莆田 (港威商場)

營業中

休息中

📍莆田 🔎尖沙咀廣東道3-27號海港城港威商場地下G103號舖-----作為資深蟶子Fans，看到莆田最近做緊蟶子節，即刻喺繁忙中都要抽空過嚟食一食。第一次嚟尖沙咀呢一間分店，一如佢其他分店，裝修優雅摩登，座位亦是寬闊好坐。福州風味紅糟雞 $98Claypot Chicken in FermentedRed Rice Wine紅糟是釀造紅麴酒的副產品，色澤鮮紅，伴有酒香味，是製作閩菜常見的調味料，在香港卻不是很普及，幾乎是莆田獨有的。雞肉滑溜彈牙，沒有半點over cook，火喉控制恰到好處，加上酒醉香氣，出色。九轉小腸 118Braised Pig Intestine呢道菜工序非常繁複，好少地方有得食。食落毫無內臟苦澀腥味，處理得非常好。質感嫩柔中不失彈牙，滷水鹹香亦自然不太過，必食。興化炒米粉 $118Fried Heng Hwa Bee Hoon炒米粉絲絲分明，材料豐富，例如有芥菜、蝦仁、頭水紫菜、芹菜、蜆、花生、半肥瘦肉、香菇、蝦米等等，炒得乾爽唔油膩，配搭自家製辣媽辣椒醬，高質。薄荷枇杷凍 $48Chilled Loquat in Herbal Jelly將枇杷熬汁整成凍，

最近餐廳喺港威商場開咗新分店，曾連續七年獲得米芝蓮一星，主打多款福建菜，而且近排仲做緊哆頭蟶節✨ 整體裝潢優雅，樓底高，空間感十足，座位舒適，店員服務態度友善，大大加分呀，另外記得要預約，因為都幾full😆農家蟶溜湯保留特色農家嘅做法，大大碗，下面有火熱住，蟶子鮮甜而且好滑，湯頭無味精，仲有滿滿嘅配菜，健康又美味😋 哆頭蟶炸至金黃色，脆卜卜，酥脆可口，灑上椒鹽後鹹香味十足，另外仲有爽脆嘅茶樹菇，兩者搭配都幾夾！紅糟雞係福建嘅傳統名菜之一，先醃後焗，散發著淡淡嘅糟香味，雞肉十分嫩滑而且好juicy，會話好有驚喜喔～ 地道燜豆腐混入海鮮同雞蛋，清淡，香甜，嫩滑，老少咸宜，配飯一流🥰私心推介呢度嘅苦瓜，先煎後燜，汁濃味厚，性價比高，荷蘭豆都唔錯，勝在夠清爽，簡單好食嘅一碟料理～ 最後以桂花陳皮燉雪梨作結，桂花香氣滿滿，清甜滋潤，開心滿足😛

食福建菜就會想起莆田，難得放早就跟同事仔一齊食晚飯，係呀，工作上夾到好人，明明12小時後再見面，但晚飯都要在一起食。。。。蟶子節好抵食 $219選兩道菜式,其實有辣有唔辣，有湯品，小菜，款式多多。蒜蓉蒸蟶子蟶子開邊，無沙，鮮嫩無比，份量算多，蒜蓉蒸法最能帶出海鮮的鮮味。九層塔海蟶煲蟶子開邊炸，香脆可口，加上九層塔及紫洋蔥的香氣，整碟菜式都很惹味，一定要拌勻食呀鐵鍋包菜飯主食以海鮮為主，有蝦乾，貝柱仔，飯粒蒸後帶有鮮味，加上冬菇粒，咸豬肉粒，咸香十足，叫例牌都夠兩個人食脆皮蒜香雞我哋叫了半隻，皮脆肉嫩，雞脾位仲有雞汁溢出，很美味，加上炸蒜加持，甚有口感。桂花陳皮燉雪梨之前病到傷左氣管，呢個甜品潤肺養聲都唔錯。桂花清香，雪梨滋潤，陳皮中和了梨子的寒涼，甜湯仲帶有梨子果香，亦有雪耳滋養。酥炸冰心榴槤同事是榴槤控，果肉冰涼仲帶有絲絲的果肉，外層炸至金黃酥脆，醬汁是微甜的粟米汁。

