萬豚屋

營業中

休息中

我同事之前已經成日提呢一間, 話d烏冬好好味, 前幾晚終於可以試下, 真係姆好喎!叫左:海鮮烏冬: 個人好鍾意, 都係因為個湯底...龍蝦湯底, 就算飽都想飲多碗湯豚肉烏冬: 因為食左海鮮烏冬先, 所以覺得佢就淡左少少, 但係d豚肉都好好食咖喱吉列豬飯: 我好鍾意食日式咖哩, 因為唔辣得黎仲好香, 呢度既咖喱吉列豬幾好食, 塊豬唔太乾, d飯都好味忌廉煮蜆: 好好味, d蜆好大隻, 仲要隻隻都有肉, 我地3個人每人都有4隻食, 呢個價錢算抵食.

女友知我鐘意食日本野, 尋晚見凍凍地, 就帶左我去試下佢既石頭煱烏冬, 味道都唔錯, 又算抵食..我地試左幾樣野, 樣樣都唔錯...==> 海鮮烏冬.. 烏冬好彈牙, 海鮮料幾足, 再加上龍蝦湯底, 好好味, 差D 連全部湯都飲埋.. ==> 吉列豬扒烏冬, 豬扒炸得唔錯, 入口好有肉汁, 好鮮味.. 豬骨湯底配彈牙烏冬, 一樣好好味..2個烏冬都用石頭煱載住, 食到尾都仲好熱..唔錯..==> 炸軟殼蟹, 好鮮味, 就連D 配菜+ 小蕃茄都好好味.. 不過就較為熱氣..==> 炸豆腐, 呢個就比較普通, 下次可以留返QUOTA 試其他款式..地方就唔算大, 要去就訂位比較好, 但環境都算唔錯, 幾乾淨, 絕對可以再試!

食左3次la,,,第2次已經要交20蚊做會員lawakkakakkad烏冬真係一流,,,(牛肉果個,,,)隻蟹好好味ps不過好似最近+左價無得+8蚊有野飲

一排無黎万豚屋, 佢既烏冬水凖依然係唔錯!推介: 海鮮烏冬, 豚肉烏冬今次食評係想同万豚屋老闆講好加返d人工比服務員喇.佢地同以前既態度簡直係天堂與地獄

走著走著, 又來到了尖沙咀, 記得朋友於半年前帶過小妹去過這小舖, 味道還是不錯的, 再次光臨, 味道一樣好呢~~小妹叫了三道菜:1. 黑芝麻豚肉烏冬(熱) -- 好有芝麻香, 湯好濃, 豚肉好淋好入味2. xx牛肉担担烏冬(凍) -- 烏冬好爽, 牛肉好野味3. 梅子xx凍雞捲-- 超讚, 雖然係凍食, 但味道一流, 賣相不錯呀~一定要試!!還有幾張信用卡享有discount呢（８折）／可以訂位

聽朋友仔講呢間店d烏冬好味, 試下.點知好好味, 好彈牙好通透, 不過就細鍋左小小.d豚肉又好食. 咖哩都ok .

豚肉烏冬set lunch賣相不俗, 湯是奶白色, 甜甜的. 豚肉很腍但.... 試一口烏冬, 是出前一丁味很可惜

朋友帶我o黎呢間食肆，雖然舖頭細細，行過籠都唔知，但食物o既味道唔錯！試左豚肉烏冬、一口牛肉、忌廉汁大蜆、雞軟骨串、燒雞肉+豬肉、黑芝麻豚肉焗飯、炸軟殼蟹(少少腥，麻麻地)~ 本來想叫個拼盤，竟然賣晒喎！7點就無晒！最好食都係碗烏冬！食左咁多野都係每人$57咋~ 算抵喇！埋單o個時張單寫住：我用xx信用卡結賬，幾搞笑！

唔係朋友帶我去試我都唔識去,位置就偏僻D,不過之後我每去尖咀都會黎呢間食dinner!我試過0既食物唔係太多,但心水推介有==> 吉列豬扒烏冬,D豬扒勁正!外層脆, 入面鬆化! 真係好好味!! 不過單叫要$35, 得一塊就貴D! 所以要埋烏冬我覺得抵D ==> 石燒黑芝麻湯豚肉烏冬, 我好鐘意呢隻湯底, 芝麻味好濃郁, 豚肉好淋好鬆軟, 烏冬超滑!! 不過D湯因為用個石燒滾住, 好易會變杰, 所以唔好慢吞吞食~~==> 上次去發現有一款新烏冬, 叫海鮮烏冬, 湯底係龍蝦湯, 好好味, 不過又係杰些少, 海鮮配料好多, 好抵食!!另外食過炸餃子雞翼, D汁就太咸了總括黎講, 呢間食店食物水準好好, 值得一試的侍應服務OK la, 好快加水, 不過D面口就麻麻! 成日黑口黑面, 要改善改善~

