華南粉麵茶餐廳

營業中

休息中

又到和一班同事出街食飯的時候，我就(有點私心地)介紹去譚臣道的餐廳群覓食，見到這家成日好多人的麵店有位，大家同意地去食啦。見到店家在門外貼了很多報紙雜誌的介紹，都可見這店來頭不少。我就點了崩沙腩米粉。當然，我只知崩沙腩並非普通之食物，所以我去維基百科全書一下。崩沙腩 (Skirt Steak)：又叫「爽腩」或「蝴蝶腩」，是牛肚皮的腩位，位于牛的横膈膜附近，爽腩貴坑腩一半，由於有塊薄軟膠質，爽軟不硬。回想起食落真的比牛腩，甚至坑腩更合口味，因為沒有太鹹，而且煮得十分滑溜，但沒有那種好難咬的感覺，唔怪得一碗米粉都要成四十幾蚊。不過，它的湯底又沒有味精，有牛的鮮味，不錯不錯。

很喜歡食粉麵的我，食完永華，當然去埋華南，但以前有好多地方賣的河粉都好幼滑，晶瑩通透，原來因為成本太高而選擇較便宜之來貨，有時去未食過之粉麵店會望下其他食客進食之河粉水準如何才點菜，咁華南之牛腩及河粉已經贏咗半個灣仔區，牛腩固之然係用咗超過60年之牛汁煮成，所以味比較濃，肉質又不會過鞋，不錯，但最喜歡是河粉，幼身滑溜、晶瑩通透，配湯食一流，不過服務一般。

這個星期六除了要返半日工外, 下午仲要去銅鑼彎, 於是search 港島區有咩好吃的粉麵, 在眾多出名的粉麵店中有d 已吃過, but仲有好幾間都未吃過, 礙於地區問題, 所以選了這間店子, 地點唔難搵, 近灣仔mtr 附近, 好耐無來過灣仔呢邊, 變化好大, 起左好多高樓大廈, 有點稀虛, 但天氣好, 陽光好, 無阻靚靚心情, 好開心咁找到來呢間店, 點知一入到去就比個老闆娘好大聲好惡咁叫我入去坐, 當堂比佢嚇親, 唔通恰我一個女仔? 我一坐低, 佢就即該好急好趕咁問我吃咩, 又係粗聲粗氣, 大佬呀, 我都係第一次來, 都要d時間睇下諗下啦, 洗唔洗咁趕, 放假得心情比佢攪到緊張晒呀!!!魚旦河 ($34) : 3粒魚旦, 3片魚片, 份量唔算大碗; 魚旦都好吃, 有魚味, 似係自製, 質地淋淋地, 但唔係彈牙; 魚片仲好吃, 好香魚味, 質地同魚旦差不多; 河粉好吃, 鍾意佢唔太滑身; 湯底唔係平時的魚湯底, 反而係牛腩湯底, 牛味好重, 好香濃, but 鹹左d 囉~ (咁貴, 吃完唔飽) 芥蘭 ($20) : 碟菜一來到, 我想講我無眼花呀? 一碟$20的油菜竟然細碟成咁, 講

好耐冇食過佢啲牛什(出名原汁原味) ，起碼有兩三年，諗住午餐三至五十蚊點都攪掂，任你點加價都冇理由。。。。。所以連餐牌都冇睇，就叫咗一碗牛肚魚片河加凍檸茶，誰不知總共要$71蚊那麼貴，都唔緊要，啲牛肚河粉一般，魚片ok, 最失敗係個湯底鬼死咁咸，究竟想點呀❓比以前差得遠，相信落太多味精所至，好失望，不會再幫光顧

已經有好幾年無食過華南，今日做野經過順道食番個lunch, 叫左碗牛腩牛肚河加杯凍飲，$71....orz... 唔緊要，依家成日食拉麵都唔止啦，當支持下本地粉麵檔。碗麵好快就到，份量都算幾大，但一試個湯底，就知岀事..... 好咸..... 完全無牛味，啲牛腩超"鞋"，完全唔冧，又係無乜味..... 牛肚中規中矩，不過講真牛肚都唔會難食得去邊。食完之後條脷好"鞋"而且好口渴，唔知係唔係落左好多味精。$71, 唔係比唔起，不過咁既質素，$30比多嫁啦。如果你話租貴，我唔認同囉，因我之後番到銅鑼灣世貿附近，再買一個牛腩飯加飲品，都係$53, 而且係好好食，你果個咁既後巷位啲租會貴得過銅鑼灣？算吧啦，大家千祈唔好去食....

午餐同事買魚蛋粉, 小人搭單, 同時一起分了一碗淨牛丸。魚蛋粉$38, 魚蛋魚片各三, 魚蛋不算大顆, 魚片屬薄片, 幸好皆很彈牙。湯底偏咸, 好像有點味精, 河粉份量中等, 入口滑溜溜的, 但稍嫌碎濕濕, 必須用羹盛著來吃。全碗最正的是辣椒油, 辣勁十足, 炒過的辣椒香而不油, 即時提令整碗河粉升呢。淨牛丸也是$38, 一客六粒。肉質較實, 牛味不是很出, 不過帶點麻油味, 還是很香的。感覺偏貴, 而且吃完很口渴。

沙士年代已經幫襯, 服務,食物都不差, 今天重遊, 就遇上”惡形惡相”的老闆娘.一坐底就好快叫了雲吞牛腩河 $44, 隔離姍姍來遲都有得食, 我都未有, 午市時間唔出奇,食物OK,算貴價. 當朋友路過, 打算停5分鐘飲杯咖啡, 老闆娘就惡形惡相地 “冇留位! $31最低消費”但一杯凍咖啡 $20, $44+$20=$64” 夠$31啦, 跟住再三強調 ”一位最低消費$31,有寫明嫁”(係牆上一個角落有, 但餐牌,餐枱都冇, 即是一入雲吞麵店, 最好要望晒四周先)”態度差到不得了, 明白午餐時間人多, 但當13:10已經有吉位, 可能好多人入都因為唔駛等位. 但打工仔而言,食午餐作小休, 仲要受氣. 真係希望劉X華可以幫忙去教教佢. 灣仔中環價錢, 我以後都唔會去, 唔想 “貼錢買難受”...

