荳子 (PopCorn 2)

營業中

休息中

臨近新年我決定就算1個人都要豪飲豪食！於是就走左去屋企附近既新開文青咖啡店食盡佢~~~~一入到去太開心，於是就眼闊肚窄地叫了幾款食物 先叫了碗龍蝦湯暖暖胃，淺嚐一啖，有好香龍蝦味，口感幼滑如水，但龍蝦味就異常濃郁，當中更有與質感彈牙的龍蝦肉，飲完一啖就好想再飲下去，正！主菜方面就叫左澳洲羊架，個樣幾得，食落又好嫩香，唔太有羊酥味，做得很不俗，加上羊架本身都好鮮甜，食在口中啖啖濃郁羊肉香，配上薄荷醬食用下，完全不覺油膩，加上份量十足，食完大半已經超飽肚！食完主菜，當然都要食返件餅先完滿，於是我就叫左件香蕉拖肥批，呢件批既3/4都係超滑既忌廉，唔會太甜，口感綿滑如絲，淨食忌廉都好好食，而批底就係好香甜既香蕉片同好脆口既餅底，確係堅好味，如果要係呢件餅同主菜中2揀1，我會選擇食呢件餅，因為真係太好味 係食到超飽下，我死都要叫埋呢杯伯爵茶拿鐵，因為就係想睇吓咖啡師會拉出咩圖案來，等了又等下，侍應終於找黎~一望之下原來係海賊皇呀 呢個時候當然係相機先食~~之後細味一口，啡底濃滑微香，奶及咖啡的比例調得剛好，口感也很幼滑，果然沖得真的不錯，所以就算飽死之下，我都要堅持飲盡先走人！係食下he

通往星星戲院，通常會經過這天橋。就在天橋的轉角位，有家新餐廳未曾試過。其實這餐廳早於11月底已經開張，只是新開張那天人龍超長。好多祝賀花牌呢！想到剛開張的餐廳，廚房運作是否暢順？餐廳職員是否適應新店鋪？保險少少，還是過一段時間後才光顧吧！今天去看戲，看戲前來一個晚餐吧！想起這家餐廳。來到門口，稍等一陣，職員帶領至內堂就座。經過石板路及甜品櫃，原來內裡裝潢是大自然為主，有別於Popcorn其他餐廳呢！先看看餐牌吧！共選了薄餅及意粉再加小食及甜品。 炸薯仔蝦2件　加HKD25有一份炸小食，以長長的薯仔絲卷著蝦仁（有蝦尾）。 孜然單骨雞翼　　雞翼孜然味不重。食雞翼要有儀態，要用刀叉。而單骨的做法，非常方便客人以刀叉起出雞骨。 巴馬火腿火箭菜薄餅　青綠的火箭菜白色芝士紅色巴馬火腿及茄膏底，緑白紅的配搭，就是意大利國旗了！！這份薄餅真的充分體現了意大利（國旗）的色彩！火箭菜份量不多，原本的苦澀味，都被巴馬火腿的鹹香及芝士香味蓋過了。　　卡邦尼黑松露煙肉意大利粉　 意粉表面鋪有一堆菇菌類，頂部有黑松露醬，由客人自行拌勻所有食材。意粉QQ煙韌，並非茶餐廳果D軟腍腍貨色。白醬十分Creamy，能附在每

文青cafe荳子終於喺將軍澳PopCorn開分店, 每次經過見到潮聖人龍都有啲駭人, 於是揀平日晚上八點半過後嚟飲杯熊仔拉花咖啡.是日雖然已經八點半過後, 但依然仲要排隊, 等七八張枱左右, 內心掙扎好唔好排隊等, 不過既然好想見熊仔就排吓啦.結果一排排左九個字先入到餐廳, 既然咖啡先係主角, 食品方面就叫兩個澱粉質醫肚.軟殼蟹意粉有一隻軟殼蟹切半, 軟殼蟹新鮮炸起, 意粉al dente, 食味不俗.南瓜鮮蝦意大利飯好creamy, 米粒半生熟有咬口, 南瓜雜菇味道香濃, 中蝦有幾隻, 雖然唔係新鮮貨色但食落爽口可中和risotto比較飽膩.兩個主菜味道不俗但份量都比較少, 單食唔多夠, 可能預咗食客會要叫其他嘢如甜品食.只有熱飲Latte先可以有立體拉花, 由於製作需時, 喺叫主菜時已經落單.玫瑰拿鐵先上, 有一瓣玫瑰花裝飾, 見到立體熊仔好可愛, 真係唔係好捨得攪拌熊仔飲落肚.咖啡飲落冇乜玫瑰花味, 同一般Latte味道差唔多. 不過杯咖啡奶味甜味都唔重比較strong.榛子拿鐵有少少榛子甜味, 比較易入口.由於時間較為夜多數甜品賣哂, 冇乜可揀, 下次有機會先再試.

