萬芳冰室 (已結業)

入屯門探完朋友嘅BB，屯門人帶路去食萬芳冰室，舊懷裝修，座位都幾闊落，我地5個人有卡位坐。見佢炸雞脾係招牌菜，就叫碟炸雞脾太陽蛋飯少飯試下，加杯凍奶茶少甜。隻雞脾真係好大隻😳！可惜雞肉乾身，唔滑，但朋友嘅雞脾就juicy d。隻蛋ok，鼓油可以多少少，唔會太咸。凍奶茶少甜都幾香滑，不過都飲唔曬。朋友叫蝦多士，試左一小啖，都幾香脆。

約朋友仔短聚，平時都多人等位，出奇地7點去到未要等位，一入坐得。由於全餐廳都需要搭枱，所以簡左二人卡位坐必點的炸脾沙律由於係生炸關係，所以肉汁仍然留係度，唔會炸到乾曾曾，好味而且雞脾夠大隻，好滿足!焗葡國雞飯，味道賣相不錯，但啲飯勁冧，焗完變左一pat 野無口感，好似食糊仔咁..朋友仲話:呢個飯又太冧，個雞又唔夠雞脾好食所以食左一半佢就專攻雞脾了焗黑椒蜜汁豬扒飯可能無咁多汁的關係，呢個飯硬身啲，唔錯豬扒唔會用鬆肉粉搞到好冧，有咬口，亦唔會太硬，質感都唔錯!唯獨汁可以多小小，有啲太乾飯餐有跟中湯，蕃茄薯仔湯，味道都幾好👍👍

今日考完試早放搵野食其實新墟間萬芳冰室開左一段時間都未有意欲去食難得男朋友欽點話想試下😳平日晏晝都好多人下🤔🤔入面裝潢都係好有懷舊既冰室風格由門口行入去既走廊仲有牆畫畫萬芳樓鐵閘仲有理髮廳既櫈係到 幾有風味咖🙈🙈好啦 坐底卡位 肚餓嗌野食男朋友 嗌支家味 菊花茶😂😂聽到個名好想笑😂😂黎到發覺用汽水玻璃樽覺得好新奇不過索價$13 冷熱同價我就覺得小貴 不過男朋友話真係有家的感覺😂我諗依樣係無價既跟住我就嗌左 紅 豆 冰見到個碎冰柱又引到隔離檯既小朋友既目光有3/5都係紅豆黎咖 浸過糖水既粒粒紅豆仲紅豆蓉 再篤篤篤個冰柱 飲一啖 咳死都抵跟住就嗌左個生炸無敵大雞髀😳😳😳唔係講笑 雖然知道係大隻髀但都無諗過咁大隻😂真係可以做乒乓球拍😂😂😂雞髀 唔會炸到乾哂 仲有肉汁係入面肉都算細嫩 唔鞋口真係巧巧味哇

始於1959年的萬芳冰室，原址在屯門的蔡意橋，這是從屯門友口中得知的。作為屯門的「新移民」，當然不知道這段歷史吧，還一直以為元朗那家是總店。雖然如此，倒是聽聞萬芳早年在台灣開店，如今回歸屯門，算是衣錦榮歸了吧！無獨有偶，同區的羅麥記同是以懷舊作主題，不過羅麥記開在大商場內，以中產、遊客為主要客源。萬芳則開在老牌商場內，較為貼近社區，相信不是識途老馬，是不會知道它的存在的。  這家萬芳，就是一派「冰室」的格局－紙皮石磁磚、淡青色粉牆、深綠窗格子、玻璃餐桌面......重現了六七十年代冰室的風貌。  這還不止，店內展示了不少舊物，有複刻的，也有真正的古董：門前的懷舊剪髮椅、荔園的擲香口膠攤位、牆上的香港舊照，還有手繪電影畫報，是那個年代西片【亂世佳人】的經典場面。(資料補充：Twins的【亂世佳人】歌詞 - 陶瓷上的睡蓮　提琴下的纏綿　和奇勒基寶接吻　至夠經典...奇勒基寶就是圖中這位男主角了，無錯就是你父母那個年代的西片明星) 摒除了懷舊原素，用餐環境乾淨整潔，若白天前來，一室日光十分舒適。繁忙時間需要搭桌，人多可使用包廂，比一般冰室更為舒適。不過這環境裝潢是要付出代價的，餐點的價位比一

