菓一道健康餐廳 (已結業)

有一段日子沒來這裡了, 因之前的食物煮得又醎又跌watt, 是日看到門外的餐牌給這個「芝味腸蘭花黑米薯蓉」的下午茶餐吸了入來, 可惜只是虛有其名, 吃落薯蓉完全不夠香, 黑米只得少少, 西蘭花賣相與味道像是給婆婆或bb吃的, 雖然這個下午茶材料看似不少, 但其實只是求其炒埋一碟, 離座時見到格嚟位小姐同我的order一樣, 心想:又中計啦妳!

星期日約左位朋友食lunch,一點半到都要等左一陣位先入得去,menu有好幾款選擇,亦有素食既,價錢大約$40幾-60幾倒,加多$5可以轉set(湯+包+茉莉花茶),是日湯水為蕃茄燕麥湯,都幾夠味,但始終好南瓜湯多d,烘到脆脆既合桃提子包好好食,普通茉莉花茶,朋友加多$10要左凍華田(如唔跟荼,可加$10轉餐飲,如奇異果汁,凍檸茶等等)我地share二個set lunch一個$48,一個$58,未計另加$轉set,d名唔係好記得)1)芒果汁三文魚墨汁意:三文魚份量唔太多,魚下有椰菜,有幾粒仔既芒果肉,三文魚比較咸,意粉幾好唔會太淋但就無咩味~個餐一般,下次唔會再order!2)煎沙孟魚糙米飯:沙孟好好食,都幾厚肉但係得一塊咁多,但多左配菜,我幾鍾意d飯一粒粒咁乾身,幾有口感,呢個比起個三文魚意好食!Total:126

早兩日食滯咗, 今日想食清d. 咪去呢度食…我加咗 15 蚊做set din, 個天使麵都ok 架！同一款dish 我都食咗好幾年架喇！味道依舊, 算keep 到吖！有蜆有野菌同充足的西椒, 麵身剛剛好.個汁都幾惹味.咁餐包係合桃包, 味道原始, 咁食落都冇咁內疚, 同埋上枱時都熱辣辣,<--呢樣好過我大埔奧利飛亞的餐包XD餐湯都係咁la. 點睇都唔似罐頭杰撻撻猛落cream 的貨式, 而當日湯料仲好似用到南瓜添！熱黑豆漿依舊一様好, 咁當然不能同自製隔豆渣的相題並論.問題嚟了！朋友的吞拿魚意粉, 麵身剛好唔太淋, 但問題係睇怕當中的吞拿魚係用到罐頭. ( 咁當然係罐頭, 難道我會期望佢去大西洋捉咩！) 不過…個吞拿魚真係好鹹呀！可能本身個罐頭魚已有調味, 再加埋烹調時落o既鹽, 真係全部吞拿魚要new 返晒出o黎，要浪費咗 d 食物都好無奈囉！甜品咪雪糕一個.對我嚟講，今餐抵架！咁幾十蚊一餐又坐得舒服唔洗食二手煙, 咁我俾錢都俾得條氣順d 囉！

had a cod fish with 喬麥noodles. the fish is very salty. the noodle and sauce is ok. my friend had a pan-fried apple and scallop pasta with sesame sauce. tastes ok.+$15 have soup, bread, drink and ice-cream. worthy for money.

食過好多次，亦都幾喜歡這間店子，因為幾健康同唔洗加一。可惜，依家要加一了。不過都算抵食既，dinner如果叫set真係好飽架!我最鍾意就係個餐飽，暖暖地，好好味!反而d餐湯就一時時啦，而main course睇你叫咩啦，我覺得漢堡扒就最好食啦。不過杯柑桔青檸就過酸lu。

呢度o野食比以前多選擇,味道仍然好,少油少鹽;最抵就係紅糙米無限添加...食得好飽

點了鮮茄香菇什菜焗糙米飯餐。先來南瓜湯及自家製合桃包, 湯中有絲絲南瓜, 雖然很清, 但不失南瓜味, 鹹淡度適中, 不錯。麵包烘熱上, 小小一個, 外皮焗得香脆, 內裏軟熟。主菜焗飯, 焗盤邊有點焦, 影響賣相, 但新鮮熱辣, 味道不錯。雜菜鋪於糙米飯上, 淋上點點鮮味的蕃茄汁, 清淡得來不會無味。茄汁鮮甜帶點酸, 跟飯是好配搭, 雜菜不會因焗過而變乾, 美味!餐飲熱金桔青檸, 不太甜, 有點酸, 跟著食了一球有點點豆味的豆腐雪糕, 完成了一頓清淡有味的晚餐。

