華嫂冰室 (已搬遷) 新店位置

2月份, 約左朋友去踩單車, 因為朋友住元朗, 就一於踩元朗去下白泥啦!!踩單車只是當日活動其中一PART, 最重要係到訪這間人熱食店....華嫂!!由元朗踩去, 半個鐘吾使就去左屏山, 一去到, OMG!!!!!!!!勁多人排隊, .........係靚女WAITERESS拎左張飛之後, 發現要等好奈好奈, 決定放棄了,想走之際, 見到有人拎外賣走, 再問靚女WAITERESS, 先知外賣會即時有得拎但係無菠蘿包同粉面, 無計啦, 吾想等, 唯有取捨...一人叫左一個三文治, 我另外叫個奶茶原因咁多人隊真係有道理!三文治的沙津蛋好出色, 完全吾覺漏另一個蛋牛治, 它加了芝士, 半溶狀態, 比其他茶記好食好多2款三文治都好好食, 比我揀, 我BUY 蛋牛芝治多D!!奶茶好滑, 一樣咁出色, 本來想叫OT, 怕又食蛋會太漏,但這杯奶茶勁滑, 值得一試!! 

今朝同同事出去食早餐,附近茶餐廳食到悶悶到於是過去華嫂碰碰運氣,竟然有位 Lucky~~~~上次試左菠蘿油,感覺一般,不過貴為元朗區openrice榜首,一定有d好野食嘅今次試左豬扒通粉蕃茄湯,比一般野要等得耐少少,但係值得嘅一見到幅圖都知個茄湯好濃,zoom近d仲見到一絲絲攪碎了的蕃茄皮鮮茄溶加埋茄膏做出黎嘅湯比鮮茄格外香濃,我差不多飲晒個湯豬扒好香, 醃得好入味,薄得黎一d都唔硬,浸左落湯都無琳無走味但通粉就稍為琳dd,依然可以接受,今次靠個茄湯同豬扒攞番好多分,俾番個like佢啦

三人行嚟到出哂名嘅元朗華嫂冰室。我哋揸車嚟，泊喺間舖出面嘅一片大空地，估計出面可以泊大約二百架車都得。好方便！一見到門口，就見到十幾個人排緊隊，其實唔算多！因為上次我哋已經嚟過一次但因為太多人，要等好耐，所以最後冇食到！今次見係下雨天，大約下午11-12點，就決定揸嚟駁一駁 等咗大約15-20分鐘，終於入得！其實等得唔耐，因為其實人流好快，個個基本上食完就即刻走，唔會霸住個位。加上喺等位嘅過程，其實大部份客人都已經攞起擺放喺出面嘅menu睇定食咩好，所以已經決定好，一坐低就嗌得嘢！不過就多數都要撘枱，因為位真係唔夠，本人就唔介意嘅。一坐低我哋就嗌得，全部都會係散嗌，因為係冇餐的！不過唔緊要，因為價錢唔貴！ 飲品大約十幾蚊杯我哋嗌咗2x凍奶茶同1杯熱嘅，奶茶好好飲，比一般嘅茶餐廳出色，又夠凍，正 ；食物方面，通粉/麵/米線就大約$30-41，湯底可轉。我就緊係加咗$10轉蕃茄湯底啦！我嗌咗個雞翼豬排蕃茄湯通粉，我朋友嗌咗同我一樣嘅，不過就冇加雞翼; 另外一個朋友就嗌咗個皮蛋芫茜豬潤牛肉米線。 除咗粉面，我哋仲嗌咗1個蕃茄蛋菠蘿包同1個咸牛肉包。 我哋就覺得粉面冇乜特別，同一般茶餐廳

在openrice 搜尋屏山一帶既食店, 發現呢間華嫂分數頗高, 所以決定去試一試, 點知有次星期日去到發覺原來星期日唔開門, 而且平時開門的時間亦很短, 5點就收工, 已經猜想梗係唔憂做果d 舖頭。終於偷得浮生半日閒, 有機會平日去試下, 入內發覺店內多是街坊客, 店員服務親切! 食物選擇不多, 主要係麪食﹑三文治同菠蘿包, 仲有一般茶餐廳飲品。我地兩個人點左：招牌菠蘿包 - $10, 好特別, 菠蘿包外皮脆脆地, 入面好多料 蕃茄(齋)鮑魚片米線 – $16, 本身呢個組合係比較清淡, 不過佢煮得幾好, 好足料, 成碗蕃茄湯咁餐蛋福麪 - $14, 好正!沙律蛋三文治 – $14, 正! 

