菓一道健康餐廳 (已結業)

晚上外出吃晚飯，因前陣子吃了很多肥膩、煎炸和很多不健康的食物，所以想吃清一點。在沙田，要乎合上述條件，除了吃粥，相信只有此店。這店吃了好多次，基本上想叮清一點或想不到吃什麼，在沙田，它一定是頭兩個選擇之一。說點食物，兩個人叫了一碟番茄帶子蝦天使麵和芒果封汁煎魚糙米飯跟set。餐湯是菠菜忌廉湯：幾有菠菜味和幾cream；番茄帶子蝦天使麵：幾多番茄，不過汁的味道淡了些、帶子太小；芒果封汁煎魚糙米飯：汁料有芒果味，煎魚不太乾；以上兩款都配有大量的蔬菜，我非常喜歡。甜品是木瓜雪耳糖水：不太甜，ok ！蜂蜜綠茶：幾重蜜糖味！每人約80元，有這麼多和健康的東西吃，非常合理。

又到左每個禮拜最期待既星期五 , 晚上約個朋友去吃飯輕鬆一下 , 但係我地又想食清淡d , 所以就揀左「菓一道」。 甘筍濃湯配提子麥包 ~ 雖然友人唔鐘意甘筍同提子 , 不過佢都有食呢兩樣野 , 証明味道唔太差 , 佢先會勉為其難食啦。 沙爹金菇鮮竹蔬菜煲 ~ 比我想像中冇咁濃沙嗲 , 好岩我既胃口 , 而且鮮竹入面仲包住塊紫菜 , 清淡得黎d蔬菜都幾入味 , 個人認為如果無西芹就更加好 , 哈哈。 黑醋桂花翅炒蛋白素肉 ~ 真係幾好食 , 素肉既口感同味道食落好似午餐肉 , 而且又唔會太咸wor , 不過唔加黑醋食比較好。 日本醬燒汁元貝蕎麥麵 ~ 友人吃左一啖已經讚個醬燒汁味道唔錯 , 蕎麥麵亦唔會難入口 , 而且有四大隻元貝 , 配菜份量又多。+ $18 變套餐仲會有餐飲同精選甜品添 , 價錢都划算 ; 服務態度麻麻地 , 但係勝在食物質素的確唔差 , 值得一試。

五月四日(星期日)同老公決定食d light d 既dinna!去到唔洗等位,但係坐full成間餐廳!...最正既係佢地寫埋kcal,arm哂我呢d肥人食呀!本身諗住食個最少kcal 既飯280...點知老公大人唔批准!佢係都要食二人餐(不過有進步架喇,唔食四人餐)!頭盤係鴨胸salad,都幾好食!清清地!餐包:係五穀包,有d提子o係入面,連唔中意食包既老公都話好食!main dish係三文魚扒五穀飯,都幾好食呀!三文魚煎得好食!同埋鴨胸紅米飯,唔似鴨胸!不過都唔錯!呢度d野好在唔油膩..果汁係橙汁同蘋果汁,唔錯!幾鮮甜!本身佢話係綠豆沙,咁就唔要,點知係荔枝果凍,haha!老公咁中意食荔枝!當然要試啦!真係好好味呢!

兩口子要為人生大事減磅，清清淡淡一餐難免。叫左兩個餐，有前菜、湯、餐茶及甜品：海哲拼鴨肝：普通貨色南瓜蓉湯：粟米味幾香，冇咩南瓜味，都幾好飲o既黑椒羊肉配紅糙米飯：羊肉係乸到冇口感咁，唔係稔。黑椒汁唔係一般食開咁，毛毛唔鐘意蜂蜜汁比目魚配紅糙米飯：紅糙米飯口感唔粗糙，唔會好乾整得唔錯。比目魚本身好香所以幾好食蜂蜜綠茶：偏淡，唔好飲柑桔檸檬：冇味，唔好飲紅棗雪耳：香，飲落超普通果凍：服務員講完已經唔記得係咩果凍，食完都食唔出係咩味整體服務ＯＫ，兩個話事人都幾爽快，除左有個男仔十下十下。野食好普通，係貪佢少油少鹽，沙田呢間比銅鑼灣果間份量會大少少。

週六(26-04-2008)，睡晏了，兩人十二時半到沙田shopping 和lunch;清清地，就入咗嚟呢開「菓一道健康餐廳」。初時人不太多，点了set lunch.1.南瓜湯+硬薄餅，雜菜雞扒紅米飯;(要湯就無飲品,or 加錢, 不過好貴!)2.白汁三文鱼雜菜紅糙米飯+黑豆槳.湯濃淡適中，兩個主菜都合格，黑豆槳不太甜，OK啦。但呢間餐室太注重健康了，連清水都只得熱水；我用餐完想飲杯水先埋單，但果位待應比咗兩杯熱而滾的水我地，佢話人多了，水未有時間灘凍....，咁我地唯有坐多咗十分鐘先埋單。都係普普通通啦，清清淡淡試吓無妨。

