華嫂冰室 (已搬遷) 新店位置

元朗屏山華嫂冰室，閒時最少要等三十分鐘才能入座，加上地點偏遠，令一直想試的我為之卻步！是日終於坐言起行，長途跋涉的拜訪華嫂！等候期間，門外已有一少撮輪候入座的人龍，我們已急不及待的拿著餐牌，細看有什麼招牌美食！餐牌上的食物款式不多，主要為麵食和麵包類，一場來到，定必選擇華嫂的「招牌名物」！冰花奶茶HKD19冰花奶茶，有別於坊間一般的凍奶茶。華嫂把沖調好的奶茶放入冰箱冷藏，攪拌後形成細碎的冰花，茶與奶的比例恰到好處，味道香滑細緻，不錯！鮮茄雞翼豬扒通粉HKD41色澤橙紅的茄湯蓉，沒有令人失望！呷一口茄湯，味道相當濃郁，果然真材實料的用大量蕃茄去餚製，沒加太多調味，已能出吃番茄本身的天然鮮甜味道。用滷水汁滷過的雞翼很入味，咬下去很容易的骨肉分離，肉質軟滑到幾乎在口裏溶化！經醃製過的豬扒煎得很香口，肉質鬆化沒有過韌，而通粉吸收了茄湯的精華，質感彈牙沒有過稔，每一口都相當精彩！招牌芝士鹹牛肉蛋豬仔包HKD18包身烘得鬆軟香脆，厚厚的鹹牛肉下面夾著煎蛋和芝士，煎蛋和包身的熱力令芝士融化，咬一口鹹牛肉的鹹香、熱燙的蛋汁和濃郁的芝士，充斥着口腔，這樣簡單的食材卻是出奇的滋味配搭，滿足也！招牌碎蛋沙律

華嫂呢排大熱啊，係觀塘開左新鋪，雖然新鋪水準就未知，但屏山呢間鋪都keep住咁多人排隊，真係身水身汗排成個鐘先有得食架!菠籮油真係點都要試，好出色!麵包既皮好鬆化，夾住蕃茄蛋食又係另一番風味，一啲都唔覺得濟，食完好滿足! 黎得又點會食一樣野咁少?中意食莞茜既一定唔可以錯過呢個成碗都係莞茜既米線，湯底好清甜，完全唔會覺得好重莞茜味，餸既話可以試下加兩蚊嗌煎魚餅，都幾好食薄薄地外脆內軟而且又唔腥，仲加左9蚊要兩隻魯水雞亦，唔算好突出，但中意食雞亦都要試一試。野飲嗌左凍檸多，未試過所以嗌黎試下又幾好飲喎，中意飲酸野既人一定要試啦!

早在中學讀書時期已經聽說過華嫂冰室,聽了六,七年,難得昨天閒日放假,就去試了.因為1點至2點是休息時間,所以兩點多去到,到達時比想像多人,沒想到平日都這麼多人,起身什麼都沒有吃就來了,不禁有些擔心要等太久,幸好等了大概二十五分鐘就進去了建議去前看一看餐牌,坐低便可以落單叫了一個蕃茄雞翼豬扒通粉($41),一個咸牛肉芝士蛋豬仔包($18),招牌菠蘿包($16),凍奶茶($14).蕃茄雞翼豬扒通粉蕃茄汁濃,但略嫌太'結',還有蕃茄核,看得出用料足,雞翼入味,豬扒亦煎得很香口,但通粉有點腍身,如果不是配通粉應該更好,隔了一會兒再吃仍然是熱的咸牛肉芝士蛋豬仔包個人本身不是太喜歡吃豬仔包,沒想到這個包是這頓午餐的最愛,芝士與蛋融合在一起,形成芝士蛋汁,非常美味,與咸牛肉拼湊一起,咸牛肉沒有佔據了整個包的味道,每樣食材的味道都能夠分別食出,少少硬的包皮加上軟身的包令整個口感更好,如果我會再去,一定會再叫.招牌菠蘿包其實係人生第一次食菠蘿油,見到兩片牛油於半溶狀態,真是有點罪惡感,菠蘿包的皮很脆微甜,夾了兩片牛油,蕃茄,雞蛋,整個包都帶點甜甜的味道,可能因為個人比較喜歡食鹹的包,所以我覺得咸牛肉芝士

