萬芳冰室 (已結業)

入去萬芳例排嗌炸脾配沙律，每次炸脾出現就會諗隻雞係咩雞種，點解可以咁大隻，不過都係諗咗三秒就冇研究佢係乜雞，因為佢嘅外型實在好似個大隻佬咁吸引，佢嘅皮炸得超薄香脆，雞肉方面一啲都唔嚡口非常juice，襯埋個沙律中和返炸雞嘅熱氣，再叫咗杯紅豆冰，完美！🤤

明明入面勁多位都唔俾人入去！個派飛+收錢嘅短髮戴粗框眼鏡黑衫女人成日唔知去左邊！一出番黎掛住同客吹水問佢野話佢同客傾緊計叫我唔應該嘈佢！一直有食開態度已經唔係好但呢個女人真係令人未食已經一肚氣

呢間主打懷舊風味既冰室已室有半世紀既歷史，餐廳翻新左但同事都保留左舊有既擺設同味道，行入去好似時光倒流一樣，回到從前。今日咁岩係對面睇戲，仲有小小時間就過左黎食個晏先，費事睇睇下肚餓！我就選擇左豬排煎蛋飯，午餐就有湯同野飲，我要左紅湯。羅宋湯味噌正常，亦有好多菜係入面，小小辣加埋小小牛肉粒，傳統既茶餐廳紅湯既味！豬排蛋飯用既豬排係帶成條骨既，豬排煎得好香，豬肉唔會好梅亦唔會好鞋，太陽蛋配埋豉油已經可以撈哂成碟飯，食埋豬排，好滿足！呢間餐廳仲有炸雞比好出名，等我下次再帶大家試下！

首先不得不讚裝修好有懷舊feel。而食物方面價錢唔算貴，而且質素高。特別要提佢嘅豬扒飯，有太陽蛋菠蘿火腿同豬扒，豬扒控制到唔肥膩，你都唔喊，好入味。而佢嘅老火湯都要大贊，食得出係煲咗好耐嘅。佢仲有好多特色嘅飲品，例如自家製嘅甘菊蜜，俾人懷舊Feel入面食野，價錢又唔貴，推介！

初開張時，因為食物懷舊又美味，所以就算佢哋服務態度差啲，都仲會再嚟...(終於知道,呢個"喊住舔舌"嘅icon點用)但近幾次，連食物水準都差埋，就真係... 唉...🤷🏻‍♀️牛肉通粉常餐係我最常叫嘅嘢... 但近幾次食，牛肉少咗、韌咗、又鞋咗... 湯底淡咗... 唔再夠薑...跟餐火煺煎蛋，仲仍然有燶邊蛋... 但只得呢樣，唔足以支持我特登再嚟～😔沙丹豬扒飯，豬扒醃料味太重，影響晒胃口，好彩個甜豉油仲仍然ok，唯有當食豉油煎蛋飯～😳再加埋佢仍然... 以一貫出名趕客嘅服務質素去接待... 幫襯佢，仲好似欠咗佢咁... never again~😡（後記：終於唔使再為咗啲好食嘢，而再去，唔洗再去受委屈，舒服晒～🤗）

由平民戲院帶來人流的屯門新墟，原來有間跨越半個世紀的懷舊冰室( ﾟoﾟ)上個月去了試它的名物－－生炸無敵大雞脾！ "萬芳冰室"位於屯門新墟，從港鐵屯門站D/ E/ F1出口走出V-City，再步行4分鐘即達，位置在凱都戲院旁邊。 這間冰室始於1959年，可說是香港冰室文化的先驅。它的前身為"萬芳士多"，出售茶餐廳食物－－多士、麵食、奶茶﹑咖啡、汽水等。1964年，政府收地而令冷室結業。(°o°相隔多年後，"萬芳士多"的太子爺決定重出江湖，2014年在元朗開設"萬芳冰室"，去年則在屯門再開分店。"萬芳冰室"雖然是新開張的冰室，卻保留了昔日香港的地道情懷。冰室的主題顏色是令人醒晨的tiffany blue，大門外可見霓虹燈和手寫小巴牌等懷舊元素～ 不少明星也有去過捧場，包括《三個小生去旅行》中的老牌明星胡楓及Joe Junior，可見"萬芳冰室"當年的名氣相當大～ 不少報章雜誌也曾報導。 餐廳內充斥著舊香港的裝橫擺設，如水磨石地板﹑坐地電風扇﹑投幣磅重機﹑理髮廳坐椅等等。原來該坐椅是店鋪設計師的割愛珍藏呢！！(●o●) 用餐區亦採用舊香港的裝潢風格：磨砂玻璃、鐵窗花、懷舊電影海報等

