華嫂冰室 (已搬遷) 新店位置

記得第一次食華嫂唔係睇報導，而係媽媽介紹，就同左佢試招牌菠蘿包同茄底雞翼米線，第一次食係有新鮮感，但去食左幾次，發現我最愛既都係招牌豬仔包同豬潤牛肉麵。招牌豬仔包。咸牛肉+太陽蛋+芝士+脆脆豬仔包，完美配合，幾樣野軟硬同味道都好夾，普通野但好食。豬扒菠蘿包。特別既配搭，豬扒調味剛剛好，不太咸，配上甜甜既菠蘿包，味道取得平衡，口感豐富。最後一定要點杯奶茶，無他，港式餐飲就係咁組合

住了新界西咁耐，難得下午有時間經過屏山，便去嘗試下華嫂，當時大約1：30pm，已經大排長龍，難得黎到，無理由唔試下ge～ 等了差唔多9過字，終於到我和朋友入座啦～ 點了豬扒蕃茄通，咸牛肉豬仔包，還想來兩杯冰花咖啡之時，店員已說售罄，orsh!!!!! 雖然在外等入座時間不短，但食物上菜還好，不用太久。 至於味道，自己覺得茄通真的名過其實，不是太特別。 至於豬仔包，外面是比較難見的，味道不錯, 但如果個包可以焗脆一點，那就prefect la~

今日放假，我和朋友山長水遠走入天水圍華嫂冰室朝聖。嘩！條龍長到，好彩我早小小坐低，原來 1-2pm 係員工用膳時間，所以2點後先入得去。華嫂冰室招牌有蕃茄蛋菠蘿油， 冰花奶茶。 冰花奶茶HK$20－奶茶雪凍直至上層有花冰雪，入囗香濃絲滑，帶有茶的甘香，一試難望。 蕃茄蛋菠蘿油 HK$18－菠蘿包出面好脆硬，裡面有牛油、煎蛋、蕃茄，不過好食就唔論到佢 招牌芝士咸牛肉煎蛋豬仔包HK$20－一咬個包好軟，裡面有煎蛋，軟林林咸牛肉， 加入口熔化的芝士，Super evil! 蕃茄湯雞翼豬扒通粉HK$44 - 蕃茄湯底味道濃郁，帶點雞湯和薑的味道，豬扒肉質結實而不硬，整理感覺良好。 最後食飽飲返杯酸酸甜甜凍檸檬益力多開胃消滯，帶有清新檸檬香味，小朋友最爱，都係HK$17蚊。華嫂冰室元朗屏山坑頭村(天水圍站A 出口, 步行約13分鐘; 近屏山文物徑, 坑尾公廁對面）營業時間：星期一至六：08:00-13:00；14:00-17:00 星期日休息

難得老公星期六放假，我們終於可以來一趟華嫂冰室，我們在屏山站行過去大約15分鐘左右，原來可以由坑尾村站或者天水圍站行過去都可以。我們早上10點幾來到已經人山人海了~我們取了籌就開始看餐牌。最後，我們等了半小時左右就可以入去坐了。值得一讚的是華嫂的高效率去應對人流多的問題，店員第一次叫我們號碼的時候是替我們落單，然後叫我們在門口坐著等，說很快到我們入座。第二次叫我們號碼才是安排我們入座，大家入座就後就不用浪費時間坐在位裏才選食物。重點是顧客坐下才開始整食物，所以食物到枱上仍是很新鮮的。我們2人選擇了...1.招牌菠蘿包看起來好邪惡呀！由脆脆的菠蘿包夾著一片厚牛油、一隻煎蛋及一片厚蕃茄！一口咬下去，感覺百感交雜，一句講曬~正2.招牌蛋沙津多士多士烘到好脆，蛋沙律好凍好味，配上生菜同蕃茄一齊食，好夾～3.冰花奶茶茶味香濃同好滑，加上冰花溶了也不會令奶茶味變淡～下次一定要找機會再來食一次！

