菜菜鍋(犇.石燒) (T.O.P This is Our Place) (已結業)

旺角T.O.P.商場有好多間餐廳，之前食過5樓其中一間西餐，離開之後見到3樓有間日式放題店，所以我就決定搵日嚟食先。我有啲朋友係好鍾意食放題，所以今次正好同朋友嚟到呢個商場3樓呢間放題店食晚飯。朋友同我嚟到之後發現都有唔少人等位，慶幸唔使等太耐就入到去。放題有五款選擇，大約$149-$329 ，最平既$149就得任食上等牛肉，最貴既$329就有得任食和牛同海鮮。坦白講，我唔想食最平但$329都好似有啲貴所以我同朋友食左$269+10%/一人既特選牛肉海鮮特盛。我揀既呢個特選牛肉海鮮特盛，任食既有特選牛肉，特上牛肉，上等牛肉，豚肉，蝦，蜆，廣島蠔同埋帶子。入座時侍應會問你要咩湯底，我揀左壽喜燒同埋豬骨濃湯。而侍應亦會將肉類出第一輪比客人先。我鍾意壽喜燒湯底，味道幾濃郁，所以放肉類落去之後幾入味。豚肉，薄身，食落肉質亦唔乾。上等牛肉。特選牛肉，我覺得特選牛肉靚過上等牛肉，所以貴啲都係真係好啲既，哈哈。呢碟特選牛肉我覺得肉質唔鞋，食落幾軟林。任食海鮮有蝦，蜆，廣島蠔同埋帶子，整體新鮮，蝦同帶子都幾爽口餐廳內亦有蔬菜，丸類，飲品同雪糕比客人任取。整體嚟講個人認為一定食得飽，質素亦都算不錯既。

There were three grades of beef to choose with different prices tobe charged.Some cooked dishes as chicken rice, assorted vegetables and one selectionof soup were available.  For desserts,there were delicious soft serve and aged-mandarin- peel red bean soup which wasa bit too sweet and tasted like aged-mandarin peel -plum!The four choices of soup base for the hot pot were Sukiyaki, tomato,cheese (with a bit black pepper) and seaweeds. For me, Sukiyaki was the best as it was a bit sweet which add

本人是次唔係讚美食物，係想讚揚員工，令我感到食得開心。因為依家啲餐廳唔知點解好食少少就會態度差。呢間餐廳既員工唔單止係服務周到，真頭係快人一步、理想達到。(一)食到一半，開始覺得熱想除外套，佢已經識得開大冷氣(二)你跌左筷子，佢快過你拎起時，佢另一隻手已經有一對新筷子。(三) 佢有分一人一鍋同數人一鍋，因為我地唔想坐某個位，點知佢主動set好個位比我地。員工表現唔係單一位，而係成個團隊都做得好好。除左因為個人醒目，亦係老闆有卓越領導才能先會令員工有團結同熱衷工作。藉此讚揚。

上一次在T.O.P.吃山下菓子，這一次又在朋友的引荐下來到T.O.P.菜菜鍋，T.O.P似乎不知不覺成為了我的新蒲點。門外醒目的企牌提醒著我接著下來要吃些甚麼："涮涮鍋及壽喜燒放題"。吃涮涮鍋吃得多，壽喜燒?"我要多一點空間好讓我再想一想"，再"想東想西想身心騷癢，想多想少想天生天養"，終於想起自己好像是第一次吃，其實兩者之間的分別在於壽喜燒使用醬油及砂糖調味，味道濃厚；而涮涮鍋則是將多脂肥厚的牛肉涮涮著吃，因味道薄而清淡，但是，都以牛肉作為主要食材就對了。以日式放題而言，湯底十分重要，如果只選擇一個湯底的話，只會令我們的兄弟欲求不滿，還是選擇鴛鴦湯底吧，反正男人都喜歡左擁右抱的，一邊則選擇蕃茄味，微酸開胃；另一邊則添上壽喜燒，貪其甜味湯底最夾牛肉。我們點了上等牛肉$149，脂肪均勻，肉地鮮嫰，當然還有特上牛肉$189，廣島壕牛肉$239，等選牛肉海鮮特盛$269，和牛肉海鮮特盛$329，但是要吃頂上靚牛肉的話，就不會選擇放題啦，用來放題的牛肉，質地多數都不會太好，況且，外面菜式無限風光，何必為一棵樹放棄整個森林呢(反正我是這樣告誡兄弟們的)。鏡頭一轉外面的醬料，色彩繽粉，選擇多到你吹

