華星冰室 (西洋菜南街)

營業中

休息中

平時少去旺角，都無乜留意原來旺角咁多美食呢間又係其中之一！因為6點零鐘就已經去到華星，所以唔需要排隊，２個人就坐卡位，隨便叫左個餐之後就有厚多士、滑蛋同埋麵食，麵同厚多士我覺得唔算太特別，但係個蛋就真係唔講得笑！！平時既滑蛋無咁多蛋味同奶味，但呢度既蛋就極重蛋味！！！我食哂自己果碟之餘仲要偷下同事果ｄ！而且上菜時間好快，落完蛋無幾耐就已經有得食野。當我地食完之後，行到出去見到，「嘩！勁多人排隊！」我果陣就諗，其實我如同事只係兩個人姐，可以叫多２個人入黎坐架嘛，我果陣就覺得呢間冰室真係好貼心，唔會要大家坐得太逼，雖然要外面ｄ人排一陣隊，但係反而黎食既人仲多添！

年廿八，就快新年，打算去花墟買D靚花，去之前梗係醫飽個肚先. 華星一向快靚正，點知平日嘅中午，原來都係要排隊. 好在等左10分鐘已有得入坐. 叫咗常餐同豬扒包. 常餐極速上枱. 個叉燒通最欣賞係個湯底，雖然都知唔係D健康湯，但係個味真係調得好好，好有衝動想飲哂佢. 跟餐個厚多士，真係外脆內軟金黃色，牛油亦搽得好平均. 個炒蛋就唔洗多講，大份又滑又香蛋味. 豬扒飽都幾特別，有D芥辣味，D醬好夠，個豬扒係新鮮熱辣，我覺得唔夠軟身，同埋如果加多DD生菜同蕃茄會更好味. 想讚吓侍應哥哥，雖然好忙，見我想影相，竟然主動幫我話擺靚D先影，叫我慢慢影. 唔似其他出名嘅餐廳, 連野飲都未飲完就趕你走. 野食又好味, 態度又好, 大家見佢生意咁好, 都識做快快食完走人.

聖誕節唔想比人掠水，於是黎左華星呢晚都好多人呀，大約九成滿。炒蛋夠滑，多士又外脆內軟,好食！通粉同煎蛋就普通啦。不過重點係，每人先$50！食得又開心，員工又好人，好滿意！

終於趁假期可以來試傳說中既華星冰室一直對炒蛋情有獨鍾亦偏愛黑松露既香味兩樣加埋一齊梗係要試下中午11點到鋪頭門口已經排曬長龍好彩我一個人食所以唔使等都有位凈係涯左黑松露炒蛋多士大概等7-8分鐘就上到來炒蛋好滑應該係落左唔少牛奶入口即化 真係令人念念不忘不過黑松露既香味無想像中咁濃郁塊多士兩面烘底 睇得出好用心齋食炒蛋就偏鹹 所以一定要連同多士一齊食落去就岩岩好啦一個人食曬已經好飽 如果兩個人可以試多樣嘢啦

華星除左令到你諗起好多年前的唱片公司，仲可以令你諗起常餐，想食間平平地又要飽肚又要好味，我多數都會去呢間「華星冰室」，叫個常餐就已經好滿足啦。🍴😋今次叫左2個「常餐$40 凍飲+$2」 包含：一碟叉燒意粉/通粉、火腿煎蛋/炒蛋、牛油多士、咖啡/奶茶，仲要係免收加一服務費添。🍝🥓🍳🍞☕️「叉燒通粉」都有數片厚切叉燒係底。🍝「火腿炒蛋」蛋炒得好嫩滑好creamy。🥓🍳「牛油多士」烘烤得剛剛好，牛油分量剛好，不會過鹹。🍞「凍奶茶少甜」跟餐凍飲+$2，就奶滑茶香，茶味豐富。🍹「凍茶蜜」原來跟餐只是+$2，好抵飲。唔會太甜，剛剛好。🌱🍯🍹

A traditional cafe in hk.everytime must order "fried eggs & toast" Fried eggs is juicy and the toast is crispy.Feel satisfied after the meal here

如果要選香港十大的冰室 華星冰室必定榜上有名！吃過這冰室的次數十隻手指都數唔曬！除左每天限定嘅重口味一丁，本人更推介佢地嘅常餐！軟綿綿嘅厚多士配上好rich 同好creamy 嘅炒蛋 真令人回味無窮！ 這次的晚餐, 亦同場加映-咖史西多！也是甜品的好選擇！

放工諗唔到食咩！行過見唔洗排隊於是就同朋友入左黎！我地每人叫左份常餐，呢道雖然選擇唔多但樣樣野都整得好味！食物質素仍然保持水平🤔本身朋友想試埋西多，但食完個餐都好飽了！下次要試下佢既西多士先得！

