華南粉麵茶餐廳

營業中

休息中

今朝兩個人去食早餐，食完俾錢時問個老闆娘擺張餐巾紙抹咀，佢居然黑面話冇，仲話一份刀叉只有一張餐巾紙，但佢態度惡劣而且事實佢地真係俾少咗張餐巾紙。其實抹唔抹咀真係冇乜問題，重點係嗰個老闆娘當啲客人係賊咁，仲惡形惡相! 唔該佢喇，俾差唔多$70蚊嚟食個早餐，貪都唔貪你嗰一張餐巾紙喇! 佢嗰種目中無人，踐踏顧客的惡劣態度同埋經謍手法，絕對不能姑息! 我除咗自己身體力行以後唔再幫襯之外，更希望大家唔好再去幫襯，唔好再助長歪風!

樓上老闆娘態度惡劣...我哋原本一共四人, 其中一位遲15分鐘到... 我地3個人12點去到, 一入門口, 守住門口嘅老闆娘問"幾位呀?" 咁我地就話四位, 佢於是安排四人枱比我地... 不過我地坐唔夠兩分鐘, 老闆娘話"你地仲個人未到!!! 呢張係四人枱黎, (佢指住張六人枱話) 你地要轉枱去個度"... 當時成層二十張枱, 得兩張有人坐, 其他全部係吉嘅... 我心諗你冇野呀... 原先張枱係你安排架喎.. 唔通我地明明三個人入黎, 你睇到四個? 你明知有一個未到就唔好咁安排啦.... 於是我地無奈轉枱, 等埋個friend黎, 大家食完到離開, 原本安排的四人枱一直都冇人坐過 (成三十分鐘) .... 野食又貴$40碗雙併河, 又唔係特別好味... 又受氣!! 以後唔會再黎

之前聽我媽媽講灣仔間華南茶餐廳啲野好食，今日就揾時間去買比我媽媽食，去到個時就無咩人，咁我就叫左個牛什80$仲叫咗個自制三寶39$買完就走咁返到屋企打開睇佢個自制三寶得3粒魚蛋，3粒牛丸同埋2粒墨丸,咁睇個吓就心諗可能出名啲野會貴啲，咁我先食魚蛋先食落又焾又唔好食，之後食牛丸仲死硬個石頭，咁墨丸就唔洗講同牛丸一樣硬！！大佬39$買幾粒丸仲要唔好食個吓先死！咁我就食牛什啦比想像仲差牛什一定有(沙瓜)佢係無最多就係肚，其他呢就又少又無料，我直頭覺得係比人揾笨！碗牛什成80$得半碗野仲要比啲菜係低！！隻碗都夠細嫁啦仲要得個半碗！ 仲衰過我係觀塘買碗60$都比佢多料！真係比佢揾一次笨，絕無下次！！

本人十多年前初初出來做事，經常要開夜，到晚上十一二點就會到此店食宵夜，當時覺得十分美味。之後沒有在灣仔工作就從來沒有來過了。最近剛好朋友約食宵夜，提議到這裏，所以就重遊舊店了。點了牛筋河同淨牛雜，味道依然沒變，好夠味，辣椒油依然勁辣。服務我一般對小店沒甚要求，算ok。經此一次，相信會令我舊癮大發，好快會再來。

這店一向屬自己嘅心水餐廳,佢嘅鹵水汁,牛腩牛雜的確出色,尤其牛腩可以order不同部位,貴,但值得!粉麵當中,最喜好米粉,每次食都淥得好爽口。但前幾個月去吃坑腩米多青,叔叔面有難色細細聲話:而家多蔥要加收3蚊。當下,我忍唔住好大聲話:咁咪無晒味囉!阿叔唔明再問我:吓...咩話??我望住事頭婆再話:無晒d人情味呀!!!!!!!她立刻扮聽唔到轉個面做野。:huffy老實講,這種做法為難夥記重可能趕客,發左財應該要立品啦!我食到一半,後面位哥哥知道多蔥耍3蚊直頭即刻爆粗添死未!