每次經過popcorn, 都見到呢間餐廳大排長龍，所以每次都因為被長長的人龍擊退了我！今次幫襯因為有朋友住嗰邊，提早去排，才讓我有機會食！雖然一早排隊，但都等了45分鐘才可入座！由於等咗咁耐，所以自己都對今餐好有要求！是次點了兩款意粉: 黑魚子三文魚磨菇意粉及黑松露軟殼蟹意粉！前者用料幾多，亦有好多磨菇，而且意粉有咬感，係我喜歡的質感，好食！ 但當食到黑松露軟殻蟹意粉，完全完勝！身為黑松露粉絲的我，對餐廳煮的黑松露菜式特別挑剔，因為外面好多餐廳都係聞落有味，食落無味！剛好呢碟就做到聞同食都有味，再加上脆脆的軟殻蟹，真係無得輸！ 另外還點了荔枝伯爵茶latte及甜點: 抹茶卷蛋及紅桑子拿破侖，味道還不錯！

在荃灣享譽成名的小店，近來進駐了香港的另外端。近在咫尺又怎有藉口不去？7點半左右到達，已經全店滿座，門外大概要排6-8張枱⋯⋯幸好平時沒耐性的我没放棄，大概15min就可以入座。甫進去有一條小小的石板路，好像要把我們從商場帶到另一個境地。店員安排我們坐在一角，可以清楚看到店內的裝潢。以木和石頭為主的裝潢，好像去了城市的後花園，感覺很舒適。而且位置寬鬆，一點也不迫夾。蟹棒肉蟹籽意粉 $88 - ★★★★☆主食價錢中等，大約$100內。朋友推介一定要吃意粉，於是叫了一個試試。蟹棒蟹籽堆得滿滿，非常猛料，而且鮮味。入口爽爽的，一點腥味／雪味都没有。意粉軟硬適中，還有點彈牙。加上creamy白汁、點點香草，賣相與味覺都令人很滿意！ 焦糖香蕉窩夫All Day Breakfast $72 - ★★★☆☆另一個餐選了all day breakfast。雖然叫"all day"，晚媽媽吃總是覺得怪怪的 XD窩夫不似平時吃那種「格仔餅」型，貌似冬甩 / bagel。口感鬆軟、有點濕潤、蛋味濃郁。質地有點似蛋糕，配上蜜糖，加少少cream，感覺輕盈。香蕉上的焦糖厚度得宜、香脆。那種一敲即碎的清脆聲音，

耳聞身在荃灣區內的"荳子"cafe很有水準。今次小弟反倒不是來她的總店光顧，而是跑到於我而言更老遠的將軍澳去試一下新舖的東西....雖不是週末日的放假時份但竟然也要在門口排隊等候入座，由此可見這兒的人氣是如此的高 (特別是商場內其他的店子都在"拍蒼蠅"，唯獨在此是要等位的)....兩個人來當然叫不了太多的份量，但最後好歹也點了好幾款前菜、主食加上甜品。是完完全全的一個full-course menu....先來一客焦糖單骨雞翼來熱熱身....醬汁似乎有點太多但勝在沒有焦燶及苦味跑出來；雞翼皮仍留有少許脆口，肉也不覺嚡柴....接著下來是口味帶點和式的千島醬蟹棒蟹籽帆立貝pizza....批底雖不屬自製homemade但嬴在烘得夠熱，批邊亦留有丁點的香脆；芝士下得蠻重手狀態處於半溶之間有營造出拉絲的效果；蟹籽咬將下去卜的一聲響起之後鹹味便跑了出來；蟹棒及帆立貝全屬冷藏貨色感覺相對就一般得多。個人對千島醬帶來偏甜膩的味覺一向不太抗拒的，故此縱然不是很正宗的做法但也仍可接受....黑魚籽煙三文蜆肉意粉同樣是尚可的水平 ---- 忌廉汁有點兒偏多帶少許水汪汪要扣點分，收汁的功夫看來要改善一下了

