華星冰室 (克街)

營業中

休息中

Good morning☀️今日去左華星食早餐 可能係平日朝早冇咩人😂***早餐 $36火腿通粉唔會太淋亦唔會太鹹炒蛋炒得香口順滑多士烘得外脆內軟對比之下我覺得其實好過澳牛 感覺冇咁hea😂***校長多士 $25好中意呢個厚多士 鬆化微脆黑松露味好香芝士好足料口感一流 一定會再食***沙嗲牛肉包 $23雖然係早餐 但難得黎到冇理由唔叫😂沙嗲牛肉味好香濃 牛肉幾嫩口不過唔知平時係咪食得比較淡如果可以淡番少少就好啦🙈

自從喺灣仔返工，華星冰室係我最愛嘅餐廳之一，今日又去左食喇！我又係嗌常餐，炒蛋，叉燒通粉。一個餐$40連飲品，有多士又有通粉，我覺得好抵食。多士好厚好軟熟，已經幫你搽好左牛油，仲烘到脆卜卜。我嘅食法會將一塊火腿同埋少少炒蛋放上其中一塊麵包，而另一塊會就咁食。腿蛋治超級好食，就咁牛油多士都好好味。叉燒通粉比平常餐廳煮通粉煮得好食，通粉比較煙韌，較有口感，而叉燒都幾好食嘅。豬扒干炒意粉都幾好食，男朋友就覺得冇乜味，不過食落就覺得清清地幾好（可能我食慣淡味嘢）。豬扒好腍好好味。

同朋友約出黎食午餐，佢話之前食過華星冰室，覺得好味，想我陪佢食多次。橫掂我未試過，就陪佢食啦。我哋分別叫咗個沙嗲牛肉包、校長多士同炸薯條，食物賣相好吸引。沙嗲牛肉包:個包表面看到脆脆地，入面好軟熟，沙嗲牛肉啲味道好濃郁，幾好食炸薯條：最鍾意食扭紋薯條，好香薯味，炸得好香口到主角出場，校長多士：一上枱已經聞到好大浸黑松露味，好香好吸引，上面仲有好多芝士，未食已經覺得正！咬落個多士脆卜卜，而且黑松露味好重，配埋芝士好好味。

老老豆豆 係灣仔返工半年都未去過華星食lunch... 係新同事同我提起先知囉$40 一個常餐 你話貴唔貴 真係見仁見智啦 但灣仔區食下午茶時段都3x尾 每個禮拜都去食一次 每次去都keep到水準♡★叉燒通粉 - 通粉係咬口的(同即食通粉口感差好遠啊) 湯底夠甜夠熱 ★多士多油 - 多士最緊要外脆內軟 ★炒蛋 - 火候啱啱好 半流心蛋漿是關鍵 鹹淡得宜★熱奶茶 - 又香又滑又濃 加分點：夥計全部都好nice ar ♡ 而且繁忙時段都keep到水準 堅liked

有天早上要跟先生去灣仔辦點事，他說要帶我來這裡吃早餐， 因為他說這家冰室很有名 經常有很多明星來這裏吃，而且價錢在灣仔區也不算貴。一踏進去 就看見在餐廳的右手邊牆上掛著很多明星照片和明星海報，還附有他們的親筆簽名。我們入座後，店員很快過來問我們吃什麼，原因是只有兩個選擇-早餐和常餐。早餐是包括火腿湯通粉 炒蛋厚多士和飲料 常餐我已忘記了，但是早餐比較化算所以我們點了兩份早餐。先說說他們的通粉吧，湯底比較稠，不像是一般茶餐廳的味精雞湯而通粉也沒有煮得太爛硬度適中。炒蛋也做得挺好很滑，我最喜歡就是把多士分開兩邊放炒蛋在中間，這樣吃很滿足呢。咖啡我有下奶，但是味道仍然有一點酸，不知道是什麼原因。不過整體尚算ok，有機會也會再來。

黎到係銅鑼灣返工既尾聲 一定要食返D經典野先至走>v<~華星冰室係不二之選~~~ (最心痛是食得太遲.....以後無乜機會黎食喇!)黎得呢度基本上一定係叫常餐~ 同澳牛差唔多既款式 就睇下佢質素如何啦~~lunch黎要預早少少黎排隊, 講緊12:15黎已經要排喇!好彩既係佢係同澳牛差唔多個隻快黎快食...乜都要快XD所以要等位都唔使等太耐xddd同同事一人一個常餐, 一個意粉一個通粉~常餐: 叉燒意粉, 火腿蛋, 牛油多士, 咖啡或茶 $40唔使驚~~ 唔係無餸, 只係d叉燒浸左係最底~呢度既叉燒意 個人覺得勝澳牛一籌喎~~~ :>意粉軟硬適中 叉燒瘦得黎唔會乾 湯底唔會過咸 好適中既一碗叉燒意!! :~)火腿都係普普通通啦XDDD 炒蛋又真係又香又滑喎~不過係未夠澳牛咁香滑! 差少少多士更加令人失望... 差澳牛的太遠了!!唔夠多牛油呀.... 所以唔夠香><雖然已經好飽...但一場黎到 我地再加多左份特色豬扒包$20(原本係想叫魔鬼豬扒包既...不過侍應好好咁提醒我地魔鬼係辣既, 咁就轉叫返普通既豬扒包~)$20可以話係超值~~ 炸豬扒夠厚身

