菜菜鍋(犇.石燒) (T.O.P This is Our Place) (已結業)

又係打邊爐既節奏~~~今次就黎左旺角既菜菜鍋~ 已經係我第2次黎食架啦~人少少就岩哂, 乜都可以食D又唔怕叫太多會浪費~菜菜鍋同其他日式任食火鍋都好似, 一樣係可以自助去拎菜, 丸類, 粉麵, 仲有飲品同埋雪糕~至於豬同埋牛都係一盤盤甘下單~個人覺得比較特別既係佢依個$269套餐係包埋任食海產類架!~!岩哂我依個唔喜歡食肉既港女啊~~佢個海鮮拼盤係有扇貝, 生蠔, 海蝦同花甲款式未算好多, 但都該有既佢都有架啦~而且無限追加, 要食回本真係冇難度啊~!

今晚收工同同事約埋食飯，大家都想打邊爐，去旺角新開既商場行下順便睇下食咩，見到有間叫菜菜鍋好似幾特別款式又多，因為佢係一人一鍋仲可以選擇兩款湯底，岩曬我，因為我都幾揀飲擇食，朋友有時落左其他我吾鐘意食既野會影響左個湯底，咁樣好好想落咩就落咩，又夠曬衛生，湯底仲有好多款選擇，個湯底好好味，基本上吾洗再點醬料都OK，食物質素都吾錯，值得下次再黎過😝

話說同老公去烚下烚下，點知咁都撞到兩個好耐冇見嘅朋友，仲要坐喺格離枱咋😂位於旺角嘅呢間日式火鍋，我地一人一鍋，每人選兩款自己鐘意嘅湯底....近門口位置仲有好多蔬菜🥬、雞肉、丸類俾你任攞...調味料亦有好多款可以選擇...🤩另外飲品除左普通嘅汽水🥤、咖啡外☕️，仲有一試難忘嘅草莓石榴沙冰...夏天熱辣辣，加上烚下烚下好易口渴...呢杯沙冰係最好嘅降溫飲料🤤朋友話呢到啲牛同海鮮都幾新鮮、價錢都係二百幾蚊位，原來佢地都嚟食過幾次了！我第一次嚟食咋，食完都覺得ok,下次可以再嚟😆

#shabusai #菜菜鍋 #火鍋控 的我吃鍋啦😉 今次食日式火鍋放題🍲🍲決定試下旺角新地標 T. O.P. 的那間shabu sai. 放題有分價錢由 $149-$329/ 位。我今次選了$269 的特選牛加海鮮😁任點任食，海鮮有大蝦、廣島蠔、大蜆、帶子🦐🥢我覺得海鮮整體都新鮮，我特別喜歡大蝦，點了10 隻蝦蝦都全部吃掉😁😁😁特選牛肉比較濃牛肉味，也是相當受歡迎的。不喜歡吃牛肉，還可以選豚肉，薄薄的超易煮熟。除了套餐食物，火鍋雪櫃裡的通通都是任食，多元化的蔬菜、丸子、粉麵，還有咖哩飯，甜品、雪糕、冷熱飲品一應俱存💁‍♀️💁‍♂️💁‍♀️💁‍♂️很貼心！！湯底也有多款選擇，是次點了每月限定的海老湯加傳統塊喜燒，每位可選兩款。基本用餐時間是1.5小時。菜菜鍋地址: 旺角彌敦道700號 T.O.P. This Is Our Place 3樓311號舖營業時間: 11:30 - 22:30電話: 27583900

食過返尋味指數：🌕🌕🌕🌗🌑最近要實行減肥，晚飯要戒澱粉質，唔食飯、麵、麵包等等。不過其實真係好難搵到經濟實惠齋食送嘅餐廳。偶遇TOP新場火鍋放題，全部都係肉同菜，而且先$150左右一個人，事不宜遲，即刻入去。意外驚喜，禮拜六7:00竟然唔洗等位！湯底其實同一般日式放題差唔多，牛、豬，分幾個等級。第一次食，而且根據過往經驗，唔同等級嘅牛其實差唔多，所以直接叫左最平嘅level。D牛都算係香牛肉味，對得住價錢。入到去，見到like page就送高級牛，試左下，今次真係好大區別！1. 冇咁肥，2. 牛厚身而且相好多！估計下次真係會叫高級牛啦！有竹筒滑，有沙冰，特別D。不過個竹筒D牛肉丸入湯就即刻散曬而且消失左….不過，美中不足，D湯就太淡，完全冇料，調味料個醬油就超級鹹，可能要當點雞咁蜻蜓點水就OK，當撈汁就好難啦。致命傷係排氣有D差，成個場煙霧瀰漫。不過咁嘅價錢有咁樣質素，都真係冇得輸啦！