爸爸生日，怎樣也要吃好一點吧，來一個佛跳牆，再加當造的蟶子，價錢比想像中抵吃喔～金湯佛跳牆~內裡超出料，有齊鮑魚、海參、瑤柱、松茸、竹笙、花膠及鵪鶉蛋，每款都是至矜貴 的材料，瑤柱還跟鮑魚差不多大，海參的釘更超明顯，看得出用料都是靚料，花膠都是大大片的；另外，湯頭亦非常香濃，都對得起這個價格及超預期了～鐵板鹽焗蟶~蟶子當造，入口彈牙鮮甜，每隻都肥嘟嘟，鹽焗吃令海鮮的鮮味更出～蟶炒金黃蛋～雞蛋煎得很有蛋香，燶邊的，蟶子沒殼啖啖肉，吃得更起勁😂鐵鍋包菜飯~內裡有包菜、滷肉、蝦米、 香菇、蟶乾及乾貝，材料十足，莆田人的家常燜飯，原來很好吃的～冬瓜薏米水～是煲出來的薏米水，很香濃，底部還有很多薏米及冬瓜啦，不太甜的，袪濕一流～

今日我嚟到甫田啦！今日食咗幾款招牌菜，真係好有驚喜！首先係佢哋嘅福建海蠣煎，個煎蛋好厚身，好滑嫩，而且入口即化，啲海蠣仲有啲咸香，真係好開胃呢！佢哋嘅脆皮蒜香雞都好好食，個雞皮煎到好脆，啲肉又好juicy，啲蒜香味又好香濃，好有層次感！仲有啲麥片蝦，佢哋嘅做法係將蝦肉同埋麥片糊炸至金黃色，啲蝦好脆，啲麥片好香脆，仲有啲微微嘅甜味，好好食！啲蝦都好新鮮，一咬落去就有鮮味，好滿足！總括而言，呢度嘅福建海蠣煎，脆皮蒜香雞同埋麥片蝦都好出色，啲食物口感豐富，味道鮮美，好滿足！

莆田最近提供一系列以🤓肥美多汁的海蟶為特色的時令菜餚。由技藝精湛的廚師使用獨特的香料烹製而成，✨保留其天然汁水和風味。美味而芳香的海蟶菜餚，一定會滿足大家味蕾。😋另一道推薦菜😚是莆田荔枝肉，其特色是香脆的炸豬肉配上甜甜的醬汁。 這道菜的口味和質地達到了完美的平衡，🥰與米飯搭配得很好。對於那些主食想特別啲嘅朋友🥳來說，莆田包菜飯是個不錯的選擇。這道菜是將包菜等食材放入一鍋米飯中一起煮熟而成。 🔥熱騰騰的鐵鍋裡，由細心的工作人員在你面前攪拌，🍚它很好地體現了福建菜的清淡鮮味。

椒鹽哆頭蟶(139hkd)呢段時間做緊推廣$219可以試到2款，都幾抵食，椒鹽海蟶無裹好厚嘅炸炒，唔會好油膩，但都好香口，一份都有最少十幾隻，粒粒海蟶都好飽滿😍九層塔海蟶煲(129hkd)如果係九層塔嘅真愛粉一定會大愛，九層塔嘅香味好突出，海蟶炸得剛剛好，上面淋上甜甜嘅醬汁，幾match呢個蔥爆嘅味道😍鮑魚辣椒🌶️小炒肉(158hkd)呢個屬於小辣，加左豆豉入去炒所以好惹味，入面都幾多肉，有4-5塊鮑魚，連鮑魚都好入味，送飯一流🍚芋香鴨(98hkd) 我第一次食芋香鴨，外皮炸得勁酥脆，一啖咬落去係軟綿嘅五香芋頭蓉，唔係太食到芋頭嘅顆粒感，芋泥打得好細緻，入面嘅鴨肉好多，無鴨騷味，平時唔食鴨嘅朋友都值得一試👍🏻鐵鍋包菜飯(118hkd)佢真係成個鍋咁上，入面好足料，有冬菇、蝦米🦐、瑤柱、肉片，高麗菜好爽口鮮甜，幾有屋企嘅味道🥰#foodiblum中式