入到嚟屯門又到下午茶時間，之前喺元朗食過，咁啱呢度亦有分店，咁就同朋友入去試下啦三個人嗌咗3隻炸雞髀拼沙律/薯條/出前一丁由於雞髀係即炸嘅，所以都要等起碼十分鐘先有得食。塊皮好脆口，又唔會啖啖油，又夠大份，總括嚟講係滿足嘅！

懷舊下去茶餐廳, 我估係70年代前吧, 因為我也未出世, 這間茶餐廳門口別有用心裝修成一間理髮店, 有舊式招牌燈箱及座椅, 進入後一排排卡位坐滿人, 我倆還是港式地與人搭枱。炸雞脾薯條, 餐飲叫紅豆冰是常識吧!對面枱的人兄同樣叫這款, 不同是配沙律, 但份量比我更大, 要放沙律面上, 炸雞脾部份炸得少少乾, 味道一般, 薯條必須厚曲型才好食。蝦多士配沙律: 蝦多士炸出來恰到好處, 香脆有蝦味, 份量2隻唔夠食, 沙律不過不失。整體餐廳環境光猛整潔, 服務算快, 食物質素可以, 但沒太多驚喜, 平穩帶出懷舊食物和環境,令人懷念青春。想一提, 唔知有無人食過, 還是喜歡小時候大快活曾推出的炸雞脾最好食, 現在也找不到那些年的味道。

屯門開了一間懷舊冰室的分店, 正店係元朗的, 諗住嚟試下, 好彩早唔使點等位. 餐廳好舊式的感覺. 餐牌都好齊全的, 環境佈置得好舊, 好有以前的感覺.呢排卡位呢排窗, 好有味道有吊扇好清楚的餐牌早餐選擇都唔少的呀腸仔通料, 有兩條香腸的, 都幾大份呀. 味道都幾好, 通粉啱啱好, 唔會硬唔會太淋. 好味, 腸仔煎到剛剛好. 好味.火腿絲意粉都唔錯喎, 有青豆添呀, 火腿絲好多的呀, 好味呀, 夠晒清, 唔會好濃味.跟餐有自家制的菊花茶, 係支裝的, 都好清甜呀, 唔會好甜好苦, 但好好飲, 係凍的. 仲有牛油多士加滑蛋, 滑蛋都幾靚的, 多士都烘過, 好香口.跟煎雙蛋係咁的. 都煎的好靚啊, 啱啱好的蛋黃流出嚟.門口的佈置都好靚, 好有懷舊的感覺.

聽講屋企附近開左間冰室，聞名而來。懷舊設計的冰室，食之前可以扮下野影下文青相。黎冰室梗係食例牌既野先試到水準。叫左個常餐，餐肉炒滑蛋多士+瘦肉通粉+菊花茶炒蛋正！唔會炒到太老又唔會出水，完完整整一大份，黃好似好種不一樣既黃um..唔係filter,佢真係咁黃（橙橙地）。餐肉厚切，味道就係餐肉味，除非佢唔係餐肉。多士有輕輕烘過，夾餐肉食。熱菊花茶，超甜啊....仲甜過陽光檸檬茶同糖水。瘦肉通，屋企味，唔會太重味精味，瘦肉唔鞋，但通粉有d太淋，賣相都好屋企，即係冇賣相，哈哈。另外叫左個瑞士雞翼撈丁，好似唔係好夠味，瑞士汁唔夠濃，偏淡，雞翼未入味淨係個面有色。個人鐘意個麵底爽d，不過都唔會好淋。係味道有待改善。

黎到屯門萬芳 喺等位區域已經有不少懷舊感覺湧岀黎 有舊式既理髮椅 等位既時間都可以打下卡今日黎到食佢 可以係假日 特別多人排隊 都等咗五至十分鐘啦 因為唔想搭枱(._.)本來想食咖哩魷魚配魚旦仔撈丁 但居然冇哂咖哩魷魚´д` ; 真係喊岀黎 所以唯有食牛扒撈丁 牛扒好大塊 又煎得好香 食落唔會太薄 仲有啲牛味 不過就稍嫌黑椒多咗啲 丁呢 好正 夠硬身 唔會好腍 不過略微少咗啲汁 撈撈下會覺得唔太夠汁😀

