影片
更多
2016-02-19
1366 瀏覽
一路都知華星冰室好多人排隊食，每次經過旺角鋪就有一條好長的人龍，今日放新年假前，終於的起心肝排隊試下，排左15分鐘到就有位，可能大家都係食個港式的早餐，所以都唔會要好耐。我地叫左招牌的早餐$34，早餐包炒蛋,2塊多士, 一碗通粉,一杯餐飲.炒蛋:早餐的炒滑蛋真係好滑，份量都有2隻蛋,半生狀態,食落口feel到好滑,又唔太咸,可能新鮮熱騰騰都好好味道多士:多士有d燶,我覺得有d失望,可能朝早太多人，好趕、我見隔離枱個塊仲黑，係呢度差少少，多士比一般厚身，好似有普通方包2塊的厚度,有2塊都算多，都明佢想做到外脆內軟，來到時多士仲暖暖地，裏面搽滿牛油，牛油好多,加埋裏面好軟,如果唔燶其實好正！火腿通粉:早餐仲配一個火腿通粉，份量有一大碗，再加上少少火腿，我食過咁多火腿通粉，要求一定要彈牙，好彩食第一口，就知道呢度通粉好彈牙爽口，湯頭都係清清的，我覺得唔錯，更多火腿更好！其他:對比其他茶餐廳早餐會有餐肉或腸仔加配，我自已有d食唔飽因係比平時少一樣野咁！如果有得加錢選擇加配其他食物會更好！檸檬茶好有茶味，飲得出係有配個的茶香，唔會好似酒店式的檸茶咁，奶驚飲到只得糖水味的檸茶，有茶味,奶茶沖得好滑
我地叫左招牌的早餐$34，早餐包炒蛋,2塊多士, 一碗通粉,一杯餐飲.
炒蛋:早餐的炒滑蛋真係好滑，份量都有2隻蛋,半生狀態,食落口feel到好滑,又唔太咸,可能新鮮熱騰騰都好好味道
多士:多士有d燶,我覺得有d失望,可能朝早太多人，好趕、我見隔離枱個塊仲黑，係呢度差少少，多士比一般厚身，好似有普通方包2塊的厚度,有2塊都算多，都明佢想做到外脆內軟，來到時多士仲暖暖地，裏面搽滿牛油，牛油好多,加埋裏面好軟,如果唔燶其實好正！
火腿通粉:早餐仲配一個火腿通粉，份量有一大碗，再加上少少火腿，我食過咁多火腿通粉，要求一定要彈牙，好彩食第一口，就知道呢度通粉好彈牙爽口，湯頭都係清清的，我覺得唔錯，更多火腿更好！
其他:對比其他茶餐廳早餐會有餐肉或腸仔加配，我自已有d食唔飽因係比平時少一樣野咁！如果有得加錢選擇加配其他食物會更好！
檸檬茶好有茶味，飲得出係有配個的茶香，唔會好似酒店式的檸茶咁，奶驚飲到只得糖水味的檸茶，有茶味,奶茶沖得好滑好香濃的茶味，茶同奶比例好好！下次都會再飲。
最後，因為早餐唔太飽忍不住叫左炸雞腿，炸雞腿面上鋪滿五香粉，雞腿唔乾身，好香好好味！都係水準之作！
總結:早餐$34來講唔係太貴，但本人很討厭要排隊感覺，平時唔駛排隊可以食下，但要排半小時先食到，我唔會排。
張貼
