華星冰室 (克街)

營業中

休息中

今晚去飲，大家都知道七時恭候，唔知幾點先開席，為免搞到半夜都未食得，所以就食少少野打打底，龍蝦伊麵實在唔太啱本人胃口。行過華星冰室，咁就正好食件西多三文治什麼也好，至少唔會餓Q 死！今日唔知做咩忽然想食西多，仲要咖央餡！楓糖漿係另上的，炸得金黃的西多士，加埋半溶化鮮油，西多的熱力令到牛油慢慢溶化，不如你就咁殺左我算啦。外表就好靚仔，切開見到內餡唔係好多咖央醬，有啲失望添，不過多士好脆又無話滴晒油淋晒咁，整體都叫唔錯！食完滚水淥腳咁走，俾錢時聽到侍應好大聲叫“喂！拎齊野呀” ，（即係嗰隻好粗豪茶餐廳聲），原來我漏左成袋野無拎到，仲要喺放左喺枱面，多謝佢咁大聲提我，否則我應該會直出門口，之後當然又係揾餐勁嘅，真係好大聲但服務分數暗暗加左不少。 

聽講有好多明星黎過呢度食野嘎，連我最最最愛噶Eason都嚟幫襯過喔，哽係要嚟試下啦 碗火腿通粉好清淡好健康，一啲都唔油膩，而且最啱我呢啲鍾意食清淡野噶人啦。而且啲火腿腸好新鮮，不過就少左啲咯 個火腿蛋多士就有啲油膩，不過層麵包好香，而且上面噶汁滲曬入去個多士入面，咬落去好入味，正啊。 杯奶水就係牛奶加煉奶，偏甜噶，因為前面又食左份多士，就會覺得杯野飲好甜 個花生煉奶都好好食啊，不過建議唔鍾意食甜野噶朋友就唔好點呢樣啦，麵包上面係滿滿噶花生醬同埋煉奶

個日去開灣仔上堂，見到有平日成日食開嘅華星係度，满心歡喜諗住帶朋友試下，點知出事首先明明外面無人等，我地兩個女仔又背包又畫筒咁好多行裝，見有卡位便立即衝上前諗住坐，點知個員工大大声話嗰邊有單邊卡位叫我地坐。大佬，個卡位又唔係大，我地大包小包咁點迫呀…我地寧願坐四人枱嘅一邊，起碼可以掛個背包係张櫈呀…心裏已好唔like因為平日係旺角分店有位一定安排好嘅俾我坐，就算多人，都好有禮貌叫我地坐一邊叫左兩份早餐，點知朋友個炒蛋咸到苦我嗰個就正常，質素點解咁參差ga朋友即刻好失望，枉我突別介绍朋友嚟食呢！令我呢個係朋友心中嘅食神好無面…以後都咪使至意我再嚟灣仔呢間分店幇襯呀

在網上看資料，冰室是以前不少香港人人蹓躂消閒之處。現在香港的冰室，同樣有著以前一樣的裝潢，但感覺不一樣了。今次來這店是剛好午飯時間在附近吧。//冰室其中一特點是食物選擇不太多，佢做到這點，於是點了常餐义燒通粉、配上火腿煎蛋多士和飲品。//說一句公道話，佢通粉選料不錯，湯底也是不俗，不是太鹹，又有雞湯味。//我另外喜歡他的咖啡，可能是花奶的牌子有選擇過，做得出以前較舊式茶餐廳的濃郁感。不用40元在灣仔算不俗的選擇。//加上伙計都算快手有禮貌，係真的坐得有點逼，只好快快食完快快走吧，有點美中不足。//

The first thing a person will notice about Capital Cafe is that their walls are fully decorated with giant signed posters of various Hong Kong stars. Capital Cafe sells exactly the same meal sets as Australian Dairy Company, coming with scrambled or fried eggs, macaroni with ham, butter toast, and coffee or tea. Their scrambled eggs are excellent for its price – creamy as it is fried with Hokkaido milk, fluffy, every mouthful tasty while staying hot. Capital Cafe up their ante by dishing out a b

