華星冰室 (西洋菜南街)

營業中

休息中

華星個炒蛋多士華而不實，又白又滑，配埋個多士口感一流呀！重口味湯底加埋出前一丁估唔到係夾，前所未有嘅口感！好有新意呀！配埋杯凍奶茶，一流！鍾意食黑松露嘅人，都要試吓佢嘅校長多士，好好食！

成日都喺外面食，又點可能餐餐食貴野呢晚飯時間想喺旺角搵一間價錢平，又好食，又唔洗點排隊嘅地方食飯，真係唔容易最後決定黎華星食返個常餐先！以前去開灣仔嗰間，第一次黎旺角分店感覺旺角分店店面嘅位坐得舒服啲咁不過如果坐滿人都會有少少迫好彩當晚大約 8 成滿座叫左份常餐 ($42)意粉轉通粉，煎蛋轉炒蛋，加杯茶走一如以往咁好好味叉燒份量算多，湯味香濃得黎又唔會好咸飲左啲湯都唔會不斷想飲水咁蛋炒得好滑好香！配埋火腿一齊食啱啱好茶走嘅茶味夠香，但唔夠滑，但都合格！奶醬多 ($9) 係厚切多士，搽上厚厚一層嘅粗粒花生醬同煉奶🤤肥都係要食嫁喇！啖啖都好滋味

華星一直係我最鍾意嘅茶餐廳味道好 服務唔差 價錢合理 等位又唔洗等好耐 又唔會有比人催住走嘅感覺尤其是個炒蛋同多士 真係念念不忘😍西多亦都係我嘅至愛仲有個重口味番茄湯底一丁 番茄味好濃不過略嫌「傑」左少少但番茄迷應該都會鍾意

華星冰室一直是我推薦給外國朋友的首選，十分有香港味道。當中的校長多士一定是必試之一，十分香脆。如果有幸試到重口味出前一丁，我會建議點，一試難忘，重口味湯底令普通的常餐加分不少

系旺角行行下街好肚餓 食咩好諗起早两日友人推介校長多士就去尋找華星冰室去😂😂😂😂Ok 待應嘅態度就一般般可能名氣大叫左一杯奶茶 一碟校長多士👍🏻校長多士 正厚面包好有咬口 芝士同黑松露味道濃郁熱辣辣更系令個多士昇華👍🏻😋😋😋

旺角返工，常常都見到華星總是有很多人在店外等位。想食這間店好耐，今晚機會終於來了。等朋友收工8點半，試下去看看有無位，正，只是坐半滿，兩個人即入去，餐牌款式不算太多，以一個未食過的我們，穩妥的選了常餐。常餐跟餐有炒蛋/煎蛋，多士，叉燒通粉及餐茶，我們另加炸薯條。多士同平時茶餐廳的好不同，包焗到兩面金黃，熱辣辣，內裏保持鬆軟，食得出製造者的心機，炒蛋很滑，味道佳，不會炒得太老，真的不知幾耐無食過這麼好味的炒蛋，感動中……忙住食，忘記影叉燒通粉，同是有心機的食品，無論是湯（濃郁），叉燒（肉質很淋，富豬肉味），一口通粉夾著肉，很滿足的感覺。我們兩個人，邊食邊說，點解咁好味，回想起，是我們食得太多沒質素的東西吧。香港有好多有心的食店，等大家發掘同推薦給公眾！總體來說，店舖裝修簡單，但食品絕對是一流好食，價錢合理，值得一推！

送咗阿仔返興趣班，又係時候一個人的浪漫去尋找一個人的美食，今次就專登行遠少少去華星，平時都有行過朋友都有講過今次第一次來，裝修不錯，是好新穎的復古茶餐廳裝修，枱同枱之間都闊落，依家都比較鍾意去一啲新派新裝修茶餐廳，因為貪佢裝修新穎比較乾淨員工有好啲，所以貴少少我都覺得值得入到去其實都係一啲茶餐廳嘅選擇，見到對面食這個燒味飯，勁香叉燒味傳過嚟，最後跟風就係食呢個餐叉燒燒肉飯，叉燒略為瘦了一點，燒得其實不夠香，好似對面的好食一啲有少少肥燒肉反而不夠熱，出到嚟已經凍哂，根本就唔好食食燒味飯最緊要個汁要多少少, 跟飯真係冇乜汁唯一可取就是陪的菜心比出邊多，為我健康出一分力個餐仲有一碗例湯，清淡無味今日一個人搵食失望而回，下次再努力

