影片
更多
2015-07-25
2525 瀏覽
三人行嚟到出哂名嘅元朗華嫂冰室。我哋揸車嚟，泊喺間舖出面嘅一片大空地，估計出面可以泊大約二百架車都得。好方便！一見到門口，就見到十幾個人排緊隊，其實唔算多！因為上次我哋已經嚟過一次但因為太多人，要等好耐，所以最後冇食到！今次見係下雨天，大約下午11-12點，就決定揸嚟駁一駁 等咗大約15-20分鐘，終於入得！其實等得唔耐，因為其實人流好快，個個基本上食完就即刻走，唔會霸住個位。加上喺等位嘅過程，其實大部份客人都已經攞起擺放喺出面嘅menu睇定食咩好，所以已經決定好，一坐低就嗌得嘢！不過就多數都要撘枱，因為位真係唔夠，本人就唔介意嘅。一坐低我哋就嗌得，全部都會係散嗌，因為係冇餐的！不過唔緊要，因為價錢唔貴！ 飲品大約十幾蚊杯我哋嗌咗2x凍奶茶同1杯熱嘅，奶茶好好飲，比一般嘅茶餐廳出色，又夠凍，正 ；食物方面，通粉/麵/米線就大約$30-41，湯底可轉。我就緊係加咗$10轉蕃茄湯底啦！我嗌咗個雞翼豬排蕃茄湯通粉，我朋友嗌咗同我一樣嘅，不過就冇加雞翼; 另外一個朋友就嗌咗個皮蛋芫茜豬潤牛肉米線。 除咗粉面，我哋仲嗌咗1個蕃茄蛋菠蘿包同1個咸牛肉包。 我哋就覺得粉面冇乜特別，同一般茶餐廳
一見到門口，就見到十幾個人排緊隊，其實唔算多！因為上次我哋已經嚟過一次但因為太多人，要等好耐，所以最後冇食到！今次見係下雨天，大約下午11-12點，就決定揸嚟駁一駁
等咗大約15-20分鐘，終於入得！其實等得唔耐，因為其實人流好快，個個基本上食完就即刻走，唔會霸住個位。加上喺等位嘅過程，其實大部份客人都已經攞起擺放喺出面嘅menu睇定食咩好，所以已經決定好，一坐低就嗌得嘢！不過就多數都要撘枱，因為位真係唔夠，本人就唔介意嘅。
一坐低我哋就嗌得，全部都會係散嗌，因為係冇餐的！不過唔緊要，因為價錢唔貴！ 飲品大約十幾蚊杯我哋嗌咗2x凍奶茶同1杯熱嘅，奶茶好好飲，比一般嘅茶餐廳出色，又夠凍，正 ；食物方面，通粉/麵/米線就大約$30-41，湯底可轉。我就緊係加咗$10轉蕃茄湯底啦！我嗌咗個雞翼豬排蕃茄湯通粉，我朋友嗌咗同我一樣嘅，不過就冇加雞翼; 另外一個朋友就嗌咗個皮蛋芫茜豬潤牛肉米線。 除咗粉面，我哋仲嗌咗1個蕃茄蛋菠蘿包同1個咸牛肉包。 我哋就覺得粉面冇乜特別，同一般茶餐廳冇乜分別，只係不得不說個蕃茄湯底好濃郁，好似食緊幾隻蕃茄咁
而麵包方面，雖然我覺得蕃茄+蛋 同菠蘿包唔太match但我幾欣賞佢地個菠蘿皮，好好食，麵包亦好新鮮！而咸牛肉包就覺得一般般，價錢好似十幾蚊。
等待食物時間唔耐，五分鐘就到！總括嚟講，本人覺得冇乜驚喜可言，可能之前俾大家講到好好食咁，又有名星效應，所以食之前期望亦較大。食物選擇唔多，但勝在食物、飲品新鮮 價錢亦唔貴，我哋三人食咗一共$180，所以大家即管可以一試！不過要嚟就要有心理準備等一段時間，因為人真係好多！！其實除咗華嫂冰室，我揸車進入途中亦見到附近有幾間店舖，但事關華嫂太出名，不單只住元朗嘅居民，遊客、來自香港其他地區嘅人亦會專情嚟華嫂試一試。所以果啲開喺華嫂冰室附近嘅店舖都入面空空如也
張貼
