莆田 (形點 I)

營業中

休息中

自從搬家後, 我地多左去莆田食飯,  因為喜歡呢度坐得舒服, 同事的服務也不錯~  呢日我地再次嚟到位於元朗yoho的莆田開餐~ 先來小食 <冰鎮苦瓜>, 砌到成朵花咁, 賣相吸引! 師父刀功很好, 切得好簿, 加上冰鎮入口特別爽脆, 伴花蜜一起吃, 甘甘甜甜, 很消暑~ 見到招牌蟶子我地流晒口水, 仲有8種食法, $198可選兩食, 實在太抵食, 絕對推介!呢度嘅蟶子份量十足而且好新鮮㗎~ 我地揀左 <蒜蓉蒸蟶子>和<鐵板鹽焗蟶子> ~<蒜蓉蒸蟶子>用大量嘅蒜蓉一齊蒸, 非常惹味, 肉質爽滑, 而且師父蒸嘅時候已經開左邊, 我地自己唔洗開殼, 好方便~ <鐵板鹽焗蟶子> 愈新鮮嘅食材其實唔需要點調味已經好好食! 呢款鐵板鹽焗蟶子, 簡單用鹽一齊焗已經好入味, 完全食出佢本身的鮮味來~ 睇嚟蟶霸稱號的確實至名歸! <莆田荔枝肉> 口感像咕嚕肉, 外脆內軟, 用新鮮荔枝一齊炒, 食到啖啖荔枝香, 口味很清新, 多吃也不會膩！ <莆田扁肉湯> 甚有名氣,

媽媽節梗系同媽媽食餐好㗎啦，媽媽鐘意食海鮮又想坐得舒服，於是就揀左元朗yoho mall 嘅莆田食啦！Yoho 嘅蒲田都算大間，樓底高空間感大，光線又充足，坐得好舒服。一開始上左個冰鎮涼瓜片，完全吸晴好靚，雖然好多人都唔鐘意食涼瓜，但佢呢個做法確實令唔少人都會試試，冰鎮完薄片再點上蜂蜜水，好清新。之後再上個莆田扁肉湯，啲湯好好飲啲餃子細細粒好易入口，好開胃。蒲田當然要食蟶子啦…好似仲話呢款蟶子只此一家有得食，而家仲做特價198係8種煮法揀兩種食法，款款煮法都想食，唯有叫店員推介，最後揀左最受歡迎嘅蒜蓉蒸法及薑葱炒法兩款。先上枱嘅係薑葱炒蟶子，驚喜在超大碟又隻隻肥美大隻，好鮮甜又肥美，忍唔住不停食，連啲薑葱都完全KO哂，好惹味第二款係蒜蓉蒜開邊蟶子，唔駛講都知好味，每隻蟶子都鋪滿蒜蓉，將蟶子嘅鮮味帶哂出嚟。小菜嗌左個出名嘅荔枝咕嚕肉，較一般食肆嘅咕嚕肉嚟得更清甜，荔枝嘅清甜令到咕嚕肉更鬆軟，好味。最後上興化炒米粉，料多又有兩隻大蝦，最好食係啲米粉好幼身又重米香味，炒得好輕身食落都唔會有罪惡感。

近排見莆田再推出蟶子節，所以今次母親節就黎再食莆田。酥炒芋芯叄芭爆蟶子係今期嘅新出品！叄芭爆蟶子發現原來係用類似小炒王嘅方式去炒蟶子，但只有韭菜花和蟶子。 呢道菜炒得好香口，而且有少許類似XO醬嘅味道，香辣惹味，令我們食過唔停！蟶子雖然望落細細條，但食落好好肉地! 鐵板鹽焗蟶子賣相精美，蟶子隻隻肥美鮮甜，雖然用鐵板製作但絕無乾邊的問題，反而肉汁仍然被鎖住，入口蟶子嘅鮮甜味道一湧而出，其間花椒嘅香味隱約出現好過癮。雖然細細粒，但肉質結實食落口感十足。興化炒米粉。銀絲米粉依然咁幼細，配埋酸辣嘅自家製辣媽醬，清爽又好食。最後埋單先幾百蚊，今次呢餐母親節飯真係好抵