G成日都好想食壽喜燒 掛住日本味道我見近期呢間餐廳好多人睇 就黎試下 地方好大 一人一鍋 仲可以選擇兩個湯底食壽喜燒 當然要有配料 菜菜鍋咩配料都有 生蒜炸蒜 仲有蔥啦 芫茜啦仲有日本醋 點和牛一流我同G都鍾意海鮮 和牛 所以叫左個海鮮和牛SET 海鮮都和牛都免費任食又蝦又大蜆咁 都幾新鮮~和牛一盤一盤咁上  有分特上牛肉同埋上等和牛兩種牛肉分別係裡面既脂肪分佈 特上牛肉比起上等和牛多D脂肪所以G同我都鍾情少D脂肪的上特牛肉牛味依然濃雪櫃野食refill都算非常快 亦有不少蔬菜茶包又多選擇連咖喱飯都有 仲非常香 連埋飯都係珍珠米 誠意十足隔離就係聯營既甜品店 連甜品都包埋放題~有抹茶Tiramisu 仲有麻糬 

總括而言：「無味，中伏，無下次！」星期五同朋友去行T.O.P諗住試下新野又見呢到有一人一鍋又有新口味當然要試一試一入去都唔錯 兩人食 四人枱 夠晒闊落又舒適第一次食 所以叫貴少少 叫左廣島生蠔一上黎試試豚肉先啦睇落都好靚可惜無味再來試試牛肉啦望落真心好睇 牛肉紅 脂肪花紋又分佈得好第二個可惜 又係無味算啦 生蠔先係重點一上四隻生蠔 又硬又有雪係上面完全唔敢放入鍋 怕有雪味最緊要就係湯底叫左壽喜燒同新味 點知少少味都無 同滾水燙無分別完全唔掂 唯有出去夾菜食相比起其他既任食火鍋可以夾既食物少之有少連最基本既金菇都無叫得菜菜子 菜就應該唔錯可惜全部都係爛菜無晒都refill得好慢再到飲品當日有柳橙沙冰可惜連沙冰都係無味所有既野好似開稀晒完全係浪費金錢！最緊要！！我朋友星期五食完星期六上吐下瀉真心恐怖 食咁多間第一次發生咁樣上吐下瀉真心無下次無下次！！！

趁有時間，就去行吓旺角新開既商場 T.O.P，入面都幾多餐廳。天氣凍凍地，就入左黎呢間菜菜鍋。一人一鍋，我揀左壽喜燒同蕃茄湯底。配料吧可以隨意自取火鍋配料，有肉丸、豆腐、蔬菜、菇等，幾多款式，而且算係新鮮。仲有得裝咖哩牛肉同飯，我就試左少少，質數唔差。仲有雪糕，糖水，汽水自助corner，可以自己任裝，隔離枱做citibank既媽媽級女人係咁讚話好抵食。醬料區有好多選擇，仲用陶瓷靚碟裝住醬料，用黎打卡一流﹗牛肉、豬肉方面就需要同服務員落單，職員會主動問要唔要encore，值得一讚﹗不過個壽喜燒既湯底，係要自己加，放係張枱個水壺度，入面有一片昆布，不過個水壺冇蓋蓋住，好似唔太衛生。