黎襯呢間都會叫生炸無敵大雞， 隻雞髀比平時食開嘅大好多， 大過成隻手掌， 咬落去勁多汁流曬出嚟。 隻太陽蛋仲要係流心嘅，一切開啲蛋汁流落飯度一流。 不過因為生炸嘅關係，等嘅時間都要等15分鐘先有得食，耐咗少少。

星期日同老公黎懷舊一番, 照舊叫生炸雞脾薯條加杯紅豆冰, 滿心期待, 點知雞脾一到, 見到唔係生炸就覺有點問題, 諗住算啦, 試下好唔好食再講... 食落一口油, 層炸粉又太厚, 完全唔同哂.一問之下, 冰室阿姐話轉左廚房, 我真唔明白, 生炸雞脾係本店招牌, 換廚都應該要保持應有水準, 點解可以唔同哂?!?!

睇戲前去萬芳食番個豐富tea醫下肚～～叫左最愛的紅豆冰，男友就叫左杯菠蘿冰。紅豆份量好足仲要大大粒奶味同甜度適中，岩哂我口味但係杯菠蘿冰就麻麻地啦，好似菠蘿浸水咁⋯淡而無味跟著叫左公司三文治，西多士同埋瑞士汁特大豬扒出前一丁。份公治大大份好足料每一件入面仲有塊豬扒tim！雖然料好多，但味道就好平凡，其他材料俾塊厚切午餐肉搶哂味變得失色(係愛吃午餐肉人士之選⋯))) 件西多士就吾錯，食落吾會乾爭爭，再加埋蜜糖牛油無得輸！！但如果可以厚番d就更好啦哈豬扒出前一丁係男友食，大大塊豬扒舖左係面，佢就話味道普普通通，不過我見佢都食哂成份,,haha～ 去相⬇️⬇️⬇️

颳風來去匆匆，八號風球才懸掛不到數小時，走在街絲毫察覺不到風暴的痕跡。也好，還我半個星期天，仍來得及到萬芳冰室吃下午茶去。週日的萬芳冰室是人滿之患，這天卻是一反常態，也許是天氣的關係，光顧的就只有區內的食客了。`難得這天客人不多，侍應還讓我們挑位子，我的選擇當然是靠近窗傍，能享受日光的位子吧！生炸無敵大雞脾($34)依然是我的心水之選。生炸的關係要等上十數分鐘才送上，大雞脾佔上大半個碟子，還有份量慷慨的沙律。皮脆而不乾身，當然肥膩也是無可避免的。生炸雞脾只以鹽和酒醃過，雞肉稔滑不嚡口，肉香稍欠。但始終是急凍的雞脾，難以復刻那舊時代的滋味了。老公選的是咖哩牛筋腩飯($50)，一貫茶餐廳的水準，咖哩牛腩份量比上次慷慨得多，食味還是沒有很特別。誰叫老公對牛腩情有獨鍾，莫論出色平庸他還是會照單全收的。作為一家懷舊冰室，凍檸茶($15)水準定必不差，萬芳的檸檸茶香挺濃，只有港式茶記才能享受得到。以前有一句老話「雞脾打人牙骹軟」，意謂別人給你一點好處，便會輕易答應你的要求。用上無敵大雞脾奉客，如此巨大誘人的餌，難怪來萬芳的食客都輕易「上釣」了。