7.6(四)影完智能身分證黎呢到食tea叫左個雲吞炒蛋菜蒿麥面加凍檸茶$20味道好清淡,無油,但唔會淡到接受唔到,間中健康一下都ok,加上tea time黎食真係好抵~另有加一~

以往喜歡到菓一道食下午荼, 因為好味兼抵食。但對上一次到此吃完後, 便決定非必要也不會光顧, 因為她的Tea set 加了價, 不同款式食物價錢也不一樣, 很貴, 覺得物非所值。今日因為病, 要食d 健康有益食物, 諗起菓一道, 心想貴都照食啦...居然有驚喜, tea set 回復劃一價, 9 款全都是$28。點了鮮菇素腩湯米粉。冬菇夠味, 素腩是仿生腩吧, 絲絲大豆纖維堆成如肉丸般, 咬落質感有點煙韌, 有點點咀嚼牛腩的感覺, 味道雖然不像牛腩, 但倒有少許肉味。湯底當然很清, 他們都是主張少鹽少油原則。雖然如此, 但也不會淡而無味, 符合健康一族的要求。此店環境舒適, 綠白色為主的裝修, 使人有休閒感, 可以慢慢享用健康食物。好, 以後可以續繼來食tea 了。

6.7(星期三)同媽咪黎左呢到食dinner叫左2個sets,分別加左$15同$25跟餐餐湯係蕃茄湯,清清地唔錯salad個dressing好好味,d菜好fresh合桃提子麥包好好味,暖暖地,外脆內軟,好香主菜分別係雞扒紅糙米飯同鴨胸糙米飯,兩款都唔錯,有好多配菜,好健康,不過雞扒就有小小"high"我杯檸檬柑桔就太酸,好似細個食個d檸檬糖甜品要左黑加倫子jelly同朱古子雪糕,okoverall好滿意,值得一試再試~

今日食左個set lunch , 煎帶子天使麵. ok 啦, 不過不失, 同埋我覺得今次的份量多左, 食完都幾飽~

黎呢到都食左十次有多,好鍾意叫我d女仔朋友黎食,(因為我男朋友唔係好鐘意食糙米呢類食物),而呢到既飯類大多数都係糙米,紅米.最鍾意食呢度既焗飯同埋天使麵,焗飯好多汁同埋好香,最緊要係唔覺得佢有味精,同埋全部係用oliver oil,感覺健康d.不能錯過既係加$15跟餐既餐包,係合桃提子麥包,自製的,上檯時還暖暖的,很喜歡.正餐後再來一個雪糕或果凍作結.髭感覺很滿足.不過環境比較嘈吵,缺乏一些可助吸音既布製傢俱或牆身裝飾.令整個環境都很'應聲'.傾計有點辛苦.但食物真的不錯.

行完山，唔想食得太heavy，於是在眾多選擇下揀了這店tea一tea．我叫左個雜菜蕃茄魚湯米線($30)．都幾多蔬菜，麵線幾滑，湯底好味．另外再同朋友share個芝麻吐司，係厚多士，熱辣辣，唔錯．

迎月之日的下午，忽然下起大雨來，令到原本的戶外活動，變了在商場打發時間。同太座行經這裡，比佢見到「高纖」、「健康」這幾個字，就嚷著要來喝下午茶。又講真，見到這幾個字，好多女士，甚至男士，都會發狂的。呢度幾大，裝修簡單，單邊落地大玻璃，坐落都幾舒適。下午茶選擇不少，有多士，有沙律，又可以叫意粉，或炒飯都有。太座想吃厚多士，就叫了提子蜜糖芝士花生醬厚多士，加杯蜜桃茶，我不想吃東西，就要了杯咖啡算了。厚多士果然幾厚，芝士四四方方的溶在包面，賣相也不錯。原來提子蜜糖是包的種類，烘了多士，都熱辣辣又脆口。多士夾心塗上花生醬，味道不錯，不過個人覺得，如果是果占會好吃一點；蜜桃茶幾甜，熱咖啡就無咩香味，食品好過飲品。埋單60蚊，悠悠閒閒的坐了一刻鐘，都不錯。不過離開時才醒起，吃的同「健康食品」有咩關係呢？

i had a baked seafood brown rice with pumpkin curry sauce $48 tonight. the curry is not spicy. there are some vegetables, one mussel, some tiny shrimp, squid and fish fillet. the fish is too salty. the sauce is so so.my friend had a salmon squid ink spagehtti $65. the salmon is quite small. not worth for money. there is no walnut bread tonight but the waiter didn't tell us. only gives a very very small piece of bread. quite disappointing. (+soup, bread, drink and dessert $15)