我係莆田既忠實粉絲，已經介紹左幾個朋友入坑，好鐘意食佢個興化米粉、頭水紫菜，佢個自家製辣椒醬餸米粉係好食到欲罷不能，清新酸辣。每年蟶子當造，我都會黎莆田品嚐蟶子，之前食過花雕蒸蟶子鮮味非常。今年都唔例外，召左友人K同我去莆田擦返餐，我地一致達成共息要叫興化炒米粉同荔枝肉，另外友人想試冰浸苦瓜同莆田扁肉湯，蟶子方面貪心叫左兩款：蒜蓉蒸蟶子、參巴爆蟶肉。冰浸苦瓜- 擺盤好靚，苦瓜薄切砌左一朵花既形狀，苦瓜帶甘唔苦，點上蜜糖感覺小孩都可以接受到，而且d冰係食到最後都唔係好溶，新鮮度得以保持。興化炒米粉- 這個不用講，每次必叫，佢既米粉比一般幼細，師傅冇加太多油煮，米粉絲絲分明，配料方面有蝦球、花甲、五香肉絲、洋蔥、小白菜絲同芹菜絲，好豐富。配上辣媽醬就是很惹味，佢個醬唔會得個辣字，而係有酸、甜、麻，好香，撈完個米粉好有東南亞風情。莆田扁肉湯- 湯好清甜，扁肉細細隻，好似小雲呑咁，但佢個皮係用燕皮，非常薄身（上網check返先知，燕皮以荔枝棒槌反復敲打新鮮豬腿肉至少上萬次後，再撒上蕃薯粉，擀制製3 小時而成），食落鮮香彈牙。莆田荔枝肉- 食福建菜必定會見到呢道菜式，感覺就好似菠蘿咕嚕肉咁，荔枝

星期六同媽媽黎到元朗搵食,一早就target左呢間食福建菜的莆田，始終媽媽都係鍾意食中菜多啲!!冰鎮苦瓜($49)，擺盤精美，我平時係唔食苦瓜嘅，但媽媽喜歡就冇辦法，試咗一兩片對我來講唔算太苦，清香爽口，點左蜜糖有幫手提升味道!! 莆田扁肉湯($22一位)，印象中冇喺其他餐廳飲過呢個湯，紫菜湯加上小雲吞，小雲吞的皮做到很薄，是好考師傅手工的菜式!!興化炒米粉($86)，媽媽很喜歡的菜色，米粉有點像台灣的新竹米粉，炒落有米香，加咗鮮蝦蜆冬菇等材料一齊炒，加埋辣醬一齊食更加惹味!!! 最後是蟶子兩吃($198)，點了蒜蓉蒸蟶子和叄巴爆蟶肉!! 這個不得了，我們都一致覺得非常美味和抵食，蟶子非常肥美，這個真的特別推介一定要點來吃!! 感覺莆田的食材很有質素，服務也不錯，下次家人食飯也會再來的!!

今日同朋友嚟到元朗莆田食福建菜，位置都算係方便啊，而且餐廳室內嘅環境舒適優雅，好彩唔使等位啊。今期做推廣嘅係聖子，而且十分之抵， $198 ，可以任揀兩款，正！呢碟上枱嘅係冰鎮苦瓜，苦瓜？我以為係一朵藝術品，呢道菜果然考廚師嘅報告，碧綠色型苦瓜，望落去晶瑩剔透，放落口夠晒冰凍，而且點左一啲蜜糖食，口感清新，好似食緊水果，唔怪得頭先個店員不停推介啦。扁肉湯，一啲都唔可以睇小，入面好細粒好似雲吞嘅物體，食落口有魚魚皮餃加雲吞嘅感覺，鮮味十足，而且外皮彈牙，越食越滋味。興化炒米粉，米粉好獨特，係佢哋嘅自家出品，米粉口感爽口彈牙，而且材料好豐富有蝦，炒得乾身又香口，真係食到停唔到口。鐵板鹽焗聖子，份量好多，而且隻隻聖子都好肥美，最緊要嘅都係冇沙，因為食開貝殼類，最驚嘅就係有沙，每一粒聖子都充滿淡淡的鹽香氣，份外滋味。荔枝肉，肉口感豐富，肥瘦適中，而且外表酸酸甜甜好惹味，用你送飯果然一流蒜蓉蒸蟶子，淡淡的蒜蓉香味，聖子香甜，入口新鮮，啖啖肉，又後生，份外覺得滋味，如果配上粉絲，會更加完美。