呢間同其他shabu shabu店一樣，有幾十款食材任食：蔬菜、丸、雞、青口、面、前菜、甜品、飲品乜都有牛同豬都非常新鮮、好味一點都唔肥一人一鍋/ 一大鍋任選仲有得自己整軟雪糕除左shabu shabu，佢地的炸餃子好得

上次經開旺角見到有個新商場叫TOP入去行過街🥳🥳🥳成個商場賣嘅嘢都比較韓國化有唔少韓國品牌都進駐左呢個商場喺3樓有間叫做菜菜鍋嘅餐廳🥰不過上次見到好多人等位無食今日朋友收工嘅時間比較夜唔駛等咁耐就幫襯下🎊🎊🎊🎊喺門口見到有個湯底叫海老豚肉濃湯已經深深吸引着我♥️坐低咗原來每人可以揀兩款湯底係一人一鍋嘅形式我就揀咗海老豚肉濃湯同壽喜燒做湯底一人一鍋好方便之後侍應就拎咗我哋選嘅肉及海鮮其他打邊爐嘅材料就係出邊好似自助餐形式咁任拎嘢飲同埋醬料都係喺出邊拎我哋幾個都有拎佢嘅公仔麵都覺得佢個公仔麵好好味其中有一隻丸都幾特別係芥辣味佢哋嘅肉片都好有水準同埋一人一鍋方便之處個鍋鍾意點淥就點淥又可以自己調校大細火同埋啲材料好多海鮮同肉多到我哋根本食唔晒🤣

今晚即興約火鍋控老朋友聚會，揀左地點方便又乾淨企理既旺角TOP 商場。 三樓有間日本人氣過江龍shabu shabu，放題式任食，限時90分鐘。 可以選擇每人一鍋，或者一個大鍋。 平日都幾旺場，等候安排入座期間，可以擇定兩款湯底先。 -餐廳都頗大間，環境非常企理又一應俱全，有大大小小的卡位。眼見出面自助食物飲品，整整齊齊各式各樣分門別類。醬料十分多選擇，而瓶身色彩奪目。-🌟湯底1️⃣海老豚骨濃湯：這款是每月特選湯底！豚骨香濃，融入蝦味十足的蝦油，再配上櫻花蝦酥，湯頭非常濃郁。2️⃣海帶湯：這款相對清淡，更能品嚐食物最真實味道及鮮味，我比較喜歡用來滾海鮮。-🌟放題套餐：特選牛肉海鮮餐豚肉油花分佈平均牛肉；牛肉一片片薄切色澤新鮮，煙韌富嚼勁，牛味十分濃郁-海鮮拼盤賣相相當新鮮味道鮮甜，有廣島蠔、帶子、蝦🦐、蜆。我們encore 了數盤呢！ -🌟任食自助火鍋配料火鍋配料約30多款，還有最愛的super food 秋葵及羽衣甘藍。秋葵同羽衣甘藍營養價值極高，又極具抗氧化排毒功效，鍾意佢清爽既口感，拎左好幾round 😆 其他既蔬菜類都很新鮮，有冬瓜、生菜、南瓜、金菇、木耳，粟米👍🏻。其他配料都出色：貢

今晚同朋友去咗呢一間餐廳盡情地吃喝，呢度有好多價錢套餐選擇，我哋就揀咗特選牛肉海鮮特盛，性價比高，當日去嘅時間是晚上9:00，價錢$239，另有自選鴛鴦湯底；海老湯底，好濃嘅海鮮味和好多蝦乾做呢個湯底。另一邊是豬骨醬油味，醬油味比我想像中濃，味道剛好唔會話太鹹，值得推介！而且同牛肉好夾好配，談到牛肉，呢度的牛倫脂肪比例均勻。墨魚丸十分有驚喜口感彈牙，而牛丸都好食,豆腐卜就食得出係自己炸，同出邊食既唔同，浸著湯食就一流。值得一提的是這裏有多種飲品提供選擇令大家飲過返尋味haha...店舖裏面有珍珠飯食，建議可以同牛肉一齊食就可以食到牛肉飯的滋味.