常餐$42麵包烘得岩岩好炒蛋都好夠滑最好食係個叉燒意粉，d叉燒好軟熟好好食其實個蛋治上面重有兩塊火煺，相都唔記得影就俾我食左但我想話塊火煺係凍既除左塊火煺其他都好好西多士$22一嗌就好快到！但上到枱係暖既，舊牛油一直keep住呢個樣溶唔到，其實係好食既不過唔夠熱🙈環境茶餐廳黎講算乾淨。D待應都幾好人食物都黎得快，但咁快上枱都有d野都凍既

由於今早有活動，所以早早便吃過午飯。但大胃王的我...很快便感到肚餓!好吧! 來一個下午茶好了!本來是想金華的菠蘿油的，但半路中途、恰巧經過了華星冰室。靈光一閃，菠蘿油已吃過好幾次了，倒不如試試新菜式，來一個校長多士吧! 其實朋友早前也介紹過華星的校長多士的，但自己一直沒有機會試，是次終於可以試到了!厚切白麵包上滿佈了黑松露及芝士，經烤焗過後，外層非常香脆，但麵包內層依然鬆軟! 讚吃完第一口後，便忍不住想吃第二口! 不過此多士記緊要襯熱吃，放涼了感覺會差一點點的!

因為想試吓一啲唔同嘅早餐所以特地上open rice揾唔同嘅地方食一啲特別嘅早餐咁啱就見到呢一個黑松露炒蛋話係好多明星自己開嘅冰室明星最愛食嘅黑松露炒蛋 梗係要試一試啦所以一朝早起身特地去太子嗰邊食入到去嘅時候，全場滿座都真係迫爆人架遇到一個夥計叔叔，佢都好搞笑！講嘢好生動，比較調皮～應該到令餐廳生色不少講下我特登嚟食嘅黑松露炒蛋先一見到佢話啲蛋一望就知道好食食咗落去滑脫脫，係果種濕濕地嘅炒蛋真係好好味喎～不過價錢就。。。因為一個炒蛋都要40幾蚊咁相比早餐有埋嘢飲之下佢就偏貴啦所以試一次就算啦～都係食返早餐嘅套餐會比較化算啲30幾蚊有個通粉，仲有炒蛋多士同埋一杯野飲早餐嚟講會比較適合

 我個朋友叫咗炒蛋，好食啲。我就叫咗太陽蛋，佢好足料，有2隻蛋，啲汁咇哂出黎好正。加埋個2塊超厚既包同個火腿係冇得輸既配搭。不過個叉燒通粉得好少叉燒😯😯同埋杯凍杏霜超級多冰，搞到成個好淡👉👈係茶餐廳黎講啲伙記都算有禮貌👍

今次同男朋友第一次黎食。我就叫左奶油豬仔包 $20脆口，烘得啱啱好。飲品叫左什菓冰 $25味道比較似橙汁，有啲酸，再加罐頭雜果？無咩特別。男朋友叫左校長多士 $25味道係唔錯嘅，芝士加黑松露都幾特別。西瓜沙冰 唔記得幾錢唔夠冰，無咩西瓜味，落左好多糖水。另外仲加左個炸雞脾 $18個皮好薄，啲肉太乾，一般般。

食緊呢個歺不禁令我不停想起另一間，咁樣係唔好架，同戀愛一樣，點可以拖一個想另一個😪⋯⋯呢個早歺係好基本，個湯底我好期待，但一食第一啖，個湯好杰好濃但奇怪無味，而且好口渴，已經好唔開心☹️。 當個雙旦放低時，個心down哂，一pat嘢，凍的😢個黃熟哂😩而且個蛋白又硬。個奶茶味亦一般，茶底晤香😭😭😭😭點解咁架，因明星歺廳，價錢係高少許，但質素点解咁失望⋯⋯

星期六五點幾既時候到，唔多人，帶台灣黎既fd去尼間好似幾出名既茶餐廳，咁係要點出名既25蚊唔加價既校長多士，仲點左大菜糕，炸雞翼，魔鬼豬扒包一共點左四個，四個人share校長多士（25蚊）：我之前以為很大份，所以一直唔敢自己一個去食，但送黎之後覺得其實唔係很大，加上四個人，每個人只係可以一細舊，不過味道唔錯，厚多士加芝士加黑松露，搭配都幾特別，不過個人覺得試係一定要試一次既，不過會唔會再試，就再說啦😂聽說校長多士應該有一個故仔，我好好奇，希望大家share比我聽啦，我可以同我外地黎既fd講番，佢地都好好奇炸雞翼（23蚊）：fd叫既，熱辣辣，平時我自己很少食，太heavy，所以無乜比較，不過外皮脆脆地，幾香牙魔鬼豬扒包（25蚊）：送黎既時候入邊豬扒熱辣辣，仲有芥辣，唔錯，但係點解係魔鬼呢？我都唔知，台灣fd估係因為有芥辣所以叫魔鬼豬扒包掛，說明漢堡配芥辣係香港先有，不過我記得我之前去其他幾間茶餐廳既豬扒包都有加芥辣，我覺得好似唔係因為有芥辣所以叫豬扒包掛大菜糕（12蚊）：好似jelly，食完都唔知係咩，得個甜味，好似無其他味道😂果日餐廳唔多人，所以我地食完之後傾左好耐，店員都無趕我地走，