這位咖啡女孩吃過荃灣那家，知道將軍澳開了分店後便拉我來試試。平日7點多到達，已經有條短短的人龍。排了約十五分鐘後終於有位！點了個南瓜鮮蝦意大利飯（$108）。自己廷喜歡南瓜的食品，所以二話不說便點了。顏色偏黃，不是南瓜本來的顏色，可能是混了忌廉的效果吧？意大利飯味道不錯，有意大利飯應有的質感，煙韌有趙口。鮮蝦亦夠爽口，整體不錯呢！跟餐可加$20要凱撒沙律，沙律很令我感到驚喜呢！出奇的大碟和好吃！撈過沙律醬的菜，上面還配有煙肉乾粒和麵包粒，更香口美味。另外還點了個小食拼盤($98)，有肉醬薯條、啤酒洋蔥圈、2款味道的雞翼、沙律菜等。滿足到貪新鮮，什麼都想試的我倆。辣味和焦糖雞翼也不錯，整體偏乾身。洋蔥圈未見有啤酒味。另外咖啡女孩又怎能不點咖啡呢？朋友點了伯爵茶拿鐵，我則點了泡沫鮮奶綠茶。兩杯入口都不錯。伯爵茶味濃，而鮮奶綠茶則較重茉莉花茶味。較推介伯爵茶拿鐵呢！

其實之前一路經過荃灣，都好想試下d甜品，但次次都食到飽最後無去。點知講下講下，講到原來已經開埋分店，仲要係我地區將軍澳，所以真係想做就去做，想愛就去愛，蘇州過後真係無艇搭架啦。呢間店新開，所以裝修都好乾淨簡潔企理，都係主要用黑色同木既裝飾，再放d植物咁，唔會花巧，正如其名啦"THE BACKYARD"後花園，一個輕鬆舒服既地方。開頭諗住只得甜品，點知不來都好多咸點選擇，所以都一次過試埋。食完先感覺到咸甜皆宜，真心值得推介。忌廉蟹肉蟹棒蟹子大利粉個名好難但亦係吸引之處，咁多蟹既product，哈哈，最鐘意creamy既sauce掛在每條意粉上，配有鮮甜既蟹棒、同魚味重d既蟹肉，再加埋粒粒蟹子於口腔內爆發。班尼狄蛋黑魚子煙三文魚好靚既一份all day breakfast。最鐘意欣賞cut開既雞蛋，睇住蛋黃流出，再用番個包點番食，好好味，而且煙三文魚都好香，最怕有d鋪頭用好差好腥質素個d。孜然單骨雞翼單骨雞翼都食過，孜然雞翼都食過，但在西式地方食單骨既孜然雞翼又第一次。我個人覺得有d咸，不過d孜然味好香，有上癮感覺，而且雞保持有汁，讚！蜜糖玫瑰花瓣型窩夫期間限定，所以點都要試一試呢!WAF

之前去過荃灣的荳子, 感覺不錯, 沒想要連將軍澳也有一間,馬上排隊。可能午餐時間, 人流比荃灣那間少人。等了2張台就有位。點了個午餐和一個all day breakfast. 餐飲的那杯姜茶十分淡......早知加錢飲其他All day breakfast: 那個貌似bagel的, 是甜的。感覺似waffle那種質地,幾香口。再額外加$25加個蛋糕,點知好失望。那$25只能係當買佢既賣相。質地好似放左好多,水份都有點乾掉的感覺。

