菓一道健康餐廳 (已結業)

沙田雖大,叫人印象深刻的餐廳卻不多,每次來新城市廣場,十次有八次會揀這間餐廳,說它是我的飯堂真是不為過~其實論味道,菓一道也談不上有多驚艷,但論環境卻是幾好,不嘈,適合傾計,服務亦不差,阿姐總是面帶笑容,有禮貌得很,這次同Margaret兩人食晚餐,沒有意外,又揀了這間,一份鰻魚飯,一份鱒魚炒飯,跟餐我的炒飯先來到,我平日澱粉類食物食得相當之少,唯獨這裡的炒飯例外,皆因它夠乾身,而紅糙米又不似普通白米那樣腍,但每次食這裡的炒飯對我都是一個極大的挑戰,因為要挑出入面的青椒彩椒洋蔥與蔥實在是工程浩大炒飯中的鱒魚都算足料,飯加了薑粒一齊炒,帶走了魚同魚籽的腥味,味道不錯鰻魚飯亦都幾吸引,拌上汁,連非大食女的Margaret都消滅掉大半,如果可以用珍珠米來代替普通的白米飯相信會更好一些~條鰻魚雖算不上肥,但是夠滑,不過比起三河屋的鰻魚飯,無論是價錢還是質素都是後者略勝一籌飲品依舊是無糖的黑豆漿,甜品兩人則都要了豆腐雪糕,完全不夠填我的甜胃 XD 再加上南瓜湯,餐包,與整塊牛油(=v=b),雖然在"健康餐廳"食嘢,但真要計算熱量,怕是亦不下800卡,真是罪惡罪惡

2 ppl went there on Wed after Christmas. we chose it because of the healthy food and location. More comfortable than old TST shop.really a lot of varieties: rice, pasta, veggie, sweet, drinks...just not quite suitable for meat-loverswe picked mushroom with angel hair, rice+spinnach soup, honey herb tea, black bean drink & sausage brown rice + yee mai chinese sweet soupdrink - large portion & taste goodrice - right temperature & moisture & stickinesssausage - so sopasta - taste light & not heavy

和朋友午餐來了這裡, 因為她話要健康d!咁又o岩既...12點半來到, 不用等.看來都俾烏冬舖搶了不少生意呢...趕, 唔諗了, 1號餐, 即香橙蕃茄蒜蓉汁板燒雞扒紅糙米飯吖!另外要了湯+餅.湯係幾年來都係這螢光燈的湯... 味道都係一樣的呢.餅脆而薄, 冇乜味的, 點湯食又ok 噃.香橙蕃茄蒜蓉汁板燒雞扒紅糙米飯之後上.真的有片橙.蕃茄蒜蓉汁味都幾濃, 但又未到咸過龍.雞扒有兩塊細的, 已去皮, keep 倒500卡以下吧, 因食落也少油.紅糙米夠晒飯味, 也好咬口.也跟些菜及瓜的, 咁又係, 冇菜又點叫健康餐廳呢?之後, 食埋片橙, 鮮甜~服務很好.

其實我成日想寫呢間野．不過唔知點解openrice成日都唔批 今次就再試寫啦好鍾意食佢因為有創意!真係會用大量蔬果做食材．味道又夠最鍾意南瓜豬肉米線仲有tomato牛肉飯夠香又夠味我食過tea同lunch都好抵．50一個set包你湯．主菜．飲品而且甜品亦唔貴．最岩幾個fd一齊去食的

有沒有朋友像我一樣不愛食魚呢？菓一道的瓜菜我相信不少人都食過甚至我相信亦有朋友像我一樣對它的清淡菜式不存反感，說到它的瓜菜就不須贅言，但今日反而我想講講它的魚。海苔海魚柳卷配紅米飯$68魚柳肉質具彈性不霉爛，食得到魚本質的鮮味，與雪藏魚班塊或龍脷柳係兩碼子的事。卷中心的海苔餡亦更帶出魚的鮮味，而當中的海苔亦真材實料，不混有沙粒，因為屋企人曾為我這個漢奸物色過不少的海笞，當中最得我歡心的係日韓海苔，但在大型超巿賣得勁貴，$3x只得一小包碎塊，而國產的海苔是有沙的，用來煮麵煮味噌真的大殺風景。這個飯真係賣貴精不貴多，雖然質素交足貨，飯量與魚柳的數量成正比，食埋配角瓜菜女仔應該剛好，但男人應該唔夠。講份量，我另有兩個魚類伴碟的心水選擇，男仔應該食得飽。一個係焗南瓜咖喱飯，另一個係蕃茄天使麵，這兩款我係常叫的。兩款伴碟的龍脷柳用很少的鹽都醃得夠味，沒過鹹，微煎金黃已好好食。在這裡我就沒試過叫銀鱈魚，因為此種魚就一向都貴，在普通食肆叫我就未必有信心。但另有一款魚我有次靠黐同行的晚餐叫白汁薑葱xxx魚我覺得都唔錯，本身都食魚的人可諗諗這個，至於直頭本身在家在外唔係完全食魚像我怕腥的人可諗諗我上述分