莆田是一間連鎖式的中菜館，而莆田菜則是閩粵菜的其中一種，以味多、味廣、味濃為特色，又以清鮮淡雅、略帶甜味見長，風味介於福州菜和閩南菜之間。尤以小吃種類豐富多彩著稱。位於尖沙咀的分店坐落在港威商場內樓底高，令人感到環境寬敞舒適，而且服務周到細心，是與家人朋友聚餐的好地方蒜蓉蒸海蟶 $219/2莆田的招牌菜是海蟶不同的烹調方式，所以有在做推廣$219就可以品嘗兩款，大蒜愛好者一定要選，清蒸的方方保留了海蟶的原有味道，加上重口的蒜泥是白飯殺手冰鎮南日鮑 $68/1鮑魚用了冷鎮的方式更爽口，而鮑魚已預先調味不用多加醬汁都很美味家常豬蹄凍 $68挺愛吃膠原滿滿的東西，這是由豬蹄冷凍而成的有點像啫喱凍，淋上一點甜辣醬是一款不錯的開胃小食芋香鴨 $98是一道心思菜色，鴨肉外層包著一層芋泥再炸至香脆，鴨肉肉質厚實，別看小只有幾件，足夠讓你很飽椒鹽炸海蟶 $219/2第二款的海蟶烹調點選了炸的食法，椒鹽香香脆脆是下飯下酒的一款鹹香黃花魚 💕$88看似平平無奇的黃花魚，雖然不是高級食材，但經常煎炸的過程讓魚的表面脆得來又不會失去魚肉的鮮嫩，重點調味料方面餐廳加入了小許花椒，令魚味有點點麻香的味道，挺驚喜

之前喺銅鑼灣食過一次莆田上一次莆田係做緊海蠣節食物環境服務都好好今期嘅莆田做緊蟶子節熱愛海鮮嘅我當然要去試吓啦一種食材，九種煮法！蒸炒煎焗炆湯咩玩法都有😁😁😁今次就揀咗海港城嘅莆田同長輩食飯，梗係揀啲環境優雅嘅中餐廳💕💕💕💕💕💕💕💕💕💕今次食咗～～～蒜蓉蒸蟶子蟶子炒黃金蛋$219清蒸可以將蟶子嘅鮮味帶出嚟而炒蛋嘅煮法，我個仔就比較鍾意食😝福建紅支海鮮滷麵 $138第一次食呢個海鮮滷麵～配料超多～味道鮮甜～湯底濃郁～下次都要繼續order呢個！莆田荔枝肉 $98蒜香荷麟豆 $68莆田地道燜豆腐 $88三個人食完買單都唔使$700！性價比高～絕對係可以經常嚟食嘅餐廳！

前晚去了一間位於尖沙咀福建菜的專門店，特別去了食季節性的哆頭蟶子，這個季節是最肥美的。這店裝修很時尚，光線明亮。店中間放了大盤蘭花點綴，倍感清雅。我點了：-福建代表菜-金湯佛跳牆食材十分豐富，有鮑魚，海參，瑤柱松茸竹笙花膠和鵪鶉蛋，沒有味精，湯味香濃。-蒜蓉蒸海蟶簡單的用蒜蓉蒸，可食到蟶子的鮮味-蟶炒金黃蛋用蛋炒蟶子，蛋炒得唔老，恰到好處。-福建海鮮滷麵有蝦，蟶子，帶子，冬菇和香菜等，湯料豐富，味道鮮甜，很有口感。

嚟自新加坡嘅過江龍莆田已經連續幾年攞到米芝蓮推介喇呢排做緊海蟶節 有9款做法咁多 仲有優惠價219自選兩款鍾意食蟶子嘅我梗係要試下啦鐵板鹽焗蟶呢款應該係最受歡迎 我見好多枱都叫鹽焗完全保留左蟶子嘅鮮味 好鮮甜九層塔海蟶煲酥炸蟶子吸晒九層塔嘅香氣 蔥頭醬汁令成道菜好惹味百秒黃花魚招牌菜之一 顧名思義即係用100秒去烹調黃花魚勁滑溜 煮得啱啱好興化炒米粉材料好豐富 有大蝦 蟶子 肉片 紫菜等等超幼米粉好有米香 炒得好乾爽唔怕有油膩感大白菜燉軟豆腐個湯真係好好飲 用左老雞豬骨熬製仲加入蝦米蟶子等等 勁鮮味軟豆腐真係有驚喜 早知叫大煲酥炸冰心榴槤鍾意榴槤嘅一定會鍾意 微暖嘅脆皮入面係冰凍嘅榴槤餡 底層仲有南瓜醬 好香甜但唔會過甜 正！