上星期五放工同媽媽去左旺角既T.O.P.行街，而晚飯就去了菜菜鍋食火鍋。拎飛只需要在餐廳旁按人數就可以了！餐廳有多款特盛所選擇，另外湯底可一人揀兩個湯底；但注意：每月推廣湯底需另加１０蚊啊！湯底：我選了豬骨醬油味和蕃茄味；而媽媽就選了豬骨醬油味和黃金骨膠原雞湯。個人覺得蕃茄味和既湯底最值得介紹，因為蕃茄味道較濃郁，把肉類放入去，很快就吸入左蕃茄味，幾開胃！今次我們點了 - 特選牛肉海鮮特盤；當中包括：肉類：特選牛肉，特上牛肉，上等牛肉，豚肉；海鮮類：蜆，蝦，帶子，廣島蠔。海鮮類：蜆比平時既大隻，只要焯一焯即可食用，當中沒有帶沙粒；蝦SIZE也不細，蝦質實肉；帶子也帶點點鮮味；廣島蠔沒有腥臭味。牛肉類：焯後既特選牛肉好juicy，而且紋理好靚；牛脂分佈平衡，牛味濃郁。個人比較喜歡放至蕃茄湯底焯，令牛肉酸酸地好開胃！豚肉：豚肉片數量不少，吾食牛既食客也可以選擇。豚肉片同樣地juicy；而且口感不算太鞋口。另外，仲有糖水－陳皮紅豆沙；個人幾中意食，甜度不算太高，而且仲熱熱地好暖胃。仲有雪糕可自行針，好岩小朋友食用啊！雪糕又吾會好水又夠凍呢！

菜菜鍋旺角T.O.P 日式任食火鍋，今日同朋友喺旺角T.O.P.行完街，大家都想打邊爐，於是喺OpenRice搵一下有咩好食，見到開咗一間新嘅日式任食火鍋，仲可以一人一鍋。我哋就每人叫咗$269 海鮮任食套餐，海鮮任食真係好屈機，蝦、蠔、帶子、蜆、牛、豬，全部都係任食。海鮮都算新鮮，蝦都算大隻。另外蠔唔腥👍🏼牛同豬都切得好薄，質素都算唔錯。至於其他配菜，都係嗰啲，例如：蔬菜、丸、魚等等飲品方面，就有沙冰，仲有雪糕任食。整體都算唔錯，可以再食👍🏼

今日早左收工，出旺角中心夾公仔，玩到餓餓地就嚟到隔離新開廣場TOP搵野食，地鐵站其實一上就係，都幾方便。好耐無食壽喜燒嘅我哋就嚟到菜菜鍋，一入門口已經見到有好多配菜任食。我地揀左特選牛肉海鮮套餐，因為除左豚肉同牛肉外仲有廣島蠔，帶子，海蝦同硯，啱晒鍾意食海鮮嘅我哋。我哋叫咗一半壽喜燒湯底同海老豬骨湯同另一個一半香辣同豬骨醬油湯底，兩個人試到四個湯底，可以配返不同食材味道，出面好多都係兩人兩口味，呢個要讚豚肉因為夠薄，熟咗之後一啲都唔un 特選牛肉比特上牛肉更加少脂肪薄薄一塊好快熟，而且係可以任叫。有好多唔同醬料去陪食材，比較特別有花生醬，出面比較少見最多都係有芝麻醬，花生醬用來點菜同肉都好好食。一嚟到會有一份海鮮拼盤，可以無限追加，廣島蠔一啖一粒又唔會好細隻，好香蠔味唔會好腥。海蝦都好大隻又彈牙其實淨係食海鮮都足夠回本任食嘅配菜有青口，夠大粒啲殼冇爛，夠新鮮，仲有墨魚丸同墨汁墨魚包，唔知會唔會唔同時間有唔同嘅滑提供最開心嘅事見到我最鍾意嘅油麥菜，配海老湯估唔到咁好食食到飽仲有甜品可以食，今日有雲呢拿雪糕，仲有好多其他配搭另外飲品都係任飲架，可以試佢個橙味沙冰，都消到下濟，再食多兩碟肉總

