莫云

營業中

休息中

知道奧運海旁開左間新中菜，仲要係酒店入面，即刻走嚟試下～入到去環境好寬敞，感覺好舒服，仲要一坐低就serve合桃酥，連d茶都會熱住，服務好周到，未走都有賓至如歸ge感覺合桃酥 - 佢嘅外觀金黃脆脆，一入口就感受到杏仁同合桃嘅香味，香甜鬆脆高湯海參灌湯餃 - 餃子裡面灌滿咗濃郁嘅高湯同鮮嫩嘅海參，一咬落口就感受到湯汁嘅鮮味爆發，同時又有海參嘅鮮甜味道。個湯餃皮薄薄咁，口感滑嫩，超級推介花膠珍珠雞 - 一開就彌漫著濃郁香氣，糯米飯軟糯得黎有趙口，花膠令層次更豐富，加埋惹味XO醬，令味蕾好滿足金箔鮮蝦餃 - 餃子皮透明晶瑩，內裡包著鮮嫩多汁嘅蝦肉，加埋金箔作點綴，賣相真係靚到無得輸！古法馬拉糕 - 佢嘅質感好軟綿，入口即化，都值得一嗌芥末美國石蠔卷 - 一咬落去啲石蠔鮮甜多汁，加埋個酥化脆皮，真係好好食！宮廷紅棗盞 - 有成三大舊盞仔，紅棗滋味濃郁，係養生之選蛋白杏仁茶 - 呢杯茶香氣撲鼻，杏仁嘅香味濃郁，而蛋白令茶湯更加滑順。呢杯茶唔止好味，仲有養顏美容嘅桃膠，滋補又健康

今次同朋友喺奧海城附近行街，沿住海邊行行吓見到一間裝修好靚嘅新式店舖😲就俾佢吸引左入去🤍餐廳嘅空間感好好，枱與枱之間嘅距離好足夠，唔會俾隔離枱影響👍🏻🥣高湯海參灌湯餃 $88巨大餃入面有蝦、蟹柳、肉碎，海參口感軟綿，而且滑捋捋，湯亦都清甜濃郁😽🐖伊利比亞叉燒腸粉 $68嚟自歐洲嘅叉燒係唔同啲😆啲肉唔會碎濕濕，大大塊，腸粉入面夾左薄薄嘅青瓜提升層次✌🏻🥟金箔鮮蝦餃 $68蝦十分彈牙，非常足料，上面仲有魚子醬，有金箔打卡一流📸🥚魚子醬賽螃蟹餃 $68同蝦餃差唔多，上面多左啲蛋白，橙色嘅皮好特別呀🙀🐝蜂巢海鮮芋角 $68超級鬆脆嘅外皮唔小心食到成枱都係碎🙈入面係由芋頭同埋海鮮粒組成，好好味👅而且presentation好特別，放咗好多石仔係碟底🤣🍐啤梨咸水角 $58極可愛嘅咸水角，除左似啤梨，亦都好似粒炸彈😛最鐘意入面有一粒粒啲菇，啱晒菇嘅愛好者😌🥧木瓜雪耳糖水非常之清甜，又潤喉潤肺😽店員服務非常周到🙏🏼會不停留意茶壺幫大家添水👍🏻

早排聖誕假期同屋企人去咗呢一間位於大角咀嘅高質中菜館，內裏裝修俾人一個好舒適嘅感覺。最適合放假同屋企人一齊過嚟享受吓Family Time。放假中午飲茶就最高興啦，呢間茶芥每位$28,點心款式精緻。高湯海參灌湯餃|$88|呢個價位有厚厚嘅海參，配埋大大隻高湯灌湯餃，熱辣辣上枱，屋企人都大贊夠晒足料。黑松露燒賣|$68|同一般燒賣有啲唔同，燒賣加上左黑松露，令到燒賣食落更加香，另外仲特別order咗潮食辣椒油，點埋一齊食就最正啦。名醬蒸鳳爪|$58|熱辣辣鳳爪上枱，有誰不愛？除咗鳳爪軟硬適中之外，亦都蒸得好入味另外值得一提嘅係，呢度呢款鳳爪底係配上左白雲豆，jami第一次食呢一款豆，真係覺得好特別啊。入口軟糯，吸收晒鳳爪嘅精華，超推介。巴拿馬火腿蘿蔔糕|$68|呢款蘿蔔糕又係必叫推介，鹹香嘅巴拿馬火腿包裹住煎向香左嘅蘿蔔糕，真係好夾，仲可以點埋辣椒醬一齊食，食落更加正。原隻鮮蝦腸粉|$68|每一件腸粉都有隻大大隻鮮蝦同鮮甜爽口翠玉瓜，腸粉皮都煙靭好食，唔會一夾就散開。蟹肉菜苗水晶餃|$68|呢款有滿滿嘅蟹肉鋪喺面，水晶外皮軟糯，而裏面係充滿滿滿嘅蟹肉同埋鮮甜菜苗，又係好好食。古法馬拉糕|

