萬豚屋

營業中

休息中

之前係朋友介紹去食既, 不過都覺得好正, 個海鮮烏冬真係一流, 湯底濃, 足料, 烏冬彈牙!!!真係好好味~~不過尋日同同事去食lunch個時, 就無海鮮烏冬了, 得返咖哩烏冬, 唔知好唔好食呢????之後我就簡左個豚肉烏冬, 因為我見呢度好多人都話食豚肉烏冬, 所以就試下啦~點知都係一樣, 好好味呀, D豚肉, 好似肥豬肉咁, 睇落去好似好肥, 不過食落一D都唔覺得肥, 仲好滑, 加埋個烏冬, 真係一流呀, 一個SET LUNCH都係60蚊, 一個烏冬同一杯野飲~真係好正, 抵佢生意越做越好~哈~

上星期第一次去無訂位, 結果等到花兒也謝了,等了差不多個半鐘. 它的留位服務好有問題,沒有紙仔, 只留姓名及電話, 亦沒有分訂位及留少部份不訂位的桌,總之一有訂位的人就入先, 沒訂的就等等等, 我是頭幾張沒訂位, 7:00到, 要8:30後才入座, 香港難得一見的訂位服務, 好唔點! 唯一好的是從未吃過超熱烏冬,正!豚肉好香滑,烏冬彈牙, 不過食物種類比賽少.下次要食海鮮味.因為到我入座,已售罄了.

第一次去．９點３０分　ｌａｓｔ　ｏｒｄｅｒ．個日仲要係ｈａｌｌｏｗｅｅｎ算．．．．．．第２次去．星期日．．．．．．．．．．．．唔開．．．．．．．我好唔開心。

其實由上星期一(22/10)已一早草擬要幫趁一下這人氣店~但無奈事與願違...如是者由當日打電話訂枱打到星期五(26/10)才成事！咁當然我又未至於磨爛蓆磨到由朝打到晚...只係有時晏晝坐喺度無無聊打一打；搭車又無聊打下；夜巿開始營業前又打...既然冇次電話通~當然連日來head & tail試了n次！直至有次我miss了個call而我竟然唔係call back返對方~而係打咗去萬豚屋喎！無心理準備下聽到接線生的greetings當時那一刻我竟然有打去電台入到線點到唱的感覺...hahah訂枱訂了星期一1900~但我想講主打的海鮮烏冬、蜆烏冬、豚肉烏冬當時都通通售罄了。這我已有心理準備...結果一分鐘內極速點了生牛肉烏冬及黑担担牛肉烏冬~因為睇怕且我再三心兩意連最基本的都冇埋！後來等的期間都點了個蟹肉蔬菜沙律。先評主角烏冬口感就係剛上枱上半場首5分鐘時烏冬外面軟綿綿內裡麵芯有嚼勁；直到中場半個鐘時麵芯都仍有啅口、韌度能夠抵禦到牙齒的咬力未至於一口咬即斷...質感於牙齒間仍有點黐纏；下半場用兩分鐘埋尾時個麵質就少許稔而麵芯一咬即分離。所以我補充...食到中後場與尾場之間那段時間的烏冬口感

店這裡店子很細, 位置不多, 晚市六時十五分才開, 門外已有七、八人在等, 轉眼間後面又多了八、九人等, 真誇張; 上一次六時半來到, 全店滿座, 等的人也有5-6個, 幸好今次男友訂了枱 , 不用等。石燒豚肉手打烏冬–豚肉即豬腩肉, 但不太肥, 很大件, 烏冬真的很彈牙, 而湯亦很好味, 加上一隻剛剛熟的雞蛋, 手打烏冬真是名不虛傳, 怪不得這麼多人一早來排隊,。石燒牛肉手打烏冬–吃完豚肉烏冬, 這個就比較普通, 烏冬當好吃,牛肉是靠石窩和湯弄熟, 所以要快些吃, 否則牛肉會變得過熟, 或者可以把熟牛肉撈起。湯底較清, 不及豚肉烏冬的湯香濃。芝士芝麻豬扒–很香,豬扒的炸漿加了芝麻(好像還有花生), 加上芝士焗。

今日同男友由旺角去尖沙咀, 就係為左食呢度既烏東! 差不多七點到達, 七點八至入座, 侍應話我地知只剩豬骨味湯底烏東加上蜆/海鮮售罄, 都有少少失望... 試左厚豚肉烏東, 蟹子沙律, 餃子, 蛋包豚肉, 海鮮卡巴... 樣樣都唔錯, 價錢都唔貴, 一定會再去(但會訂位囉^^)