有海外親人經港回美，想食港式茶餐廳早餐，兒子介紹了這家隣近家居嘅華星，果然不失所望。招牌三文治炒蛋，蛋好香好滑，另外叫了炒蛋鹹牛肉三文治，輭滑的炒蛋配合唔太鹹的碎牛肉和柔輭的方包，口感甚佳，色香味均達標。平凡的火煺絲通粉也做得好，通粉的靭度適中和清淡但帶有火煺香味的湯底配合起来，真有大家閨秀的表現! 飲料方面，奶茶和㗎啡都合格，奶茶做得滑一點會更好。

今日難得有假期, 去買個早餐醒下神先啦~ 因住灣仔的關係~ 咁多間茶餐廳入面, 個人黎講最中意就係華星~ 因為個感覺乾淨D之餘, 佢既炒蛋又真係幾好味既~ 不過缺點就係野食既選擇唔多~ 黎黎去去得個幾款~ 雖然話係早餐, 但因為太晏起身~ 要叫常餐了~ 差燒通粉配多士炒蛋~  差燒通粉都係個D啦~ 冇話特別好食~ 多士係用左厚多士~ 買到返屋企都仲脆脆地~ 炒蛋就真係非常滑~ 

同朋友係灣仔游完夜水，又餓又攰，是但咁中左入左入去宜間餐廳食，點知完來咁好味!!!常餐加雞脾$70有找 平靚正!雞脾炸得又熱又脆，但略厭炸得有點乾!多士烘得兩邊金黃，十分香脆!!而且夠厚，份量十足!熬辣辣既多士溶掉牛油，令牛油滲透了整塊麵包!單係多士已經令我覺得回味無窮!炒蛋好香滑又唔會太油，充滿蛋香味!!!意粉彈口，湯底夠味，叉燒唔會好多肥膏，夠哂健康!

今日下午我們去咗「華星冰室」喺灣仔分店食下午茶！我們叫咗黑松露炒蛋多士、校長多士、森美鹵脾、重口味一丁「鹹牛肉蛋餅」、軟硬沙嗲牛肉包、魔鬼潛艇、凍奶茶、熱奶茶同熱3.6鮮奶！黑松露炒蛋多士嘅炒蛋非常新鮮熱辣同軟滑！校長多士係他們獨有㗎，黑松露嘅香味好濃郁，多士亦相當香脆！黑松露炒蛋多士同校長多士都係即叫即做，係本人嘅必食推介！軟硬沙嗲牛肉包嘅牛肉相當新鮮，肉質好嫩滑，但因沙嗲汁好濃郁嘅關係，所以味道鹹咗少少！魔鬼潛艇嘅熱狗腸係切開一半，醬汁係wasabi加沙律醬，味道非常特別！熱3.6鮮奶真係非常香滑同奶味好香濃！凍奶茶同熱奶茶好滑溜，茶味好香濃！

每次來到灣仔，華星一直都是我的top three 選擇之一，一來價錢不貴，二來地點不難找，只是地理位置有點尷尬，在銅鑼灣和灣仔之間，三來我對這裏的常餐情有獨鍾啊。今天還沒到午飯時間就來到這，人流還不算太多。和往常一樣，常餐配熱奶茶（$34），今天特別點，加上了炸雞腿（$18）。常餐裡面包括有叉燒意粉/通粉、煎蛋/炒蛋配多士和一杯飲品。炒蛋還是一如既往的好吃，蛋香味濃，而且炒得非常嫩滑。與烘得香脆的多士一起吃，口感豐富之餘又飽肚。炸雞腿（$18）很好吃!!!面頭灑了淮鹽，香香的，而且外層炸得香脆，好吃！

因為同貧友買左飛去伊館睇show所以就順便黎哩度食個快晚餐先去早有聽聞哩度o既炒蛋可以媲美澳牛但因為位置實在太吊腳, 一直都未有機會黎食今晚終於有機會了黎到19:30, 可能因為平日夜晚所以食店只係半滿裝潢都係以懷舊為主牆上都掛左好多華星年代o既明星相睇下餐牌, 食物款式當然比澳牛多好多不過黎到都不其然會叫佢o既常餐黎試常餐($29)叉燒通粉, 叉燒唔係好肥但又唔會韌, ok火腿炒蛋牛油多士多士有烘, 仲係微暖, 唔錯炒蛋始終不及澳牛滑, 但已經好過好多食店凍奶茶, 茱味都算濃, 唔錯除左炒蛋真係冇得比哩度座位確係冇咁迫坐得舒服過澳牛而且亦食得冇咁趕d哥仔都善良d XDDDD