閒名已久的華嫂冰室但一直都無試的勇氣.................一來個個去後都話排都排到你懞二來就係你一係就一早去，唔係既你去到分分鐘連等位既機會都無.................有呢個兩原因都嚇一嚇啦..............終於有一日..............基於真係諗唔到食乜既關係好就一於去碰下運氣啦~大約十一點出發，駕車都需要一段時間都唔叫好難搵既~去到大約十一點幾左右啦~~~係附近停低，精兵就即刻出動去買啦~~~行入去都需要一段腳程本身係諗住駛入去既，但又怕到時無位，所以靠人行吧~~~行到啦~~~~果然......................人山又人海.................睇來係景點之一既地方終於都行到入去門口啦~~~挑戰耐性的開始，職員見到你都好似見唔到，當然佢地都忙到自身難保啦平時自己番工忙到痴嗰陣，都唔理到咁多野啦~~~連俾錢找數都有條人龍，睇來都唔係間間食店做得到啦~~~終於自己搵到個餐牌啦~~~~信義妹醒啦~~~一拎到個餐牌睇定曬所有野，諗住搵個相對空閒既職員就叫外賣啦~結果換來一句，"而家唔係叫外賣既時候"呢一下...........

華嫂冰室 番完夜一朝早非常眼訓，回家途程中在巴士上不禁熟睡了，巴士將近聚星樓時，心血來潮，突然想起附近的華嫂冰室，於是帶著疲倦的身驅前往。華嫂冰室距離天水圍西鐵站步程大約十分鐘（坑尾村站較近）。終於到達聖地，到候既人客非常多，於是我選擇外賣自取，選了最出名既冰花奶茶、菠蘿油及豬扒面，等了約二十分鐘，盛惠5x元，為了保存最新鮮熱辣辣既美食，不惜花多三十元搭的士回家。 回到家後立即品嚐馳名既冰花奶茶，奶茶不太甜，茶味濃郁，進入口腔非常香滑，而菠蘿油亦用料十足，最驚喜就是蛋仍有蛋汁流出，對於鍾意食蛋既朋友推薦不得，但到打開碗面時，令我打了個特....為何無最鍾意既蕃茄湯底，回想起原來是自己忘了講蕃茄....番完夜真係精神大減呢！華嫂既豬扒面無蕃茄真的差好遠...同一般茶記無分別....所以不要學我忘記加蕃茄湯底，切記切記加蕃茄湯底。

見鄧達智極力推介，而後明星效應，再來Facebook綿羊們洗板，見在附近，便去了。食物︰第一輪番茄湯雞翼公仔麵︰湯底無味，加埋塊生菜後濃濃草青味極有田園feel咸牛肉朱仔飽　　︰很乾，走難必備凍奶茶　　　　　︰香而不滑第二輪（不好食仍加單是因為相信洗板的人的口味，以為只是「咁岩啫」，再試別的吧！）豬扒出前一丁　　︰豬扒太味精式地鹹茄蛋菠蘿包　　　︰甜包跟咸餡極不配合，茄汁將包浸濕公仔麵與出前一丁︰原來兩者是一樣，即使餐牌列明要加錢凍朱古力　　　　︰充滿未溶掉的奶粉粒待客之道︰冰室應該有「一人一碗」的規矩，落單位阿姐得知我們要加單後，立即拋下白眼「乜你咁大食」的白眼線索︰1) 冰室位於鄧家村，鄧達智姓鄧，鄧達智在圈中有幾多朋友不得而知2) 兩輪食物質素都差3) 晚娘待客面口我決定以後不再相信明星效應。

