菓一道健康餐廳 (已結業)

昨天在這裡晚餐開飯~最簡單二人叫了一個黑醋烤鴨胸冷麵及香芒燒雞胸紅米飯。反而今個食評值得我讚的是...竟然係set meal中的餐湯！咩傢伙咁巴閉要令到主角通通要讓路耶！？yeah...西洋菜忌廉湯是也。適逢十月時節除了芥菜得令，當然亦不會少了西洋菜的一份兒啦！普通白色忌廉湯當然人人都食慣亦冇咩烹調難度...(我估)！但西洋菜出名唔夠靚時食就會愜口兼入口苦苦。至於今天的西洋菜忌廉湯不但沒有上述的流弊，而且入口清新鮮甜沒臭青味~更會食到很真的西洋菜味！可口極了。恰巧又讓我昨天星期四於此店遇正它的set meal定了西洋菜忌廉湯作為餐湯實在係緣份的福氣...^^當時那一刻我真的有衝動想問有冇得添湯~嘻曾經在上星期晚巿幫趁時亦飲了一個甘荀或南瓜忌廉湯(我估+睇到像南瓜咁上下顏色而推斷)...當時那一刻都覺得這款餐湯很美味~但原來我喜歡的專欄作家說得對；"更好的可能在前面"！yup~個西洋菜忌廉湯做得更有水準。sorry~湯沒照相！因為飲得很忙...同埋看色澤都似係DIY的了(像豆蓉色)。一來暫且我沒有見過西洋菜的罐頭湯；二來早陣子媽媽親自做了西洋菜湯餃來招待我那位ex來我家食飯…而當天DIY

近期都幾常去呢間餐廳，因為它真的做到「健康」的原則: 有機糙米、多菜、素食、以白肉為主、少油(橄欖油)、少鹽及調味。好多餐廳話自己喺健康餐廳，但根本用的烹調方法就已經嚇死人：勁多油、勁味精，食物入口便騙不了人。但呢到唔喺架! 所以男友覺得佢D嘢太淡，唔夠味，不過我就好喜愛。去過尖沙咀同沙田兩間，meun一樣，但份量好似尖咀嘅足料同大D(同埋嘈D)，但沙田就好味同夠熱D。因本人在茹素轉接期，平日九成食的餐數都是素食，近期最愛: 焗茄子蕃茄雜菜紅糙米飯，份量夠，很足料，大大塊嘅茄子同蕃茄，跟一大堆椰菜、西蘭花、椰菜花、洋蔥、青紅椒絲(有時仲有金菇)，放在紅糙米飯上，用茄汁(帶有茄蓉)焗到熱辣辣，面頭帶微焦，真喺好好食。可能因為用紅糙米，雖然喺素食，食完都會十分飽肚。都有試過其他款的素食，都好味，如南瓜蛋白炒飯、西班牙雜菜炒意粉、素翅薯仔泡飯(其實喺薯仔汁底嘅risotto) 等等。試過一款維也納素肉腸紅糙米飯，好味但唔夠熱。有肉的主菜只試過漢堡雞肉紅糙米飯，雞扒大大塊，無混入肥肉，只是微煎，沒有炸，跟一堆菜同適量清淡嘅汁上，都好好味。(呢到d食物嘅汁唔會太多，健康d)仲有，跟餐湯(日日都唔

國慶長假連續兩天在家煮飯，第三天終於忍不住要外出用膳。新城市廣場人多得可怕，西田這邊卻空空如也，正好帶男友到這家一直想來的餐廳一試。環境以白色為主調，光線充足，感覺清潔整齊。Menu只有一張A4紙，食物旁註有卡路里，有蒜的話亦會標上，正合不吃蒜的我。其中一半主菜為素菜。分別點了兩個主菜為冷熱黑豆漿各一杯。煙三文魚帶子炒飯－－用糙米飯炒，炒得有少少燶，但糙米飯有咬口，比平日濕濕的炒飯好味。白酒莧菜雜菌天使麵（素）－－除了菌類莧菜，亦有三色椒絲，色彩豐富之除亦營養十足。黑豆漿－－熱豆漿由顧客自己加糖，喜歡原味的我當然不加糖，呷著淡淡無味的豆漿亦是一種享受。埋單$116，坐得舒服，服務員亦親切有笑容。比起坊間大量扮肉食又油膩的素食店，菓一道雖然不標榜素食，但更健康，味道亦勝一籌。

　　星期一同男朋友行沙田跟住見到呢間健康餐廳幾吸引，所以決定去試下　　入到去有個經理帶位，跟住睇個餐牌，都幾多野食，睇岩左就叫女侍應落單，個女侍應個樣好細個，所以就同佢傾下計，我男朋友問下佢有咩小食推介，之後男朋友見佢個樣咁細個就諗住玩下佢，係咁問佢野，但佢都好樂意咁解答，之後佢就幫我落左單，佢介紹ｏ的野都ｏｋ，全程都食得幾開心，侍應服務態度唔錯！下次有機會會再去食！

