荳子 (PopCorn 2)

營業中

休息中

去開將軍澳附近做野 見到好耐無食過嘅荳子終於可以一嘗all day breakfast 了😙😙一早見到咁豐富嘅早餐 個人都醒晨啲架😁羅馬菜同微煎過嘅蕃茄都十分爽甜配上juicy又有咬口嘅蘑菇片 感覺好健康😂特別一提荳子提供嘅唔係一般嘅窩夫而係疑似冬甩嘅bagel😍😍😍Bagel口感鬆軟 濕濕地咁 有好香蛋味想淡味少少就配忌廉一齊食 口感輕盈想濃味少少可配茄汁豆 酸酸甜甜咁 口感得意😊食完個大早餐再配返杯凍檸蜜 簡直係完美可惜略嫌蜜糖過多太甜了⋯稍為美中不足😔

每隔幾個月的姊妹淘，放假的我跑到將軍澳來回合在九龍東的姊妹們，能夠吃個便飯，簡單的過一晚，更新彼此間工作和感情狀況，已算是打工仔在這個忙碌都市間算不錯的卷顧了。 吃過荳子在荃灣的下午茶，晚餐還是第一次。我們相約6:30，早點到達避過晚市的人龍。將軍澳的店面明顯比荃灣的大。問過店員餐廳用膳不限時限，很感動可以放心詳談，現時大多熱門的餐廳為做生意都限時用膳，感覺很不享受。 我們更被安排到角位窗台的一個四人座位，有綠色人造草皮襯托外，可以看到寧靜的將軍澳街景，亦好像在餐廳自成一角，有專屬的空間。主食類如薄餅、意粉、全日早餐等均附送餐飲，即使改配飲品清單上的也有優惠價，更可以加錢配上沙律或炸意大利飯波等。 黑魚子煙三文魚蜆肉意大利粉意大利粉煮得入味，蜆肉份量挺豐富，雖然黑魚子看起來只像點綴，但仍有淡淡咸鮮。煙三文魚爽口，份量適中，每人都可以分享得到。 炸意大利飯波以前曾經在別的地方吃過同樣的小食，印象深刻。隨餐加$25可以追加一份，但份量略小，只有三個飯波。 外層炸得香口，炸粉夠薄，不過飯略嫌淡味。 巴馬火腿火箭菜薄餅薄餅餅底超薄，但卻沒有期待中的脆口。火腿

今日去左將軍澳探朋友Y生的小bb，一輪攪攪陣下已經成7點幾，咁就梗係順個便係呢區食個靚飯，於是就係友人既帶路下，就去左呢間餐廳開飯~~去到後，排了約半小時才有位，環境不錯，但面積較細，座位不多坐低後叫左澳洲羊架，份量十足，煎得則好，咬開仲有好多肉汁，口感鮮嫩，配埋炸得香口的薯條一齊食，真係正！什菌Risotto就軟硬適中，汁不會太黏之餘，仲滲出陣陣黑松露的香味，而蘑菇又很清新，不會搶去黑松露香，同時仲令成個飯更有層次，好味道~~威廉梨榛子撻上鋪滿了切得厚薄適中的雪梨片，感覺很清新，切開後中間有榛子蓉和梨蓉，唔會太甜，加上脆口的餅底下，口感清爽而不膩，味道配搭和諧，做得十分不錯！鮮果布頓撻既賣相精緻，果撻上鋪滿多種生果，口感鬆軟香脆，生果亦很清新爽甜梳夫厘外貌相當特別，看似一個小島上的一棵綠色小樹，打開後，裏面的蛋白打得夠起，鬆軟綿綿，滲出綠茶香味，教人回味無窮！埋單$405, 每人平均二百元，都唔算好貴喇

Beans 之前試過荃灣分店，覺得不錯，知道beans 新開左家附近的popcorn，終於今日得閒黎朝聖。軟殼蟹松露意粉$98。價錢中上，份量適中。味道方面幾好，意粉掛汁力度足，而且食意粉最怕一係汁唔夠太乾，一係汁太稀太水，但呢到就剛剛好，控制得不錯。軟殼蟹味道亦好，蘇脆粉漿不會過厚，但蟹份量比想像中少。跟餐特飲是3D蕉糖咖啡，圖案好可愛呀，呃like岩哂。入口既奶泡都好幼滑，溫度適中，口感不錯！最後食埋甜品緣茶卷蛋，正呀，啲cream多到爆哂出黎！