淨牛雜、牛腩牛筋河同生菜。間嘢原來有樓上雅座，仲幾大幾寬敞。幫襯阻咗都有一段日子而家先知我同佢兩個人叫咗淨牛雜、牛腩牛筋河同生菜。三樣嘢啲份量都好夠。淨牛雜樣樣分得均勻，唔似有啲地方偏好畀某一個部份。牛腩牛筋河，牛腩牛筋鬆軟滑韌，河粉彈牙，而且成碗多湯，唔怕好快被 oD河粉嗦晒。生菜，燙得爽！呢間嘢我最鍾意佢啲嘢夠味，但夠得嚟呢，唔咸噃。最完美好似我嗰日咁，食嗰陣叫番杯冰凍柑橘蜜 (佢要熱嘅，神奇！)，食到咁上下，飲一啖，真係好似即刻「嗞」一聲！爽！其他嘅好似魚蛋呀，墨魚丸呀，甚至一般早餐好似沙嗲牛肉公仔麵或者五香肉丁公仔麵呢啲都一樣好有水準。呢間嘢叫華南粉麵。絕對要去試。

之前听朋友介绍说此家的牛腩面味道很好，自家制的辣椒油更是又香又辣。心向往之。今天中午终于一路iphone map寻来，怎知颇为失望。伙计一脸不耐烦加凶相，堂内本有几张空桌但他坚持指向最里面的圆桌，然后又叫我和朋友一再挪动坐进最靠里面的位子。说要腾位子给后面的客人。落座后点了一份牛腩加牛丸，朋友点了牛腩牛筋，还有腐乳通菜。伙计送菜的架势很有点吓人，而且莫名其妙的说些令人不悦的言语。如果食物真的出色也就算了，但是牛腩偏老，牛丸也不弹牙。比起我时常帮衬的潮X和九记不知差多少，不知道这店子是怎么赚到今天的口碑的。

Friday nite 約9時在灣仔逛完書店搵地方醫肚，到差不多一年無幫襯過嘅華南，唏噓百物騰貴之餘，只覺十多年來老店食物水準亦一直下滑。Order咗 $38牛筋魚蛋麵(單料$28)，牛筋入味，湯底略油膩，俾多$10雙拼只得2粒魚蛋，另加$15碟芥蘭及$15熱檸茶。見碟菜弄來了菜心，向落單樓面反映出錯，大叔卻回應說那就是芥蘭，心中不忿召來收銀老闆，可惜老闆認喺廚房執錯料，但知錯不想改，一句不好意思/對不起也沒有，還理直氣壯似的說"OK啦" ？!!!小女子勢孤力弱，生怕堅持更換會得加料晚餐，只好硬食! 匆匆結賬離開。平白花費$68吃味道一般嘅出品， not value for money at all ! 老實說句，無論服務(如有)及食物水平，街口轉角嘅潮興都較好。

好耐冇去過哩到食了.但已往的印像都覺得冇特別!.今天約了一個朋友去食轉快的.我自己就上午11時50分到.餐廳裏面有＋張枱左右.得三張枱有人坐.我同伙記講我地倆位.但伙記係咁叫我同另外一張巳坐了兩位嘅四人枱搭枱.我就同佢講我地好快就走.我就去左另一張冇人嘅四位枱坐.坐咗陣朋友嚟到叫咗一碗淨牛什$80.一碗雲吞麵$31.一碗坑腩麵$31同一杯熱奶茶$16元.咁我就叫伙記比杯水我.佢話冇水供應當時佢個鐘係12:02分.佢就指住個士多房門口講.你睇上面個牌.個牌寫住12:00到2:30唔供應茶水.佢意思指免費的茶水.我心想幫襯你地$158蚊都冇杯水飲吓.有冇攪錯.D食物嚟到.食落口雲吞入面D蝦又唔新鮮.牛什就普通.而D湯底又咸!最重要D態度勁唔好.尤其是個收銀靚太太.係咁喺個舖面度大大聲叫D客應該點樣坐.真係好冇禮貌.依次午餐係我咁大個人出街食嘢.食得最唔開心的一餐!我哋食到12:23分走.走時佢地D枱都係坐咗唔夠一半.唔知已為佢好好生意.冇d自知之明喇.又唔好食.態度又差.真係要祝依間店生意興隆.如果唔係都唔知可以做得幾耐.(衹此一次.)