今次已經是第二次吃這個豬扒包了🐷🍔 , 兩次都是媽咪山長水遠打包回來給我 , 所以我是沒去過華嫂冰室的 , 但卻很幸福地吃過次 。 已經放了一段時間後的豬扒包變得有點扁塌 , 只是有些些 , 因為有兩塊豬扒撐著 。 起初我以為包放凍了 , 而且賣相不及即整即食的吸引會不太好吃 , 但一大口咬下去 , 連生菜 、 豬扒 、 番茄配上一些醬一起 , 感覺很豐富 , 還有我喜歡的菠蘿包 , 可惜放久了變得不鬆脆 ( 媽咪告訴我即時食熱烘烘包很鬆脆 ) , 但鬆軟的也不錯 。 我平時很怕吃肥膩的肉 , 這個包的豬扒大部分是瘦肉 , 而且感覺不油膩 , 正合我意 。 外賣的豬扒包整體來說味道算不錯 , 最重要的是不用山長水遠入去和排隊。下次要試試更多其他豬扒包

聽左好耐但未試過的華嫂室，要特登入去天水圍食好似好遠咁，今日入去屏山天水圍圖書館，原來就喺後面! 機會黎喇飛雲!睇過食評，識食一定要食菠蘿包，豬仔包，蕃茄湯底加冰花奶茶。唔係住呢頭，黎到乜都食左先! 招牌菠蘿包真係名不虛傳，的確值得一等再等，你估都估唔到，將菠蘿包打開之後，加牛油、煎蛋、蕃茄一齊，菠蘿包脆脆面依然香脆，整體口感仲豐富左，而且仲咁夾。真係有創意。一人一半，2-3啖就食完，一啲都唔滯!另外招牌咸牛肉煎蛋豬仔包，同樣出色，咸牛肉煎香，加埋有汁煎蛋，每天啖都令人感受到3種食材的味道。吖，唔係，係4種，仲有個芝士溶左喺蛋下面，咁好味，太可惡。另外點左冰花奶茶，茶味奶味都香濃，冰打到好似碎冰咁。最後上的蕃茄湯雞翼豬扒通粉，蕃湯香濃，落左好多蕃茄，豬扒醃得好味道，肉質結實但唔會硬，好欣賞湯底同豬扒。食哂所有嘢，好滿足咁碌返入圖書館啃書，晚飽到晚餐都唔駛食!

適逢生晨便和母親大人到郊外(南生圍)出走，南生圍和屏山相距不遠，而且一直都想來華嫂(雖知觀塘早已開了分店，但總是想到原店感受一下風味嘛…) ，所以即使知道會人頭湧湧也阻止不了我的~~~來到門口也大約兩點多了，過剛了店鋪的午膳時間，但假期期間例必多人，更沒想過原來店子座位遠遠不及老遠來到的食客人數……最後我們也排了近一小時才入座，真是快要餓壞寶寶了餓壞了的寶寶點了招牌菠蘿包($17) 和每日必飲的奶茶(熱$14) ；母親大人則叫了個招牌咸牛肉蛋豬仔包($19)和話梅柑桔($17) 所有食物都是即叫即做的，所以又等了近十分鐘才能觸給美食TT菠蘿包的材料有：牛油、煎蛋、番茄；菠蘿包外表金黃香脆，配著半溶牛油很好吃，煎蛋稍為熟了些沒有像別人說那麼流心狀態，大致算是不錯的。這裡的奶茶是用上了黑白淡奶，所以很香很滑，而個人平常偏好重奶味，可以不落糖，茶香奶滑，和有些金茶王餐廳也不相百仲阿~至於母親大人的咸牛肉蛋豬仔包有些普通，半溶芝士和牛肉頗夾，但和煎蛋就和好像不太合襯，若是換作湯麵的話應該會更不錯！不好凍飲的母親大人點的是熱話梅柑桔，初嚐是頗開胃，但飲到最後的「精華」有些酸酸咸咸，如果是凍飲的話