今天晚上收工在附近經過宵夜時間想吃牛腩河於是來到呢度第一次試 叫咗個牛腩河牛腩量唔多大概有五到六件雖然味道的確不錯但肉質好實又有渣最慘是D肉痴住牙湯底清甜，似魚湯河粉吸收清甜湯底更美味另外仲叫左杯凍奶茶茶味都幾好整體一般沒有什麼特別

老誌號的麵店, 都不需多講。它們的牛腩面是很傳統的, 味道也是。如果不習慣會覺得重口味。但牛腩是很"琳", 河粉也恰到好處。價錢當然是貴了點, 可能是地點的緣故吧。但絕對值得一試!

呢間係好食，我一碗雙併麵都要$55 仲唔包嘢飲，但又真係好食我仲以為一間茶餐廳式麵鋪唔會太貴，但今次真係意外，攪到我覺得下次去茶餐廳都要睇餐牌油菜都要$17 講真冇咩特別，唔低食魚旦肺麵 $55 好貴湯底 好好飲，好濃味麵質 又真係爽口魚旦 又真係彈牙肺 又真係夠新鮮又夠滑呢個辣椒油 堅辣足料，好耐未見過咁多料嘅辣椒油，真係好食到想買番樽番屋企，但真係好貴，唔捨得

匆匆忙忙吓，又落雨入左呢間麵舖，舖內裝修係好舊，寫單係用咭紙寫低價錢，攞住咭紙到櫃枱埋單。我叫左碗牛丸麵，約10分鐘到，有4粒牛丸，咬落牛丸味重，口感太實，手打應落較有層次感先係好嘅手打，麵份量較少，亦吾夠旦牙，粗幼度就適中，牛丸麵$36算貴，加碟油$17，食呢餐算貴

Went there for a quick lunch. Ordered a fish ball noodles and wait for 20mins to arrive. The shop didnt even fully pack with people and the owner was not very friendly. I heard complaints from other customers about the slow orders. Finally my noodle came, the taste was not great just about average. The noodles were stick together and looks not completely done. If you are looking for a quick lunch probably this is not the right place to go. Probably won't go there again.

很久沒到這裡， 因為每走過這區都自自然然去了車仔麵之家， 這天想吃牛腩， 於是便走進了華南。 點了雙併， 牛丸牛腩河， 看看價錢＄41， 一點也不便宜， 油菜＄16， 加可樂＄10， 先說這一餐吃了＄67。 等了差不多十分鐘， 河粉上場了， 不過完全不明白為何要這麼久， 因為連我只得兩枱客， 算了，吃吧。賣相不錯， 牛腩一大堆， 不過牛丸只得兩粒， 點啊， ＄41一碗雙併， 得兩粒牛丸？？牛腩鞋十十， 乾如柴， 差強人意，食淨4舊。牛丸沒有牛味， 太硬， 不彈牙；辣椒油既不香也不辣， 還要賣＄130， 當人傻的嗎？河粉還好， 滑且幼， 下次來叫齋河算了吧，不過沒有下次了。

由於打算在午膳到附近書店一遊，就選了位置在多間書店附近的華南粉麵茶餐廳。他們的賣點是牛腩以一鍋傳三代的 60 年滷水汁烹調，夠入味。這裡是計程車司機飯堂，也被王菀之力捧為她最喜愛的食肆。再者，香港的旅遊書總會看到它的名字。可惜，不少食友批評它的職員態度惡劣、索價太高也令我一段時間沒有來而轉戰合興。曾經有一段時間覺得價錢較實惠的合興的坑腩水準也緊次於華南，可惜水準未能一直保持。而且合興很少供應崩沙腩。在午市的繁忙時間，這裡都是長期有位的。或許，有些人因為食友批評它的職員態度惡劣、索價太高而卻步了。坐位有點擠迫，但地方尚算企理。當天，職員的態度都算友善，我入去的時候，職員說：「隨便坐啦！呢度好唔好？」點餐時至少都說「靚女，食啲咩？」（見他說我靚女，服務加少少分！）而約五分鐘後，送餐的時候有說：「崩沙腩米」。不是很隨意的放在枱邊。或許他們當天心情不錯吧！ 今天叫了一碗 崩沙腩米 ($38)：崩沙腩是牛肚皮的腩位，面積很小，本來崩沙腩是比坑腩貴，但這裡崩沙腩和坑腩同價，所以算是抵食。從相片所見，崩沙腩有十多小塊，整整齊齊排好，絕無欺場。湯不算很清甜，崩沙腩真是超讚！由於有塊薄軟膠質，爽軟不硬、

離港年多回來，再到華南食下午茶，一碗崩沙腩河，一杯凍咖啡，滿足到不得了，新鮮牛崩沙腩，夠味夠淋，咖啡香濃，如有幸有炸狗棍魚皮，一定要試包，勁正。老店堅持的高水準！可能有人覺得事頭婆態度麻麻，但個人覺得他的確有本事！