平民米芝蓮莆田向來是本人飯堂最近在做蟶子推廣，便拉幾名飯友一起來精美四小拼 $119九轉小腸沒有豬腸的腥臭味，肉質彈牙滷汁味道頗香，怕食豬腸的本人也覺得不錯鹵水嫩豆腐一咬鹵汁在口爆發，內裡豆腐真的很嫩滑蝦苗拌頭水紫菜、水晶豬蹄凍最愛的兩道涼菜，紫菜絲質幼軟，少少酸味很開胃；豬蹄凍口感Q彈，帶微微辣，很正蒜蓉蒸蟶子 $198/2道蒜蓉和貝海產一直是好朋友蟶子鮮甜美味，如果有粉絲更好鐵板鹽焗蟶子 $198/2道鹽焗味道雖較蒜蓉清淡，但更能食到蟶子的鮮味個人較喜歡這道做法閩香洋燒排 $149/5PCS肉燜得軟腍入味，筷子輕輕一夾便可不會有狼狽食相興化炒米粉 $86這是每次都必點，米粉幼細軟綿再加酸辣的辣椒醬食，味道有點泰菜感主食完食也不會很濟酥炒芋芯 $89外脆內軟，鹹鹹甜甜，作為甜品沒膩感總括而言，莆田這次的蟶子真係不錯下次有機會再食會想試蟶子其他款式

今日咁啱入元朗搵朋友，就去咗朋友介紹嘅莆田食福建菜。小妹近排中意去食中菜，結果真係好有驚喜🤩🤩。✨ 冰浸苦瓜👧🏻 一開始小妹見到苦瓜的時候，打算唔試，因為我真係好怕苦味😂。但店員推介話一定要試，朋友又中意苦瓜，咁我就有一試啦。苦瓜涼涼浸浸，加上附上的蜜糖，唔會好大苦味，夏天超消暑。✨ 莆田扁肉湯👧🏻 小妹鐘意嘅其中一樣餸。湯好有紫菜味，而扁肉似小雲吞，但個皮好似魚皮餃咁樣好香。當中，佢地嘅豬肉餡小妹我幾欣賞，佢地需要打非常耐先可以起到膠，小妹我先食到佢地爽口嘅感覺。✨ 莆田荔枝肉👧🏻 上碟嘅時侯以為同普通咕嚕肉一樣冇咩分別。但一試發現荔枝肉無咕嚕肉咁酸，而且好清新。✨ 興化炒米粉👧🏻 米粉配上鮮蝦同其他海鮮，鮮鹹味好出，炒起上黎略帶焦香，好脆口好香。聽店員講米粉係日曬，非常之幼細，入口好舒服。✨ 鐵板鹽焗蟶子👧🏻 重點黎啦，蒲田呢排熱捧蟶子，咁小妹我當然要試試啦。將海鹽和花椒加熱，蟶子放上面焗熟，蟶子鮮甜味一分都無流失，食出蟶子原味鮮味。✨ 蒜蓉蒸蟶子👧🏻 蒜蓉味道滲入蟶子之中，而蟶子的鮮味又唔會被蒜蓉超過，帶濃郁的蒜蓉香。蟶子外型細小，食落口好方便。

我同我哥就愛吃海鮮類巧合地聽到元朗YOHO有間莆田專吃蟶子，仲要$198任選2種食法，總共有8種食法一到餐廳就滿是蟶霸的推廣見到最受歡迎的是鐵板鹽焗蟶子各種食法真係令人大開眼界再加上圖文並荗，俾左個概念你先~~等你慢慢揀裝潢絕對係合曬標準啦~始終係起元朗YOHO新開既樓盤樓下的餐廳座位坐得闊落~~首先，送上是莆田扁肉湯睇餐牌我最初以為係肉湯，送上先發現扁肉既意思係餃子不過佢地既莆田扁肉湯真的幾好食湯底好清甜，同時又有餃子可以食下原來入面就是所謂的刀工十分犀利的擺出一個冰浸苦瓜成朵花咁，仲要好薄薄，配上糖漿所以吃上去一點都不苦~興化炒米粉難得一遇的，平時好少機會食到咁幼細的米粉，仲要好吸味的~~所以就咁食都好滿意底下仲有蝦、蜆肉咁~呢個超好食的莆田荔枝肉雖然得一粒荔枝肉，但好清甜同埋原來除左用菠蘿之外，仲可以用荔枝肉黎煮咕嚕肉~黎啦，我地既主食就是蒜蓉蒸蟶子100一碟的份量算超值，加上出名新鮮同埋用料不差、調味更是無得輸~~食落無渣、無沙花雕蒸蟶子用左花雕酒黎蒸，上菜個陣就傳來陣陣香氣了~~~同埋迫在一個盅裡，浸花雕的時間同接觸面多所以每一個蟶子都是淡淡的花雕味~~好好食