老遠黎到，搭車又搭船。鄉村地方空氣非常清新，偶爾入黎呼吸下，人都健康d。4點鐘，好好彩唔洗等位，但一坐低就勁多人入黎。難得黎到總店緊係怒叫啦。以下4樣兩個麵兩個包加多杯熱奶茶。好好味呀。唔知以為我地兩個兩日無食野。之前食過觀塘分店，無咩特別關係令我有點失望。不過今次重燃返我團火。都係總店厲害極力推薦咸牛肉包同菠蘿麵包。咸牛肉蛋，唔似罐頭味。菠蘿包皮非常脆口。我一路打，口水一路流，真係食十個都唔厭。提外話。聽到嬸嬸推薦冬陰公湯米線，見到佢食到，下次都要試下。

如題....作為天水圍的居民....竟然未食過華嫂，實在太失禮了（之前假日試過一次....勁多人....多到冇waiting list🙈）所以撞正同阿太可以平日同一日放假，即刻十點幾飛奔去試下！點知平日也人頭湧湧，好彩店外有位坐下和預先落餐所以等左20分鐘度...就可以入去，仲即時有野食！為左試多....因此叫左菠蘿飽、碎蛋沙津三文治、碎牛治、蕃茄湯通粉....飲品有話梅冰及奶茶！兩個人叫咁多野....真係好似前世未食過野咁！但為左補償上次食不到的失落，今次唯有頂硬上！樣樣野也好好食！當中最like係碎蛋沙津三文治，勁香蛋味，又不太油，同埋勁足料！加埋甜甜酸酸的話味冰....在近來咁熱的天氣....簡直係絕配！

第一次嚟華嫂 已經係4年前記得當時已經超級多人4年後嘅今日 依然都係人山人海我諗除咗明星效應外 食品水準都叫keep得住嘅🤔每次嚟都例牌會叫「招牌蛋沙律多士」、「招牌菠蘿包」、「鮮茄豬扒雞翼米線」「招牌蛋沙律多士」$20由於我唔食洋蔥, 而出面有好多餐廳嘅蛋沙律係有洋蔥嘅, 所以我好鍾意華嫂依款食品, 每次都必食!「招牌菠蘿包」$17我諗10枱客有9枱客都會叫, 味道我就覺得一般無乜驚喜, 同埋次次食親啲蛋汁都會滴到成手都係另外華嫂嘅鮮茄湯底係十分好食! 食得出係真材實料😋 令我成日有條癮去食架!總括而言 華嫂仍然唔錯嘅, 但如果唔洗排隊就十分好啦

聽左華嫂冰室呢個名好耐，一直想抽時間去， 可惜太忙吧！幸好有天，剛經過天水圍， 一於的起心肝搭輕鐵去吧！剛到達什麼都不見，只是看到一個圍村。好， 開著Gps一路行， 途中見好多人都行緊入去的， 心諗:該都是去華嫂的人吧？原來是真的， 到達後我感覺好熱好多人在排隊， 不誇張， 我地要等40個先到。。。耐心等待。。。。。 終於到我地了！ 差唔多入得既時候， 果到已經有人幫你落定單，而且講明不可加單， 如食完想帶外賣走，係1要重頭排過外賣隊的。。。。。入到去首先黎野飲白色係:檸檬益力多 (味道預料之外)跟住就黎: 主角 招牌菠蘿包個包熱係重點， 牛油一路半溶在口中，再有半熟煎蛋，蕃茄， 每一層都食得出之後就係 所向無敵餐蛋麵 +雞翼味道普通最後: 蕃茄雞翼豬排通呢個都想讚， 因為以佢價錢黎講，係好值豬排好滑， 雞翼鹵汁濃，通粉同蕃茄湯好夾😇呢間冰室環境都算企理，價錢亦都合理， 可是。。。。。 太多人了想食要預時間排隊。。。。。