好久沒寫過食評了，終於決定...有相的才下筆。淨文字的食評連自己也沒興趣看啦。想在tst吃好的日本菜，最好就是小型居酒屋型式，於是就上來OR做做research。喜歡這裡隱閉得來周腳, 當然最吸引我就是很有名的手打烏冬啦! 鮮蜆生蠔濃湯手打烏冬鍋(上圖): 上檯時是超熱的!! 濃湯原來是杰杰的龍蝦湯，非常鮮甜卻感覺沒有味精，真材實料! 鮮蜆&生蠔幾肥美，也很新鮮。烏冬果然很出色，有點半透明的狀態, 煙韌彈牙, 很有嚼勁! 就是我喜歡的口感! 這是個cholesterol爆燈的一道菜!!!生牛肉手打烏冬火鍋(中圖): 湯一直不斷地冒煙和sizzle...他們說生牛肉很鮮甜，熱湯把它弄得剛熟, 半生熟的吃法完全能發揮其鮮攣味道。湯底是清甜卻有很濃牛肉味的老火湯，雖然眼看有一層厚厚的有鋪面，但他們卻喝得津津有味! 牛愛好者必試!~燒黑豚肉(下圖): 豬肉鮮攣多汁, 軟軟帶彈性. 再點點咐加的醬油, 吃落更香甜呢。燒秋刀魚: 魚肉新鮮多汁, 燒得剛熟, 不會太乾～Iced Chocolate: house special來的，特別推介當然要試啦。嘩～chocolate好香濃，一點都不甜, fl

男朋友試了海鮮烏冬($56),真是好正而我試了黑芝麻牛肉烏冬($52),都不錯由於太熱關係,不小心燙傷嘴部冬天食更加\"正\"d湯都不是好夠,所以要叫店員再加多d湯可惜分量少左d(加錢要15元,都好貴)所以沒加大分量一到7:30人都開始多,幸好今次早d來,不用等~~不過不明點解用信用卡找數時,話張卡碌不到....不知幾時再推出會員計劃呢??(現在暫時停止)帶著滿意+滿足感離開~~~

晚上七時半去到.無訂位,要等位.一坐下,囡囡想叫的海鮮鳥冬已經售罄,店員提議可以叫雞排,那就試試(這個在晚上的菜牌上是沒有的)我就因為想叫一口豚肉,所以叫了黑芝麻牛肉烏冬.另外仲有玉子豚肉燒同軟殼蟹.烏冬來到的時候,簡直像一個火山,非常之熱,牛肉來的時候還是紅色的,心裡都幾歡喜,不過可能我的反應慢了一點,1分鐘後,牛肉全熟了....變了柴皮....提議如果要吃這個要先夾起牛肉.黑芝麻湯底幾特別,不過下次還是要普通湯底算了.偷喝了一口囡囡的湯底,不算鮮甜,也算ok主角烏冬,一如各位食友所講,非常彈牙,算是香港頂級.一口豚肉,非常好吃,極力推介.玉子豚肉,普普通通,可以一試.軟殼蟹是失敗之作,炸粉不用錢以的,厚度和外表都和KFC一模一樣,簡直可以只吃蟹肉而炸粉仍能砌出一隻蟹形,食了四份一隻,放棄.總括而言,還算滿意,不過店方會否考慮將湯的溫度降低呢?食一碗真的要食很久.

上星期六因我生日, 朋友帶我去此和食屋慶祝, 其實我曾經2次想去試食呢間野但因我係路痴所以2次同一樣係路痴既朋友(即同類)去搵食時都唔成功, 所以今次多得我方向感相當好既男朋友仔, 我地終於搵到呢到, 獻出我地既第一次(光顧)。地點較隔涉及招牌也不起眼故要很留心才找到, 入到去一間較小的和食屋, 可能較早到(晚上7點前)所以立即有位。叫了每人一鍋石鍋手打烏冬, 另加2個小食。石鍋手打烏冬–GOOD, 烏冬彈牙, 湯底香濃, 石鍋的熱力令到雞蛋處於半生熟的形態, 配料新鮮, 非常好味。XX豚肉玉子燒–有驚喜的感覺, 好似庵列一樣包著豚肉粒等材料, 配以香濃的芝士, 對我呢一種芝士愛好者黎講除左不斷食, 真係無野講, 哈哈。野菜軟殼蟹–一般, 我唔係太欣賞, 有點兒太辣同有少許腥。此和食屋好評甚多, 試後亦不負所望, 石鍋熱辣辣要用較長的時間進食, 故一定要有足夠既時間先好去慢慢品嘗, 我諗冬天去食一定仲正, 食完成個人暖笠笠, 一定要再黎。^^