莆田以新加坡菜及福建菜作賣點，適合不同口味的人仕。元朗這間莆田非常多人，我們walk in的關係等了15分鐘左右才可以入座。本想試試一系列的蟶子菜式，但星期日晚上8時都已經賣光了，非常失望。經店員推介下，我們點了其他菜式。冰浸苦瓜冰浸苦瓜做前菜，上枱十分吸晴，每片苦瓜都薄如嬋翼，砌成一個美麗的蓮花一樣，點蘸蜜糖，冰涼爽脆，甘苦相間，解暑佳餚。莆田荔枝肉莆田荔枝肉是開胃醒神的一道菜，有點像廣東菜的咕嚕肉。橙紅的甜酸茨汁做得剛好，顆顆肉粒宛若新鮮的荔枝酸甜馥郁、肉汁滋潤鮮美，色香味俱全！興化炒米粉這個興化炒米粉材料豐富，有很多配料在裏面：有蝦、蜆、豬肉、蛋、花生等再加以上等濃湯燜炒，味道不會太重口味。米粉鬆韌，白如雪、細如絲，口感鬆軟得來韌性。莆田扁肉湯莆田扁肉湯有點像平時的餃子湯，扁肉以薄薄燕皮包覆，口感鮮美、彈牙。 湯頭清甜，不會死鹹。福建特色海蠣煎這個煎蠔餅好有份量，與平時的炸蠔餅不一樣，會有點像蚵仔煎。雞蛋邊煎的非常香脆，而中間的海蠣份量實在有夠多，也不會太多油和太厚粉，煎後香脆可口。 莆田這間新加坡菜非常有特色，平常很少機會嘗到，希望下次可以試一試他們的蟶子菜式。

四月份加左人工當然就要搵餐正餐廳獎勵下自己啦, 我同老公book左今日七點半係yohomall 既莆田, 唻到門口先發現原來係米之蓮餐廳, 係等緊入座既時候餐廳會拎d小食出唻比大家試, 仲有茶可以飲添！真係未入座先興奮呀！餐廳有好多套餐可以簡, 無論係兩公婆到一大班人既選擇都有, 我地見門口蟶子做緊推廣, 非常吸引, 所以就叫左蟶子炒蛋, 同埋蒜泥蒸蟶子, 蒜不嬲同海鮮好夾, 而且蟶子自身非常新鮮, 好鮮甜, 再唻個炒蛋簡直一流！個蛋炒得香口, 配上多汁既蟶子, 真係味覺大爆炸！再唻我地見menu既苦瓜好特別所以就叫唻一試, 估唔到喜出望外, 苦瓜切到好薄, 冰陣住好爽口, 再配埋蜜糖好似食緊生果咁, 之後再有荔枝肉同炒米粉, 荔枝肉既炸粉好少, 保持到肉質既幼嫩,其實我一向對米粉一般但今日打破我對米粉既印象, 唔會炒到條條分明, 唔會過濕一pat, 用唻送小菜一流, 當然茶都好滑, 我地都refill左三四次！依一間餐廳我估好快我又會再光顧！