我日同女友大老遠去咗搵嫂久聞華嫂嘅大名天時暑熱等咗20mins入座坐冷氣位。員工都算禮貌。我哋嗌咗四款招牌嘢：蕃茄蛋菠蘿油，咸牛肉蛋芝士豬仔包，凍檸檬話梅同凍檸檬益力多。菠蘿油我明明見佢話係太陽蛋仲滿心歡喜包嘅內部會有蛋汁嘅滋，但好遺憾我係諗多咗嘅。蛋味唔濃但蕃茄好新鮮好fresh。不得不提係個菠蘿包本身多氣孔，極為軟熟，而且皮極酥，為此行最為滿意之部份。（$16）蛋牛包嚟講其實啲料冇乜特別，係加咗啲芝士，但加多咗一層味道嘅結果係蛋同牛味都冇咁出。但整體嚟講都係好味嘅。又，包亦都係極為外脆內軟，口感非常好！（$18）檸檬話梅唔算好酸，都易入口，飲落都真係生津解渴嘅。凍檸多其實就係酸啲嘅益力多。兩杯嘢飲都勝在檸檬非常新鮮，筆者飲完杯嘢無聊之下嘗了一口檸檬果肉，發覺格外香甜。總結此家用料新鮮，麵包外酥內軟，上品也。

名氣相當大的冰室在外等的人也太多了，好！就等一等，試一試！傳說中必吃的番茄汁麵，umm…不外如事，沒特別好吃，亦沒特別不好吃！ 皮蛋香菜烏冬，亦是不外如事，沒什麼特別！ 這個三文治算不錯，外脆肉軟！很好！最滿意的一碟話梅柑桔和益力多特飲，尚可！總結，有長輩煮好味道，每個家庭都有一個煮東西特別好吃的長輩，這就是如此！

剛剛被老闆調左過黎元朗,第一時間上openrice搵野食見華嫂排第一位,當然要去朝聖一下啦其實我前前後後去左三次,頭兩次都係見到太多人排隊所以打退堂鼓(真係估唔到晨早8:00都要排隊)今次我同同事決定死都要試一次,3點3 去到見門口有位泊車,就索性坐喺車度涼住冷氣等 大約等左半個多小時终於有位,當然係叫番個招牌茄蛋菠蘿油試下啦,正想叫埋冰花奶茶,可惜已經賣晒,所以叫左普通凍奶茶.期待已久嘅招牌茄蛋菠蘿油終於上檯,個包熱辣辣,菠蘿皮又好脆,但第一口食完嘅感覺就係"不外如事"可能我本身覺得茄蛋+菠蘿油呢個組合已經怪怪的,吃落又真係無咩驚喜總之我的感覺是,如果我住附近有呢間茶餐廳我應該會成日去,但要山長水遠坐西鐵再行過黎,到左仲要排隊等位,真係唔值,我去樓下X華好過

一直好想試，不過試了一次就夠了。整體來說，是一般茶記的味道，但是就較茶記便宜一半，我跟朋友兩個人點了這麼多也是一百五十左右，但是山長水遠，頂著大太陽入天水圍，還要排上差不多一小時，就覺得不值。值得一讚的是，服務態度不錯。可能是家庭式經營，服務員都很熱情，也很有心機跟我們聊天，沒有因為出名了，對你愛理不理的樣子。更甚者，我們吃淨的三文治，他們都主動遞上袋子叫我們帶走，不要浪費食物，真的很值得一讚👍🏻

雞翼蕃茄米線～湯底用好濃既茄膏整成，秘製雞翼幾好食，湯底加$8，黎得華嫂應該必加架啦，另外再叫個招牌菠蘿包，包皮好脆好好食，不過加蛋加蕃茄自己就唔太鐘意，如果係菠蘿油應該會好好食。奶茶幾好飲，略甜的味道。

第一次在星期六去華嫂，來之前已經有心理準備會平閒日更加等得耐~!朝早9點半前去到見得幾個人等位，自己都覺得驚訝，最後等了2分鐘就入得﹗是我去華嫂幾次以來最快既一次﹗坐底後就立即點食，天氣熱到飛起，先來一杯話梅柑桔$16來解暑吧。大大杯，冰量足，柑桔與檸檬，酸而帶少甜，實在美味。例牌吃豬扒蕃茄湯米粉$31，豬扒大大塊，煎得夠香，不過肉質稍為硬實，蕃茄湯就不用多說喇，蕃茄蓉湯，味道偏酸，真材實料，絕對是我愛的湯底，而今次食米粉底，比通粉及米線好，主要是"掛湯"能力勁。XD雖然不是太肚餓但都要吃招牌碎蛋沙律多士$19﹗自上次食過之後就忘不了它，因為實在太好好好好食了。麵包烘得剛好，加入了蛋沙律都無影響多士的脆香感，蛋沙律足料，當中蛋味香濃，份外吸引，再配上新鮮蕃茄及生菜，加添清新感。去華嫂的話這款多士絕對是不能不試的﹗幸好自己在九點半前趕到來，不久門口就企布有大堆人，所以要食好野的話早些來方為上策。