BEANS終於在將軍澳開了分店了。新店開幕了一段時間，依然大排長龍，平日LUNCH都要等30MINS，因位子不多吧。每個侍應都很忙，但服務態度尚可接受，坐下不久便問是否下ORDER，餐牌未看完又問，問了好幾次吧，食完後又急著拿走碗碟，有點被催假的感覺。來試試：忌廉汁鮮蟹肉蟹棒配蟹籽意粉，大大蟹棒，尚算有蟹味，忌廉汁很香濃，能配合海鮮之味道。黑松露軟殻蟹意粉，軟殻蟹不但脆而新鮮，且大大隻有肉感，意粉爽口彈牙，很有水準。小食有炸薯仔蝦，多面為脆薯，包著肥美的鮮蝦，做出脆內軟的口感。甜品是威廉榛子梨撻，頂層是片片鮮梨，滑而爽口，夾著香濃的榛子蓉，餅底還是脆的，很新鮮。

曾在同學口中聽過這間cafe, 好像是說環境不錯之類, 這次他更親自邀請去吃一餐, 在滿滿的好奇心下便應邀了, 來到將軍澳的荳子門前裡面環境寬敞舒適, 燈光並不刺目, 氣氛甚好而且當時去到也算是挺安靜的, 感覺悠閒寫意餐具是木貿的呢, 文藝感正慢慢的上升中！3D 法式焦糖燉蛋LATTE3DLATTE可算是這裡的特色了吧, 好像很多人都有叫當然要相機食先～可愛得都不忍心攪拌了!味道香濃, 因為是法式焦糖燉蛋所以口味偏甜抹茶吐司除了上面有抹茶雪糕外, 還撒了抹茶粉, 整個吐司都是烤得香脆的將冰涼的雪糕加上熱騰騰的吐司, 配合得宜

很多時候，小弟在撰寫食評前都會參巧一眾食家大作，希望發掘一些人家沒有品提的東西在自己的文中發表一下。發現Openrice的食評中很多都把荳子定位為文青Cafe，但怎樣才算是文青Café？我不太懂，但傳統上Cafe是否文青聚腳之地呢？我倒有點歷史典故想跟大家分享一下。拜讀台灣作家張安平先生新作 - 鐘擺上的味蕾，書內對Cafe 的歷史有以下描述:在1645年意大利出現了第一間Coffee House (法語是Cafe的意思)，不久便傳遍歐洲各地，最初咖啡館是女姓禁地，只有男姓可以光顧。當時的咖啡館在全歐洲飾演的角色有如今天的網際網路，重要資訊都在館中交換，據說牛頓的『萬有引力定律』是跟幾位大名鼎鼎的科學家( 包括天文學家哈雷)在牛津大學Lebanese Man of Jacob咖啡館中的一次討論後得到啟發。資本主義之父Adam Smith 亞當史密夫的名著『富國論』，很多篇幅皆在咖啡館內完成，而當時他的通訊地址根本是倫敦一間咖啡館。百科全書Encyclopedia的編纂，也是由狄德羅及達朗貝爾在巴黎一間咖啡館Cafe de la Regence 內完成。以上的，只是在Cafe 中孕育出的

走文青路線Cafe香港實在少有、正正在將軍澳Popcorn商埸有一間。一頓晚飯、自覺文青了…＜＜偽文青＞＞不是嗎？凱撒沙律醬汁恰到好處、不多也不少；菜蔬新鮮甜美龍蝦湯賣相新款、上層是龍蝦湯、下層是海鮮、有蝦、蜆和帶子。平常的龍蝦湯是有龍蝦肉、海鮮類可算第一次。湯底濃稠、龍蝦鮮味突出、可惜調味方面鹹了點。南瓜鮮蝦意大利飯粒粒飯飽滿、生熟之間有質感、浸入了南瓜精華、非常滋味。鮮蝦爽脆彈牙、還有磨菇和洋葱、口感豐富。抹茶蛋卷抹茶忌亷輕盈幼滑不過甜。散發香濃抹茶味、苦中帶甘、混合了紅豆粒和啫喱粒、啖啖可口。卷蛋亦綿綿鬆軟、蛋味濃郁、值得推介之一。Afagato將甘苦的Expresso注入雪糕內、雪糕慢慢溶化、又香又滑的一杯咖啡兼甜品出來了。味道確實一流。一間坐得舒適、價錢親民、食物水準又不錯、怪不得每晚人龍不絕。