多菜少油... 相信係呢間餐聽既特色。黎過呢間餐廳都幾次，上面圖片係最近果次幫襯既食物既相片。叫左個午餐，要蕃茄濃湯龍利柳烏冬+ 黑芝蔴豆槳。個豆槳冇令我失望：黑豆味重，少糖，夠健康﹗至於個烏冬，有好大驚喜：都預左佢配菜多，但全部都好爽好香，唔係一般林pat pat 果d﹗而個龍利柳煎左之後都好香，個邊仲有少少脆，岩岩舖左係d 濃湯上面，所以冇比d 汁浸淋。雖然話係炒過，但唔油，好欣賞。初初上菜既時候，d湯係比較杰，但食下食下，d菜會出水，令到個湯底變稀，食到最後一口時就岩岩飲晒d 湯﹗一點都沒有浪費﹗哈哈﹗其實... 呢度既餐湯都係值得一試，creamy 得黎唔溜，即使係配南瓜定係菠菜，都係好濃蔬菜味﹗配果塊簿餅就比較crispy，我覺得幾特別... 唔會話太重牛油味，又唔會話食到成手油﹗而佢d 有個煲裝住既菜式都好清... d 湯真係好少好少油，好健康，但味道又唔會太寡。佢d 意粉、天使麵都會保留到西餐的特色，但全部都係少油，配合到佢健康的主題咯﹗午餐價錢$40 - $60 左右。如果有空會試埋佢既晚餐咯。

外出用膳，九成幾會吃的都是油膩，重味和少菜。不過，此食肆的菜式不多油、味又不太重，又有大量蔬菜伴碟，選擇亦不少。乎合這些條件的食肆不多，而且價錢亦合理，七十多塊錢，有湯、包、主菜、甜品和飲品，非常便宜，因此我常常惠顧。

我都係因為睇完openrice既食評先會想黎呢間野食下, 一試令我終身難忘!!!!!!尋晚去左呢度食晚飯, 大概7點幾食飯時間, 正常地都要等一陣位, 不過都好快有位啦, 雖然逼逼地都唔緊要啦, 我同我女朋友叫左個2人套餐, 佢叫左唔知咩咕嚕球, 我就叫左個素肉粒魚翅蛋白, 叫埋野飲, 一路等, 都知道太多人係要等下架啦, 等左差唔多15-20分鐘先上個湯, d湯清清地都ok, 再等多10幾分鐘先上果兩碟菜, 碟咕嚕球成碟野都係正常既咕嚕肉配料加5件豆泡, D咕嚕球原來係豆泡><! 碟野38幾蚊你比5件豆泡我仲要係冇味冇道既! 另外果碟蛋白都OK如果唔落佢跟既汁的話, 一落汁就成碟難食到嘔, D汁似係食D油立立煎餃子既汁囉, 一食就知係(鎮江香醋)! 都唔緊要, 好啦唸住等埋個麵黎先食, 又等左10分鐘先黎, 麵黎到2碟菜都已經凍晒, 叫人點食= =" 仲有...上菜時個丫姐個盆對落我個頭度, 我要全身扭曲晒黎就番佢, 我同佢講: 佢斜啤左我一眼就唔出聲走左去= =仲有...另一個丫姐幫隔離枱執野時, 佢條圍裙個蝴蝶結係咁對落我碟菜度, 叫佢又聽唔到, 小姐! 我仲點

這亦係過期食評。因為睇完e生要食藥，又係有所限制而選了這裡tea。事實平日很少外出食tea，特別係茶餐廳！除了因為怕二手煙難聞，其次係因為讀書時成日都係canteen傾project…我很怕油多/奶醬多/油占多~睇同學食得多而搞到我很抗拒多士！XD反而在菓一道tea我都係第一次。我本想叫墨西哥卷，但陪我睇e生那位迫我食米線。>.<米線以蔬菜伴湯為主，湯汁我覺得很重味精味，兩啖後講byebye！反而墨西哥卷好味得多，最後我亦據為己有！因為墨西哥卷不但烤熱了，而且餡料有生菜、蕃茄伴千島醬汁，對我很開胃。食後感：平日我很少tea，唔g廿八蚊一個tea係咪算貴！？其實印象中我覺得係係地。其實tea set佢有8-10款，每款有餐飲餐茶，但黑豆漿要另加$3！但當中冇記錯最抵係米線那款，因為還有麵包跟之類。咁都算有heart個包唔係凍冰冰上枱，起碼都有溫熱整返脆邊….仲有，這裡下午茶時段至1830，同埋下午茶冇加一。兩人共$6x

左逛右逛又已經九點，肚也餓得不成樣子，已經捱不到A1買麵包，想起這裡有菓一道，立刻衝去解決晚餐。set dinner索價近$100，相比一個主菜只需$4X，貴得咋舌。明知胃口小不能多吃，當然不會選set dinner，只點了一個雜菜素肉炒多穀米飯了事。餐廳還是一貫的潔淨，顧客依舊是女性居多，呷著檸檬味濃濃的水，等了十分鐘左右就飯了。飯是大大的一碟，一看就知吃不完。雜菜配上糙米，煞是五彩繽紛，味道口感也上佳。如果嫌味淡的話素肉也可以吊一吊味。吃剩半碟，麻煩店員打包，$48就有兩餐，真抵。