以前在灣仔返工常常去華南，但系轉工后已經幾年無去華南吃，所以今天專程去吃牛雜跟魚蛋粉，誰不知一肚子氣！一進去，伙計就問幾位，然後那個又惡，無禮貌，串爆做收錢的肥女人(我估計她是老闆吧！）就命令伙計我們2人要坐一張長方型枱的中間，一定要打對面坐， 雖然有其他吉枱，都唔比我們坐。而我坐的位跟本就系放筷子，辣椒醬，牙籤。。。唔知系唔系以為我唔吃東西，所以比個甘既位我，不過最後伙計都把筷子移開。好。。。我們order了牛雜魚蛋米，牛雜牛腩河，炸魚皮，通菜。。。一共剛剛100大元，但是我一點都不飽，味道沒有什麽特別，真系我都唔明點解可以那麼貴。。。雖然味道沒有那麼特別，但是之後覺得味精超重啦，直到晚上都是非常口渴，超辛苦。。。永別吧！我不介意比錢去吃好野，但是貴都要貴得有道理！坐已經不舒服啦，唔知留返D吉枱做咩，那個肥女人態度超差，學劉華話。。今時今日甘既服務態度。。。。。仲要吃完渴了成日，真系比錢受難。。覺得自己今天超蠢。。。

Went here to try their curry, but it was sold out.Then tried to order other items and it was sold out too!In the end, had instant noodles with beef.The beef was rather expensive and its the typical food you get from noodle stalls in HK.Anyway, I can't really make a fair comment until I try the noodles in curry sauce.

老闆娘態度極差-我哋一行5人，有其中一個未到。我哋想叫5碗麵，老闆娘即刻破口大罵：「唔好幫未到的落單」？！？！1分鐘後，她又向我哋大罵,話我個友人未到！！」（態度極惡劣的）。我就話她的態度好差。她竟然話番我啲態度差！！又話：「我係老闆，你鐘意以後唔好嚟！！」。我一定唔會再去，放心。D牛腩好。一句講哂，唔好食。

今日去呢間嘢食Lunch, 結果一肚氣, 我以後都唔會再去, 因為唔值得我俾錢佢賺...近來間中都有去食呢間嘢, 我Lunch Time嘅時候會同個朋友一齊食, ......我明白中午人多, 所以有大部份地方都會要求等齊人先好入內, 過往幾次, 我都冇收到類似嘅勸告, 每次都係就咁行入去, 就算未等齊人照落order 都冇問題, 但係今次就出事...今次我一邊講一邊用手示意話係兩位, 而侍應見到我一個人就咁行入去都冇阻止我, 冇叫我出返去等齊人先好入去, 咁理應冇咩問題啩... 我照常坐低, 叫侍應落單, 好衰唔衰個朋友要遲啲先到(比平時大約遲咗十幾分鐘), 咁我就幫佢先點飲品, 放喺度先, 其實我自己都唔係幾好意思, 後來有個侍應走嚟客客氣氣咁話我知, 話如果人仲未到, 咁要讓返個位出去, 落單嗰個男人細細聲問我朋友幾時到, 我都好唔好意思咁話好快...當時我都明白咁唔係幾好, 因為始終係午飯時段, 於是我就再叫多樣食物, 咁啱我朋友呢個時候真係差唔多到, 只差1-2分鐘路程, 但點知企喺門口收錢嗰個女人就發惡, 態度其差兼寸寸貢, 好寸咁叫我讓返個位出嚟, 我話等多陣, 但佢就無視

對上一個有關於譚臣道"華南"之食評,已經是四年多前之事情,証明有四年幾時間,沒有來過此間受到一眾的士佬愛戴的食店.鹵水牛雜不要河,要撈粗,撈麵才能完全吸收鹵水精華.再加碟芥蘭,只要腩汁,不要蠔油.牛雜撈粗有基本的牛腸,牛膀,牛肺,牛肚等等.用料足,質素亦佳,牛腸肥美帶甘香,牛肺爽中帶稔,牛膀軟稔入味,牛肚爽口,其鹵水味道濃厚,經過多年的浸淫,才能鹵出一副好牛雜.麵條沒有鹼味,撈上鹵水當然好吃.另外上的湯味道也清甜.芥蘭爽而不苦.腩汁味濃,但沒有蠔油般過強個性,如果用蠔油就只是一味蠔油,而不能感受到蔬菜的甜了.牆上的剪報,依舊是當年過氣多時跳舞歌星 - 張立基之推介,想起當年,也是看到此報導才會來,真的要對著牆上的剪報,說一聲: (唔該你啦張立基.)

中午同事带我来试这间粉面铺。叫了： 鱼蛋牛腩汤米 - 牛腩好吃，汤底也好。 鱼蛋就OK啦。不怎样特别。 煎猪扒。 非常可口！！ 一定会再来！！