萬芳冰室 (已結業)

略有所聞屯門萬芳冰室的懷舊裝修特別，炸脾出色。終於有日入屯門探朋友仔有機會一嘗喇！炸雞脾配薯條，炸脾果然不負眾望，體積之大不是說笑，外皮鬆脆，內裡不會乾爭爭，口感嫩滑，佳作！配以懷舊咸檸七，竟供應支裝汽水，一大驚喜！ 絕配呀！絕對不是下午茶餐咁簡單，晚餐也絕對飽肚哦！可惜服務雖要改善，侍應發呆，未等及你問題/落單已走開😓

週日天晴，約朋友遊山玩水，大家都大汗滴細汗。想過冷河，又要大啖大啖肉醫肚，找來了一家冰室。店內陳設懷舊，很有60、70年代氣息，像我幼兒時爸媽帶我去的冰室般。紅紅綠綠的霓虹燈，寫上「冷氣開放、樓上雅坐」，扶手電梯驟變時光機，看到冰室內的地磚牆瓦，像回到從前。今時今日顧客多希望自已熟悉的坐在一枱，相對6、70年代大多餐廳都是搭檯，連這微細點都帶回來。現今在香港找一所上海理髮店都不是易事了……紅白藍髮型屋燈桶現在去深水埗等舊區，可能還找到相似的。點了生炸無敵大雞脾，一碟配薯條，一碟配沙律。雞脾生炸，食起來味道偏淡，見狀雞脾應是先開，令雞脾面積增大，同時因面積大了，炸脆的面積比平時的雞脾較多，可能因此雞脾略為乾身，特別是雞肉沒有皮的部位。薯條未夠脆口，沙律保持到冰室應有水準。小鳳蝦星洲炒米，小鳳蝦令賣相美觀，炒得夠乾身，略為多油。焗鮮茄特大豬扒飯，鮮茄汁很野味偏甜，豬扒有5件，雖然不算特大，但數量份量已很滿足，加上炒飯底，停不了口。冰室又怎可缺少，有綿綿的紅豆蓉的紅豆冰。樽裝汽水……其實是咸檸樂及咸檸七雞脾據我個人口味未算無敵，而焗鮮茄特大豬扒飯令我回味。

萬芳冰室嘅生炸脾一早已經聽聞係大隻又好食，可惜一直都苦無機會試。今日睇完戲心血來潮諗住行過去食個炸脾下午茶先！見到餐牌上面嘅菊花茶寫住係自製嘅，咁今日食咁熱氣嘅炸脾就梗係要叫番枝試下啦！菊花茶係用枝裝汽水樽裝嘅，都幾特別wor！味道真你係似屋企煲嘅菊花茶。另外叫左沙丹豬扒飯，有豬扒、煎蛋同埋菠蘿，食豬扒飯加塊菠蘿又真係幾特別！豬扒大大塊，蛋係太陽蛋，豬扒唔會"un"，唔錯啊！今日嘅另一主角之一生炸脾，隻脾大過隻手，加埋薯條真係超級熱氣之選。雞脾炸到脆卜卜，入面都仲係好嫰，果然係正野，所以下午茶時間都仲要排隊！ 雖然食完會好熱氣，但係值得嘅！

每次來食服務員態度差差差。永遠送食物只放桌邊，不理會客人是否在進餐，只不停叫客人把正在進食的食物向內推。落單成日落漏。客人要求跟進永遠用十分十分十分差的態度回應。可以說是服務飲食業的恥辱。不食也吧。

是咁的！見套戲重有成個鐘先開場，咪去食個飯醫醫肚，一坐底諗好食咩咪舉手叫囉！「重點」 視而不見！終於肯過來落單，但有位未訓醒嘅「人兄」（唔比人打侮辱字句「喎」）過來落單，未訓醒好心好去洗個臉啦，講左幾次都落唔到，真係叫聲大佬，再三肯定左，實食冇黐牙啦！過左25分鐘（煮食需時15分鐘），係手機玩飛行模擬都就快降落。係頂唔順之下去問一問，係一問之下，竟~然！竟然張單係消失左！消失左呀！係冇落到單呀！咁個25分鐘冇人過問冇人應會，重有好多人等緊位㗎，竟然比4個人係坐係到又冇單又冇飯而冇人覺得奇怪。白白浪費左我25分鐘！問第一個職員，又推比第二個職員，一個接一個，好在冇等落去，如果唔係連食都唔夠時間食。