近年將軍澳站一帶商場均引入不少新晉食店，令居民及遊客選擇越來越多。還記得家人假日甚為喜歡到潮家酒樓飲茶，不過在前排已結業，地方則分拆成兩間新晉店舖，其中一間就是荳子了，新店開業不久，每次經過這裡門外也有不少顧客捧場，是日小妹就好奇地過來試一試。店內裝潢落足本，時尚的佈局，令用餐環境更添舒適，食物選擇多元化，初來報到，印象頗不錯!甫入店內，已被櫥窗內的蛋糕吸引著，每款都非常精緻，未吃晚餐已想先吃甜品><"太邪惡，可惡了!餐廳提供All Day Breakfast、意粉、小食、吐司等，選擇頗多。其實晚餐的意粉價錢亦算合理，$7x~$9x已包一杯飲品，可選擇檸檬蜂蜜、黑糖萎母茶等。也可加錢，轉飲其他飲品。當決定好吃什麼後，再望望飲品一欄，Latte具不少口味選擇，再看到「如有需要可為客人製作獨一無二的3DLatte」，問到店員是什麼來的，原來是拉花，但每次的款色都不同，所以頗神秘，就要下這杯巧克力曲奇拿鐵吧! 蕃茄肉醬溫泉蛋意大利長通粉/$72，是意粉一欄中最便宜的，起初沒有抱什麼大期望。第一口覺得挺惹味，酸度味道剛好，控制一流。再將溫泉蛋整穿，混合長通粉，令長通粉帶有豐富的

由於太忙關係，所以聖誕節前都未有跟朋友L見面交換禮物，所以節日過後就都係要同佢食吓飯交換返份禮物先得~今晚我地就揀左去呢間餐廳開飯 可能由於餐廳係新開張關係，都幾多人排隊下，排左一陣後，我地就入內坐低叫左幾款食物~第一樣是口感好清新既凱撒沙律，呢個係因為揀左主菜後可加$20點選的，所以份量較少，不過就正好合我地想食少少既需要，沙律菜好新鮮又爽甜，加上脆口的麵包糠及咸度適中的凱撒醬汁下，口感極fresh，作為前菜黎講，真係好正！第2樣就係我好鍾意食既哈密瓜火腿 火腿切得薄薄，唔算太咸，包裹著口感清新而微甜的哈密瓜一齊食就更是滋味無窮，呢道菜堅係好食，好快仲被我食晒添 主菜方面我地揀左5成熟的美國肉眼扒，食落肉質都好有牛肉的香味，食得出牛扒本身都屬一定價格，唯廚師以薯條墊在牛扒下方，令薯條吸收了不少油及醬汁，使口感未夠香脆，而伴碟的西蘭花就很鮮甜，整體黎講都算ok！食左一輪又傾左一輪後，我地就叫左伯爵茶拿鐵齊齊飲 倒出來茶香撲鼻，又夠晒熱，淺嚐一口絲滑而無雜質，甚是香醇，同時亦正好能有助清化 跟手我地都叫左個件馬達加斯加雲尼拿子拿破崙，一黎到有少少意外細件，不過食了一口就覺我幾好

晚上到將軍澳看葉問3，我和妹妹餓得很，於是入了一間新開的西餐廳 BEANS the backyard eat dinner環境和裝修很特別，舖面很大，主大是黑和灰, 走型格路線!我叫了一個軟殼蟹黑松露意粉，賣相漂亮，軟殼蟹外脆內軟很香口，而且意粉上舖滿甘香的黑松露, 口感十足，意粉超彈牙，水準之作!妹妹最愛黑松露什菌意大利飯，真的很香，加上什菌鮮甜和松露的清新，真的天衣無縫!看了一套好电影加一頓出色的晚餐，心情大好!

