華南粉麵茶餐廳

營業中

休息中

我第一次忍唔住寫食評，實在太難食！叫左兩碗粉，一碗雙丸牛腩河粉一碗雙丸米粉埋單要$124，貴唔緊要，但都要好食架！難食到無朋友！先講雙丸米粉，牛丸鞋到過我隻手，魚旦有腥味但都叫旦牙既不過我寧願食唔旦牙但唔腥既魚旦...米粉太硬....另一碗既墨魚丸牛丸牛腩河, 墨魚丸都係麻麻地，牛腩又肥又鞋，河粉還可以的。落單夥計態度差到不得了究竟佢買馬定做野定傾計既？完全唔明點會可以係呢區做到咁耐生意！我一定唔會再黎

陪老公做完嘢已經成11點，雖然未食晚餐，但夜麻麻都不能食得太飽太爆炸。而且又難得過海，老公就帶咗我黎灣仔食佢之前OT的日子的宵夜首選。老公推介必食牛腩，所以我就點咗魚旦牛腩米，魚旦聲稱是自家制的，但就不夠爽口，口感有點糊糊的。主角牛腩就肥瘦得宜，咬落是鬆化的，一點乜不韌，而且十分入味。老公要咗個坑腩牛雜麵，但我無食過就無謂品評啦。另外點了一碟油菜及炸魚皮，正常。2個人食咗2百幾蚊，食粉麵黎講都算貴，但起碼是好食的。

今日帶小魔怪去我以前常去的麵店，帶佢去感受我從前的味道！一入到去就叫左兩碗牛腩米，只不過晚上八點多，就無曬河粉，再黎多碗雲吞麵同紫菜湯，咁先夠飽，HEHE！我諗可能有近廿年冇食過了，味道總是覺得以前好食D！不過牛腩米湯底仍然好香濃，再加上自製辣油（要＄220一罐），味道更加提升！而雲吞麵都不錯，雲吞唔大粒但好香胡椒味，正！紫菜湯亦都不錯，用黎送麵送米粉最岩！也許時日變遷，味道或有不同⋯⋯但小魔怪，我們不是在創造新的回憶嗎？

午膳時間隨同事外出用餐，發掘了一間隱秘「蛇竇」。華南粉麵茶餐廳位處譚臣道 (近修頓遊樂場)，正舖屬街舖，裝潢與一般粉麵茶記差不多。多行兩步上樓，則可達「副舖」位置，因地方隱秘，食客沒有正舖般多，坐處較闊落舒適。從同事口中得知，餐廳的牛腩頗為出色，當然要試試。 這碗牛腩河粉，一碗約有六七件牛腩，選材偏瘦，肉質紋理清晰明顯。一如預期牛腩擁有濃郁的牛香，口感帶點嚼勁，與偏瘦的選材不無關係。湯汁混入牛腩精華，口味泛甜，夾雜少量蔥段品嚐味道更愜意！ 雖然 $45 一碗腩河不算便宜，但可考慮再次光顧。

在我公司附近的一個小巷內有一間不起眼但又很有名的粉麵小店，很多名人也來光顧。有一次我也遇上杜汶澤。他們的崩沙腩，牛雜麵非常受歡迎。而我則較喜歡他們的魚蛋河，他們的河粉又薄又滑，很少麵店有如此質素。魚蛋亦非常彈牙，魚味十足。我亦很喜歡他們用腩汁煮的通菜，他們的腐乳味道濃郁，混合腩汁非常好味。可能這小店已太有名，不愁生意，所以服務態度略為欠奉。如果這家小店加多一點人情味，多一點對客人的熱誠，那就完美了。

而家想食好味嘅牛雜粉真的不易！間間都話老字號，沒有華麗裝修，但算得上乾淨。講返味道，華南真的保持水準。牛雜香到不得了，非常入味👍魚片不是一般只有彈牙，真的有一種說不出的舊時味道😋河粉滑、米粉爽，還有我喜愛的瀬粉。不夠飽更可加件多士。唯一要彈的，就算非繁忙時間，很多吉枱都總要指揮怎樣坐😂

喺親戚屋企無聊玩手機，隨便一刷，刷到全部都係野食，竟然睇到餓曬，直接就著鞋出門啦~~~華南粉麵喺銅鑼灣地鐵站附近，門口可以見到好大個招牌。環境系好傳統兼懷舊嘅茶餐廳，覺得特別有味道！！牛雜米，料好足，個湯底夠曬清淡，完全唔會搶咗牛雜嘅味道，而且都好大碗，我一個人喺絕對食唔曬嘅...雲吞麵入面嘅雲吞，佢嘅肉餡比較爽口，不過相比起牛雜嚟講就會少啲。檸啡~~記得我第一次飲嘅時候就覺得佢嘅味道好特別，所以一直都好鐘意！覺得檸檬同咖啡味道嘅碰撞，邊個都搶唔到對方嘅味道！！一遍食野嘅時候仲可以一遍廳老細將去泰國旅遊嘅事，不過店入面喺唔可以外帶飲品嘎！！

係灣仔返工已經超過15年, 一直都有去食, 其實已經發現佢地係舊年開始, D客已經越來越少, 開頭以為佢地不停加價啫, 點知今年D食物質素1次比1次差......牛太差....其實好早已經係....點知尋日去到, 諗住仲有魚旦好味D啦, 點知出晒事, 又腥又林.....直頭冇晒口感.....只有服務態度得以維持囉....(出名勁差...即係...粗聲粗氣黑口面....比錢仲要比人鬧嗰隻)....我真心覺得, 南記好食過佢好多!