又再次走落灣仔食lunch😄其實之前食過第間嘅華星，認真麻麻，不過今日同事想就比多次機會佢啦💁🏻可能早嘅關係唔駛等位，同同事都叫左個常餐嘩，一食發覺好食咁多嘅。個牛油多士好脆，有時撈埋啲炒蛋一齊食，可以中和返啲炒蛋飽濟感，炒蛋都幾滑，幾有蛋香。個叉燒意粉，叉燒無咩特別，應該係普通野🤔，意粉都係。不過調味好夠，都好食得落。埋單40蚊，真係好抵食。窮J恩物🤓 如果中環開返間就好😔，點解咁抵嘅野永遠中環人都無份😭

之前已經有留意呢間冰室 知道好出名 多名人黎過 但覺得食物款式唔算特別 所以一直都無試今日收左工 係灣仔搵野食 路過就入去試下 係米真係咁正叫左個常餐，意粉改通粉，配奶茶奶茶我中意茶濃啲既奶茶，呢度既岩岩好乎合我既口味叉燒通粉叉燒分量多雖然係瘦叉燒，但好淋好好味。通粉比意粉好食，因為可以連湯一齊入口，味道濃啲牛油多士配火腿炒蛋多士外脆內軟又夠厚，搽上牛油無得輸🙊 炒蛋蛋味香濃 份量充足❤ 唯唯係火腿最遜色 好似燙熱就上碟整體都唔錯，價錢可以接受，普通常餐一個，驚喜唔大，但為何如此多名人黎?!🤔

夜晚經過灣仔附近，醒起華星第一間店就係附近，所以就選擇去呢間位於克街既華星。同旺角分店好唔同，灣仔既華星店面比較大，內裡既位置亦比較多和寬敞。牆上貼滿左好多唔同既poster，仲有唔少明星既簽名，睇黎係唔少明星既喜愛！同朋友一人叫左一個常餐($40)，入面包括左叉燒意粉/ 通粉、火腿煎蛋、牛油多士、咖啡或茶。我就選左通粉奶茶，仲有華星一直都好sale佢地係用心做好炒蛋，當然要特登叫炒蛋啦！唔駛多耐，整個餐就送左黎，朋友叫意粉，反而等左差唔多10-15分鐘先到不得不說，我對灣仔華星係有d失望，可能一直都食開旺角華星，所以諗住灣仔分店只會好，唔會差。粉麵份量依然係多，但係叉燒既份量就只有幾片，而且顏色煮得發白，淡而無味，唔知係唔係因為我地太夜(大約8點左右)黎食既關係。炒蛋一一般般，係比較滑，但唔算十分叫人回味。奶茶就唔錯，顏色偏淡，奶味重D。總捨而言，大概係因為旺角店比較好，所以先會對灣仔分區比較失望吧，下次會去番其他分店食

一個人食晏，下午茶時間，華星冰室有位，試下一直都想試嘅雞翼撈麵。雞翼撈麵份量唔大，作為下午茶恰到好處。典型瑞士雞翼，甜豉油，煮得入味。一碟有三隻翼，都夠夠哋嘅，多隻會好啲囉。麵都幾好，有甜豉油味之餘唔會太濃味。另外麵嘅面層有啲草咁嘢，唔知咩嚟，食之前要撈一撈。整體唔錯，不過對比其他地方撈麵，不論雞翼或麵，呢度煮得比較淋，無丁麵嗰種爽，同埋彈牙嘅感覺。價錢好唔好就視乎個人，ok嘅。值得一提嘅係上菜真係快，有效率，適合上班人士。

奶茶好滑炒蛋好滑叉燒湯意，意粉軟硬適中，湯好濃，叉燒夠軟又量多！冇咩好再講，點解要寫80個字咁多字呢？快啲發出去等我叫多啲人黎食啦！！！！！！！！！！！！！！！

一直都見呢間冰室好多正評，所以就同同事搵日黎試下1點黎到已有長龍，好彩等10分鐘左右就有位，去到基本上唔洗睇menu,因為大家都係點常餐，即係叉燒意粉，炒蛋同牛油多士加杯餐飲。叉燒意粉普通，但炒蛋真係唔錯，牛油多無咩特別，奶茶係港式奶茶幾濃無令我失望總括而言性價比幾高

放工想食d輕盈d既份量，經過就入左華星食個晚餐，一如以往都係叫常餐，有叉燒意粉，火腿煎蛋，牛油多士，餐茶。我幾鐘意佢湯底，幾濃郁，因為意粉本身無味，靠個湯底黎提升意粉既味道。佢既叉燒好夠淋。最鐘意用多士夾蛋黎食，一流。最後飲埋杯熱杏霜就夠晒滿足...真心覺得佢好味過另一間澳牛...

I've visited this restaurant multiple times since they opened a couple of years ago and I mostly go when I have a craving for scrambled eggs. They make the creamiest and most fluffy scrambled eggs, I think, in Hong Kong (and I've tried a lot)! Best of all, they are consistent, so every time I go, I'm not disappointed. If I'm hungrier, I would order their ham and egg sandwich - they would serve the egg scrambled, so I'm still able to enjoy their fluffy scrambled eggs. The sandwich comes in thick

第一次食係同朋友行完山佢帶我去既⋯食完個常餐一試難忘⋯叉燒意粉好難整得好味嫁（個人覺得） 但佢就整得好好味仲有個多士同炒滑蛋都係水平之上朋友話個校長多士必試！所以我帶佐男朋友去試！ Um 都ok既！（可能我期望太高）哈哈⋯⋯⋯ 黑松露多士係幾特別既 可以一試！