最近荃灣大熱的BEANS 終於係將軍澳popcorn開左分店以一個商場食肆黎講，呢度都算幾大好彩早d去，都係等2個人， 我地之後，人龍就開始出現了~以商場食肆黎講，呢度既價錢算係相宜一個主食加一杯野餐飲都係80, 90蚊度, 仲可以加錢加沙律同cake，唔怪得出現人龍啦～雪櫃放左是日甜品，就係可以叫主食加25蚊換的cake，賣相好吸引呀~先黎一個 加20蚊的沙律其實問心，加20蚊一個沙律唔算平囉不過呢個沙律真係唔錯，菜好新鮮，醬又調得啱啱好，唔會成pat沙律醬溜死個隻~呢度食飯係限時的，只得一個半小時所以佢上菜速度都好快下，一陣已上哂主菜(還好佢既甜品唔會一齊上埋)巴馬火腿，雜菌白松露油菠菜寛麵HKD 98 菠菜麵就無咩菠菜味，不過軟硬度控制得唔錯~火腿亦無一陣噏味，不錯~卡幫尼黑松露煙肉意大利粉HKD 88意粉彈牙，混合左卡幫尼白汁變得口感好滑係最底既汁有少少過咸。食完主菜，當然要食阿囡最期待既甜品啦~呢個輕乳酪藍莓CHEESE CAKE 係阿囡去雪櫃位自己揀既上枱時會係底加塊石頭碟同"BEANS"糖霜，即時高級左十倍呀~賣相就WIN左，不過可能係輕乳酪的關係CHEESE 既香和味道

我發覺香港人都有種all day breakfast癮, 不是嗎?就算M記在新年推出全日早餐都嚷著要去試, 我就是其中之一了.荳子是一間café, 除了有西式食物外, 亦有一系列的all day breakfast, 而且價格亦相宜, 怪不得荳子的兩間分店都成為了該區的新晉長龍店啦!雖然價格親民, ,但食物水準卻是令人喜出望外的!Eggs Royale ($88)班尼狄蛋做得很不錯! 蛋白熟透, 但蛋黃中央仍是流心的, 把蛋黃戳開, 蛋黃徐徐流出, 與黃澄澄, 味道酸酸甜甜的荷蘭汁互相融和, 加上質素挺高的煙三文魚, 入口油潤豐腴, 吃得出有一種桃木煙燻的味道. 最上面灑上點點黑魚子, 矜貴之餘, 魚子咬開的時候, “卜”的一聲, 口感亦很過癮.再配上烘得脆脆的多士同吃, 實在是滿分的配搭!而伴碟的沙律亦很不錯, 沙律菜很新鮮, 黑醋醬汁酸酸甜甜的很開胃.黑松露軟殼蟹意大利粉 ($98)意粉煮得剛剛好, 口感爽口彈牙, 不會過腍. 而每口意粉都充滿黑松露醬汁味道,菇菌味十足, 亦好creamy. 軟殼蟹炸得酥酥脆脆的, 而且軟殼蟹都算飽滿, 吃得到有不少蟹肉及蟹膏但如果份量多一點會較好

放假數天，又上班了，心情總是想繼續放鬆。所以2016第一個放lunch，就選擇了有悠閒cafe feel的Beans來坐坐。話說，放lunch只有1小時......心情想怎樣悠閒動作都要快！而且經驗所得，每個午飯時間餐廳都會有6-10人排隊，所以未到餐廳，我和同事已分配好一人衝去排隊，另一人先去拿menu睇，善用排隊時間揀食物，那麼入座後就可馬上點餐！約等了7分鐘，成功入座近門的2人小桌，我們亦立馬點了兩份餐：1. 名字比親子丼殘忍的''忌廉汁蟹肉蟹棒蟹子意粉''2. 平常過平常的''黑松露軟殼蟹意粉'' 如各位喜好吃蟹，蟹蟹蟹意粉絕對是不二之選，因為意粉中除了每一口都有鮮蟹肉，還有蟹棒蟹子提升蟹味。不過亦由於蟹味太多.......同事說蟹味在胃中久久不能消散...。另外，黑松露軟殼蟹意粉，黑松露味道適中，但軟殼蟹只有一小隻，體積就略嫌偏細了...還有餐飲，選擇算有不少新意。咖啡、峰蜜檸檬、薑母茶，冬日暖暖來一杯，甚為放鬆..味道也不太甜。原本還想加$25多吃一個甜品，可惜時間迫人......只好相機先食，另找一日再吃個飽