今日嚟到TOP個商場試吓呢個打邊爐系列嘅去到侍應就會問你揀咩款啦同埋要咩湯底，小妹就揀咗壽喜燒同埋蕃茄味入去呢一開始就梗係比佢個食物架吸引左啦 真係咩花款都有，仲有出面少見嘅紫薯食添跟住仲有好多好似特色丸子，例如香辣牛肉丸子雞肉軟骨丸子同埋芝士香草牛肉丸子侍應一坐低就會拎一碟豬三碟牛同埋海鮮拼盤調味架多選擇，擺得又靚咁食飽咗就梗係要食下啲甜品啦，仲有沙冰同埋雪糕任揀，呢到就食到90分鐘不過小妹個肚皮真係就嚟爆喇！其實除咗打邊爐，仲有熱食㗎例如炸餃子、湯、飯，仲有魚香茄子啊添總括，小妹覺得性價比都幾高而且仲係任食唔喎，下次會再搵埋幾個朋友一齊再嚟食

天氣凍最中意就係打邊爐！難得放假去咗旺角呢個新新地嘅商場行下，發現有家日式嘅任食邊爐，就一於試試！呢到有一人一鍋，又有大鍋揀。我地就試咗一人一鍋，仲每人可以揀兩種湯底！岩哂三心兩意嘅人呀！我揀咗芝士雞湯同壽喜燒，朋友要咗豬骨同麻辣芝士雞湯勁香滑，有鮮味又夠特別朋友嘅麻辣都夠哂惹味。醬料區有勁多選擇，岩哂濃味嘅人！自助區亦都多野食拎，有啲手打嘅膠，我地每樣都試咗啲雞軟骨膠好特別，爽爽地咁好食。飲品有沙冰同雜果水，好少有會有沙冰飲肉嘅質素都幾好，有肉味而且都唔韌肥瘦都適中，食咗好多碟！估唔到有一個好正嘅甜品放題！有幾款綠茶甜品可以任食，每人加小小錢咋！有我最中意嘅蕨餅，仲有芭非同芝士蛋糕等每樣都有水準，有濃濃嘅綠茶味！食到我勁滿足！真係勁有驚喜呀！

依幾日又黎凍返，又係搵藉口打邊邊既好日子。前幾日食完中式邊邊，今日轉下食日式邊邊 - shabu shabu ~依度個湯底好正呀，令人可以揀2個，我揀左蕃茄同喜壽燒，老公揀左胡麻海老同香辣，岩晒我地依d眼寬肚窄既人。如果打邊爐鍾意食菜既，我推介點喜壽燒湯底，因為湯底甜，d菜淥完之後，仲甜，好好味！個胡麻海老湯底，超多櫻花蝦，正呀！另外我地揀左個特選牛廣島蠔餐，兩樣都係老公鍾意食架😁個餐包括：廣島蠔： 又滑又大粒蝦：新鮮彈牙帶子：滑蜆：無沙又甜特選牛肉、特上牛肉、上等牛肉：好新鮮、顏色鮮紅，肉質軟豚肉：好甜、肉質軟其他配料好多，我推仲紫蕃薯，出面唔多見，岩晒我依d蕃薯友～野飲佢有少見既沙冰～要讚下佢依度既軟雪糕超滑👍🏻仲有陳皮紅豆沙超濃郁陳皮味

這兩日天氣又涼了一些，情不自禁就想食一些暖粒粒的食物，晚上一齊約放工後，朋友帶了我來旺角 Top 這間日式火鍋店。坐低之後，先揀選火鍋湯底和肉，我們選了胡麻海老湯和蕃茄湯，然後就在配料吧隨意自取火鍋配料，有肉丸、豆腐、蔬菜、菇等等。調味料的款式也有很多種，蒜片、蔥、辣椒等，色彩繽紛的小鍋裝着，顏色很美。牛肉的脂肪和肉平均，都很新鮮，而且可以吃完再添。墨魚滑很彈牙爽口，重複拿了兩次。還有是竟然有特色甜品，抹茶芭菲，抹茶雪糕很滑，又有白玉、啫哩做配料。抹茶 Tiramisu，濃郁的抹茶，下面是幼滑的可可忌廉。這個七彩丸子又是很可愛，不會很甜，很柔軟的，吃完很心滿意足。