諗住打風+落雨會少D人, 點知一樣排咁耐, 由145PM等到315, LUNCH 變TEA。招牌菠羅包: 即是菠羅油夾煎蛋同蕃茄, 不過果日唔知係咪多人, 佢唔記得夾塊牛油啊, 不過仲好,因為我唔食牛油的,佢俾我, 我都會拎開, HAHA, 菠羅包是暖暖的, 入面有2層蛋, 好似成2隻蛋咁多, 半熟, 未至於漏蛋黃汁果種。菠羅包個皮味道太淡, 我唔太食甜的人都覺得唔夠甜。不過勝在新鮮即製LAW,你話味道係咪好好,我就覺得一般LA菠羅豬扒包:豬扒包比菠羅油味道豐富D, 可能因為豬扒惹味過雞蛋+ 蕃茄, 朋友表示新鮮+好味冰花奶茶: 好濃的港式奶茶味, 但味道同太興的差不多啊, 但呢度仲貴過太興, 普通LA。

期待以久華嫂冰室·幸好朋友在附近居住可以提早拎飛，係天水圍西鐡站行10分鐘就到華嫂。一到步坐無虛席，假日等位人數真多男女老幼都齊。真的想知道華嫂吸引力在那？去到等多15分鐘就入到去了，我們點了食物就耐心等候。他們出餐速度都算快，首先來檸檬益力多。第一次試飲分外清新配上檸檬立即胃囗大開，美味～蕃茄豬扒雞翼通粉，2個女仔share一碗！大大件豬扒分開一半同埋好入味不太硬，口感不錯。秘製雞翼有2隻同樣地非常入味。美中不足是蕃茄湯底不算太濃·如濃湯味加太重會惹味很多。莞茜皮蛋豬潤牛肉米缐，莞茜配皮蛋下火淸新湯底比較少有。豬潤牛肉不太硬加上爽滑米線，感到非常健康。招牌碎蛋沙律多士，鬆脆麵包烘焙過口感分外不同！只需咬一口連埋蛋沙律簡直一絕，可能我是一個蛋魔覺得美味。值得一讚，蛋沙律不太冰冷配搭不錯。招牌芝士咸牛肉蛋豬仔包是我最愛的一個。濃濃芝士醬流出加上蛋汁及咸牛肉令人垂涎不已～如果不是很飽，我會再encore這個包👍👍👍招牌菠蘿包，菠蘿皮超脆配上牛油加上蛋蕃茄真的第一次食。感覺真的好邪惡，我地3人已經很飽，我只吃了1/4已經足夠。題題大家：華嫂係開星期一至六及公眾假期，星期日休息！每日下午1時至

第一次食華嫂，芫茜皮蛋湯底好清，皮蛋仲好靚，好味，有花添，有人話，有花既皮蛋係靚。冰花奶茶，我老公話，飲番以前大排檔沖既奶茶味, 咸牛肉芝士蛋包，好味唔在講，熱辣辣食應該仲正。見過華嫂真人，幾nice, 仔女幫埋手，所以用心去做，不需靠宣傳。

假日去，去到時已經排長龍，等了一個鐘左右終於坐底等野食，魚餅很快就到，味道一般，勝在夠熱，之後熱騰騰的咸牛肉芝蛋包送到，咸牛肉配芝士簡直絕配，其後有檸檬益力多，味道奇怪，完全飲不慣，最後蕃茄湯通粉也送到，清淡為主，雞翼豬扒易咬易食，個湯味道不錯，好有蕃茄醬味道。最後識食一定冬天先食，當日食得滿頭大汗，完全影響食慾。

一早駕車來到。。我地泊左車係門口喳。。可能今日係平日朝早，8點幾已經有人排緊隊啦。睇緊餐牌老闆娘已經落埋單煮定。。。我地好彩等左15分鐘就入得。5分鐘就有野食。做開生意係唔同d，好有氣勢，令我有d緊張。。加單既。。記得拎埋張單行去比佢，會快d。但又未到澳竹牛咁利害既。。我地1行5個人叫左番茄蛋菠蘿油、鮮牛肉蕃茄湯通粉、碎蛋多士、豬排一丁、皮蛋芫茜雞翼米線、凍奶茶。食後感： 奶茶就正正常常啦。。番茄蛋菠蘿油就有少少失望，味道普通。反而豬排幾juicy！但價錢都幾貴，樣樣都散叫（＄3x－4x），又加錢，但總算一嘗心願既。如果要我排成個鐘食既，就唔好啦。。