十幾年前灣仔做野，午餐有時都會去華南食。那裡D員工太冇禮貌，我仲記得有次果個女伙記，個客唔聽佢話坐在未滿的一枱就講咗句操口，所以我之後没有再去。今次經過灣仔便再光顧看看有没有改變，但結果另我更失望。食物水準下降不講，連食物價錢都貴到離地。一碗牛什面要42,雙拼就要62，一支细可樂14，纸巾要5蚊。好食都話，伙記又串，D人叫佢跟下單就話D野做緊，等吓啦！再追就話唔等得就可以走。D態度認真一流。以後都唔會再去！

見到門口貼着一張報紙推介，邊抱重一試的心態價錢普遍偏貴双丸牛腩面 （$65），买相是不錯的，可惜牛丸老，魚旦腥，牛腩嚡而不入味，又肥双丸，（牛丸、魚丸） $53據說是三代人的努力，有大排檔做到店舖。但結果是令人非常失望。

一坐低立即整杯冰凍的凍奶茶消一消暑先!一碗好多好多料好大碗的米粉…崩沙腩牛膀牛丸魚蛋米粉崩沙腩 - 肉質嫩, 帶少少肥, 肉味濃牛膀 - 夠粉夠入味牛丸 - 新鮮牛肉打成的, 彈牙, 濃濃的牛肉味魚彈 - 手打魚蛋, 魚味濃郁, 並唔係平時的彈牙, 但又不失口感

最近都系食飯多啲，特別係系廣東菜，所以今晚就霖住自己去轉下口味喇，吊下自己嘅胃口，唔好養壞左個胃。雖然系晚黑，不過我都系要點豬扒包，岩先話養胃，唔理喇，豬扒包有小小油，可能系因為塊豬扒太大喇，所以食完之後感覺到油，不過真系價真實惠啊，哩一間已經好好喇，點做一碗粉，裡面個牛腩都好好味啫，系去煮嘅時候我就隱隱聞到味道，好軟好爛，入口之後岩岩好，容易咬咯，宜家霖起身都覺得好想食呀吖，半夜三更，點算吖！粉嘅話，就總體上麻麻吧，無咩好特別嘅，口感同味道都居中等水準，其他點個諸如炸魚皮都好中意！

點解我叫哩間餐廳做「大家姐」呢？其實有段故仔，話說我以前在灣仔上班，lunch time這間餐廳係迫爆人既，除了地鋪外，還有開埋樓上鋪先夠坐，店內有位女仕會大聲呼喝d食客（我想大概是老闆娘吧！），她指你坐邊，你就要坐邊！無得擇！就算有位都好，如果你不是坐在她指的坐位上，她會大大聲咁話你，話到你要坐在她指的位置上。話說回來，為什麼她對客人態度那麼差，還是有那麼多食客㗎呢？係有原因既......哩度既粉麵和湯底，又確實無得彈既。我每次來到都會點雙拼（選擇1.魚蛋，牛肚米；2.墨丸牛肚米；3.牛雜河）這間餐廳既腩汁辣椒油係自製既（夠辣，夠香！好似有得賣$100一樽）配埋枝細可樂！P.S. 有樣野要提提，就係哩間餐廳既淨魚蛋（圓d,白淨d,爽d)和雙丸河d魚蛋(普通潮州魚蛋）係唔同㗎喎!為什麼我會知呢？因為我見別人order既魚蛋和我雙丸河d魚蛋唔同，我就問個職員啦，佢話人地叫果碗係淨魚蛋喎），所以下次你地落order既時候，自己小心d,或者問清楚d! 因為哩間餐廳講的不是服務，而是真材實料！職員既態度....唉....你就唔好要求咁多喇....碗粉又真係幾好味既！

下午路過譚臣道這間不顯眼的小店。門前貼著一張張剪報，說什麼"隱世牛腩", "灣仔蛇竇", 五月的灣仔又熱又翳焗，那好吧，偷閒一下吧。有別一般茶餐廳，華南沒有卡位，裝修簡單。全是摺檯摺凳，但勝在乾淨企理。點了一碗崩砂牛腩河，和一罐可樂。這裡很有效率，下單不久伙計便端來了食物。呷一口碗裡面熱騰騰的湯，oiiiishiii!!!喝得出是真正足料。湯濃得來，帶著香味。喝了幾口也不覺得咸和嗆喉。碗裡面的牛腩, 紋理清楚，瘦得來啖啖新鮮啖啖肉。而且份量足夠，$47一碗絕對值回票價。另外特別一提的是桌子上那兜自家制的辣椒油，可以請伙計另外要一隻碗仔，另外盛幾滴。吃牛腩時醮一下才放進口裡，再喝一啖冰凍可樂，人生樂事，不過如此。

響灣仔揀咗間門口有車泊嘅民間美食。先來個崩沙腩撈粗麵「走蠔油」，加碟炸魚皮。個崩沙腩夠捻，夠入味，個麵就略嫌多咗啲鹼水味，二個炸魚皮脆就好脆，不過得四塊，但都算中，大塊嘅！之後加左杯凍鴛鴦，人生一大樂事，但個人就唔係好受得茶餐廳嘅奶，飲完有少少頂住頂住，不過始終享受左先算🙈之後再整多件西多士，「加埋成千卡路里」，塊多士中間嘅花生醬份量啱啱好，加埋啲煉奶同牛油，#omg , but once in a long while is really ok!! 埋單$12x 我覺得絕對抵食，性價比好好👍🏾👍🏾回頭指數：當然係絕對會啦，🤗🤗