等左個幾鐘先食到 天氣又熱 不過食物係好味既 所有都值得等叫左兩個超出名既包黎食 咸牛肉包同菠蘿包 首先講下咸牛肉包 D咸牛肉既咸香味好正 咸牛肉之所有好味 一係牛肉好 二係製作簡單而保有原味 再配上隻半熟既蛋 蛋香濃郁 仲有烤得外邊香脆 內裏軟熟既包 簡直係人間美味！個菠蘿包一樣咁正 同出面既菠蘿包好唔同 我見你度差唔多枱枱都叫呢個包 首先食既時候切開佢 一切已經知個包有幾脆 個皮好脆好甜好好食 而且又夠軟熟 然後配埋塊半融既牛油 添左少少咸味同香味 再加上隻半熟蛋 一咬開 蛋汁緩緩流出 係一種視覺既享受， 當然唔少得果塊番茄 為個包添上清新既感覺 又有解膩既作用 成個包既材料互相配搭得完美無缺 果然係呢間店既王牌 食包當然要叫埋野飲啦 叫左杯奶茶同檸檬益力多 杯奶茶亦唔平凡 係冰花奶茶 換言之連d冰都係奶茶冰黎 所以就算融都唔會整淡d味 所以杯奶茶飲極都好香濃 而杯檸檬益力多亦酸酸甜甜 味道啱啱好 又夠凍 好味啊 好滿足既一餐下午茶呢

華嫂冰室，早有聽聞，位置偏遠，對於住港區的人可真長途跋涉; 輪候時間長也是一眾受歡迎食市嘅現象，無人排隊您就驚 ，但美食當前，為咗一個“食”字，再遠再耐也要一拼 難得平日放假又好天，終於的起心肝駕車前去，店外就有私家停車場，很方便。雖然在平日的日子前去，但也須等位，店方安排很好，攞飛登記，人齊入坐，十分有秩序 ， 由於等候時已可落定單，甫坐底不消十分鐘就有美食送上。首先係冰花奶茶同招牌咸芝士牛肉蛋朱仔包，奶茶好好味，感覺很像灣仔的金鳳茶餐廳，茶、奶、甜度整體平衡很好，但華嫂比金鳳略勝一籌，原因就在那些冰花！夠凍，透心涼，在大熱的天氣下很重要呢，當然那些冰花不會維持很耐耶 。招牌芝士咸牛肉蛋朱仔包: 芝士係半溶👉Good!，咸牛肉同蛋份量足，加埋啲包係經過焗爐桑拿，香味倍增，個包喺影完相之後不消一分鐘就給消滅 。跟住嚟嘅就係招牌菠蘿包，醫生話我患有膽固醇缺乏症，所以推介呢個食療俾我（開玩笑的 )，其實菠蘿油本身已經很正，現在加咗鷄蛋同蕃茄，口感和層次也多了兩重，hmm…喜不喜歡就真係見仁見志，但有一樣可以肯定嘅係新鮮熱辣辣又脆嘅菠蘿包係無得輸。最後品嘗的食物係…鮮茄豬扒鷄翼

一早知道食華嫂9成9都要排隊。特登請一假同個fd去食。點知黑雨，以為要取消行程之際，話咁快又無左黑雨。去到華嫂12點，大雨都等左三個字。因為一點會落場，所以等緊位佢就幫我地落單。叫左一個招牌波蘿包，一個雞翼通蕃茄湯底，一杯凍檸多，同一杯唔知咩甘吉xx😬個波蘿包好有水準，杯凍檸多都幾新穎，不過勁酸。茄底濃郁，湯都無得淨。要去就請假啦，星期日好似唔開✌️

去食華嫂要排隊最少半粒鐘是常識吧，但絕對係值得嘅！首先芝士咸牛肉蛋包，咸香惹味，比招牌菠蘿包有過之而無不及。豬扒雞翼蕃茄通，豬扒雞翼吾老又入味，份量十足，加埋杯清甜話梅蜜，食完成日都好滿足～

華嫂一直都好出名 之前黎過一次竟然冇開 難得放假 決定再黎朝聖 華嫂開0800-1300，1400-1800 中間1300-1400休息 我決定訓到自然醒先去 去到1330 哇 已經排左一條好好好長的人龍太熱天時 即時去搵個士多買住個甜筒排隊等2點 華嫂好準時 2點就開店 未能入座的客人都派飛仔 唔洗企定定排隊比太陽曬 所以決定周圍行下 華嫂附近都有幾間食店 但一心黎朝聖緊係唔會變心啦周圍行發現呢到都好有特色 古舊的感覺 好有味道😛 行完個圈番到華嫂 1430 竟然冇入過人 唔緊要我再行多2圈 1530 返到去 叫左10張飛咋 姐係仲有排等 等等等等等 而呢個時候黎到的人 就已經拎唔到飛 食唔到喇 想食的朋友要早d黎呀 眼見華嫂話外賣停左 但偶爾都見到外賣出現 唔通係做比熟客的？ 決定問下有冇外賣 佢都係答冇 最後1700 先入到去坐 有得叫野食😭😭😭 實在太多人黎朝聖 我等左3.5hr😩 不過野食又真係好好食👍👍👍 叫左招牌波蘿包 招牌芝士咸牛肉包 2個包都好好食 我個包係last 2個 再遲d入就冇得食😬 再叫左碗莞茜湯底墨丸午餐肉米線同蕃茄雞翼麵 個莞茜湯底好正 好香濃 飲到呢淡