是日往將軍澳逛街，記得荳子的甜品挺有名氣，便暫時忘記減肥大計入內一試究竟了。 店舖以木色為主，給人寧靜舒適的感覺。在蛋糕櫃被層次分明的秋.抹所吸引了，便二話不說點了這款蛋糕。賣相十分漂亮呢。然而和外在相比，味道就有點令人失望了。入口依然和想像中一樣口感豐富，但抹茶味不突出。雖然味道不如想像，但在將軍澳區能找到一間可以安靜地休息半天的咖啡店已是很難得了。

瞬間就已經去到今年既最後一日，辛苦左成年，當然要嘆吓先得，今晚我就走左去呢間餐廳食吓夜放鬆吓~黑松露什菌意大利飯 $ 92入座後我就叫左個黑松露什菌意大利飯 ，侍應送來時已經有好香黑松露香味，食落菇菌好清新爽口，加埋唔會好胡口的醬汁下，倍感滋味，同時亦很有嚼感，在口腔中每咬一口都瀰漫著濃香的氣味，確是十分好食，唯份量就較少。紅豆抹茶窩夫(配綠茶雪糕) $ 45食完個飯當然唔飽，所以就叫埋個紅豆抹茶窩夫(配綠茶雪糕)黎試試！個樣很漂亮，不過就不是街上能成日看到的窩夫，反而是一個小甜圈咁，內裡為中空，放著又甜又大粒的紅豆，細味一口後，發覺綠茶雪糕好滑又好清新，紅豆亦煮得甜軟，另小甜圈則十分鬆化，將三者一併食下，層次感之豐富，很是好味！熱檸蜜最後再來一杯暖暖而潤喉的熱檸蜜作結，感覺極為完滿~呢間餐廳很舒適，食物亦有一定水準，有機會都會再次幫襯喔^^

文青來吃, 偽文青來吃, 連我這位文藝中坑也來吃 ....一大疊餐牌 ~Lunch Menu (Mon-Fri 11:00-18:00)我點了午餐的 忌廉汁鮮蟹肉蟹棒伴蟹子意大利粉 配美式咖啡一杯 $58忌廉汁鮮蟹肉蟹棒伴蟹子意大利粉(鮮蟹肉蟹棒, 其實是鮮蟹肉絲 & 蟹柳棒) 一絲絲的蟹肉夠鮮味, 蟹棒正正常常沒有雪氣, 白汁濃稠奶滑, 味道溫和, 意粉的軟硬度適中, 整體味道十分 balance ~ Iced Americano咖啡味道調得不俗, 果酸度不高, 還頗合我口味 ~午餐 + $25 可點是日精選蛋糕我點了 法國鮮忌廉蜜糖青檸卷蛋法國鮮忌廉蜜糖青檸卷蛋蛋糕的質感柔軟而輕盈, 青檸味道清新芬芳, 真實而不造作, 卷蛋內的忌廉入口即融, 那層忌廉打得細滑豐厚, 奶香味濃, 是厚厚的卻不覺甜膩, 水準很高 ~ 其實 .... 去餐廳用膳, 關文藝, 關青年 什麼事 ? 奇怪 ~本篇完 ~

第一次光顧，果然冇失望，，order了兩款意粉也甚具質素，一款白汁蟹棒蟹籽意粉，本來平凡的白汁，有微微的蒜味，使味道更香，意粉不是港式意粉，林pat pat, 係爽口彈牙，撈勻了的蟹籽滿怖意粉中，口感非常好，每啖也有蟹子，這道意粉80分另一款羅勒什菌意粉，磨菇汁配意粉已經是絕配，羅勒碎香味先係靈魂，羅勒不搶磨菇味，磨菇也識趣地給羅勒一個重要位置，意粉彈牙爽口，這個有85分值得一讚是餐飲的薑母茶，香濃薑味，少甜好好飲唯一要彈係甜品，底部係好香的香蕉蛋糕味，底部的香蕉蛋糕味值85分，配以上面的cream係非常夾味，cream唔算好滑，可惜cream實在太多，太漏，頂唔順，如果比例係一比一，效果可能更好結論係，會再光顧

