菜菜鍋(犇.石燒) (T.O.P This is Our Place) (已結業)

早上和男友看完早場，剛好到了下午十二時，和男友吃火鍋放題暖一暖身。點了壽喜燒和胡麻海老湯底；壽喜燒是帶甜的湯底；胡麻海老似一般的湯底。*特選牛肉廣島蠔放題 ($219)牛肉切得很薄，而且脂肪分佈平均；就算再加點多幾盤，質素都是很一致。豬肉的質素都不錯，很嫩，而且切得很薄。廣島蠔、帶子和蝦都是放題最好食的是廣島蠔，很濃的蠔味；帶子偏細隻；蝦的新鮮度未算高，不過不失。還有很多不同的火鍋配料每樣都淺嚐少少。烏冬同豆腐紅豆沙不會太甜，而且煲到起哂沙。*手工甜品放題 (+$25)甜品數量不多，但都是日式甜品這個TISAMISU比較流質，芝士味很濃，有點似奶蓋的味；最底是海綿蛋糕。蕨餅很煙UN，綠茶味濃，帶少少黑糖的甜。綠茶雪糕芭菲，有白玉、銅鑼燒和啫哩；這個很值得一點再點！

今日同老公行旺角呢個新商場, 新商場少D人, 好行好多, 原來樓上都有食肆, 見到呢間食日式火鍋, 可以一人一鍋係門口已經見到哂有咩食, 價錢都可以接受, 位又未full, 就直接入去食就OK任食任飲都有幾個價錢, 我地揀左中間價既$189特上牛肉set, 每人可以揀2款湯底湯底, 一個係壽喜燒+香辣, 另一個就 蕃茄+豬骨個人推介壽喜燒+豬骨, 其實可以加錢轉特色湯底, 當晚係芝士雞湯, 我地怕太膩, 所以唔加 除左香辣湯底唔夠辣唔夠濃外, 其餘湯底都幾好坐低後, 侍應即刻上2牛2豬俾我地, 用疊盤上, 比較慳位牛肉滑嫩味濃, 油花算多, 口感柔軟, 而且唔係切得太薄, 咬時有D 口感, 我地總共食咗6碟牛豬肉質素唔錯, 無分grade, 口感厚實再要肉類既, 就要order, 但order 牛肉時講明邊種牛, 我叫過加特上牛, 侍應可能聽唔清楚, 拎左另一種牛肉俾我, 應該係上等牛而要蔬菜配菜就可以自己拎, 種類超多有二十幾款除左火鍋料, 亦有少量小食, 中湯其中咖喱魚蛋, 魚片頭都幾好食連飲品都係任飲, 主要都係汽水，熱飲就自己沖茶包飲品, 我覺得種類唔夠多, 如果有埋涼茶,

天氣咁凍，最啱就係去打邊爐！朋友話呢個商場開咗呢間新嘅shabu shabu，牛肉靚、蔬菜新鮮、仲有幾款甜品，今晚一於就黎呢度開餐！門口已經見到放滿蔬菜同配料嘅凍櫃，出晒煙咁，感覺非常新鮮！食物種類好多，除咗蔬菜，仲有豆卜、青口、魚柳、丸等等。等位期間先揀定食邊個set:我哋揀咗$269嗰款，貪佢可以不停食廣島蠔我哋每人可以揀兩款湯底，我揀咗芝士同埋豬骨湯底。一坐低侍應就會主動拎啲牛肉同海鮮黎牛肉非常新鮮靚仔，切得好薄，淥幾秒就食，口感好，牛味重！海鮮都唔錯！蝦非常之爽口彈牙！不停encore嘅生蠔都非常正，size唔細，而且煮完都唔會縮好多水！除咗海鮮同埋豬牛肉之外，出面啲配菜都唔錯㗎！響鈴好搶手，好快就俾人攞晒，好在餐廳會keep住refill 飲品方面，除咗一般飲品同汽水，呢度仲有自製嘅水果水。清清甜甜幾好飲之後梗係要食甜品外面有紅豆沙，另外仲有大人小孩都鍾意食嘅雪糕！雪糕嘅重點係有任加嘅配料有人食左幾round雪糕就係為咗要喪加配料～今晚食到好滿足，食完成個人暖粒粒