屯門萬芳，我又黎啦😂。落輕鐵再行過去真係唔係一般既熱，如果可以有隧道就好啦🙈。今次食咗堂餐，堂餐其實姐係喺冇早餐既時候俾你食到早餐既component，依？！咁咪姐係 all day breakfast?!😀癈話少講😂常餐有得揀叉燒/火腿/牛肉，之前食開牛，今次揀叉燒配通粉。叉燒重質也重量，厚厚既大大件，唔係茶記切好薄好似好多咁樣，因為厚，所以好有豬肉味，唯一缺點就係有啲肥。通粉係冇坑紋嗰種，好有以前既感覺。仲可以揀餸兩個，要咗煎蛋同腸仔，每樣都有2條，都幾飽。仲有杯飲品，要咗菊花茶，唔會太甜，都幾香，幾好飲。

屯門有萬芳啦啦啦啦~~真係好興奮，一直都好愛依種懷舊冰室風既餐廳，終於可以好就腳咁食佢✌🏼️。今日黎到，都等咗一陣。不過可能人數少，所以都好快有枱入。今日終於冇心大心細，食到好想食嘅洋葱豬扒飯。假日總係覺得分量少咗🙈，不過一個人食都足夠嘅。依個飯，重點喺洋葱！ 洋葱整得超級香，洋蔥味拌上飯 ，好食到喊😭。 再加上佢啲豉油好似特別調過，有味嘅再加上唔咸。拌多啲都唔怕，豬扒彈牙爽口，無嗰種豬既腥味，值得一讚👍🏼

叫左個瑞士汁撈出前一丁同埋沙丹豬排飯。個瑞士汁撈出前一丁黎到除左雞翼係熱，啲麵凍既 麵質硬既，完全冇味道可言。個沙丹豬排飯又係咁，得啲豬排菠蘿係熱既，啲飯又硬又凍。啲客多左 質量就冇保證？

其實之前萬芳冰室喺元朗嘅時候，已經好恨食咖喇跟住OPENRICE提供嘅地址照去但佢竟然執咗，無喇無喇然後，聽到佢喺屯門開，仲搭咗個一排浮跨花牌，真係好懷舊但因為一路都人多，所以HEA 到最近先去食入到去，一定要叫炸雞脾薯條我明白，就咁睇相，一定係覺得佢平平無奇啦，我睇人哋啲相都咁覺得咖佢最神奇嘅地方係，你親眼見到佢，先會驚覺，原來雞髀係可以大塊過你塊面有幾多次，我哋去茶記，去大X樂、大快X，食一隻又乾又細嘅髀所以我覺得全間餐廳最懷舊嘅，唔係佈置，而係食物嘅SIZE由於足料，所以佢比一般茶記嘅髀，價格有上調，同埋唔跟嘢飲但唔梗要，連我一個咁孤寒嘅人，都覺得物有所值雞髀炸得滑，大隻到自己一個人，係會食唔晒咖！！而且跟一大杯冰豆冰　（＄20)我覺得抵嘅，因為紅豆冰大杯到癲而且啲冰唔係平時嗰啲一粒粒，係一大舊，佢就會溶得慢啲喇PS: 同場仲有個豬扒飯無入境，豬扒又大塊，又軟硬適中又入味，所以午飯時候好多人都要豬扒囉

屯門終於開咗 咁就梗係快快手黎試下先 就算大咗好多 但都係要等位 終於入到 叫咗炸雞腿配薯條感覺即叫即炸 因為都等咗一陣至到 到嗰時 熱辣辣 雞腿同薯條都好香口 好脆 係以前細個食既味 好正🙈大推介！！

早前在樓下看到這間食店，裝修得好懷舊，已有想試的感覺。今日専成來一試，走入門口就像走過一間舊式的理髪店，感覺很神奇；走到室內，更似時光倒流，像走到以前的冰室一樣，實在很有親切感。因㗋嚨痛，不敢吃些太煎炸的食物，最後選擇了這些。茶走 ～ 一看就知煉奶落得過多，飲左一口，甜到漏根本完全不能飲，心立刻沉了下來，心想：飯看來也不會好到哪裡。沙丹豬扒飯 配豉油汁 ～ 材料有豬扒，太陽蛋，一片菠蘿，厚切火腿和飯，再加上甜豉油；豬扒完全沒有味道，相信係放在雪櫃太久了，配料又唔夠入味所致，菠蘿應該微微帶甜才配合的，但這裡係非常酸，真係九唔搭八，蛋和火腿不用說吧，不過不失啦；分量其實真的幾豐富，可惜完全配合唔到，失敗之作。只有装修吸引，價錢又偏貴，食物水準又這樣差，實在看不到這裡有什麼將來。