黎過華嫂幾次 每一次都要排隊 睇黎熱潮仍未減退。今日唔太肚餓 叫左個菠蘿包做下午茶😍豬排菠蘿包❗️❗️❗️我個人覺得比起招牌菠蘿包更加好味！豬排軟腍入味 配上芥末醬 生菜等，味道更惹味☺️菠蘿包做到咁出色 排隊都抵😎

第一篇既食評~ 華嫂冰室我實在太喜歡周圍食野喇, 我諗好多人都好似我咁, 好為食,所以希望可以0係到同大家分亨同交流 我諗華嫂唔洗多介紹好多人都食過. 如果平日去都最好十點前到, 仲要依家係暑假.佢地星期日係休息架, 但佢地有D咩update/休息都會post Facebook ,華嫂溫馨提示我的! 今次我同細佬去食,排左廿分鐘就ok .入座前佢地會預先落單,所以坐低就等上菜.我地叫左幾樣野 - 所向無敵餐蛋通粉另加豬排同轉蕃茄湯底: 蕃茄湯好濃郁,豬排煎得好香, 唔鍾意浸到d餸'林''曬可叫另上.太陽蛋都煎到好靚呀~~ - 皮蛋芫茜豬潤牛肉米線 : 豬潤都幾新鮮,牛肉ok ,鍾意芫茜既朋友可以一試 .- 檸檬益力多 : 足足兩枝益力多加新奇士檸檬,味道都好match,但兩枝益力多對我黎講真係會有d甜,我通常叫多杯冰食物和服務質素真係好ok !!

嚟開元朗，當然要一試名氣十分之大嘅華嫂冰室啦！坐朋友車靠google map搵到個空擴停車場，好多車位，所以又唔洗等嘅 但係要食好嘢就冇得唔等喇！ 一去到當然要攞飛啦！一開始見到坐滿哂其實想放棄，唔再等落去 ，但後來發現人流都去得幾快。不過都等咗大約35分鐘先到我哋。嗌咗(1)蕃茄豬扒通粉 - 蕃茄底好rich係特點！通粉好難話特別好食嘅。豬扒有啲太un。(2)招牌茄蛋菠蘿油 - 對菠蘿包內脆外軟、好香好食！蕃茄同蛋都好鮮甜但我食落覺得好似同菠蘿包係兩個個體嘅感覺，唔太和諧。(3)凍奶茶，夠冰夠凍夠fresh價錢: 飲品同包都只係十幾蚊，粉麵大約三十幾蚊，實惠地方就一定唔夠大嫁喇，位置供應實唔夠需求多，所以就算每日多人排隊都冇辦法。所以要食就一定要預排隊㗎喇。俾我就唔會突登嚟食，除非嚟開元朗啦

其實黎過好多次, 都因太多人,所以等五到, 今次超級想食, 等左90分鐘先入得, 早餐變午餐……… 今次係第二次入到 豬扖叮麵 - 豬扖厚切, 肉質結實, 不會係用鬆肉粉拿到梅曬個種………….., 夠入味道, 超好食, KEEP到水準莞茜皮蛋牛肉豬潤叮麵 - 今次覺得D莞茜夠出味……牛肉,豬潤 都好 爽口, 係新鮮貨,正不過我覺得配米粉夾D特式菠羅包 - 菠羅包 熱辣辣, 褭面夾住雞蛋,同牛油, 番茄,因麵包夠熱, 牛油溶溶地, 雞蛋又半生熟, 有少少蛋汁………….有牛油同蛋既口感同香味, 夾住包皮既脆脆, 真係好食到呢………..難以形容涷奶茶 - 茶味好濃, 有多種茶葉香味, 蓋過奶味, 以我五多飲奶茶的人, 都覺得好好飲凍 柑吉話梅水 - 話梅味稍覺得不夠……濃D更正