萬芳冰室 (已結業)

這陣子香港開了大量懷舊冰室，但很多名不符實朋友推薦說萬芳很不錯，於是過來一試。甫踏進冰室，立刻便被懷舊的氣氛震懾了一下！店舖的陳設枱椅以及整個裝潢色調也跟以前的冰室一模一樣！全店搭枱，可幸今日我們四人可自己＂湊夠一枱＂，就不用和陌生人一起用膳。餐牌上的選擇不算多，最懷舊要算蟹黃麵和生炸大雞脾！生炸大雞脾可是孩提時代求之不得要做好孩子才有的夢想佳餚，於是我不顧健康九秒九火速選擇了餐廳最火紅的太陽蛋生炸大雞髀飯：大雞髀真的很驚人，有成年人手掌（連手指)般大小！雞髀醃得很入味，亦炸得剛剛好，百分百肯定是生炸，跟那些弄熟了才落油鑊輕輕一炸的完全不同。雞髀的皮不算肥，咬下去＂卜＂一聲，極鬆脆！雞肉有肉汁而且很嫩，完全沒有乾或涸喉的感覺！跟餐飲品我選了自家製菊花茶，上枱時是一小樽的(維他奶那種玻璃樽)，很香菊花味，不太甜，又好喝又解渴離開餐廳之前，看見那些小時候在戲院外常見的投幣式體重磅，再看到令人懷念的彩虹階磚攤位，真的產生回到過去的錯覺。只可惜這幻覺在看見體重磅投幣口旁＂每次二元＂這個小牌子時驚醒了：怎麼不是五毛一次嗎

第一次食萬芳，之前朋友都推介過話唔錯。可惜同我心目中既差距都幾大。首先環境麻麻地，懶係懷舊，坐得一D都唔舒服。琴晚晚飯時間去都係得小貓幾隻。好啦講返野食方面，我叫左份生炸雞脾+薯條+什果冰。隻脾都幾大隻，可惜肉質比較"鞋"，食落去好咸，皮又唔夠脆，薯條又炸得唔夠耐。杯野飲仲衰，好似D水就咁溝埋落去D什果度，完全唔夾味。埋單$49蚊...完全唔抵食

放工趕住去睇戲，就想快啲食，朋友就提議食戲院附近萬芳冰室。因為得返唔夠一個鐘頭，唔叫粉麵飯咁heavy，因為驚太多澱粉質會瞓著覺。所以就叫咗兩個炸雞脾配沙律飲菊花茶。坐左陣飲品上左先，菊花茶係用汽水樽回收在再入落去。係幾特別嘅不過可能真係細支裝唔夠飲囉。到個雞脾上喇，😳貢大隻既！用黎打乒乓波架？隻雞本身咪好大隻🤔一隻雞兩隻脾再加埋生隻蛋咪可以響我哋坐嗰張懷舊卡位打乒乓波🏓。雞髀好大隻生炸皮夠脆👍🏻，唔裹粉炸好難得唔鞋口仲厚肉，雞肉嫩滑多汁。如果佢配既係鮮果沙律就perfect 啦，不過而家個沙律係青瓜薯仔紅蘿蔔多。

是日「行山日」完成了大欖涌水塘的麥理浩徑第10段 為自己鼓鼓掌之後 便馬不停蹄趕路來吃晚飯 消耗完體力之後的肚子咕咕叫從未試過這麼快決定進入一家餐廳當然事前還是對這間冰室的名氣略知一二門外復古味濃餐廳通道旁還有一些老舊的電器供拍照誤樂餐牌全都放在玻璃桌子下  一入座便一目了然沙丹豬扒飯  48 朋友點的 沙丹豬扒飯配鼓油汁（汁另上）餐廳出名份量多 是真的多。。。多飯豬扒非常薄切 但異常香口 上桌已嗅到陣陣香氣  瑞士汁雞翼通粉  38這個也是多。。。多粉這也是朋友點的 湯底正常 不鹹不淡 雞翼入味 但38塊未免有點「寡」公司三文治  38終於來到我點的食物 我自己覺得最好吃也最滿足哈哈不過不知道為什麼隱隱吃到一點芥末的味道生炸無敵大雞脾配薯條  34最後當然少不了這裡的招牌當選全場最高性價比的一道主食薯條現點現炸 生炸雞脾香脆多汁 最後連骨頭都沒放過我們有單點一杯家味菊花茶聽說是店家自己熬製不過喝起來味道跟紙包菊花茶是差不多我覺得偏甜一些冰室的整體感覺很懷舊也有很多「賣少見少」的特色食物有機會來屯門可以一試不過我是不會大老遠再跑來吃啦以上。