2007/9/22今日下午一個人行下新城市廣場，去之前已經上網搵定食店，行左一輪終於到左呢度～３點鐘，響門口企左陣，呀經理淨係拎午餐牌介紹，唔知點解冇下午茶牌，費時問而且見ｄ午餐都合心意，就入來試下。幾個月前響葵芳ＲＥＬＡＸＩＮＧ食過人生第一次墨魚麵後，從此就愛上。今次試試呢間出品如何？蟹肉海皇魷魚燴湯墨魚麵(4XX卡路里)＆凍石榴茶。幾分鐘食物便到。先說果茶，一拎上手是熱的（？！），待冰溶咁ｄ，先至飲得落口，味道是不錯不過覺得甜左ｄ。再說下個主菜，材料除左個麵名包含０個ｄ之外，仲有大量５顏６色０既瓜菜＾＾未食已經知道很健康（哈哈）麵條很彈牙﹑燴得很入味。他們的湯燴原來不是將麵條全浸在湯中，只不過是幾啖湯在麵底而已，當汁撈來食是另一番風味。十分鐘已經消化整碟麵，也幾飽肚的。當，再度飲那杯果茶時．．．發現有隻蚊在內！！（第一啖飲唔發覺＞＜）立即叫店員拎走，重新弄一杯新來。不過此杯更甜，加了整杯清水才可以飲下～埋了單，找了經理來投訴，除了蚊子外，所用的叉有條食剩０既菜．．．乾呢！只見經理手舞足動背著我解釋，心火又起了不少！他竟然可以說：”其實隔離檯的人都投訴杯豆漿有蚊，ｄ蚊係自己飛落去０架

o尋日下午來去了新城市廣場行街, 見口渴於是入左呢度去搵o野食.叫了沙爹肉碎香茜蔬菜湯蕎麥麵+ 熱黑芝麻豆漿, 同芝士蕃茄飛碟+ 熱蜂蜜奶茶.沙爹肉碎唔似係豬肉, 反而似雞肉, 可能豬肉貴啦! 整體都叫ok. 但係個芝士蕃茄飛碟就等到碗麵食左一半都未到! 結果要催先至到!! 個飛碟冇咩芝士同蕃茄, 又烘得太耐, 好硬!實在唔多滿意, 所以俾一般!

一早已想來這食肆試試，因為貪其食物健康。一行二人來到，已經八時半，店內仍然坐滿八成半人，而且仍不斷有客進入。我們分別叫了雞胸排三色飯及龍脷柳天使麵，各跟餐。餐湯唔錯，一點點的酸味，雖然沒有湯料，但配微熱的提子麥包，都幾開胃。至於飯及天使麵，值得一讚是配菜及汁料，有很多蔬菜及瓜，在街吃飯很少有這個分量，而汁料沒有加「師傅」，好好味，又不太杰。飲品是輕甜的綠茶及紅棗茶，不過就普普通通。整體不錯，既健康又好味，而且選擇亦不少。有機會一定會再食。

傻鬼左..夜晚又黎食多次..白酒莧菜蕎麥麵...將天使麵轉左蕎麥麵..個waitress話唔洗加錢..叫左佢少汁都少到汁..唔錯唔錯

lunch黎呢度食..又係食番鮮茄香菇雜菜焗紅糙米飯..都係好好味..又係清哂碟..餐湯係甘荀西芹蘋果湯..ok不過甜左d..其實而家有d覺得個飯好似有好多成都係白米咁既?!我想要多d紅米糙米果d=)因為著校服所以8折..32蚊!

係呢間野度食過4次..第1次係食果個西班牙雜菜炒天使麵:好多雜菜..好好味又唔多油.黑芝麻豆漿唔太甜幾正第2次係食山野菜素肉茄子炒野糙米飯+餐湯:湯係米茸南瓜湯..好正..甜甜地咁碟飯就相對少d菜..但係炒得好好味..另外仲加叫左個芝麻炒雜菜..28蚊都幾貴..不過都係好好味第3次係食番西班牙雜菜果個..不過轉左紅糙米飯..唔夠飯叫佢添..免費呀好抵!但係唔知點解d菜下面有好多油..黃色1個個圈好似雞油..好恐怖..而今次就係食蕃茄香菇焗紅糙米飯$40..好好味呀!最好味係呢個..個汁酸酸甜甜..有d茄子..蕃茄..西蘭花椰菜花..菇..不過份量可以再多d..好味到我我食哂成碟呀!總括黎講..呢間野d食物全部都好好味!紅糙米飯好岩我!雖然價錢都幾貴..另外..d侍應大部份都好好service..每次我都叫佢汁另上..同埋特別要提係1個比較老d果個(嬸嬸/婆婆)..好有笑容又有禮貌..我成日問好多問題佢都好樂意答我..good!就係因為咁..我成日去沙田都一定係黎呢度食..有時仲會心思思想特登由上水搭車出黎食添!ps:著校服有8折架!

