汁上放上慢煮牛柳 牛柳旁有放了烤青椒 牛柳上再加1條香菜裝飾 整體觀感很好 牛柳厚度適中 質感嫩滑不鞋口味道不錯 推薦麵檔：麵檔除了正常的麵類配料外有提供龍蝦喇沙 試了龍蝦芽菜清湯 這麵檔的女服務員很友善 因不好喇沙重口味 但剛好清湯沒有了 我本打算就用喇沙湯 但她很好人自動幫忙追廚房送來清湯 很謝謝她善意好服務態度 龍蝦新鮮尺寸中上味道不錯 推薦甜品：1款紅棗雪耳糖水+約15款西式甜品/糕餅+3款曲奇+朱古力噴泉+窩夫餅 試了紅棗雪耳糖水+ 香橙米布甸+芒果芝士蛋糕+巴斯克芝士蛋糕+ 窩夫餅 紅棗雪耳糖水味道不錯但有點過甜 另3款都不過甜味道好 窩夫餅可配不同醬汁 選了朱古力+果醬+2款配料+1球士多啤梨雪糕 一起食味道不錯 推薦雪糕：有約11款Gelato雪糕 但不是獨立包裝 選了士多啤梨味 和窩夫餅一起食味道不錯 如雪糕是Haagen-dazs獨立包裝味道更好更衛生方便 希望店方未來考慮增加Haagen-Dazs品牌雪糕選擇水果：有3款 味道正常鮮甜 推薦 飲品：每位客人可選1杯果汁/冷飲 自助區有熱茶 熱水 檸檬切片 2部可出奶類的熱加啡機 試了Latte 這家的Latte奶泡夠厚實咖啡不苦味道好 推薦 如冷飲/果汁也在自助區讓客人跟據自己所需自由拿取/添飲更好 希望店方改善 總結：這家環境舒適 服務員服務態度好 客人不多 拿取食物不用排隊 現在kxday有買一送一優惠後自助午餐價錢合理 沙律菜海鮮刺身熟食麵檔甜品水果雪糕飲品都選擇多味道好 如烤牛肉少肥些 有提供麵包烤烘機 柚子醋/黑醋醬 雪糕有提供haagan-dazs獨立包裝 自助區有提供果汁/冷飲 食物名牌有中文名稱 更好 整體是值得推薦的自助午餐餐廳餐廳環境：
繼續閱讀
西班牙嘅美食令人相當懷念 總係有舖癮咁!最近萬麗海景酒店萬麗咖啡室推出咗全新主題buffet-西班牙漫味「豐」情自助餐盛會一次過可以嘆盡十幾款西班牙美食 見咁抵食 咁點都要試下啦🙌🏻*****************************嚟得呢度 西班牙美食自然係主角❣️🐖原隻西班牙烤乳豬 由專人即點即切外皮烤得香脆 乳豬肉質嫩滑 充滿油脂香味😋🥘經典嘅西班牙海鮮燉飯 亦不容錯過海鮮份量非常多 面上嘅青口同魷魚堆砌得好靚😍西班牙米飯粒索滿醬汁 充分吸收海鮮嘅精華 咁啱係星期五、六晚 可以試埋Joselito原隻西班牙火腿❣️由侍肉師即場切出 片片都切得均勻 工整地排喺碟上 真係少啲功夫都唔得同場仲有提供好多款精選西班牙醃肉及芝士鐘意食肉肉嘅朋友仔一定會好滿足叫得西班牙主題當然唔少得西班牙Tapas❣️呢度有好多款 完全滿足晒為食嘅我哋最先食嘅係我最愛嘅西班牙番茄麵包🍅面包上舖滿蕃茄 大滿足呀😝馬鈴薯蛋餅亦係我嘅心頭好 香口又美味😋另外仲有特色嘅西班牙凍盤醋漬鯷魚、西班牙沙甸魚、醃製鮭魚、Fish Carving 等仲有平時較少見到嘅西班牙番茄凍湯、西班牙香菇炸丸子、西班牙欖油蒜香蝦等除咗西班牙特食美食外回本區當然首選靚海鮮😍有凍蟹腳、麵包蟹等各款時令冰鎮海鮮🦀 全部大大隻 整齊咁排列好 新鮮美味而想熱食嘅亦有香口嘅炒蜆肉等龍蝦喇沙亦值得一試🦞 湯底充滿海鮮嘅鮮甜味另外仲有多款日式刺身、壽司、雜錦魚生丼🍣有少見嘅和牛壽司 一定要試下呀😋最後當然唔少得要食埋甜品 餵埋第二個胃嘛~有西班牙炸油條🥨、巴斯克焦香芝士蛋糕、聖地牙哥杏仁蛋糕、香橙米布甸🍮同Tiramisu等仲有Galato雪糕呀🍨*****************************見到咁多美食 每一款都好想試少少結果我哋都食到爆晒肚先走🤣同行朋友都大讚好高質 又唔洗就住食🙌🏻我哋係喺萬麗網上商店預訂架 會有7️⃣5️⃣折 超抵玩呢❣️
繼續閱讀
您可能會有興趣的...