週末最喜歡到不同的茶餐廳食早餐華星一向多人，幸好去到唔使等位雖然多人但侍應的態度都好好食物方面，叫左早餐（食到1200)本人唔好火腿所以叫左齋通，炒蛋同多士（走油），熱奶茶齋通黎到有少少硬但係湯底OK炒飛夠滑，份量亦頗多多士就夠香脆奶茶都好夠香夠滑，勝過唔少地方早餐$34 總括而言係值得食的早餐p.s. 可惜的是喺度遺留左一把防曬摭，但回頭已經俾人攞左，貪心的人，好自為之吧

去書展行想食一個飽而特別既早餐補充好體力再去，因為可能時間尚早，大約9點幾，所以不用等位直入。不過都接近坐滿人,再遲可能更多人,要等位了。店鋪不算好大,冰室格局。但侍應穿上牛仔圍裙,都幾型!很快就開始幫我地落單,叫了一份早餐7:00-12:00供應的火腿通粉,牛油多士,雙蛋,餐飲 $34火腿通粉-有幾香濃既雞湯加通粉係實實地口感既,幾好牛油多士-麵包質感好鬆軟亦好厚,唔會係發粉發出黎冇口感既麵包,而且烘至表面小小脆配份量剛好既牛油!炒蛋- 好香滑,充滿蛋香味,份量亦不少奶茶- 香濃,好飲服務好快,而且全都即整夠熱!總括: 值得食!

午膳於華星冰室，因食客眾多，少不免需要在門外排隊輪候，人齊方可入座，並要接受搭枱安排。餐廳食品選擇不多，大部分人也是點選常餐。厚多士烘成微焦，脆中帶點鬆軟。火腿無乜特別。炒蛋夠蛋香，但滑度不算特別突出。叉燒通粉叉燒過瘦，一般。通粉富彈性，有咬口。凍奶茶茶底稍澀，OK喇！ 臨近吃完之際，已有店員不繼收拾餐具。相隔一兩分鐘，更放下下手的清水餐具。當大家在飲餐飲之時，店員已叫下一回的客人在我們枱旁等候，感覺太趕吧！

今天要在港島區搵食，在OPEN RICE找到了這餐廳，就來了試試。結果是令人驚喜的，亦令我一個月內再光顧了2次。店內外也貼有不少歌星簽名海報，感覺與中環某餐廳相似，但這間的食物更令人期待，當中不少是以歌星命名的﹗先吃我弟弟握介的常餐，當中我們叫了叉燒通粉，哇﹗湯底香濃，吃通粉時連湯也一起吃特別好味，而且叉燒亦健康不肥膩。到了多士，有2件厚多士，香脆之餘亦滲了溶掉的牛油，單是多士已很好吃。炒蛋更加不得了，我和先生也認為比某牛奶公司更滑，真不得不試，就如店內貼著的用北海道3/6牛乳炒的吧﹗正﹗這是校長多士，顧名思義，價如其名，$25﹗真有意思﹗心想：這道應不可加價了喔﹗這多士以黑松露配以芝士焗，配搭新穎，一咬黑松露香味於口中游蕩，加上芝士濃香，非常可口﹗這是我最喜歡的小食：沙嗲牛肉包，表皮竟有點菠蘿包的香脆感，薄薄的﹗內裡更不得了，沙嗲汁澎透了在包裡，每口也有沙嗲香味，牛肉亦算嫩滑。這包外脆內軟，口感一流。紅豆汁味道很不錯，比較重奶味，但是香濃而非蘇的，紅豆亦很多，配搭不錯﹗最後是這道「重口味一丁」，最令人失望，只是用上羅宋湯，麵亦不夠腍，配搭雖算新穎，但沒驚喜，亦不是好配搭。總括而言，這