經常食華星冰室，因為每次諗下午茶食啲咩嘅時候，都敵唔過華星炒蛋多士既誘惑，結果去親旺角同朋友行街都會食華星！之前一直都食常餐，但今次終於試咗佢嘅重口味湯底，實在太好食啦！再加埋塊炸豬扒，嗌多杯凍奶茶，正！

7-12-17 10點55分左右去到門口等左一陣，見無人服務帶位，而見到有吉位。我先問下就在門口位旁邊收銀入面果位（亞姐），我「一位呀 唔該」，亞姐大聲「唔係我帶架，有人會帶你，你等下，唔係我唔係我，門口等，有人會搵你」（其實我一門係門口未入過去）我都係講左句姐，又唔洗咁既態度。亞姐直接叫我等一陣咪得囉！搞到我自己好似問左十次八次。個收銀就係門口旁邊同亞姐講都應該呀！其他樓面又做緊客人。（其實都係第一次食，唔知是常識吧）亞姐你可以心口掛住個牌，‘我只是收銀 不做其他工作’。間舖有幾張間明星相，就大晒一樣，唔會再有下次。個人覺得大家不要因為明星效應，而盲目幫襯。

眾所周知華星最出名就係炒蛋今日星期日排隊排第十個人「都算做很快有位置可以入座等了10分鐘左右有得入座先叫常餐轉牛肉意粉 不用加錢另加雞翼。👍🏻👍🏻蛋的確好味但不想太生可以跟他說一說但我個人喜好比較愛加胡椒粉味道更出牛肉意粉就普通正常雞翼是炸的 炸得不過龍但味道算正常也不至於極好吃但本人推介如愛吃炒蛋絕對可以一試

冰室情懷真係香港先有而華星冰室係我既至愛相信大部分人都食過❤️❤️趁放假同埋媽媽去食點左兩個常餐炒蛋真係幾時食都係咁正好滑好香 多士香脆 仲有叉燒意粉又飽又平又好食

平時早午晚都會來幫襯華星冰室，不過今次黎食份蛋治好似唔同咗樣，麵包厚過平時，啲蛋餡又少咗啲，有啲啲失望！另外朋友叫左懷舊大菜糕，係小時候嘅味道，真係有驚喜而且好好食～～～

記得第一次食華星。。都成五年前。係筲箕灣分店食，當時係覺得堅好食。而難得今日係我減肥嘅cheat meal day，唔想浪費左個quota，就揀華星。最後就食五茶匙油嘅炒滑蛋、升糖指數好高嘅厚多士差唔多十二點，唔駛等位即入，在座九成旅客。服務有禮。同男朋友一個早餐炒蛋&熱奶茶、一個老外早餐&凍啡。。個炒蛋一到，第一個反應，滑蛋？！可能睇過地獄廚神煮嘅滑蛋，望落有點心諗好似一般般。火腿通，好一般。。而老外餐蛋都係無高低，無咩特別，半塊薯餅黐住啲滑蛋，所以林晒。個人覺得杯凍啡幾好飲，好飲過熱奶茶，但偏甜～！華星出名嘅滑蛋，食落其實好一般，係過得去，但唔達預期。。無左第一次食咁好食～

要數我最愛既茶餐廳，華星一定係其中之一，每次去到食都係叫翻我最愛既常餐。蛋可以要煎蛋/炒蛋，我當然會點又香又嫩又滑既炒蛋啦，配合埋件牛油脆多士，真係無敵。而湯粉方面，常餐原本係set好左叉燒湯意，但個人比較喜歡食火腿通粉，所以每次都會轉。你都可以叫根據自己口味叫翻鐘意既配料。個人鐘意加小小胡椒粉落d好濃既雞湯入面，少少辣仲好食！雖然每次都大排長龍，但其實人流都去得好快，等一陣就會有位，未食過真係一定要去試下！

如果唔洗等位，入去食個常餐都無妨。一個常餐價錢$42（熱飲），價位合理。可惜今日塊火腿「宿」「宿」地，咬落有酸味，同樣貌帶點凶惡嘅侍應哥哥反應完，佢係完全零反應，只係走去水吧講左句：「喂，有人話啲火腿有味喎。」我即刻.......叉燒意粉可以轉做牛肉通粉，都幾夠熱，湯底食食下有啲鹹。火腿煎蛋轉炒蛋，除火腿外，炒蛋合格啦，唔算十分滑；牛油多士幾香，不過多士似擺左陣唔太夠熱。總括黎講，華星冰室質素只係一般而已。