05/13/2007 8:00PM此行主要係到“玩具反斗城”買玩具比bf表弟, 晚餐早已唸到去”果一道”.母親節提早做了, 以為正日會好多人食, 點知唔係, 兩人去到都唔洗等位. 可能個個去晒d酒樓啦.都有成年無食過果一道( foodcourt express除外) 餐牌都變左, 我地望左menu10分鐘都唔知食乜, 因為樣樣都想食呀! 最後比d圖片吸引左, 叫左”龍蝦汁大蝦封煎魚柳配黑米薯蓉”($58).bf要”法式田螺帶子炒三色意粉”($48), 兩個都再加$18要set.Set包括餐包, 餐湯, 飲品同甜品. 等了10分鐘, 餐包同餐湯齊上, 餐包好香, 並唔係一般牛油餐包, 係合桃提子麥包仔, 佢係焗熱既, 所以面頭燶燶地, 脆脆地, 撕開後塗上牛油, 滋味極了. 我雖不食提子包, 都吃了一丁點, 其餘就由bf包辦.餐湯: 係蕃茄湯, 酸酸的, 無任何配料, 飲罷胃也開了~龍蝦汁大蝦封煎魚柳配黑米薯蓉( 約490 kcal) 賣相真美(見圖), 將每樣食物都堆砌得標緻, 而且有先後次序, 最頂係薯蓉, 有個雪糕球般大, 其實放入紫米而已, 一般. 中間係兩塊魚柳, 可惜咸左d

隆隆鑼鼓響遍新城市,多隻醒獅走遍新城市,吸引不少市民圍觀/跟尾...肚餓了,就在商場內搵食...見呢度的下午茶唔算貴,就入左去食...下午餐有多款選擇,每款都寫明含有幾多卡路里...點了沙爹肉碎香茜蔬菜湯蕎麥麵+凍檸水...因為係下午茶,所以份量唔算多...肉碎頗入味,不過唔似沙爹味,但都幾好食...菜係椰菜...蕎麥麵有點被湯浸腍,但仍可接受...至於個湯,飲唔到香茜蔬菜味,反而似肉碎的醬汁味...鑼鼓聲漸近,店員將生菜掛在閘上,不久醒獅黎到...自己一路食,一路睇醒獅採青,一路影...全場人客店員都睇住醒獅採青,有其他人客都拿相機出黎影相...氣氛唔錯...埋單唔算貴,只係比食快餐貴幾蚊...見果日心情好,比個笑面...

情人節因趕買生日禮物回禮俾第二日嗰位先生, 咁順便同屋企人嚟咗呢度食飯...( 因屋企個老太腸胃出了點小毛病唔食得肥膩嘢, 咁所以唯有嚟呢度食啦!)well, 情人節真係商家的金礦! 度度都唔例外, 座地起價....呢間嘢對我嚟講係食齋咁食, 咁當然, 想清清地少d 油少d 肥膩感的時候, 我係會揀呢度食架! 但88 蚊一個set din ~ ( 有一個餐\包, 糙米飯/麵, 餐\湯, 金盞花茶, 乒乓波大小小的雪糕球)其實個糙米同麵係平日menu 食開嗰 d 嚟, 但都算啦! 係最令我意外連呢間都有情人節二人套餐\, 估唔到真係會有人喺度影相收花呀, 成棚人等位呀......雖然職員做到踢晒腳冇停過, 但服務態度仍很好呀！雖然我上面都話咗佢\嗰張特製的情人節menu 裡面的set din 同平日menu 有d 一樣什至換湯不換藥, 但因節日的關係真係煮得比平時差左d 呀！因為有個set din 我平日成日叫, 所以就算唔係情人節, 平時的大小節日去食飯我點都會做定心理準備係會貨不對版/價格名不副實....做到死咁忙, 仲邊會用heart 煮吖!? 今餐\當然唔抵啦!兩人共194(已加

倉促溫書，雖說進度不俗，但臨考還是有一點緊張。趁有時間讓自己坐下來，吃個tea放鬆一下!　點的是最簡單的花生醬厚提子多士，厚多士真的極厚!味道就一般，除有花生醬的地方較香，其餘都是又乾又無味，故食剩不少。　飲品是熱檸水，咕嚕咕嚕的喝下去後，感覺似乎稍為安寧了。　是時間回校接受挑戰了!

掃了十間店子的門前，仍吸引不到我內進，走到這裡，肚子跟我說︰「我不想再行了......」，為免他有做反的理由，還未看得及餐牌寫著什麼，就走了入內。 下午茶餐共有十數款之多，點了一個鮮菜雞肉雲吞蕎麥麵，不要預計麵質有彈性具麥味，總之不會煮得偏腍已可收貨，雲吞三大粒，看外表很機械式樣，餡料有肉有菜，略嫌鹹了一點點，還有餐牌上註明用橄欖油煎的美國雞蛋，不知是否太耐沒吃煎蛋，吃入口時特別覺得美味。 餐飲的咖啡最有驚喜，熱度夠燙口，連除灌下半杯，即感如吞下一個暖包，整個胃子也是熱騰騰的。咖啡味道香而不澀，雖然也有丁丁點的酸，但也可接受。 值得一提的是，雖然麵上有煎蛋，但發覺湯上真的少油得出奇，油份控制得宜也隔得清，雖然此碗麵不是人間極品，但廿大元吃得飽飽又入得口的下午茶，真的可以說是值回票價的了。