適逢佳節 梗係要食餐好嘅 不過我就唔係揀食西餐 而係嚟咗飲茶🫖 呢間中菜係位於酒店入面 要經酒店大堂先去到正門 餐廳裝修都非常典雅同有空間感🤩前菜 蕎麥茶首先會有每位一件嘅合桃酥 呢個迎賓小食都可以話係誠意十足😗 酥脆而不膩 而茶方面我就揀咗蕎麥茶 係茶樓比較少見嘅口味 餐廳仲有準備三小碟 有豆瓣醬 琥珀合桃同XO醬 可以配上點心食🙊高湯海參灌湯餃非常推介呢個灌湯餃🥰 高湯清清地 味道唔會好鹹 灌湯餃入面非常足料 仲相當大隻架 食到有鮮蝦同瘦肉 最緊要嘅係旁邊仲有海參😛 令成個點心高貴咗好多🥟蟹粉小籠包呢隻小籠包都幾大粒🍲 咬開嘅湯汁唔算好多 但係見到有好多橙黃色嘅蟹粉 食落都好鮮味😙 可以話係皮薄餡靚花膠珍珠雞未食之前要先讚佢嘅包法👍🏻 非常易開 拎走竹籤後 荷葉就好輕鬆可以攤開 糯米又唔會黐住啲荷葉 可以好Elegant咁食完呢一個珍珠雞🤣 珍珠雞味道幾入味 中間仲有片花膠 咬落仲膠質 非常養顏蜂巢海鮮芋角呢個芋角擺盤精緻 好鍾意佢嘅外層好酥脆 咬開脆卜卜嘅外層入面有一層芋泥 在入面就有周打濃湯嘅忌廉喺入面🫢 原隻鮮蝦腸粉腸粉已經切開咗六件咁上 每件入面都包裹住一隻好大嘅蝦同埋翠玉

酒店中菜不嬲都係信心嘅保證😎 今日去咗大角咀香港遨凱酒店既＜莫云＞飲茶，真心唔錯🤩 位於一號銀海隔離，有停車場，非常方便👍 餐廳開張冇耐，所有嘢都好乾淨企理，而且空間感十足，枱與枱之間相隔都有一定距離，用餐感覺非常良好🫶🏻茶方面都有唔少選擇，我揀咗菊花，上枱有個蠟燭座保溫，賣相同味道都非常唔錯🤩🤩 另外仲有兩種醬料及小食，包括xo醬，辣椒醬同埋花生，而且每人一件合桃酥，好鬆脆呀🥰🌟豬潤燒賣當然試下啲懷舊菜色做得好唔好啦，豬潤一啲都冇怪味，熟到啱啱好，燒賣份量十足，好食🤤🌟高湯海參灌湯餃最驚喜嘅一道菜，份量唔少，上枱都幾震撼㗎🤩除咗有大大隻灌湯餃之外仲有一大件海參，高湯味道一流，灌湯餃皮薄餡料足，超正😃🌟金腿蘿蔔千絲酥做得非常完美， 冇多餘嘅油之外仲有一層芝麻，多咗一層香味同口感， 餡方面食得出一絲絲嘅蘿蔔，夠曬熱😍🌟芥末美國石蠔卷呢個幾特別喎，少少芥辣味，蠔味十足，趁熱食，脆卜卜😆🌟安格斯牛肉腸粉牛肉腸食得多，呢個 安格斯牛肉係用洋蔥炒過，同腸粉又幾夾😌🌟魚子醬賽螃蟹餃精緻嘅賣相，賽螃蟹同肉嘅比例剛好，夾埋魚子醬嘅鹹香唔錯， 仲要熱辣辣，加少少XO醬重正，呢個值得點👍🌟桃膠紅棗燉雪耳最

呢度環境大坐得舒服，而且服務好。可以喺度慢慢飲茶嘆點心。我推介你試下伊利比亞叉燒腸粉，佢入口滑嫩，叉燒肉夠香夠嫩，好好味。鮮肉小籠包亦都係一個必試嘅選擇，皮薄餡多，湯汁鮮甜，每一口都令人滿足😍黑松露燒賣皇，面上有一大塊黑松露。燒賣皇豬肉鮮爽，加埋黑松露嘅香氣，味道更加豐富。花膠珍珠雞都係一個特色選擇，賣相整得幾靚。糯米鹹入面有豐富餡料，當然唔少得花膠😚另外，高湯海參灌湯餃係必食😋湯餃大大隻，皮薄餡多。高湯嘅非常濃郁足料。最後，揀咗古法馬拉糕作為甜品。糕身鬆軟，香甜可口，充滿兒時嘅味道。呢度嘅點心選擇多樣化，最緊要係環境好坐得舒服。