華星冰室 (西洋菜南街)

營業中

休息中

華星冰室既早餐特别好味，店員推介左多士炒蛋，多士底面烤成脆脆的，將牛乳炒蛋放在烤脆的多士上面，蛋浆鋪滿了整個多士，又脆又熱辣辣的非常美味，喝上一杯冰冰的檸檬水，爽爽爽。

其實我一星期平均都會食2次，不過感覺越來越失望。從前喜歡其炒蛋香滑，現在份量太少。面包話就話厚切，但有時薄左一半。最失望係意粉，質素從無轉好，仍然太淋，丁點彈牙都無。值得欣賞的是凍檸茶茶色清澈，侍應服務態度良好。

本身無論咩時份都鍾意食港式常餐+ 奶茶常餐個感覺好豐富，好似食早餐咁可能我本身又鍾意食多士~黎到華星都係校長多士+ 常餐+ milk tea~校長多士(芝士黑松露)真係食幾多次都咁出色同埋要讚係我叫熟蛋隻蛋真係熟曬呢點好難得

同朋友經過太子, 見肚餓就去吃個餐,經過華星見到個招牌幾吸引, 裝修又靚又光猛,周圍仲貼滿明星相片,  唱碟, 海報簽名等...下午5點幾店內已經好多食客,好彩我地唔洗排隊就有卡位坐,卡座都幾闊落, 唔會好逼同背貼背...開頭諗住吃重口味一丁, 不過諗諗下都係吃常餐好,平平地又有麵又有多士又有飲品, 抵食!常餐火腿炒蛋炒蛋非常香滑, 食到有少少奶味,火腿就普普通通, 無乜特別...個多士勁好味, 有2塊舖滿牛油既厚多士,脆脆地又唔會覺得濃同硬, 好味..叉燒意粉個湯底本身都好濃味, 叉燒有4,5塊, 唔會好硬, 而且意粉煮得唔會太淋, 仲有d咬口...

成日都有人排隊既華星冰室無人排 緊係入去食好野啦食返最愛既常餐叉燒湯意粉、火腿炒蛋加多士叉燒湯意粉個湯底好濃好入味 每次我基本上都會清哂火腿炒蛋亦係炒得好滑配多士一流加埋凍飲埋單都係＄40！又好味又低食^^

1條友出開旺角，順便食個lunch, 行過華星見無乜人就入去食。叫左個常餐，叉燒通配火腿炒蛋多士。叉燒通好足料，叉燒選料又不錯，不會好鞋身，另外湯底夠味，同通粉好夾火腿炒蛋，炒蛋非常香滑。最欣賞個多士，厚厚的超有口感叫埋個熱飲先$38，平平地有咁既質素都真系幾有驚喜

放假同男朋友特登早d起身黎呢間老字號食個早餐！次次去都有好多人食野，實力顯著！佢地既凍奶茶好好飲！！夠茶味之餘仲好滑，唔會澀！一定要試！！叫左火腿通粉配多士炒蛋，通粉就正常咸咸地既味，煮得岩岩好，唔會好淋或者脹晒！多士烘過，面係脆既炒蛋都好滑，唔會炒到老晒

是日下午茶時間， 我與友人前往這間冰室。 冰室牆壁掛滿與明星的合照。 我們點了咖央多士及炸雞髀。首先談談咖央多士。多士選用的飽很特別，比普通厚上不少，多士面烘得脆脆的，金黄的。且多士鬆軟可口，不錯。可是美中不足的是咖央，現在，很少茶餐廳弄咖央了。咖央味道淡淡，對於我來說，味道更濃會更好。但整體來說，可以一試。 接下來，嘗嘗炸雞脾。炸雞髀有點兒失望。首先，雞髀炸得太黑，而且沒有香味撲鼻的感覺，即使將鼻貼近雞髀嗅了幾下，也絲毫沒有任何應有的雞髀香。 第二，雞髀味道很咸因為准鹽太多了，感覺我食的是准鹽配雞髀，喧賓奪主了，完全蓋過雞髀肉味。第三，雞髀肉質普通，稱不上嫩滑。且肉汁也不夠。唯一滿意的地方只有雞髀皮炸得脆。 簡單來說，炸雞髀稱不上嫩滑，稱不上肉汁豐富，稱不上香脆，稱不上味道出眾。如果要到華星，多士可以一試，而雞髀就可免則免。

黎得華星 都係為咗佢個炒滑蛋全日供應既常餐 有 1) 炒滑蛋火腿 2) 牛油多士 3) 叉燒意粉1) 炒滑蛋火腿蛋落咗奶炒 好滑好濕 唔會炒到乾曬 而且好香蛋味 連我本身唔中食食炒蛋既人都一試愛上 *** 溫馨小提示: 唔中意食炒蛋既朋友仔 可以同侍應哥講 轉做太陽蛋or煎蛋火腿就只係普通既雪藏火腿 冇咩火腿味2) 牛油多士有烘底 岩岩好 唔會太燶 我就中意搽勁多牛油既 愈肥愈好味 3) 叉燒意粉對啲叉燒唔需要有任何期望 係'木獨'位既叉燒 不過好在佢煮得稔 意粉係港式煮法 稔曬 加埋個冇咩味既湯 咁既價錢 不過不失啦除咗常餐 今日仲嗌咗個炸雞翼 皮好香口好脆岩岩好 入面啲雞肉就好嫰 仲有啲肉汁 好好味