食過幾次，之前排隊都照排，就因為隻生炸大雞肶，次次都好juicy又炸得啱啱好﹗不過都係之前嘅事了﹗近期呢兩個月去過兩次，感覺同食物都一次差過一次，就最後個次，隻雞肶想點呢？乾到無倫，我覺得完全係翻叮，莫講話juicy喇，D肉仲要係鞋的，D邊位仲要係咬唔開，因為燶晒了﹗伙記仲頂引，我叫咸檸七，佢轉個頭就攞支雪碧比我，咁我問個咸檸去左邊？佢答「一陣會攞黎﹗」……就係我低頭睇手機幾分鐘之間的時候，伙記就係我不知不覺間咁放低左個咸檸係枱邊，無聲無色，好靜﹗你以為伙記頂引？都未算﹗一個唔知係唔係老闆定帶位，總之帶位個位女士，由頭黑到落腳，唔止D制服，係由佢塊面開始，都算，成日鬧D伙記，我心諗....你鬧員工係咪應該行埋一邊呢？我係D員工都冇心機做啦﹗寫完了﹗其實又唔關我事，因為我唔會再去了﹗

一間食物有水準，但服務差的懷舊冰室！如果唔嫌d侍應口臉都可姑且一試。個日都唔算多人等，一行5人，等左15分鐘左右叫我地坐住4人方枱等住先，坐落左仲邊有得比你換呀⋯ 有圓枱又唔比話包廂要幾錢幾錢大我地，我話上次都坐過啦，侍應先話我比你入去坐之後都要加多2個入去坐，如果早些溝通好詢問一下個客人意見，好過而家叫左「炸蝦多士、輝哥炒飯、常餐一個、公司三文治」4人方枱已經無位放，仲要一個坐角尖位，就算食物OK點會食得舒服⋯ 一肚火先啱！問親朋友個個都話嘢尚算好食，但服務就不敢恭維嘞！如果去吃，祝大家好運!! 🙏🏻🙏🏻

早晨呀～星期6難得一日早起所以就碌去試一下萬芳。環境就是文青追求的地方呀：）很復古。都唔算平，但可接受啦～早餐黎講都算多選擇揀。雞絲新竹米。超級中意食新竹米呀！再叫左個自製菊花茶，都唔錯，最錯咪就係叫左個菜糕蛋，因為自己中意食大菜糕⋯⋯但無諗過早上食D凍冷冷既野會係咁SAD！因為我呀媽兜蛋好好食囉個樣，SAD

對於屯門元朗人來講，萬方冰室就絕對唔會陌生，好多人都有介紹過，但奇怪地我地居然未食過，經過幾次真係太多人排隊，只好放棄。咁啱上星期六去開新墟，即管睇下，居然唔係好多人等位！可能熱情已經冷卻左，哈哈，啱哂我，大約15分鐘有位。等嗰陣仲喺度研究佢地門口個懷舊機械磅，好得意入2蚊就會自動磅重，仲有張飛仔跌出黎！撘枱係基本，客人多，所以都明白。而且我覺得坐得唔算好逼，好過華嫂啦。生炸無敵大雞脾配沙律 $34隻雞脾好似變咗種咁，大到不行了由於係生炸，熱辣辣，肉質仲保持到嫩滑，唔乾但略嫌味道偏淡，無乜調味，可能要加返少少淮鹽吊下味就完美~配嘅係薯仔青瓜沙律，個人幾抗拒薯仔沙律，唔鍾意個口感，好彩佢切得夠細粒，加上青瓜都夠多，補足返，加上唔會撈得好酸，所以都食晒。碟底有張墊底嘅吸油紙，切起上黎有啲困難，好怕會切埋張濕咗嘅紙，食埋…手撕清遠雞湯米餐 配 菜糕蛋 + 凍菊花 $45手撕清遠雞湯米本身個湯底聲稱天然熬制，睇落幾清澈，唔油，飲落淡香，合食得清淡人士。原隻清遠雞手撕，雞絲少量，米粉質地硬身，配少量銀芽，啱我口味，起碼唔會似一般茶記啲米粉，又粗又淋。成碗食落有啲似食緊清湯雞絲翅，哈哈，可能我諗多

入到餐廳在裝飾懷舊，有不少懷舊擺設，氣氛幾好第一次去食，叫左佢嘅招牌雞脾，真係好大隻幾好味😋😋配埋粗身薯條，夠晒懷舊又好香口杯奶茶亦不錯，有茶記奶茶嘅水準，有香濃奶味👍👍仲叫埋雞翼公仔麵，瑞士雞翼好味，炆得好入味😋😋但個公仔麵就麻麻地，唔係咁好味但個蕃茄焗豬扒飯就確係掂，香濃蕃茄汁，配軟硬適中嘅豬扒，好快食晒，必會翻炒再食😋😋由於叫得太多，好飽，食剩個最唔得嘅公仔麵，份量足，食得晒先好嗌咁多😜😜