和男友到將軍澳逛 Popcorn ，晚飯時間找吃的，見到 >>>荳子 BEANS The Backyard<<< 餐牌食物相當合意，火速決定在此用膳。餐廳不設派籌，只能在門口排除輪候，或許要考驗食客對餐廳的忠誠度矣。排了大概十五分鐘，冰和男友隨即被安全入座。二人入座，餐桌旁邊放了三張椅子，方便食客放置隨身物品，非常貼心。侍應還即時送來清水，一邊喝，一邊點餐吧。排隊期間，二人已細緻讀過餐牌，故此，侍應送上清水後，其實是男友一邊點餐，冰一邊喝水 (#￣▽￣#)餐廳雖屬 cafe 形式，但供應的不只咖啡等飲品，食物選項也相當齊全，食飯飲嘢也好，一個地方就可搞定。餐廳裝修甚具型格，檯面被射燈照著，充足光線下，不單容易看清楚餐牌，也能拍到亮麗的食物照喲。點 Latte 的話，可要求咖啡師製作 3D 版 ，但落單時需表明此項要求，也需耐心等候。冰沒額外要求 3D Latte，故此很快就可品嚐到 Rose Latte 玫瑰拿鐵的味道。Rose latte 鮮奶味香濃，配著玫瑰花香，在口腔縈繞，相信是女生喜歡的感覺。味道稍甜，但不令人抗拒。男友揀了 Gr

今日係細佬生日, 一家人決定去beans 用餐,平時於繁忙時間經過必定大排長龍, 心想究竟係咪真係咁好味~ 今日決定一試!令我覺得最靚係佢個環境, 以木為主要idea, 有草做襯托bean 最主要食西餐, 最開心係有egg benedict , 將軍澳唔係度度有, 另外都有熱食例如意粉, 意大利飯..同主打甜食, 好多人食完都讚不絕口。 我地點左小食拼盤, 黑松露軟殼蟹意大利粉, 千島醬蟹棒蟹子帆立貝pizza, egg royale set拼盤一到我地都哇一聲, 真係好大份!洋蔥圈炸得金黃香脆。其他就一般般另外, 黑松露軟殼蟹意大利粉因一到場已被吃光, 冇影到相但非常creamy , 加埋黑松露味, 比一般忌廉香汁更惹味, 係最好味既一道菜反而最令我失望係egg royale set 既egg benedict, 可能自己中意食有醋味既poached egg, 呢間就食唔到醋味, 包既質感係煙韌個種, 係平時某快餐店既豬柳蛋漢堡個隻, 口感就見人見智主要泥講, 呢間既熱食比all day breakfast 更好食, 但價錢不平, 圍埋都要600 蚊島, 相信等將軍澳人潮走先再食下一

昨日係將軍澳STAR睇完戲，餓餓地咁，於是就係戲院附近搵食，行經呢間新開張既CAFE，於是就走左入去試吓 呢度環境好舒適，坐低後我同男朋友就叫左2個餐同甜品 先送來既係三文魚蜆肉意粉 食落三文魚好鮮甜，醬汁不會太咸太膩，蜆肉也很鮮甜彈牙，意粉亦煮得剛好，唔會太硬或太淋，口感軟熟鮮香，加上濃郁的蘑菇忌廉汁下就更是滋味 另外亦叫了款巴馬火腿薄餅，當中的長長火腿甚為惹味香口，加上特製的醬汁下，就更是味美，食在口中完全唔會覺得好乾身，算係做得相當不俗~及後我們亦各自加了一個甜品，跟餐只需另加$25就得，我就揀左輕乳酪藍莓芝士蛋糕，賣相雖然未至於好吸引，但味道就好正！芝土味香濃不在話下，藍莓更係爽口清甜又多汁，加上焗得極之脆口的餅底下，層次感就更為豐足，一個字"正"！而香蕉拖肥批雖然以cream為主，但食落又完全唔覺得膩，cream好滑又唔會太甜，拖肥仲好香滑，配上朱古力粉、甜香四溢的蕉片及脆餅底下，味道更具層次，好味得我食完一啖又一啖，都係很是好食 埋單時都係只需要$2百幾蚊，價錢合理，又坐得舒適，真係唔錯！