同MY BOSS 去行街街黎到旺角又想打邊爐添於是黎到T.O.P 嘅菜菜鍋揀左廣島蠔牛肉 ($239)原來係一人一鍋 一人仲可以揀兩個湯底添我就要左黃金骨膠原雞湯加香辣湯底雞香味相當濃郁 充滿膠質精華 令人一試難忘火鍋配料亦相當多選擇最特別係有三款特色手打滑 味道唔錯👍🏻仲可以任食廣島蠔 特上牛肉 上等牛肉豚肉 甜品同非酒精飲品牛肉質素唔錯 廣島蠔鮮甜 可以一試🤤飲品區竟然有朱古力飲 好過飲汽水～新店乾淨食物水準唔差 位置又方便🙌🏼________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今日早收工輪到我去旺角接男人收工, 旺角中心隔離開咗新商場"T.O.P."咁耐都未行過, 原來樓上有好多餐廳, "菜菜鍋"呢個名都幾得意, 我地就揀咗呢間任食ShabuShabu。時間大約七點, 已經開始多人, 每人可以選兩個湯底, 原來一人一個鴛鴦鍋, 我揀咗壽喜燒拼蕃茄, 男人就揀咗豬骨拼香辣。 一個鍾意食牛一個鍾意食海鮮, 所以選擇"特選牛肉海鮮特盛"90分鐘放題。入座後店員好快就拎湯底俾我地, 會先上三碟特選牛肉, 一碟豚肉同一碟海鮮(蜆、 蝦、 帶子、 廣島蠔)。 第一時間梗係出去精心炮製醬汁, 估唔到有咁多配料同醬汁可選擇, 而且仲放喺五顏六色既Le Creuset碗非常吸引, 可惜太多只能試當中幾款😂"特選牛肉海鮮特盛"肉類方面同時可以選擇特選牛肉/特上牛肉/上等牛肉/豚肉, 我地仲每樣叫一碟試下有咩唔同, 個人比較喜歡特選同特上牛肉。每枱上都會有一壺"鰹魚昆布湯"可以供客人自己添湯底。 店員服務都幾好, 見肉類同海鮮類食哂就會黎收碟同問我地仲要唔要添加, 另外蔬菜吧都幾多野食可以自助夾取, 仲有羽衣甘藍添~飲品方面, 有Detox Water同橙沙冰, 熱辣辣打邊爐飲杯

朋友好喜歡潮流design飾物同時裝，帶咗我嚟T.O.P.行逛，原來旺角開咗呢個新場，吸引大批年青人，地鐵站B出口可直達，非常方便。呢個場都有一些新食店，正考慮會否食個shabu-shabu，在餐廳門外看看時，一位個子高高的男店員友善地向我們介紹新湯底，好吧！見佢咁有誠意，就呢間啦！一人一鍋仲可以每人揀兩種湯底，啱曬貪心嘅我，試下佢嘅骨膠原雞湯底及壽喜燒湯底，朋友揀咗較為清嘅海帶湯底及香辣湯底。骨膠原湯底果然香濃，壽喜燒湯底食到最後依然甜甜地，香辣湯底唔算好辣。先來三盤牛肉、一盤豚肉及一籃蝦同廣島蠔。牛肉好正！厚度啱啱好，淥十幾秒就食得，好香肉味，豚肉也錯，當然牛肉是我哋今晚嘅主打。蝦非常大隻，爽口彈牙，好多食客都有 encore。廣島蠔非常新鮮，脹卜卜，一口氣食咗好多隻。除咗牛肉及海鮮，食客可以喺出面嘅自助區揀選其他食物，包括各類蔬菜，有油麥菜、韮菜、秋葵、冬瓜，也有少見嘅羽衣甘藍，豆腐、雲耳、豆卜、冬菇、金菇、紫薯、芋頭、蓮藕，仲有幾款丸類，還有烏冬、青口、雞件同魚柳......。醬料區有十幾款不同的材料：辣椒、蔥花、芫荽、炸洋蔥、炸蒜、生蒜、辣椒、麻醬、花生醬、辣油等等，用七彩