我地去正旺角新商場TOP一間日式打便爐幾特別，喱到環境乾淨衛生，每個鍋都可以揀選兩種不同湯底，仲還一人一鍋形式，我和朋友揀左個平平地上等牛肉+豚肉任食嘅set，特選牛肉切得很薄，而且脂肪分佈平均；就算加左好多盤，質素都是很一致。我已經有幾年唔食牛肉了，個口味突然變左，唔仲意食牛肉，但今次讓我完全轉變了，個牛肉真的好好食，讓我又恢復返對食牛的信心。另外，這裡的調味料仲有好多選擇，任意供客人溝出自己適合既醬料。菜菜鍋」餐廳仲有好多食物選擇，重點是夠新鮮仲有紅豆沙糖水、雪糕，煎餃子，魚旦等等其他好多可選擇的食物，當食左好多牛肉及其他食品，超飽、超開心，應該還會在來，菜菜鍋等我地。

好耐無行旺中果邊,真係唔知原來有個新商場,好多精品買,頂樓又有餐廳,價錢又平,地庫又有food court ,都幾多選擇,經過呢間可以一人一鍋,又可以放題,又有甜品價性比勁高,平得黎又多選擇,入去嘆返餐湯底款式多,一個人可以點2款湯底牛肉海鮮都無限次數,真係好抵最估唔到可以點高質甜品牛肉都唔差架,色澤紅潤,有雪花豬肉都好粉嫩,新鮮野,讚一人一鍋,都放到好多野食海鮮,菜類,丸類,菇類,肉類,豆腐,應有盡有甜品每樣點左一款,真係抵平時一份都幾十蚊,雖然size 細DD但每樣都食到都幾超值

今日去去TOP行街，好岩我呢d偽年青人行，TOP入面有幾間餐廳，睇落都幾乾淨又吾貴，同朋友去左食放題，因為見到有抹茶甜品放題本身已經吾貴，有牛肉海鮮就係呢個牌吸引左我超多款式，而且真係新鮮，可能人流多，去貨快，即時refill ,所以無黃無爛有丸類蔬菜類飲品都健健，有檸檬水自助醬料熟食牛肉豬肉，都吾差少肥糕海鮮size 係細，但新鮮加無限refill ，抵一人一爐抹茶芭菲，細細杯，可以試多幾款抹茶欮餅，吾錯今次真係抵食，海鮮同甜品回晒本

海鮮牛肉  $239今日同朋友喺旺角彌敦道行完街，因為天有啲凍，所以決定去打邊爐。今次就試咗呢間日式火鍋放題叫菜菜鍋。同其他火鍋放題一樣，有唔同嘅湯底畀你揀，今次揀咗壽喜燒湯底同埋海帶湯。肉類呢就嗌咗特上牛肉海鮮鍋。海鮮包括廣島蠔同埋海蝦，熟食有咖哩飯，紅豆湯，炸餃子等等。嘢食除左普通嘅丸同菜之外，仲有一啲用牛肉同埋雞肉打成嘅滑， 肥妹仔我就試咗個雞肉雞軟骨滑。 味道不錯，個雞滑入面有好脆口嘅雞軟骨，食落去有驚喜。肥妹仔我覺得個咖哩牛肉係最好味，啲牛肉炆得好軟淋，至於炸餃子因為refill得好快， 所以都係熱辣辣。今次啲牛肉係特上牛肉，所以比較少肥膏，食落去好爽口。飲品方面有咖啡機，梳打水同埋幾健康嘅雜果水，當然唔少得雪糕機 。總括嚟講呢間日式火鍋比起出面嘅日式火鍋放題都比較高嘅水準，值得一試。