10月15號舊同學的飯局其實自己黎過呢間餐廳兩次都唔錯既選擇兩次都係ARM ARM FULL 唔駛等位 仲有卡位坐 (兩個人傾下計舒服D)友人食左 龍脷柳+薯溶小弟食左 前火雞扒拼紅糙米飯好多菜個湯今次好次稀左少少......麵包唔係暖的主菜味道算唔錯不過小弟同友人都食唔哂甜品要左果凍 飲左柑桔檸檬同蜂蜜綠茶 (前者過酸，後者過甜)小結：食物味道還好，侍應反應迅速，主打健康小插曲：唯一無奈的係杯水無啦啦有隻蚊係水面掙扎...要換過杯(侍應都一臉無奈)同埋都幾多人坐耐左覺得冷氣唔係好夠...但係都坐左個幾鐘，個MOOD 都係幾輕鬆，價格可接受。

8/10/2008去沙田食飯,來左呢一間餐廳,我地叫左海鮮天使麵同埋煎雞扒紅糙米飯.前菜有海哲同蘿白苗,南瓜湯好甜好好飲,我仲以為係蕃薯湯來.d雞扒同海鮮好新鮮,一d雪味都無,野食既味道又調得岩岩好仲有個甜品荔枝果凍,又唔太甜,真係好健康既一餐!

408卡的午餐!我要8號, 朋友要7號.十分鐘內有得食.正正正!我的南瓜湯 ok.跟湯的麵包片好味!好健康呢, 好過家中食....

好耐都黎過食Tea，見佢成間舖換過d枱櫈，menu好似有新野，雖然加左價，但都入去試下。下午茶餐最低消費$28，凍飲加$3，轉咖啡或黑豆漿加$3，好似唔係太抵。 叫左兩款茶餐，烤雞麥包同蝦多士，份量都幾多。初時，諗住食d香口野，以為蝦多士係炸既，點知原來係台式吐司.. Anyway，味道唔太差。蝦多士既材料簡單，只係芝士片、千島沙律醬同雪藏蝦仔。而烤雞麥包就有沙律醬、雞扒同生菜。菓一道係sell健康既飲食，所以材料都比較簡單，但配搭都唔錯，而且地方幾好，又有街景，bb車都可以推入去，得閒會再去。

自從四月尾在菓一道拎左會員咭後，事實過後的幾個月都會一個月內幫趁兩三次，張咭九折其實等同免了加一，間接令我都keep住幫趁…直到八月初，menu換了新的，舊菜式的骨幹仲喺度，只係加了少數的新菜式。因為八月尚算間中會戒口，在家在外戒了一段日子真係口淡淡想縱容一下自己…其實都唔算放肆那種，星期一去到打開新menu只係揀了一個頗香口又對我胃口的菜式—焗煙三文魚芝士寬條麵$58。焗煙三文魚芝士寬條麵—其實我自己由讀書到依家都仲有時饞嘴鍾意食pizza hut的海鮮寬條麵，因為貪佢芝士sauce慷慨，有時為食到上枱後仲順手落芝士粉添！嘻嘻~XD不過菓一道這寬條麵驟眼睇就很有pizza hut寬條麵的影子，但到食時自己用叉去睇橫切面同裡面的料時，其實真係菓一道健康得多。因為表面的芝士漿其實真係很象徵式，睇就很澎湃，但其實只係薄薄一層，到食落可以話夠用夠伴麵，但唔會話多到漏兼令你覺heavy！芝士食落仍一樣車打芝士，因為焗料中除了寬條麵，當中混了足夠的蔬菜，蔬菜的汁水令整體焗得唔會過乾，但又唔會出水出到像水塘。過往半年食，所遇正的甘荀餐湯、南瓜餐湯、甜品的腐竹薏米糖水同花生麥米糖水都是我喜歡的。事實