有一日lunch三個人黎左依度..唔係有人帶路都未必知依度有一間舖頭係度..等左差唔多十五分鍾先有位..叫左一個鴨胸銀鱈魚飯黑芝麻豬扒烏冬燒汁雞柳烏冬烏冬好滑..湯底係白色既..而且十分清甜..黑芝麻豬扒好好食...有好香芝麻味..同豬扒既味好配.燒汁雞柳就一般啦...鴨胸銀鱈魚飯好大碗...食完一定飽...銀鱈魚燒得好好味..飯後既凍咖啡幾好飲架..服務真係唔係太好...個待應好似唔係好想答我地咁..

為確保本店的服務及出品的水準:請給我正確的日期及時間AND人數,好樣本人能夠跟進,另發生此事,本人心表歉意,並會跟進!!

去開尖咀,有朋友提議去,我之前見過有食評(不是這個)話幾好,就去試吓啦。我們一共五個人無訂枱,但都有位。點咗幾道菜(唔記得全部),其中既豚肉,超鹹!另外叫咗串燒,雞肉串無味道,鐵板餃子就幾好.中途再點菜,經過的侍應就一邊响個櫃沖水,一邊只係回頭應我地.我地只係講菜的編號(唔只一樣),佢又唔寫低,只係回頭應,都唔知佢係咪記緊。最後，全部走單，激鬼氣！總括來講,服務態度奇差,食物唔可以接受,比起同類型例如魚一丁,我會選擇魚一丁!

前幾日我同我班friend去食晚飯!點知食物勁差!!!燒物都冇咁好好乾身呀...服務又唔好...叫極侍應又唔應人..又唔係好多客掛住傾計又唔理客人...離哂譜!!!唉....以後都唔會再去呀........

7月5日晚約左朋友於老尖聚舊, 朋友帶我去左間響赫德道的小店,叫万豚屋! 鋪頭細細,d 卡位逼逼甘;但d 人幾nice.個晚我地2個人,但竟然食左5 樣野,初頭睇menu 時都已經有好多野想食,因為睇落價錢都唔係貴,d 相又影得幾靚, 最後叫左忌廉煮蜆/ 燒三文魚骨腩/豚肉烏冬/軟殼蟹沙律,同埋燒羊扒;嘩....d 野好好咪, 尤其係個忌廉蜆,d 白汁好香好濃,d 蜆又大又肥又甜又無砂,簡直想encore 再食多一碟; 個豚肉烏冬又係一絕,個湯底真係頂瓜瓜,濃得來一d 都唔味精,好香豬肉味,最正係佢地可以加湯,因為太好味,我地未食d 烏冬, 已經飲晒d 湯, 諗住試下叫人地再加d 湯睇下得唔得, 佢地真係好好人,轉頭就拎左成大碗出來...^.^, d 烏冬好滑好彈牙,勁力推介. 沙律同三文魚就一般, ok 啦. 個羊扒都好正,食得出係靚貨,肉味香, 鬆軟有油花....一句講晒, 万豚屋好好味呀.

此店SUPPOSEDLY以豚肉聞名, 但叫燒豚肉或豬頸肉都話賣晒, 唔係呀話?ANYWAY, 叫了個清酒忌廉汁大蜆作SUBSTITUTE, 想不到份量大, 蜆肉豐富, 又幾好味, 雖然食唔出酒味, 只有像芝士/白汁的味道小食還叫了餃子雞翼, OKAY啦, 我覺得函館果D惹味D好食D我嗌了個海鮮濃湯拉麵, 濃湯比較杰, 所以食落幾滯, 但味道真係夠濃, 充份滲透那些鮮蝦(仔), 魚柳, 青口, 帶子, 大蜆(又係), 不過個DISH唔夠熱, D 配料凍凍地, 拉麵較幼, 食落似公仔麵之流, 失望朋友嗌了石鍋豚肉烏冬, 呢個非常正, 不但溫度能一直保持, 個湯仲非常鮮甜, 厚切豚肉也佳另一朋友嗌了豚肉冷烏冬, 烏冬明顯地唔夠凍, 係一大敗筆, 但叫做有D口感, 同埋D薄切豚肉好味服務幾好, 加水好主動, 又唔趕客環境就係地道小店風情啦.