平日的下午，黎到呢度，唔多人，唔駛等位就有，好好！呢度啱啱開張冇耐好多人等，等耐d先試到真功夫！呢度出名炸脾。的確好大隻脾！炸得外脆內軟，真係好正！之後再叫蝦多士沙律。食到蝦，都幾大隻，冇呃你，幾彈牙！食到咁熱氣，佢有好多好傳統的飲品比你揀。我試左菊花茶，係媽媽煲足料的味道！一流！

元朗要排隊， 門口係等位時可以影一影懷舊一下， 但屯門見唔洗， 入去試下先！ 餐牌如下， 普通的茶餐冰室食物都係普通收費， 還可以：最後叫左兩款出名 & 店內推介的食品：1. 雞比太陽蛋飯隻脾真係好大隻， 入口香脆肉質都好多汁， 好味； 太陽蛋自我感覺就太生啦， 你睇個黃側邊D蛋白都仲係生既…太陽蛋並唔係咁食的囉～ 豉油真係豉油， 配落去飯度， 都幾咸2. 手撕雞套餐 - 包三樣： - 懷舊小吃雞蛋大菜糕， 小時候回憶， 淡淡的雞蛋花味好吃 - 主菜手撕雞 雞湯米粉， 雞絲數量小得可憐…… 米粉係銀絲米粉襯自家煮雞湯尚算可口 - 飲品凍檸茶， 就係一杯凍檸茶無咩特別價錢如下～ 如果係嚟食裝修及懷舊味道， 這裡是有的， 如果是特色好味， 這裡算是中規中矩吧！

好幾次經過這家餐廳都是堆滿等候懷舊的食客，難得今日有空閒遇著餐廳的非繁忙時間，11點早餐後午餐前時段。陳設跟以前的茶餐廳格局相似，連鹽樽內都有炒過的米粒，作用好像是防潮比起真正舊式的茶餐廳，這家乾淨美觀得多，看得出經營者的心思。正題：三大一小點了常餐（$40）、手撕清遠雞湯米餐（$45）、瑞士汁豬扒撈麵（$32）、古法炒蛋三文治（$18）常餐：選了肉片通，腸仔反蛋白包，煎蛋略微太熟，白包預設是牛油多士，怕熱氣轉了牛油方包，肉片通粉外貌不吸引，吃起來也算用料妥當夠味，餐茶可選菊花茶，但我只點熱檸水，沒有影相，只記得檸檬太細片同量少，不夠味手撕雞肉米粉算有雞味同米粉好爽口，湯底夠香，最初看到菜糕蛋，想像不到是啥，唯有點選，上枱才知是蛋型蛋花大菜糕，但只記得兒時在士多有售據小食家試味後覺得不好吃，我也不便幫口品嚐了瑞士汁豬扒撈丁看上去感覺像只是甜鼓油豬扒撈丁麵，朋友意見麵同瑞士汁好夾豬扒肉夠稔，只見她好快便吃完。所謂古法炒雞蛋，原來是炒厚滑蛋，料厚，最好連三文治包都厚點，如不喜有蛋汁外流，就要下單時關照一下，今次小食家沒有投訴，一口氣用匙極速吃掉，想是味道合格罷總括來說，餐廳有懷舊也有新意，

路經屯門，入來這間店一試這間的下午茶，以七八十年代冰室的裝飾，很有趣。叫了一份公司三文治和一份炸魚柳沙律，很好食，好明顯不是整定，拿出來時還熱騰騰的。特別是公司三文治塊午餐肉，勁厚，愛午餐肉人士一定很高興，炒蛋也炒得很好。飲品方面，叫左紅豆冰和熱檸樂煲薑，紅豆冰應是用煉奶整，感覺跟在其他店中飲略有不同，最特別是那塊冰，是三角柱體，我飲完杯野都未完全溶解。

好懷舊既冰室裝修，連食品都別有一番風味，屯門朋友都話佢啲舊式快餐好食，咁黎試下啦。唔知係咪肚餓既關係，見到隔離枱叫既都好似賣相唔錯咁，好想食，咁就叫左賣飛佛乾炒牛河。好多牛肉，河粉係厚身河粉（噢⋯⋯我唔係要貴刁囉⋯⋯少少失望）用老抽炒色水就好靚，好舊式風味唔咸非常好。注意係要搭台，同埋啲枱好細張，同事叫左個雞絲湯米粉反而雞湯好濃帶咸香，有啲鹽焗雞feel，米粉用新竹米粉雖然賣相普通，不過幾好味喎