今日等埋先生收工，所以都比較夜，差唔多九點半打後，都唔知食咩好，最後我哋就諗住去新商場睇睇有冇咩嘢食。今次就見到有間任食打邊爐，有唔同價錢同湯底都幾吸引，所以我哋最後就喺度攞飛等大約等左20分鐘就入去。入邊都幾大而且都幾舒服，湯底方面都幾特別有大有細，最後我哋兩個選擇咗細鍋，可以有四款湯底選擇，今次就叫咗芝士雞湯、麻辣、番茄和壽喜鍋，邊爐料選擇咗海鮮牛肉二百幾蚊都幾抵食，而且出邊都有好多菜嘅選擇，同埋仲有咖喱飯飲品都算好多。飲品有汽水咖啡雪糕仲有沙冰都幾特別我哋最後再加上一個雪糕放題甜品放題嘅選擇都有，好幾款最後我哋仲叫咗幾款。湯底方面四款，味道方面我哋兩個都比較鍾意食蕃茄同麻辣，麻辣味係比較偏辣但係唔會好濃嘅味道都幾特別，番茄味都好濃郁，另外果兩款芝士雞芝士味唔算十分之重，湯底味道都吾錯，另外一款就甜甜幾幾特別。牛肉同豬肉和海鮮都係可以任食，牛肉嘅口感都幾薄身味不錯，豬肉嘅味都OK最後我哋將我哋就叫多咗一次已經好夠海鮮。菜方面嘅選擇唔少，不過我哋最後都係要左芋頭菜公仔麵，牛丸同埋貢丸食晒全部野食都已經十分之飽。鍾意白飯不好錯過加咖喱，咖喱味唔算好辣，但係好香口配上白飯啱啱好，不過可能

與朋友仔去逛旺角新商場 T.O.P.行過這間在東京、大阪、京都、福岡等地設有分店的火鍋放題連鎖店食個放鍋放題至去掃貨 ...我們揀了特上牛肉火鍋放題 HK$149 一位，限時 70 分鐘可任食特上牛肉、上等牛肉、豬肉、野菜、甜品和非酒精飲品牛肉和豬肉片都不會太厚 ... 涮幾下就食得，啱哂心急的我 !!!湯底揀了個鴛鴦鍋 ... 每月推介的【車打芝士 X 雞湯】拼【豚骨醬油湯】車打芝士雞湯不會太濃稠，涮過的食物多了芝士的咸香，不需點醬汁都好味重口味的也可以加添各式各樣的醬料 ...蔬菜、丸類、麵選擇頗多 ...飲品選擇也蠻多 ... 除了汽水，亦有各款茶包、沙冰、白咖啡、奶茶、朱古力咖啡等 最後，當然要食杯軟雪糕至完滿喇 !!! ** 以上分享是以我的口味、喜好和情況作出分享及感受，一試 / 合用與否請自行決定

I don't often have shabu shabu but went here because I mistook it as a shabu shabu for veggies because of the Chinese name.When I got there, they had both which was great.It is all you can eat and starts at $149 depending on which meat you choose.If you choose seafood or premium beef it costs more.At the entrance, there is a buffet bar with ingredients for the shabu shabu and they have rice, curries, and desserts as well.It was good that we went early because there was less people.I was satisfie

終於等到星期一可以放假同朋友出去旺角行街 朋友提議食d shabushabu 平時夜晚食火鍋放題就話怕肥啫 但lunch食又有成日消化就無所謂啦 有70分鐘任食我哋就揀咗特上牛肉 睇入去之前每人可以自己揀兩款鍋底 我就揀咗蕃茄同海帶湯底 朋友就揀咗豬骨醬油味同香辣味 一坐低我就食咗碗咖喱牛肉飯 咖喱幾香濃仲有一粒粒薯仔 牛肉同豬肉都幾新鮮 不肥不瘦 食落有少少脂肪幾好味 仲有唔同蔬菜丸仔可以揀 嘢飲方面都有唔同茶包揀仲可以飲咖啡奶茶 朋友仲食咗杯雪糕先走