一路都知華星冰室好多人排隊食，每次經過旺角鋪就有一條好長的人龍，今日放新年假前，終於的起心肝排隊試下，排左15分鐘到就有位，可能大家都係食個港式的早餐，所以都唔會要好耐。我地叫左招牌的早餐$34，早餐包炒蛋,2塊多士, 一碗通粉,一杯餐飲.炒蛋:早餐的炒滑蛋真係好滑，份量都有2隻蛋,半生狀態,食落口feel到好滑,又唔太咸,可能新鮮熱騰騰都好好味道多士:多士有d燶,我覺得有d失望,可能朝早太多人，好趕、我見隔離枱個塊仲黑，係呢度差少少，多士比一般厚身，好似有普通方包2塊的厚度,有2塊都算多，都明佢想做到外脆內軟，來到時多士仲暖暖地，裏面搽滿牛油，牛油好多,加埋裏面好軟,如果唔燶其實好正！火腿通粉:早餐仲配一個火腿通粉，份量有一大碗，再加上少少火腿，我食過咁多火腿通粉，要求一定要彈牙，好彩食第一口，就知道呢度通粉好彈牙爽口，湯頭都係清清的，我覺得唔錯，更多火腿更好！其他:對比其他茶餐廳早餐會有餐肉或腸仔加配，我自已有d食唔飽因係比平時少一樣野咁！如果有得加錢選擇加配其他食物會更好！檸檬茶好有茶味，飲得出係有配個的茶香，唔會好似酒店式的檸茶咁，奶驚飲到只得糖水味的檸茶，有茶味,奶茶沖得好滑

今日天氣突然間轉得更加凍嘅感覺，難得咁早時間，係華星冰室度食翻個早餐。特色豬扒包一直以來都是我心目中的早餐摯愛，豬扒包份量好大，豬扒其實都好大一塊，而且可能食落當早餐會覺得小小油膩喇，但系我唔怕嘅，入口豬扒味同包相互夾雜著，在口中散發開來，早餐食一啖熱辣辣嘅豬扒包，簡直為一早添加咗無窮无盡嘅能量吖。招牌黑松露炒多士好多吖，多謝老闆，我自己食唔完，唔食就枉黎一趟喇，炒蛋非常的嫩滑，色澤好正，大火都可以炒到咁滑口，勁!多士口感都可以，味道岩岩好，食早餐好鍾意!價錢不算貴，唯一我覺得的是，早餐食唔落咁多吖，夥計招呼好周到。

光顧此店的客人，十居其九都叫早餐、常餐、營養餐。我不要跟大隊，要選些特別的。 校長多士，年年廿五，永不加價。有意思，葫蘆賣的是什麼藥，就試一試吧。 一上枱，飄過一陣子濃烈的黑松露味。此味原本在高級西餐廳才可聞到，不知什麼時候已充斥於普通食肆。校長多士用厚多士作底，加上一層芝士，慷慨地撒上黑松露醬，烘得香噴噴的俸客。 加一客軟硬沙爹牛肉包。軟硬之意是把軟軟的甜豬仔包烘脆吧。 牛肉餡很嫩，很滑，很腍。沙爹醬很香，很甜，不辣。我把伴碟的一片青瓜夾進左邊的包內，一片番茄夾進右邊的包內，為濃郁的味道加上清新。 校長多士和軟硬沙爹牛肉包都要散叫，加上一杯奶茶，與餐比較，顯得有點貴。

同台灣黎嘅朋友行開旺角～咁岩佢好鍾意睇廣東歌就帶佢黎呢到啦！黎到已經見到要排隊不過唔算好長 好快就有位～門面貼滿曬好多華星嘅poster~裡面都有好多同唔同明星嘅合照～不過地方都幾擠迫坐到基本上背貼背😂 我地因為本身都食左少少野唔係好肚餓 所以我地share叫一個餐～最後我地要左個常餐～係個叉燒湯意粉加火腿炒蛋配牛油多士係個大多茶餐廳都會有嘅大路餐～叉燒湯意粉份量適中意粉軟硬度都ok只係味道比較淡～炒蛋真係要大讚！真係好滑 且味道唔會太鹹～再配上用鐵杯裝嘅凍奶茶真係一個字 爽！可能因為好多人排隊啦 個店員會一直係你旁邊徘徊好似催你走咁不過總括都係次唔錯嘅經驗

我成日覺得，一個人真系無知食乜好。但係當你無聊，無野做噶時候，又五想食甘肥膩，又無想甘清淡。有乜好得過食冰室呢。 一早起身無野做，林下是食咩呢。就林下去英皇隔離果個冰室了，haha,點知會無會撞到霆鋒嘅。差唔多9點來到，已經坐到滿曬。不過一個人，系五使等位噶。我好好奇點解冰室一定全部都系男做water.點解無waitress ? 之前來回點奶茶，依家秋冬就想飲D蜂蜜茶，就點左個蜂蜜柚子茶，不過下次都系飲翻奶茶好D。因為有D苦，同蜂蜜無夠甜。我個人系中意食甜D噶，無計。啦啦啦，來親都整個炒蛋，招牌野，又滑又嫩噶啦，加埋麵包，其實都算實惠，頂肚噶。見到周圍個個都查五多點呢個。最後一個人都系怕一陣去街有D餓，點多個雞翅。當然呢個都系種種等等甘啦。有D咸香味，今日就又有小小隆啦。系米多人所以甘嘅？不過不失啦。

放假訓到自然醒，起身必定好肚餓。呢個時候，我必定會諗起華星，無論你任個時候，都一定有'早晨'食！每次必點常餐，有炒蛋火腿配多士，加叉燒通粉同飲品，叉燒通粉係細碗咗少少，但係食埋塊厚多士就真係夠曬飽，炒蛋又夠滑👍🏻👍🏻經過開太子嘅朋友一定要試！佢哋個<校長多士>同樣出色👍🏻👍🏻