睇戲前搵野食,原來開左間萬芳冰室o係度,我最鍾意茶記/冰室,緊係要,試下啦,而且出面裝潢幾得意,可以影下相店內裝潢亦頗有特色,雖然比較新淨同刻意塑造出懷舊既味道,但都幾岩我。座位闊落…3,4個人坐卡位好舒服,傾左好耐計 (因為要等睇戲)。查看食評時見到炸脾係招牌,所以要試下。炸脾肉質ok,不過外面炸得比較乾,食落有d乾, 無想像中咁正, 薯條正常水準。太吸引唔記得影相添。蓄茄焗豬扒飯, 反而更有驚喜。一黎到, 賣相吸引,豬扒份量多。個汁味道剛好唔會太甜/太酸, 汁夠多, 夠撈哂全部飯, 食得我津津有味。咖哩魚柳飯, 碟頭頹飯感覺十足, 同個焗豬比, 真係差幾皮。其實個咖哩既味道係ok既,不過剩係得魚柳實在太普通, 至少加返少少伴碟既小菜/薯仔都好丫。如果得一個人黎食,叫中呢個既話…我應該會用中伏黎形容。但我見人地叫咖哩牛係好d, 有個碗仔裝住,有d其他野。紅豆冰香濃淡奶味,溝埋紅豆岩岩好! 唔錯! 冰室必備!茶記黎講少貴,但食埋裝潢,acceptable

呢一間餐廳嘅裝修，根據返以前嘅舊冰室嘅模樣！其實講到冰室，就會令人想起唔係咁乾淨，同服務態度都唔太好。但呢間冰室正正相反，一入到冰室門口，餐廳嘅人好有禮貌咁我哋幾多位，而且環境非常之乾淨，地面沒有垃圾。沒有套餐，食品與飲品需要分開叫！呢度嘅炸雞脾，都有好多人認識，夠大件，而且雞肉很嫩滑，雞髀外面金黃色。油不是很多，認為這個是一大優點。雞髀大件，雞肉夠多。通粉較為清，配與雞髀非常配合。

冰室，一向給人較老舊的印象。萬芳冰室，一間新潮又走懷舊路線的餐廳。一入門口已經見到很多60-70年代甚至更遠的古董或仿古電影畫像。內裡是舊式的茶記(或者叫冰室)，伙記穿白色短袖制服，很有特色。我們叫了兩款主食，因為想試他們的大雞脾關係，也多叫了一個小食。價錢不貴，每款不過30-40元左右，飲品就另外叫。先來星洲炒米，顏色尚算鮮艷，蝦是小鳳蝦，較大和有蝦尾殼的。口感不俗。再來是大雞脾，真的很大，差不多等於一般餐廳的燒春雞那種Size。翻轉雞脾有少許燶，但十分厚肉。難得是這麼厚的雞脾也炸得十分透徹。雞皮下的雞油已經被逼了出來，咬下去也是一種不健康卻十分可口的味道。紅豆是將刨冰放在最上，那樣就可以減慢溶雪速度，同時可以讓食客自己控制紅豆和冰的比例。與現在很多餐廳用大冰粒的比較，這兒的紅豆冰就真的很貼心了。最後來的是焗蔬菜飯，內裡有秀珍菇，吃下去像一個素食的焗豬扒飯。蕃茄味濃，飯底則不過不失。但份量十足，算是一個合格有餘的焗飯。服務方面尚算不錯。如果要找尋有特色的餐廳，這兒的確是不錯的地方。但要注意這兒全場搭檯，如果諗住嚟傾密計或談心就可能未必適合了。

萬芳冰空都開左段時間而身邊既人同樓上既食評都大讚雞脾終於搵日試下尼個係一個星期日接近下午茶時間估唔到都要等10分鐘度內在環境空敞 就算位多都唔會逼多幾枱生炸無敵大雞脾 $34要留意番炸脾應該係要等耐d既食物自己只係叫左炸脾但見隔離枱上左其他炒粉麪類食物先到雞脾黎到既時候好熱 碟上有少少油其實係將一隻雞脾批開下面既肉再炸加上原本雞脾特別大 所以真係好大冇炸到好黑 皮邊少少脆 皮少少甜 應該用左類似老抽醃入面既肉雖然油感唔大但絕對唔鞋 雞肉味道食得到最正係側邊硬硬地既肉 脆脆地食極都食唔完 自己一個人都已經食得好滿足沙律可以減少食得太濃既感覺甘筍煮得林 椰肉好多

男朋友專程帶我食呢間冰室, 聽聞特色係只用香港農場新鮮雞蛋, 一於試下好唔好食先 舊式茶餐廳布置風格男朋友點左兩個常餐, 我地一齊試哂炒蛋同煎蛋, 坦白講, 新鮮係新鮮, 但食落味道唔覺得好特別, 而且叉燒有點偏肥, 意粉亦都麻麻地, 價錢有點貴, 如果只想要懷舊feel都可以一試, 但我地唔好專登再來

年紀輕輕嘅我本來唔認識萬芳冰室直到有一次去屯門巴倫紐睇戲時路過見到成條街都係賀萬芳冰室開張嘅牌之後問男友先知原來萬芳冰室喺以前係好出名既然係咁，當然又要抽個時間去試下啦嚟食之前見大家都話炸脾必食咁我都當然唔執輸要試下啦又真係ok喎Juicy得嚟又唔會成口油最重要真係大隻到淨係食佢已經飽咗，哈哈抵食到震呀