莆田哆頭蟶節又番來啦！🤩🥳每年4月我都心思思，因記得是莆田哆頭蟶最肥美之時節！是一年只有入夏幾個月才能吃得到的時鮮！哆頭蟶於莆田當地的黑泥灘塗裡吸收充足營養，所以特別肥美😆我今次來到海港城的莆田餐廳，我真心喜歡😘其多樣化出了九款哆頭蟶美食，不同口味的人士都照顧到，有齊炸、炒、蒸、焗、煮的菜式而家其中選2道菜只需$219！性價比好高！道道鮮嫩肥美！經典菜式鐵板鹽焗蟶”、蒜蓉蒸海蟶、九層塔海蟶煲、辣炒蟶子、紅菇蟶湯、蟶炒金黄蛋、椒鹽哆頭蟶、莆田農家蟶溜湯、夏日冰爽酒糟蟶！每一隻都肥肥嫩嫩，鮮甜爆汁！😋

莆田系新加坡知名品牌的福建菜, 新開既海港城分店,  新裝修加上店舖樓底好高,  坐在卡位感覺舒適.點左精美四小拼九轉小腸、蝦苗頭水紫菜、家鄉燜筍干、阿溜土筍凍，四款前菜好特別別處少見, 非常開胃，土筍凍自己唔敢食，朋友就話幾特別, 秘方醬汁都幾好味金湯時蔬系  - 湯是用咸蛋黃做成, 有點像好似金銀蛋菜 脆美蒜香雞半隻: 蒜香香皮脆薄，肉厚嫩滑加點鹹香, 雞肉再沾上炸蒜非常香口紅菇海鮮麵 海鮮湯底加入紅菇, 清甜好味, 鹵麵爽口福建菜在香港唔容易搵, 可以一試

莆田是米芝蓮的福建菜，近排個人非常喜愛，今晚便來到尖沙咀的另一分店。九層塔香燜海蠣，九層塔即是金不換，海蠣走過油之後，外脆內軟，更容易吸收金不換的香味，這個做法非常新穎。辣子鮮海蠣，海蠣吸收了不同辣到的辣椒，頓然層次豐富，加上本身的味道，層次非常多姿多彩。鹹香黃花魚$88，經過鹽業之後的黃花魚，肉質鮮甜，口感紮實，連魚骨都可以吃掉，非常喜歡這個做法。芋香鴨$98，香脆的芋蓉包裹着鴨絲，鴨絲帶點鹹香味，做法別具心思。金湯時蔬$88，金湯帶有鹹蛋黃的香味和本身的鮮味，令到本來平凡的莧菜，變得不平凡。冬瓜薏米水$68，甜度適中，非常滋潤。

初訪莆田海港城新店，裝修摩登華麗，空間感十足，環境清潔乾淨，座位非常舒適，設有卡位雅座。莆田新推出海蠣篇新福建菜式，《海蠣菜式》$209/兩款。即六款海蠣的菜式，可以優惠價$209，自選兩款，品嘗海蠣的真正味道。海蠣肉質飽滿，味道鮮甜。 福建海蠣煎海蠣的數量非常多，非常足料，蛋煎至金黃色，內裡是鮮美多汁的海蠣肉。外層香脆與海蠣肉相互融合，令口感層次感豐富百秒黃花魚原條黃花魚連煲上，黃花魚肉質超級嫩滑，新鮮香甜，湯汁既能帶出魚的鮮味，但進食時，因黃花魚較多細骨，需倍加小心！莆田荔枝肉 招牌菜，非常岀色，一試難忘！外層皮薄炸至香脆，而內裡肉質鬆軟，豬肉肥瘦適中，肉腍入味，味道酸酸甜甜，十分醒胃。再配搭荔枝肉、青椒、紅椒、蕃茄。鮑魚紅燒肉福建特產南日鮑鮮嫩入味，文火燜香鮮肉，紅燒肉油脂層與肉層分佈平均，入口鹹香惹味，齒頰留香金湯時蔬上湯加以金銀蛋烹調，湯汁咸香，令莧菜掛滿湯汁精華，辟走了莧菜的草腥味