直到星期五二人又再那裡dinner，佢就叫佢愛的焗南瓜咖喱飯，我就試叫香煎漢堡扒配紅米飯。撇除佢，焗南瓜咖喱飯我前後年幾兩年都叫過約三次，咖喱香而不辣，有青口，印象中有龍利柳，平均每次水準相差不大，每次都有75-80分。飯量都足夠，叫餐男仔應該剛好。香煎漢堡扒配紅米飯—漢堡扒約略微煎。而所謂漢堡扒的肉質就用上蓮藕碎代替，當中再混入肉碎。整體食落令我百感交雜，有很少很少的青椒味，但肉碎中又有很似混有很少很少鯪魚碎個質感，沾上微酸用黑醋開的伴汁又ok喎！又真係幾輕食主意，卡路里唔算多，肉方面佢大可以用免治豬肉嗰d，但肥d囉！不過這個菜我覺得較適合女仔食，男仔食應該唔飽。食後感：食埋甜品我愛的腐竹薏米糖水後，一同開飯嗰位勁八卦，yamp經理埋黎問…同行問：廚房煮嗰位係男定女？經理問：咩問題？(緊張的樣子)原本我搭訕想同行嗰位唔好搞到氣氛咁尷尬…經理反而問返我；咁妳覺得呢！？(基本上事情唔係因我而起)我答：我覺得係女。經理一般語氣問：真係肯定！？(似乎經理冇表情我都看不到破綻呢)我肯定地點頭答：嗯，我肯定。因為食了這段日子由伴碟直到調味，我覺得只有女性才會這麼細心，因為我覺得男人係怕煩的，不會

今晚和同事食飯，要左一個 set dinner：頭盤係酸甜既海蜇和菜絲加鴨胸，甜酸味適中，醒胃！南瓜湯濃郁，但唔夠香和熱。兩款Main course 係比目魚扒配有機紅糙米飯和香草野菌釀雞胸：比目魚和雞胸都無咩味，雞胸肉有些鞋。甜品選擇左紅豆雪糕和荔枝果凍，清清甜甜，幾好既飯後甜品！其實今晚兩個主菜麻麻，反而平時食呢度既午餐就幾好。要好味"菓一道"就一般，因為大部份既食物都較味淡；但如果想清淡一下，就可以黎試下。

今天，我到菓一道吃下午茶。我點選了一個套餐，有多士、磨菇雞腸、炒蛋、蔬菜意粉，也只是二十多元，還不收取加一服務費。服務也不錯，職員很有禮貌。日後我一定會再到這間店鋪光顧。

原本想試隔離間拉面但點知等位...手上張飛一百二十幾叫到八十幾隔離呢間有位等四十幾張枱梗係放棄啦望一望menu覺得ok就入左去友人無肉不歡二人餐素食太多放棄了最後點了餐牌上的22和23號加十八蚊轉餐先上南瓜湯味道適中 保留了南瓜的甜味不像平時街外的餐湯般太咸到主菜我點的是開胃的撈麵友人的是意粉挺美的... 可惜我們都沒帶相機(丟下太久現在才寫連名字也忘記了)平常在普通的食肆炒粉麵都太多油在這兒的就像自家制般太好了糖水我倆都要了熱紅棗雪耳同樣的也沒有太甜餐飲大家都要了柑橘檸檬在新城市晚餐80以下的選擇不多這兒坐得舒服又健康我會多來這兒

父親節，去沙田食飯，同屋企人食飯，梗係健康d喇，諗都唔駛諗就選了菓一道，七時去到，好好彩地等了不太久便有位了。一行六個人，每人點了一個set，我選了龍蝦汁龍脷柳黑米薯蓉set，有南瓜湯：幾好味，有南瓜味；龍蝦汁龍脷柳黑米薯蓉：沒有太多汁，但龍脷煎得幾香，亦夠味，不會太咸，不過個薯蓉有少少凍，而蔬菜份量保持一樣多；甜品 -- 水蜜桃果凍：一般。我亦有試其他人的羊扒，茄汁夠味，羊扒頗淋又有我鍾意的羶味。不過，他們的服務水平比較差，如點菜時粗聲粗氣、送錯菜，我們提仔又不理，越叫越走、上同一樣食物/飲品時，不是同時間的，如3杯蜂蜜綠菜可先上2杯，然後不斷提他才上最後1杯、餐湯亦一樣。只有一個應該是老闆的人比較稱職，其餘比較後生的真是有待改善，真是難為了那個老闆。他們的食物是不錯的，水準不會太過參差，如果服務質素能改善的話，生意應會更好。食物是笑、服務是咸。