由細到大都住喺荃灣區，之後搬到去九龍區，除咗有一次去飲同埋元朗BBQ場都唔會去到天水圍， 今次公司清大假十幾日，當然要去一個天水圍之日與夜嘅旅程，相約一位住在天水圍的同事去食華嫂😋😋想食好耐了！去到要排一條隊，我同事都話每次都要排隊嘅，嗰日好曬好猛太陽🌞好彩排咗10幾分鐘就已經有位啦❤️同事話要一次過叫，坐低咗嘅話唔可以再叫，只能外賣。因為未食過所以一定要叫招牌菠蘿包，同事話番茄麵都係招牌，但食完要剷落去元朗再繼續食所以冇叫過面，怕太飽食唔落，最後叫咗招牌菠蘿包$17，同招牌芝士咸牛肉蛋豬仔包$19, 仲有一定要飲嘅冰花奶茶！但樓面就話冇晒冰花，得返普通奶茶，我即刻晴天霹靂⚡️⚡️，我山長水遠黎到竟然話冇😭唯有試另外一個招牌嘅飲品就係檸檬益力多$17😁同事就叫了招牌菠蘿包$24我懷着興奮嘅心情期待個包嘅來臨❤️🙈第一個先到芝士鹹牛肉蛋豬仔包！個包入邊有芝士，蛋同埋鹹牛肉，微溫的！一啖咬落去真係大叫"好幸福!!!"❤️超級好食，是家的味道😋之後就到個招牌菠蘿包入面係有蛋同番茄，最緊要係有塊凍牛油！再加上🔥微熱嘅菠蘿包及crunchy 嘅外皮又係冰火之作！我發現好多嘢食加隻蛋係入面真係會令到嗰樣嘢好

今日終黎試到華嫂啦好期待呀！一黎到晴天霹靂！呀！佢話！截！左！單！好彩佢俾我地嗌外賣野～～～！黎到必試佢招牌！等左一陣就有啦，今日天氣好好，坐出面都唔錯黎到啦：咸牛肉芝士蛋豬仔包佢個包好鬆軟，芝士岩岩好原來最正係佢既麵包不枉此行正呀！老闆娘出黎同我地講唔好意思 原來佢話佢地1-2點會俾員工休息 所以會CUT單，好好人既老闆娘佢價錢又唔貴，大家可以得閒黎試下

好野終於食到華嫂啦！身為位係新西既人，竟然未食過華嫂，我真係好錯😢 今日朋友終於帶我去食啦！11:30到門口都多人等，不過事後先知已經算好少人lold 人手腳好快，拎左飛仔無耐已經問你食咩，過一陣又入得，都似老香港d 茶記既快捷呢d 應該出名飲奶茶，因為話d 冰都係奶茶冰；不過我口淡淡想食d 酸酸甜甜既，order 左檸檬多多少冰，黎到真係少左d 冰不過一個細杯都唔full, 飲兩啖就飲完，都幾唔抵叫左最出同既特色菠蘿包，夾住牛油煎蛋蕃茄。見過d 人係觀堂分店果d 變晒型，相比之下元朗店既真係靚仔好多不過我本身唔係特別like 食呢d 新式包，試過就算luorder 左兩餸粉加皮蛋茜湯，豬扒勁大塊同埋份量好足，食落juicy. 如果同人share 會開心d. 另一個餸係豬肝，無腥味，幾滿意湯底好茜我好like 不過米粉好硬nk淡味，完全掛唔到湯，差過一般米麵店好多。如果再食唔叫得米粉總體味道ok, 不過係唔係值得d 人山長水裹黎排隊呢？迷。

華嫂食過兩次⋯隔離戈個未食過就同佢去下啦⋯其實問我⋯我真心覺得一般既⋯ 不過未試過既係可以試下⋯做到咁出名但都算係keep到個價唔會厄你地班友錢⋯記得呀⋯單只可以落一次⋯無得再加單架。Sorry...我真係等唔到廿張啦⋯好多蚊呀🙈🙈🙈🙈🙈最後去左買左兩杯野飲（因為外賣野食都要拎飛的）柑桔話梅 都幾有趣既⋯不過可以唔洗咁甜😛檸檬益力多⋯ 👍🏿