試過不同食店嘅烏冬, 呢間真係算最好食, 價錢亦合理. 雖然同0向日本食嘅烏冬比都仲差dd, 但都算係0向香港食過最好味架啦! 烏冬煙靱幼滑, 豚肉有d 肥, 非常嫩滑. 湯底味道都唔錯, 但有d似'味精湯". 我嫌個窩太熱, 所以食得好慢! 下次會夜晚去試下海鮮烏冬&冷烏冬!

本身愛吃烏東，亦愛小店的專注及誠意，這裡順利成章成為我最喜愛的餐廳之一。這裡的手打烏東口感很好，已熱窩盛載，無論吃多久多慢還是保持着熱騰騰的。湯底亦很清甜。牛肉生着下窩，漸漸變成半生熟，很嫩。豚肉夾着一些肥膏，不"鞋"，很不錯。主打烏東以外的食品略嫌遜色。大蜆缺乏鮮味，日色燒餅亦無甚特色。但在這店光是吃烏東就已經值回票價了。

這是我第一次吃的手打烏冬... 平常不太吃烏冬的，但同事介紹我來這間，實在盛情難卻。抱著一試的心態，但我還是叫了一個最普通的燒汁雞扒烏冬！以前不知聽什麼人說過：最普通的東西就是最難煮得好吃的!以前吃的燒汁雞扒最多只能說不錯或挺好，但想不到在這間萬豚屋可以吃到這麼好吃的燒汁雞扒。皮是脆脆的，而肉身不會太，再淋上惹味的燒汁~ 實在是人間一大享受~ 雖然聽同事介紹黑芝麻豬扒烏冬，但它的醬汁實在讓我不敢恭維... (因為有些酒的味道...而本人討厭酒的味道)當然，烏冬也是很好吃的！用一個熱熱的鍋奉上，滾著的湯，讓我想吃但又怕燙~烏冬外面軟而裡面煙，口味實在很不錯！大家有空經過尖沙咀，不要錯過這間店呀~~~ (但記得要先book位喔~!!! 因為這間店的座位不太多，但有很多人排隊的~)

剛好要到尖沙咀取月餅, 之前就到openrice搵左這間餐\廳試一試，見到都有不少的食評關係它的烏冬, 都很想試試!! 下午時份已打電話去book位, 可能因為星期五晚上, booking已經full, 只有walk-in! 去到7時, 都要等差不多半個小時, 因為位置其實不多, 坐下後叫了兩個烏冬, 一個係牛肉, 另一個係北海道蜆肉，仲有叫左一客燒豬手(平日是一定不會叫, 因為太肥, 不過見有其他客食未試下啦!) 烏冬由黑色窩上的, 來的時候仲好似煮緊咁, 好熱! 烏冬標榜手打, um...有質感, 不像普通的烏冬, 但我覺得麻麻, 可能食慣平日的, 雖然個窩幾大, 但係都不是有太多烏冬, 牛肉好食點, 而蜆肉的湯底有點\"聲\"...而豬手的皮好肥同厚...味道不算特別好!!總括來講, 都值得試一次, 不過緊記要book位!!

現在的我，終於明白為何一直鐘情於日本拉麵而非烏冬。我想，做一碗出色"麵"，麵條與湯底，缺一不可。而一些坊間較出色拉麵，通常麵質與湯底均能做得頗出色，而烏冬呢，往往沒有特別引人入性之處。試過黑豚屋的"海鮮烏冬"，便會明白平時難以愛上坊間烏冬的原因，亦會知道一碗出色的烏冬原來可以是如此感動。剛端上來，已能嗅到那香濃的龍蝦湯味，試入口果然係正! 好想知道師傅用了多少材料及時間才能泡製如此香濃的湯底。麵條的質地亦不俗，而且，以石頭煱上烏冬，即使跟朋友邊吃邊聊，烏冬的溫度仍能保持，而吃至底的麵條亦沒有變"林"，good !另一誠意推介是他們的黑芝麻豬扒，同樣地，又一次品嘗在坊間沒有試到的味道與口感。誠意用心之作! 繼續努力!