這家餐廳挺難找的, 一時半左右到, 人, 倒不少, 接近滿座, 今天可是平日啊~餐牌上註有每道菜的熱量, 怪不得差不多都是女人.點了紅酒西檸雞胸意粉+ 餐湯+ 餐包.餐湯應是南瓜湯, 味道不錯. 意粉很健康, 配菜比飯跟肉都要多, 其醬汁味道一流, 配菜的口感亦佳, 雞胸吃慣煎/ 炸/ 煮湯的, 這個少油少調味料, 不入味而且雞肉還很. 似乎配菜才是主角? 看到有位小姐要賣單時沒有出聲, 舉手舉了很久, 不過我自己賣單時一叫侍應立即回應了~ 合法興奮劑(咖啡) 要加$13 才有得喝, 可能是因為不夠健康吧~

絕對同意上個及再上個食評嘅說法，service唔喺咁好(TST 及沙田都喺)喺真嘅，D待應成日留意唔到D客舉手，一喺就成日呢頭講完，呢頭就唔記得，個別就好論盡(有個短髮姨姨)或唔夠禮貌。請老闆留意員工訓練。但有嘢想同佢平反，跟湯嘅其實喺墨西哥薄餅，除咗墨西哥菜會用黎做snack，我試過响間西班牙餐廳，甚至用佢配Tapas一齊食，有D西餐廳都喺配呢款餅。佢本身喺薄身同crispy，不過可能香港人始終鍾意餐湯配餐包掛，唔太鍾意呢款餅......至於食唔飽，其實可能因為食物油份少，胃唔需要用太多時間消化，令到有唔飽嘅感覺.....但其實份量我覺得ok lor。

星期6黎食lunch~~第1次黎~~見呢度講到咁好就去試~點知個餐包竟然係塊好薄既餅........失望......仲有野飲要加$~味道又唔係話好好...份量少~環境又唔係咁好,,,冇咩人既,,,d人又唔會幫你加水...要左個唔記得左咩汁雞扒紅米飯~~雞扒係去左皮嫁~~呢個幾好~岩晒我~+3的熱黑豆漿~冇落糖~波菜忌cream湯~有d唔抵~因為食完都唔係好飽=0=

有日同女朋友係沙田搵食，記得這裡有好多好評，於是專誠光顧。當晚已是9時多，店並不多人，坐下好快就叫了2個晚餐，蕃茄湯雖然稀了點，但好夠味，配備的微暖餐飽好得，而其中的一道主菜- 咖哩海鮮焗紅米飯亦好惹味，大致來說，這餐好好味，又健康，一定有下次。上星期尾西田購物日，我和女朋友當然有去趁機入貨，又是9時多再光臨這店，殊不知這次十分不合女朋友的口胃。湯是稀身的西洋菜湯，草青味太不合女朋友，幸好還有微暖餐飽，但加$10跟的鮮什果沙律的份量實在太少了，主菜原是叫了2個，女朋友早早叫的白汁蜆肉炒天使麪居然換來了是辣汁青椒蜆肉炒天使麪，若不是女朋友肚餓，她是不會邊飲水邊食兩三大啖，真的不是味兒，而我的主菜最後竟然漏了單! 雖然待應和老板已是不斷的say sorry，但我和女朋友還是失望的帶著5成飽地離開再去覓食，我問女朋友還會來下次嗎，她苦笑而不答...

其實呢排上午喺附近教course，所以差唔多日日都喺到食lunch，食到waiter同老闆娘都認得我，我lunch基本上喺食素，晚上才吃點白肉，所以lunch最like叫S11號(其實喺晚餐meun) 嘅焗茄子蕃茄雜菜紅糙米飯，因這款是lunch meun無，但難得佢地都肯做比我，而我很喜歡食佢地嘅餐湯和walnut bread配熱黑豆漿，所以會加$18轉餐，不過我唔食甜品，結果就次次都無食甜品就埋單，點知過幾日，其中一個後生女仔waitress，認得我呢個唔食甜品就走嘅怪人，就提議我，當加錢只叫餐湯和黑豆漿(只$11) 而不轉餐，就會平D啦，我當然叫好，亦因佢嘅細心而高興。今日黎食lunch，原來啱啱轉新lunch meun。今天開始個個set都連湯，不過跟湯嘅就變咗勁crispy嘅墨西哥薄餅，塊餅好大塊好脆，上枱時仲熱，用黎送湯好正，不過對我呢個飽飽Fans黎講，我都喺想食個外脆內軟又熱辣辣嘅walnut bread多D，如果每次都有得揀食邊樣就好啦。個湯呢，meun上就寫明喺紅甘筍湯，湯依舊好味，很creamy，不過略嫌唔夠甘筍味，但唔知喺咪驚唔食甘筍怕咗個湯，所以唔敢整咁濃呢?