尋尋覓覓多年， 試了多間都找不到小時候食過的蝦多士， 非常失望😢幸好看到報道說屯門開了一間懷舊冰室， 有好像我小時候食過的蝦多士， 當然立即去試啦！好不容易， 轉車左轉車， 終於到了屯門😅幸好得到細佬佬夫婦的幫忙， 終於找到了一入去就見到舊式上海理髮店的座椅， 還有模仿舊電影海報等， 取票後等了10分鐘才到我地我地被安排坐在一圓拱型卡架， 搭枱呀！搭枱這感覺很耐未試過啦！搭枱是一對年輕太太和她的可愛小女兒我地當然點左我最想食嘅蝦多士配薯條、自家製菊花茶、邪惡炸雞脾連沙律、乾炒牛河、 紅豆冰、可樂煲薑搭枱的母女， 媽媽說：“試下蛋花大菜糕啦， 媽咪細個成日食”哈哈！不過我細過都唔食，所以都係唔叫啦！雖然佢整得好靚用膠蛋殼裝著😆終於上菜啦！蝦多士配薯條：嘩!真是我小時候的蝦多士😍， 立即試， 原隻蝦呀！😋再用蝦胶黏住隻蝦同多士炸👍蝦肉保持彈牙， 多士脆口， 好正呀！返去童年時✌✌✌薯條外脆內軟， 正自家製菊花茶: 真的如冰室介紹， 味道清淡的邪惡炸雞脾連沙律: 好大的雞脾， 可惜炸得太乾啦！沙律好多生果，正乾炒牛河:每條河粉都沾上豉油， 炒得很乾身， 牛肉很滑紅豆冰:奶同紅豆冰各一半， 好

跟住怪獸玩勻港九👣，今次黎到屯門呢個呃Like懷舊冰室，大把影相位，快D黎 Check this OUT❗❗❗有名既元朗萬芳冰室開既分店，一入門口你就可以見到一大堆陳年擺設香港古董，上海理髮店的坐椅和走馬燈 、 舊戲院大堂必備的投幣磅重機 、 仲有大大幅六、七十年代的電影海報老師傅繪畫，真係有一份時代既味道。唔只呀～佢搞笑到仲有一個個既包廂比一大班人坐😍😍而佢既食物方面都係走懷舊路線，不過價位就一般茶餐廳貴少少。推薦食物: 1. 生炸大雞脾配沙律/薯菜 $34超巨型的生炸大雞脾，火侯夠唔會食到成口油、炸得好惹味香脆之餘啖啖肉，而入面既肉仍然好Juicy,用手攞住食夠哂過癮！不過跟餐既薯條就炸得好普通，而且有少少淋，小扣分之下雞髀太優勝既關係仍然係絕對推介❤❤❤原隻蝦多士配沙律 $36方包釀入蝦膠及原隻蝦去炸，真材實料👍好野係多士炸得鬆化而個包食唔出一點油，原隻蝦膠食得出爽滑感。紅豆冰 $20又一大推食物❗❗真心覺得好好飲，碎冰夠哂碎，唔會飲到頭痛，同下層既黑白淡奶融為一體了❗👅而紅豆冰既靈魂粒粒紅豆都煮得好夠腍。另外，有點伏既食物有: 瑞士汁雞全翼撈丁 $36 雞全翼件頭唔惹小，可惜個

因為睇食評見到超大隻生炸雞脾呢度有得食，所以慕名而來，結果係....雞脾居然無餐跟，只得單點，叫多杯13蚊咖啡，埋單47。呢度杯啡堅平。雞脾上枱真係好大隻，夠卓頭！姑不論生炸與否，與好味與否！反而碟底張吸油紙絕對係「畫蛇添足」，多此一舉！食完整張紙變咗一堆嘢。

我們點了：生炸無敵大雞脾大陽蛋飯，！雞脾炸得恰到好處，入哂味仲要超級大隻，好抵食咖哩牛腩飯：牛腩夠淋、入味，咖哩恰到好處生煎牛扒配薯條：牛扒凍的，扣分薯條新鮮炸好

上網見到介紹黎試下。一去到就見到好多人排隊等左十五分鐘到入到去點餐。見個個都係推薦大雞脾同豬扒飯就決定叫黎試下，等左十幾分鐘終於黎，雞脾果然好大隻，不過食落去乾到喊出黎豬扒叫好啲不過幾薄下。又唔係話好差，但感覺比人呃左咁，黎一次試過就算