炸脾世界變化萬千，踫巧要到遠區屯門辦事，難得竟可以嚐到一隻無敵的大雞脾，一於來個炸雞脾的大肶拼~~餐牌寫著雞脾是生炸的……小人就相信鳥。雞脾大過一隻春雞，那來這麼大隻的雞脾？果然無敵！生炸的功夫好到家，炸得雞皮極奇脆口，油潤甘美，雞肉嫩滑仍有汁，唯一落差之處乃是調味淡了點，加些鹽或豉油會好些。炸薯條亦屬不錯，雖然明知是急凍的貨色，卻仍有薯味，蘸些茄汁已甚為香口。這般美味的炸雞脾，說好的一定要與喵星人共享，所以堂食後切割了不少雞脾肉，盛起拿回家浸些開水讓喵星人大歎一下，分甘同味，喵星人大樂~~肶拼之後，各有千秋！！

平時應該要郊遊嘅時候先會嚟到屯門咁遠，難得今日過嚟就要試下當地馳名嘅巨型炸雞髀啦！ 炸雞髀就梗係配薯條啦，但係你都可以揀沙律嘅。炸雞髀係大過我塊面架，真係好很誇張，炸得仲要啱啱好喎。所以話，佢出名係有原因嘅。薯條係粗薯條嚟嘅，仲要係有坑紋果隻，點茄汁嚟食係最無敵嘅！下午茶嚟講，份量真係太多啦，我啲薯條根本上就食唔晒。到飲品喇。檸檬可樂或者薑味可樂就飲得多啦，薑檸樂你又飲過未？話說檸樂有豐富嘅維他命C可以預防感冒，薑樂就有止咳或者驅寒嘅功效，咁呢杯薑檸樂應該有齊晒呢啲益處，係正嘅！

唔知點解咁多差評, 我食就覺得佢雖然味道唔係好夠, 但係未至於乾爭爭， size 超大隻唔呃人！ 生炸亦都好有力度。另外薯條都好好味，外脆內軟，我對呢d有紋薯條特別有好感！加埋紅豆冰， d童年回憶返曬嚟另外叫左乾炒牛河， 夠色夠味，好大碟，肉特別多！油都多…… 不過食呢個都預咗㗎啦唔错！ 不過唔記得影相阿仔對呢度個環境特別有興趣， 我都乘機講下話當年……見到佢有個焗飯餐牌，有葡國雞飯好似幾唔錯！ 而家越嚟越少地方有焗葡國雞飯食'可以再黎！

住屯門咁耐都無為意雅都商場開咗間萬芳，星期日下午，一人輪候時間約5分鐘，入座搭枱。當然要試出哂名嘅生炸雞脾，不過為免熱氣同食膩咗，一反常態唔配薯條，揀咗沙律。大概等咗10分鐘就開餐，哇! 好大隻脾，滿心歡喜! 最令我滿意反而係唔起眼既沙律，充滿懷舊風味!!!生炸雞脾，網友大讚生炸脾仲有肉汁鎖住，可惜我唔係好覺有肉汁，份量的確係大份，不過連皮食嘅我... 唔覺塊皮好食，只覺得乾。而且雞肉淡而無味，唔覺有醃過，除咗塊皮有咸味。總結: 雖然三多一直退步，但我仍然傾向揀三多!

已經是第二次到訪此處。冰室雖位於較不起眼的小商場裡，但甫到門口便給其裝潢吸引住。沿著小巷走進冰室，已充滿著懷舊氣息：亂世佳人壁畫、60年代的理髮椅、80年代戲院裡常見的體重磅（我也真有上過磅，咭上有本地設計師的插圖，驚喜）。雖然食物選擇不多，但有幾樣招牌菜式已足以叫我一去再去翻尋味。這兩次光顧都點了手撕雞湯米粉、菜糕蛋和樽裝菊花茶。手撕雞湯米粉有雞味，哈哈，沒有眼花，雞湯真有雞味，淡淡的而不是一般濃雞粉的味道，很討喜; 米粉很有嚼勁，也沒有浸得淋淋的感覺，不錯啊! 另一亮點是菜糕蛋。兒時只在街檔才買到的大菜糕蛋，竟然可以在冰室再次品嚐，甜味軟硬度恰到好處，雖然味道不如從前，但卻有另一番風味。最後不得不提是自家製的菊花茶，清甜可口，解渴值得一去再去的冰室，推介!