菜菜鍋(犇.石燒) (T.O.P This is Our Place) (已結業)

趁有時間，就去行吓旺角新開既商場 T.O.P，入面都幾多餐廳。天氣凍凍地，就入左黎呢間菜菜鍋。一人一鍋，我揀左壽喜燒同蕃茄湯底。配料吧可以隨意自取火鍋配料，有肉丸、豆腐、蔬菜、菇等，幾多款式，而且算係新鮮。仲有得裝咖哩牛肉同飯，我就試左少少，質數唔差。仲有雪糕，糖水，汽水自助corner，可以自己任裝，隔離枱做citibank既媽媽級女人係咁讚話好抵食。醬料區有好多選擇，仲用陶瓷靚碟裝住醬料，用黎打卡一流﹗牛肉、豬肉方面就需要同服務員落單，職員會主動問要唔要encore，值得一讚﹗不過個壽喜燒既湯底，係要自己加，放係張枱個水壺度，入面有一片昆布，不過個水壺冇蓋蓋住，好似唔太衛生。