同屋企人一行三人去YOHO MALL食lunch，見到莆田唔駛等位所以就直接入座～除左係旁邊既翠園排得太過份之外，亦都受到莆田既招牌菜蟶子吸引入左黎任揀兩款平dd，所以三個人就揀左兩款不同煮法既蟶子試下 蒜蓉蒸蟶子 - $109蟶子略嫌有沙同較鹹，勝在蟶子夠鮮同爽口搭夠 叁芭爆蟶肉 - $109可能無殼既關係，食唔到有沙，而且用炒既方法整更加惹味，顯得肉質更爽口，比較推介呢款蟶子～除左蟶子，都點左d小食同主食試下味同飽番個肚 冰浸苦瓜 - $49幾有驚喜既一道小食，蘸上蜜糖既苦瓜有種食涼拌青瓜既感覺～ 莆田荔枝肉 - $89叫完發現被騙，因為只有幾粒荔枝肉，碟菜都係以咕嚕肉為主，雖然係咁，咕嚕肉酸酸甜甜開胃之餘，肉質亦夠爽嫩 莆田扁肉湯 - $22味道略鹹，但扁肉皮入面既豬肉好結實，口感十足食左兩道有豬肉既菜式，發現莆田除左蟶子之外，有豬肉既菜式都係唔錯既選擇 興化炒米粉 - $86米粉好幼身比較少食，望落細細碟但三個人食都剛剛好，但老實說性價比就一般喇香港唔算有好多專門食福建菜既餐廳，如果家人想治下思鄉病都可以考慮一試呢～

今次嚟到屋企樓下嘅莆田提早慶祝母親節，貪佢就腳價錢實惠之餘一啲都唔失禮😊😊🥢莆田哆頭蟶 $198/2道蒜蓉蒸蟶子-蟶子細細但比想像中飽滿和鮮美，以簡單的做法烹調，四平八穩。鐵板鹽焗蟶子-比蒜蓉豉油蒸再簡單一點的做法，每隻蟶子都原汁原味。🥢精美四小拼$119九轉小腸-滷得甘香，口感軟熟。蝦苗伴頭水紫菜-大人細路都鍾意嘅紫菜，加了點醋調味，十分開胃。滷水嫩豆腐-質感似豆卜，滷至軟綿綿，吃到豆香又帶陣陣滷香。水晶豬蹄凍-皮凍不會做得很膠，伴以微辣的口水汁，另一開胃小吃。🥢紅菇燉土雞$198有足半隻烏雞，但燉得不夠，味道偏淡。🥢冰浸苦瓜以苦瓜薄片堆砌式花朵形狀，清香爽口，吃不慣苦瓜的可蘸些蜜糖來個苦盡甘來。🥢莆田荔枝肉調味合格，但今次整得偏淋，唔夠香脆。🥢漁民紫菜燜飯伴以紫菜和蠔豉碎粒一起燜，每口也吃到淡淡鹹香。🥢酥炒芋芯 $89芋頭味甚為香濃，以糖霜把外層炒至焦脆，可以當甜品食。

朋友介紹呢間米之蓮一星, 門面幾靚, 食物賣相又幾好喎.今晚仲有個蟶霸專題推介, 我諗都係屬於蟶子, 但係細隻好多.冰浸苦瓜, 整得好靚, 係凍食, 好清甜, 好甘味.莆田燜豆腐, 好重豆漿味, 重係燶燶地個款, 唔受得就食唔到.紅菇鮮蟶湯, 紅色湯底有D恐佈, 其實都味道一般.蒜蓉蒸蟶子, 呢個超好味, 佢個蒜蓉好特別, 配埋蟶子一流.漁民紫菜燜飯, 無乜味道, 一pat pat, 可能燜飯係咁呱.見到隔離枱叫左個百秒黃花魚, 係咁話好食, 如果下次再黎, 要試下呢個黃花魚.仲有AM賺, 唔錯.

依排經常看見莆田的廣告，主題係佢地的蟶子王，睇得多都俾佢吸引左，決定來試一試。我地無book位，無諗過咁多人！！門口推滿了拎飛的人，大家如果黎食野記得book位🤭打開餐牌，當然睇左我地黎的主題:蟶子🤩 依家有特價，8款口味任選2款$198最後我地選擇左酒糟蟶子，蟶子比我地想像中大粒，而且冇沙。酒汁滲人蟶子裡，超入味😍😍另一款係炒的蟶子，平時多數食蒜蓉蟶子，這個食法還是第一次，蟶子肉厚身，每啖都係肉👍👍再叫一個米粉，依個米粉真係飽肚之選😆又平又大碟，也有不少海鮮！！再叫一個四小碟，有九轉小腸，豆腐，豬腣凍同埋海草。九轉小腸係4款最好味的。如果有選擇恐懼症可以叫這一個，便可試不同口味😎