畢業季節又到啦 行開旺角要買畢業禮物俾朋友 發覺top呢個商場裝修都幾靚 突然想食shabushabu 所以就衝左入去食***我地揀咗特上牛肉 有牛肉有豬肉食 由於實在太肚餓 未等得切個爐熟 就即刻拎咗一啲熟食e下肚先 有蠔油炒雜菇同炒雜菜 感覺先食菜再食肉冇咁肥哈哈 其實以$149呢個價錢來講都算抵食 肉質都算嫩幾鮮紅 仲可以有兩種湯底揀試下唔同味 個人就中意車打芝士雞湯 好香好濃郁 自己仲可以調醬汁 最後仲食左碗紅豆沙 幾香果皮味😋***

朋友相約於旺角見面，當然我們也是為了吃一頓好的，得知於旺角地鐵站附近開了一家新的商場，當然要前往朝聖。朋友還介紹， 內裏的一家火鍋店，其實早已於日本吃過， 性價比十足，今次於香港再會，期待。裝潢方面與日本相約， 最大分別就是位於門外的取位裝置。我們選擇了壽喜鍋配海帶湯底，味道簡單。最重要店員說全是日本空運過嚟。我們吃的是上級牛肉， 肥瘦適中， 肉味十足， 當然是任飲任食，作為牛魔王，一定吃番夠本。 另外，餐廳還提供豚肉，豚肉味道還不錯，但個人認為， 還是牛肉比較出色。配料方面，全部自取自助形式， 款式種類眾多，絕對適合一班朋友吃餐好喝個夠。下次再嚟食過，不過一定嚟食午市，因為相同嘅食物但價錢大不同。

黎開旺角都中意黎T.O.P開餐，中意行哩個新商場。好幾間餐廳都已經食過，行經3樓見到哩間日式火鍋店幾吸引，價錢又ok，就入左黎試。揀左一人一鍋，要先落湯底再入座，限時90分鐘。坐低後好快黎左湯鍋，牛、豬、海鮮，我地揀左$239一位，海鮮牛肉任食。牛肉同豬肉都好新鮮，睇顏色就見，牛雪花分佈都好靚。海鮮有蝦、元貝、大蜆，正！中意濃味d既推介芝士雞湯，好香濃，將d肉落落去都唔洗點醬油食。中意清甜口味可以揀蕃茄湯同豬骨湯，都不錯！食完火鍋唔好miss 左糖水呀，食左陳皮紅豆沙好味！

同啲同學放左學行下附近個新商場top可能個商場新喇唔太多人行個商場咁岩見到依間邊勞本身冇諗住食嘅淨係望左眼但個staff冇啦啦係到介紹話好平好抵食咁我地就再望多下喇跟手個staff仲話你可以入去參觀咁就入去睇下佢有啲咩食野見到佢啲野食都多但種類上唔多咁我地見又餓餓地咁就入左去食個定食邊勞入去之前就簡個湯底先喇每人都可以簡兩個湯底咁我地分別就簡左壽喜燒+香辣香辣+昆布昆布+芝士雞濃湯香辣味個湯底唔太辣似係有啲味黎吊下味啲野食加落壽都唔會好辣但粉絲加落壽都唔錯壽喜燒湯底甜甜地啲肉落打完全唔洗點汁食落啲粉絲打都好正昆布湯底好清落野落去打比較原汁原味芝士雞濃湯湯望落個湯底都好濃下幾重口味但食落又唔多覺係咁濃芝士味啲湯黎到左之後我地就出左簡野食出到去自助區簡野食喇佢個到啲菜嘅種類都幾多下平時打開邊勞啲菜佢都有嘅丸類個啲就得兩至三種係極少丸可以打邊勞麵類佢都有2-3種烏冬同粉絲拎去打真心好食粉絲勁入味我地食個個係定食黎得一碟肉嘅可以簡豬肉/牛+豬嘅全豬肉嘅啲片數都幾多嘅大概有6-8塊嘅牛+豬各有一半牛就大概2-3塊左右因為我地幾個女仔食唔到咁多肉所以先叫個定食依個邊勞我地覺得都ok嘅唔算太貴

行過TOP見到有新野 見到下午茶價幾吸引 食set最平59 任食都係99 忍唔住就入去試一試因為下午茶關係 店內得2 3枱客 所以唔洗等位 而作為牛肉愛好者就嗌左一個和牛set ($119) 同一個特上牛肉set ($79)和牛set 119 預左會一係少 一係唔太好食 所以都唔會有太大期望 致在過下口癮 上到嚟亦不出我所 數量不多 和牛油花亦都好少 食落同出面連鎖火鍋店貴最平個set一兩級嘅肉差不多 特上牛肉亦好一般 似係其他連鎖火鍋店 最平嘅set至於湯底 叫左豬骨湯同蕃茄湯 豬骨湯正正常常 但蕃茄湯就冇乜蕃茄味 反而比湯入面嘅黑椒搶曬味 叫黑椒蕃茄湯更為合適疏菜方面 唔知係咪因爲下午茶 有啲菜冇乜 但冇refill 種類亦好有限 亦唔算新鮮 有啲爛左嘅菜冇揀出嚟衛生方面 見到有啲碗 杯 羹有油跡總括而言 真係好一般 希望係因為下午茶先係咁

前天翻看手機上的火鍋照，不禁又想吃個火鍋來。今天晚上，就跟寶寶來到旺角一個算是新的商場 T.O.P, 這商場有個樓層是跟旺角中心是相連的，而底層亦跟地鐵站相通，下雨天🌧️來也很方便👍🏻今天是星期四，店舖裡面人不算多。我們選了入門級的上等牛肉，及一個鴛鴦湯底大鍋（店家也有提供一人鴛鴦鍋），湯底方面選了我最愛的壽喜燒😋，以及豬骨醬油湯。調味吧有芝麻醬、花生醬、辣椒油、醬油、柚子醬油，以及很多配料供客人選擇。自助食材吧的食物較一般火鍋店少，只有30種左右，但店家添加得頗快，我眼看被拿光了的食材盤，5-10分鐘後已再次添上了。飲品吧有6款飲料，芒果沙冰及雜果水。旁邊還有呍哩拿味雪糕機及9款雪糕配料。回到座位上看見職員已把3盤牛肉及1盤豬肉放在我們的桌子上。牛肉質量不過不失，反而豬肉較出色😯 自助吧的蔬菜很新鮮，我沒有吃到/看到爛了的菜。推介牛丸，很有嚼勁，有少許牛根且有肉汁，口感一流。3款自挖式的丸子較其他火鍋店特別，美味與否純屬個人喜好，我挺喜歡那個芝士牛肉丸子及香辣牛肉丸子。本來我的壽喜燒是用來配吃烏冬的（我個人很喜歡壽喜燒配烏冬這吃法，嘗過一次以後便愛上了😋），眼見這裡的即食麵也很特別，跟

旺角新商場T.O.P中搵食，行行下見到呢間唔錯喎日式涮涮鍋放題一人一鍋首先要簡左湯底先，之後再入坐可以任食大約2小時我地節左$239特選牛肉，呢個組合係包埋海鮮既壽喜燒，沙爹，豬骨醬油，蕃茄，海帶，香辣既湯底都可以任君選擇。一次既三人份量海鮮我的壽喜燒和海帶湯底一面甜，一面就好清湯個煱都幾精緻，不過下面個電子爐都係一時時忽滾忽唔滾甘，只有用火爐先會有長滾效果套餐任叫的有牛肉同豬肉同海鮮其他出去自己拎既

見天氣唔太熱，男友又想打邊爐，就嚟試下𠵱間新開放題火鍋！火鍋配料種類都唔算太少，有油麥菜、紫薯😋、冬瓜、仲有咩爆辣牛丸(好似墨魚滑嘅物體)等！湯底都有幾款揀，有壽喜燒、蕃茄、9月推介嘅沙嗲湯底等！每鍋可揀2款湯底𠻹，啱哂我同男友😂我揀蕃茄，男友揀佢鍾意嘅壽喜燒湯底！另外，都有幾款套餐可供選擇，有最普通嘅牛肉(waitress話肥啲)、上等牛肉(waitress話瘦啲)、再上就有埋海鮮食𠻹！咁我哋最後揀咗上等牛肉！不過嘢食一般啦，唔太好，唔太差😅食落牛肉味唔太出，不過有樣好奇怪係無論你用咩湯底，都係加昆布湯🤷🏻‍♀️搞到壽喜燒湯個味冇左甜味...但有多咗種咸咸地嘅味😅仲有個人認為服務一般般，我都明10點鐘餐廳都要埋數，但waiter就咁擺張單喺枱面，乜都冇講...唔係見住佢擺張單都唔會知要埋單...